360 Reality Audio е нов начин на слушање што ја користи технологијата 360 Spatial Sound од Sony. Звуците како што се вокали, хор, пијано, гитара, бас, па дури и публиката за време на настапите, може да се вметнат во сферично звучно поле од 360 степени, така што изведувачите и креаторите може да си ја изразат креативноста.

Нашата цел е да го направиме креативниот потенцијал на 360 Reality Audio достапен за сите креатори. Постојано ги прошируваме нашите партнерства за создавање, дистрибуција и проследување музика за да ги подобриме музичките доживувања.

360 WalkMix Creator™ им овозможува на креаторите да ги трансформираат содржините со стерео звук во 360 Reality Audio. Звучните елементи може да се позиционираат горе или долу, однапред, отстрана или одназад за да ги пренесат љубителите на музиката во центарот на подобреното музичко доживување.

Продуцентите и инженерите за звук во музичките студија низ светот пронаоѓаат нови начини за поврзување со слушателите, покрај стандардното стерео, со 360 Reality Audio.

Каталогот на содржини со 360 Reality Audio забрзано расте - од легендарни преработки до неверојатни настапи во живо, па дури и нови содржини како што е новиот албум „Alicia“ на Alicia Keys, добитник на Grammy Award®. Секој ден може да проследувате и да уживате во песни од вашите омилени изведувачи.

Уживајте во аудиовизуелните содржини со 360 Reality Audio каде и да сте, преку најдобрите услуги за проследување во светот. Уживајте во слушањето преку слушалки или системи за домашно кино и звучници сертифицирани за 360 Reality Audio.

Може да уживате во 360 Reality Audio на омилените слушалки благодарение на извонредното звучно поле. Водечките брендови за електроника за широка потрошувачка нудат одлични производи сертифицирани за 360 Reality Audio, од слушалки до системи за домашно кино.

Во стерео режим, звуците се генерираат преку само два звучника. Со 360 Reality Audio, изворите на звук - вокали, инструменти и ефекти - се позиционираат во сфера од 360 степени што го опкружува слушателот и создава прекрасно доживување.

Во стерео режим, музиката се репродуцира во вашата глава. Со 360 Reality Audio, музиката ве опкружува со различни звуци што се генерираат од различни точки околу вашата глава.