Овој широкоаголен примарен објектив ги спојува високиот квалитет на слика и прекрасното дефокусирање на G-објективите во компактен дизајн со врвен квалитет на изработка и интуитивно ракување. Лесен е за носење и идеален за широкоаголни слики. Брзиот, прецизен и тивок AF е идеален и за снимање и за фотографирање и ви овозможува да ги доловувате важните моменти.

Ова е еден од нашите примарни G-објективи што нуди различни фокусни должини, дијаметар за филтри од 49 мм и компактен дизајн и распоред. Доволно се компактни за да ги носите одеднаш и да бидете подготвени за снимање одлични слики од различни сцени и субјекти, а нивната слична тежина придонесува за лесно балансирање со механизмите за стабилизација.

Металната (алуминиумска) завршна обработка на објективот и сенилото, како и гравираните ознаки за фокусната должина и решетката, го нагласуваат врвниот квалитет на изработка што предизвикува задоволство кај корисниците. Извонредно компактниот и лесен дизајн, високиот квалитет на слика на G-објективите, прстенот за решетката и MF со линеарен одзив овозможуваат интуитивно ракување што претставува задоволство при фотографирањето.

Решетката е кружна, има 7 ливчиња и нуди прецизна контрола на сферичната аберација што влијае врз дефокусирањето за да добиете прекрасно и природно дефокусирање што е карактеристично за G-објективите.

Механичкиот дизајн максимално ги користи придобивките од најсовремената оптика со три ефикасно распоредени асферични елементи на објективот и малото растојание до сензорот што е уникатно за фотоапаратите без огледало, за да овозможи компактна форма и тежина од само 162 гр. (5,8 oz). Објективот е идеален за фотографирање сцени или секојдневни слики, за фотографирање со механизам за стабилизација или за снимање автопортрети со широк агол на гледање. Преносливоста е резултат на компактниот дизајн што одговара и на куќишта за целосна слика и на APS-C-куќишта.

Високиот квалитет на слика е резултат на најсовремената оптика со три асферични елементи и еден елемент од ED-стакло (исклучително мала дисперзија) која создава висока резолуција и го намалува мешањето на боите во сите делови на сликата. Асферичните елементи компензираат различни аберации за да овозможат висока резолуција низ целата површина на сликата, дури и при најширока решетка со мала длабочина на полето. Елементот на ED-стакло ја елиминира хроматската аберација и ефикасно го намалува мешањето на боите што е поверојатно да се појави во периферните делови на сликата.

Двата линеарни мотори нудат брз и прецизен AF со врвни перформанси за следење што овозможуваат максимални перформанси кај фотоапаратот за снимање на одлучувачките моменти на улиците и многу повеќе. Брзиот, прецизен и тивок AF со врвни перформанси за следење е идеален и за снимање и за фотографирање.

Минималното фокусно растојание од 24 см (0,79 ft) (AF) / 18 см (0,59 ft) (MF) нуди одлични перформанси за снимање одблиску. Фотографирањето одблиску ви овозможува да го истакнете субјектот наспроти заматена заднина. Објективот со широк агол на гледање од 24 мм е идеален и за снимање автопортрети со прикачен механизам за стабилизација или држач.

Металната (алуминиумска) надворешна завршна обработка на објективот и сенилото ја зголемуваат сигурноста преку зголемување на цврстината и издржливоста. Исто така, дизајнот е отпорен на прав и влага⁰ за да овозможи сигурност во лоши надворешни услови за фотографирање.

MF со линеарен одзив нуди директна реакција на дискретните прилагодувања на прстенот за фокусирање кога фокусирате рачно. Ротацијата на прстенот линеарно се претвора во соодветна промена на фокусот како механичка контрола, а тоа директно ја отсликува намерата на фотографот и овозможува прецизни прилагодувања на фокусот.

Копчето за задржување на фокусот може да се приспособи преку менито на фотоапаратот и може да му се додели функција по желба на корисникот. На пример, ако ја доделите функцијата за AF на очи што автоматски ги следи човечките очи, тогаш прстите на десната рака што го држат фотоапаратот може да останат фиксни додека левиот палец ракува со AF на очи, за постабилно држење.

Прстенот за решетката нуди брзо ракување какво што им е потребно на професионалците за фотографирање и снимање. Звучните сигнали за избор на чекори може да се ВКЛУЧАТ за да добивате повратен ефект на допир при фотографирањето или да се ИСКЛУЧАТ за да се исклучи звучниот сигнал при снимање, што овозможува рамномерни и природни прилагодувања на решетката во комбинација со тивките линеарни мотори. Ова е идеално за ситуации во кои е потребна тишина, како при снимање филмски сцени.

Иако објективот е широкоаголен, може да му прикачувате филтри. Благодарение на неговиот внатрешен фокус, предниот елемент на објективот не ротира и овозможува прикачување на кружни поларизирачки филтри за пејзажи, ND-филтри за видео итн., при што корисникот добива поголема креативна контрола.

Внатрешниот дизајн за фокусирање овозможува должината на објективот да биде фиксна при фокусирањето, за лесно снимање видео кога е прикачен механизам за стабилизација или држач.

„Преклопникот за режим на фокусирање“ поддржува удобно фотографирање преку моментално избирање помеѓу AF и MF во зависност од условите за фотографирање.

Овој објектив може да се користи и со APS-C-куќишта, овозможувајќи широкоаголна фокусна должина од 36 мм (еквивалент на формат за целосна слика од 35 мм) што е практична за фотографирање различни сцени, вклучувајќи слики низ градот или планински пејзажи. Објективот се препорачува за корисници на фотоапарати со APS-C или за целосна слика.