Оптимално доживување при гледањето, независно каде седите

Поврзете го вашиот телевизор BRAVIA XR со испорачаната BRAVIA CAM и уживајте во телевизијата како никогаш досега. BRAVIA CAM препознава каде се наоѓате во просторијата и колку сте оддалечени од телевизорот, а потоа соодветно ги прилагодува поставките за звукот и сликата. Тоа значи дека звукот и дијалозите ќе бидат појасни и пореални, а светлината на сликата ќе се прилагоди кон вашето опкружување.

Сите слики ќе се оптимизираат според вашата положба во собата

BRAVIA CAM го мери растојанието помеѓу вас и вашиот телевизор и ја прилагодува неговата светлина за да уживате во слика со совршен квалитет секогаш, независно од вашата положба во собата. Сензорот за светлина и бои на телевизорот ги оптимизира сликите според осветлувањето за да обезбеди најдобро можно доживување при гледањето.

Идеално звучно доживување од секое место

BRAVIA CAM ве следи вас и вашата положба, дури и ако гледате од страна, а потоа го прилагодува балансот на левиот и десниот звук за да добиете оптимална акустика. Независно каде седите во собата, ќе уживате во звук со ист квалитет како да седите пред телевизорот.

Слушајте јасни гласови, независно каде се наоѓате

BRAVIA CAM открива на која оддалеченост гледате и може автоматски да го прилагоди зумот на гласовите за да слушате јасни дијалози. Јачината на дијалозите на телевизорот се зголемува кога се оддалечувате од телевизорот и се намалува кога се доближувате.

Откријте нови начини за уживање во телевизијата со BRAVIA CAM

Со BRAVIA CAM ќе добиете многу нови и забавни доживувања преку телевизорот, како контрола со гестикулации, видеоразговори и многу повеќе.

Предупредувањето за близина ви овозможува да поставите препорачана далечина на гледање за вашето дете и ве предупредува ако се доближи премногу до телевизорот.

Контролата со гестикулации ви овозможува да менувате канали, да ја прилагодувате јачината на звукот и многу повеќе користејќи едноставни гестикулации, без далечинскиот управувач.

Автоматскиот режим за заштеда на енергија ја оптимизира потрошувачката на енергија преку автоматско затемнување на екранот кога не сте пред телевизорот.

Уживајте во видеоразговори со пријателите и семејството на голем екран

Разговарајте со пријателите и семејството на голем екран. Поврзете го вашиот телевизор со BRAVIA CAM и забавувајте се повеќе.

Лесно се поврзува, лесно се затвора

Испорачаната BRAVIA CAM се прикачува и откачува од телевизорот BRAVIA брзо и лесно. Преклопникот за капакот на камерата на горната страна на BRAVIA CAM овозможува затворање на камерата за поголема приватност во секое време.