Овој примарен објектив ги спојува високиот квалитет на слика и одличното дефокусирање на G-објективите во компактен дизајн со врвен квалитет на изработка и интуитивно ракување. Лесен е за носење насекаде и во секое време, па затоа е идеален за снимање портрети и сцени низ градот. Брзиот, прецизен и тивок AF е идеален и за снимање и за фотографирање и ви овозможува да ги доловувате важните моменти.

Ова е еден од нашите примарни G-објективи (се продава одделно) што нуди различни фокусни должини без да го менува надворешниот изглед, дијаметар за филтри од 49 мм и компактен дизајн и распоред. Тие се доволно компактни за да ги носите одеднаш и да бидете подготвени за снимање одлични слики од различни сцени и субјекти, а нивната слична тежина придонесува за лесно балансирање со механизмите за стабилизација. 

Метална (алуминиумска) завршна обработка на објективот и сенилото, како и гравирани ознаки за фокусната должина и решетката што го нагласуваат врвниот квалитет на изработка. Извонредно компактниот и лесен дизајн, високиот квалитет на слика на G-објективите, прстенот за решетката и MF со линеарен одзив овозможуваат интуитивно ракување што претставува задоволство при фотографирањето.

Решетката е кружна, има 7 ливчиња и нуди прецизна контрола на сферичната аберација што влијае врз дефокусирањето за да добиете прекрасно и природно дефокусирање што е карактеристично за G-објективите.

Механичкиот дизајн максимално ги користи придобивките од најсовремената оптика со три ефикасно распоредени асферични елементи на објективот и малото растојание до сензорот што е уникатно за фотоапаратите без огледало, за да овозможи компактна форма и тежина од само 173 гр. (6,2 oz). Објективот е идеален за фотографирање низ градот или за снимање со механизам за стабилизација. Преносливоста е резултат на компактниот дизајн што одговара и на куќишта за целосна слика и на APS-C-куќишта.

Високиот квалитет на слика е резултат на најсовремената оптика со три асферични елементи која создава висока резолуција во сите делови на сликата. Асферичните елементи компензираат различни аберации за да овозможат висока резолуција низ целата површина на сликата, дури и при најширока решетка со мала длабочина на полето.

Двата линеарни мотори нудат брз и прецизен AF со врвни перформанси за следење што овозможуваат максимални перформанси кај фотоапаратот за снимање на одлучувачките моменти на улиците, промените на лицата кај портретите и многу повеќе. Брзиот, прецизен и тивок AF со врвни перформанси за следење е идеален и за снимање и за фотографирање.

Дијаметарот на сенилото со навој е ист како и дијаметарот за филтри на објективот (49 мм), овозможувајќи истото капаче и истиот филтер да се прикачат и на сенилото и на цилиндарот на објективот, за уште поголема практичност.

Минималното фокусно растојание од 28 см (0,92 ft) (AF)/25 см (0,82 ft) (MF) нуди одлични перформанси за снимање одблиску. Објективот е практичен во многу ситуации, како снимање слики одблиску од цвеќиња или мали предмети што може да ги најдете низ градот, со заматена заднина што го истакнува субјектот.

MF со линеарен одзив нуди директна реакција на дискретните прилагодувања на прстенот за фокусирање кога фокусирате рачно. Ротацијата на прстенот линеарно се претвора во соодветна промена на фокусот како механичка контрола, а тоа директно ја отсликува намерата на фотографот и овозможува прецизни прилагодувања на фокусот.

Металната (алуминиумска) надворешна завршна обработка на објективот и сенилото ја зголемуваат сигурноста преку зголемување на цврстината и издржливоста. Исто така, дизајнот е отпорен на прав и влага⁰ за да овозможи сигурност во лоши надворешни услови за фотографирање.

Копчето за задржување на фокусот може да се приспособи преку менито на фотоапаратот и може да му се додели функција по желба на корисникот. На пример, ако ја доделите функцијата за AF на очи што автоматски ги следи човечките очи, тогаш прстите на десната рака што го држат фотоапаратот може да останат фиксни додека левиот палец ракува со AF на очи, за постабилно држење.

Дијаметарот на сенилото со навој е ист како и дијаметарот за филтри на објективот (49 мм), овозможувајќи истото капаче и истиот филтер да се прикачат и на сенилото и на цилиндарот на објективот. Благодарение на неговиот внатрешен фокус, предниот елемент на објективот не ротира и овозможува прикачување на кружни поларизирачки филтри за пејзажи, ND-филтри за видео итн., при што корисникот добива поголема креативна контрола.

Прстенот за решетката нуди брзо ракување какво што им е потребно на професионалците за фотографирање и снимање. Звучните сигнали за избор на чекори може да се ВКЛУЧАТ за да добивате повратен ефект на допир при фотографирањето или да се ИСКЛУЧАТ за да се исклучи звучниот сигнал при снимање, што овозможува рамномерни и природни прилагодувања на решетката во комбинација со тивките линеарни мотори. Ова е идеално за ситуации во кои е потребна тишина, како при снимање филмски сцени.

„Преклопникот за режим на фокусирање“ поддржува удобно фотографирање преку моментално избирање помеѓу AF и MF во зависност од условите за фотографирање.

Овој објектив може да се користи и со APS-C-куќишта, овозможувајќи широкоаголна фокусна должина од 60 мм (еквивалент на формат за целосна слика од 35 мм) што е практична за фотографирање различни сцени - од слики низ градот до портрети.

Внатрешниот дизајн за фокусирање овозможува должината на објективот да биде фиксна при фокусирањето, за лесно снимање видео кога е прикачен механизам за стабилизација или држач.