LinkBuds
Со LinkBuds, секогаш сте поврзани со секојдневниот живот. Удобно носете ги преку целиот ден и јасно слушајте ги звуците околу вас без да чувствувате притисок врз ушите. Останете во контакт со луѓето и местата без да треба да ја паузирате вашата лична придружна музика. LinkBuds ги спојуваат секојдневниот живот и забавата што ја сакате, без разлика каде одите и што правите.
LinkBuds се доволно удобни за да ги носите цело време и паметни за да се прилагодат на вашиот живот и да ви понудат поврзување со луѓето и забавата што ја сакате.
Погледнете како LinkBuds ви овозможуваат да бидете поврзани и да ја контролирате музиката благодарение на комбинацијата на извонредно удобното вметнување, дизајнот од отворен вид и високиот квалитет на повиците и звукот.
Мали и лесни со прстенест дизајн од отворен вид, LinkBuds постојано ги поврзуваат сите ваши светови.
Разговорите се извонредно јасни и овозможуваат реалистично доживување при слушањето, а целата ваша музика е подобрена.
Нашите паметни функции го прават користењето на LinkBuds навистина едноставно и нудат контрола без напор.
LinkBuds користат рециклирани пластични материјали за естетските делови и амбалажа без пластика.
Благодарение на водоотпорноста IPX4 и долгoто траење на батеријата, LinkBuds може да ги користите секогаш и секаде.
LinkBuds совршено ги поврзуваат сите ваши светови благодарение на прстенестиот дизајн од отворен вид што ви овозможува да ги слушате повиците, музиката и другите онлајн содржини во секое време, а истовремено транспарентно да ги слушате и амбиенталните звуци околу вас, без никаков притисок врз вашите уши. Мали и извонредно лесни, со стил што нуди извонредно удобно вметнување и пријатно носење со часови, тие постојано ве поврзуваат со вашиот живот и ви овозможуваат да не пропуштите ништо.
Погледнете зошто овие безжични слушалки за во уво се прекрасни за користење и нудат јасен звук, повици и разговори.
Јасно слушајте ги соопштенијата дури и кога слушате музика
Природни двонасочни разговори при носење LinkBuds
Појасно слушајте ги звуците од околината
Слушајте го вашиот глас и музиката без ехо
Со тежина од приближно четири грама и извонредно мали димензии, LinkBuds се минијатурно чудо. За разлика од стандардните слушалки за во уво, заштитната површина што ја покрива мембраната на звучникот е вградена во куќиштето, со што се заштедува простор.
LinkBuds комбинираат облик што совршено одговара на човечкото уво и ергономски дизајн за постабилно вметнување. Ги дизајниравме LinkBuds од опширните податоци за формата на ушите собирани од првото појавување на слушалките за во уво во 1982 година.
Воспоставувајте повици без шум за кристално чисти разговори. Слушајте музика со висококвалитетен звук, при што процесорот за подобрување на дигитален звук (DSEE) ги обновува песните со компресија, така што вашите омилени бендови и изведувачи секогаш ќе звучат одлично.
Благодарение на технологијата за прецизно откривање гласови што нуди напредна обработка на аудио сигнали, соговорникот ќе може јасно да го чуе вашиот глас при повиците, дури и кога се наоѓате во бучни опкружувања. Нашиот алгоритам за намалување на шум беше развиен со машинско учење со AI со користење на над 500 милиони примероци од гласови за да го потиснат амбиенталниот шум и јасно да го истакнат вашиот глас во разни опкружувања.
Уживајте во добро балансиран, висококвалитетен звук со јасен опсег на средните и високите тонови. Нашиот вграден процесор V1 ги репродуцира сите детали од вашата музика со минимално изобличување и ви овозможува реалистично доживување при слушањето. Специјално дизајнираниот прстенест звучник од 12 мм со приспособлива мембрана (ниско одбивање) нуди богат и добро балансиран звук.
Кога оригиналниот извор на музика е компресиран, се губат делови од високите фреквенции што ги збогатуваат песните. Процесорот за подобрување на дигитален звук (DSEE) верно ги обновува за да создаде звук со висок квалитет кој е поблиску до оригиналната снимка.
Нашите паметни функции овозможуваат полесно да уживате во забавата и да останете во контакт.
LinkBuds можеби се мали, но тоа не значи дека се тешки за користење. Со функцијата за широка површина за допир, може да допрете двапати или три пати пред вашите уши за да ја контролирате репродукцијата на музика, така што нема потреба да ги допирате самите LinkBuds за да ракувате со нив.
Приспособливата контрола на звукот е паметна функција што автоматски ја оптимизира јачината на звукот во зависност од местото каде што се наоѓате. Јачината на звукот е помала на потивките места и поголема во побучните опкружувања.
Штом почнете да разговарате со некого, може да ја поставите функцијата Speak-to-Chat автоматски да ја паузира музиката и да пропушта само амбиентален звук - практично ако не сакате да ги извадите слушалките или рацете ви се зафатени. Штом завршите со разговорот, музиката автоматски ќе продолжи.
Добијте помош без да ги користите рацете. Изговорете „OK Google“ или „Alexa“ за да го активирате гласовниот помошник. Забавувајте се, разговарајте, добивајте информации, слушајте музика и известувања, поставувајте потсетници и друго. Контролирајте ги функциите како што е проверката за преостанато ниво на батеријата со помош на гласот. Може и да реагирате на е-пораките во Microsoft Outlook и да користите Microsoft Teams преку Google Assistant или Siri.
LinkBuds ја поддржуваат новата функција за брзо впарување на Google. Со еден допир и со прикажани упатства, LinkBuds нудат брзо и лесно впарување со уреди со Android™ преку Bluetooth®. Лесно може да пронајдете каде сте ги оставиле вашите слушалки со звучен сигнал или со проверка на нивната последна позната локација преку вашиот паметен телефон. Ќе добиете дури и известување кога батеријата на слушалките има малку енергија за да знаете дека треба да ги наполните.
Функцијата Swift Pair нуди брзо и лесно впарување на LinkBuds со вашиот лаптоп со Windows 11 или Windows 10, компјутер или таблет-уред. Кога ќе го изберете режимот за впарување, на уредите со Windows 11 или Windows 10 во близина ќе се прикажат инструкции за впарување.
Заради максимална практичност, овие слушалки со Bluetooth® може да се впарат со два уреди со Bluetooth® истовремено. Ако добиете дојдовен повик, слушалките знаат кој уред ѕвони и автоматски се поврзуваат со него. Исто така, со притиснување едно копче ќе можете брзо да избирате кој од тие два уреди ќе го слушате преку слушалките.
Со брзиот пристап може да ги поставите LinkBuds да продолжат со репродукција на Spotify со неколку допири, без паметен телефон.
За нови можности за забава покрај музиката и повиците, LinkBuds користат нов сензор и технологија за просторен звук за прекрасен звук во игрите со Augmented Reality како „Ingress“ од Niantic.
Кога играте „Ingress“ и користите LinkBuds, сензорот и технологијата за просторен звук нудат ново доживување, а звукот се испорачува од различни правци во зависност од случувањата во играта која ги следи движењата на главата.
Вашите LinkBuds се дизајнирани не само да имаат стилски дизајн, туку и да бидат еколошки, за што се користат рециклирани пластични материјали за естетските делови и амбалажа без пластика.
За LinkBuds се употребуваат рециклирани пластични материјали од автомобилски делови.
Материјалот за пакување на LinkBuds не содржи пластика, што е доказ за нашата посветеност да го намалиме влијанието на нашите производи врз животната средина.
Слушајте секогаш и секаде благодарение на водоотпорноста IPX4 и батеријата што трае цел ден.
Со ознака IPX4 за отпорност на вода, капките вода и потта нема да ја попречат работата на слушалките - продолжете да се движите по ритамот на музиката.
Bluetooth®-сигналот се испраќа до двете уши во исто време, дури и кога има пречки, со што се овозможува мало доцнење и висококвалитетен звук. Благодарение на моќниот вграден процесор V1, ќе може да уживате во стабилен безжичен звук без прескокнување.
(A) Стандарден пренос од лево кон десно преку BT. (B) Истовремен пренос лево и десно преку BT кај LinkBuds
Добијте енергија за цел работен ден - 5,5 часа од слушалките и уште 12 часа во футролата. Тоа е енергија за вкупно 17,5 часа слушање секогаш кога ќе излезете од домот. Се брзате? Со брзото полнење од само 10 минути ќе добиете време за репродукција до 90 минути, а апликацијата Sony | Headphones Connect ќе ве извести кога енергијата во футролата за полнење ќе падне под 30%.
Благодарение на извонредно малите димензии и стилскиот заоблен дизајн, футролата за полнење може удобно да се носи во џеб или да се држи во рака, за живот во движење. Отворете ја со едноставно притиснување на копче.
Отворете го пакувањето на вашите LinkBuds и ќе пронајдете потпори за поставување во 5 големини што одговараат на различни форми на уши, како и USB-C-кабел за полнење.
Со сертифицираните слушалки за 360 Reality Audio и апликацијата Sony | Headphones Connect, оптимизирајте го слушањето преку анализа на формата на вашите уши, а потоа уживајте во врвно доживување.
Веруваме дека технологијата треба да го направи светот поинтерактивен, покреативен, позабавен и сеопфатен. Сеопфатниот дизајн што ги зема предвид потребите на луѓето и што го применуваме за нашите аудиопроизводи, ни помага да го пренесеме нашето доживување Kando на сите корисници, независно од нивната возраст, способност или опкружување.
ПОНУДИ И ПРОМОЦИИ
