Објективи
Објективи
Листа со функции
Примарен објектив од 35 мм со F1,4 и големина на дланка
Најнапредната технологија на Sony за оптички дизајн и производство нуди извонредна резолуција и прекрасни ефекти на дефокусирање со многу компактен објектив. Овој објектив нуди G Master-квалитет и има пренослива форма за секакви прилики - неопходен е за сериозните корисници на фотоапарати со E-приклучок.
Спектакуларна резолуција во компактен дизајн
Напредната оптичка технологија ги искористува придобивките од малото растојание до сензорот за да ја намали вкупната должина и дијаметарот на извонредно компактниот објектив што нуди неверојатен контраст и резолуција. Двата XA-елементи (екстремно асферични) го намалуваат изобличувањето на светлината за да можете да ги доловите вашите субјекти со врвна јасност и острина.
Компактна преносливост и лесно ракување
Овој компактен објектив е лесен за држење во рака и тежи само 524 гр. (18,5 oz), овозможувајќи неверојатна преносливост и ракување во најразлични опкружувања и услови за фотографирање. FE 35 мм F1,4 GM нуди првокласен квалитет што може да го носите насекаде.
Подобрено дефокусирање и разновидни опции
Прекрасното дефокусирање, што е карактеристика на серијата G Master, може навистина да ги разубави субјектите и портретот. XA-елементите што ефикасно го намалуваат прстенестиот ефект на дефокусирање, механизмот со кружна решетка со 11 ливчиња и врвната контрола на сферичната аберација уште во фазите на дизајнирање и производство придонесуваат за рамномерни и прекрасни ефекти на дефокусирање.
Чисти и природни бои
Овој компактен објектив не само што е пренослив и лесно се ракува, туку и нуди одлични перформанси при слабо осветлување. Елементот од ED-стакло (исклучително мала дисперзија) и другите подобрувања во оптиката ефикасно ја намалуваат хроматската аберација и виолетовите нијанси за да добиете чисти слики со природен изглед и брза и лесна обработка по снимањето.
Разновидни опции за снимање одблиску
XA-елементите на објективот и иновативниот оптички дизајн создаваат минимално фокусно растојание од само 27 см (0,89 ft) и максимално зголемување од 0,23x, овозможувајќи снимање импресивни слики одблиску со рамномерно заматена заднина. Флексибилноста за избор на растојание за фотографирање овозможува солидна контрола врз снимањето фотографии и видеоснимки.
Анти-рефлективниот нано слој II спречува одблесоци и отсјај
Преносливоста на овој компактен објектив од 35 мм значи дека може да го користите во различни ситуации, вклучувајќи силна сончева светлина и силно задно осветлување. Новиот анти-рефлективен нано слој II од Sony е рамномерно нанесен врз целата површина на елементот и ефикасно ги минимизира одблесоците и отсјајот за да добиете јасни и остри слики дури и при слаба осветленост.
Природен и линеарен одзив на рачниот фокус
MF со линеарен одзив му овозможува на прстенот за фокусирање да реагира директно и линеарно за дискретна контрола при рачното фокусирање. Ротацијата на прстенот за фокусирање директно се претвора во соодветна промена на фокусот, за да се добие чувство на брза и прецизна контрола. MF со линеарен одзив е идеален за креативни ефекти со фокусот и при снимање и при фотографирање.
XD-линеарни мотори за брз, прецизен и тивок AF со следење
Малите и моќни линеарни мотори XD од Sony придонесуваат за брз и прецизен автоматски фокус и следење, овозможувајќи максимални перформанси за AF со напредни куќишта со E-приклучок за да снимате значајни моменти на улиците, моментални изрази во портретите и многу повеќе. Функционирањето на AF е тивко и со минимални вибрации.
Дизајн кој е отпорен на прав и влага0
Дизајнот што е отпорен на прав и влага0 ви ја нуди потребната сигурност за надворешна употреба во лоши услови.
Лесно избирање помеѓу рачен и автоматски фокус
Преклопникот за режим на фокусирање, што овозможува моментално избирање помеѓу автоматски и рачен фокус, може многу да ви помогне при фотографирање објекти и ситуации за кои е потребно прецизно рачно прилагодување на фокусот.
Преден елемент со слој со флуор
Предниот елемент на објективот има слој со флуор што е отпорен на вода, масло и други нечистотии, а овозможува и полесно бришење на сите нечистотии или отпечатоци од прсти што се акумулираат на површината на објективот.
-
SEL35F14GM