Изберете го соодветниот објектив од обемната палета на објективи со E-приклучок од Sony и збогатете го вашиот видеоблог со неверојатни и уникатни слики. Опфатете широки сцени во заднина со широкоаголен објектив или истакнете го субјектот за да им го привлечете вниманието на гледачите со помош на објектив со фиксна фокусна должина и уметнички заматена заднина. Доближете се со макро објектив или зумирајте далечни сцени со телефото објектив.

Импресивните слики на ZV-E10 се резултат на сензорот за слика со големина APS-C на фотоапаратот. Во споредба со камерите на паметните телефони, сензорот за слика на ZV-E10 е над десет пати⁰ поголем и овозможува прекрасни слики со професионален изглед, висока резолуција и врвни детали.

[1] APS-C  [2] Тип 1,0  [3] Тип 1/2,3-1/3,4

Сензорот за слика со голем формат кај ZV-E10 е дизајниран за максимално собирање светлина и создава 4K-видеоснимки со висококвалитетни слики и помал шум, дури и кога снимате во услови со недоволно осветлување.

4K-видеоснимките⁰ што ги снима фотоапаратот се создаваат со обработката на сите точки од сензорот, што овозможува собирање приближно 2,4 пати¹ повеќе податоци, колку што е потребно за 4K (приближно еднакво на 6K). Ова прекумерно семплирање овозможува снимените содржини да имаат повеќе визуелни податоци во секоја слика, што резултира со неверојатно детални видеоснимки.

(A) 2,4 пати повеќе информации

Со тежина од само 364 грама (12,8 унци)⁰, ZV-E10 е подготвен да патува со вас секогаш кога сакате да снимате видеоблогови. LCD-екранот со променлив агол и странично отворање го олеснува снимањето автопортрети и обликувањето на кадарот, дури и ако фотографирате од висок или низок агол, а ергономскиот држач е дизајниран за безбедно и стабилно држење.

Кога снимате видеоблог, последно нешто што сакате да правите е да го барате соодветното копче. Копчето за ВИДЕО кај ZV-E10 е поставено на горната страна за брз пристап. Достапна е и практична рачка за зумирање⁰, како и копче „Still/Movie/S&Q“ за лесен избор помеѓу режимите за фотографии, стандардни видеоснимки и бавни и брзи движења.

ZV-E10 јасно ви покажува дали снимате. Светилката за снимање поставена на предната страна на фотоапаратот свети во црвена боја, а LCD-мониторот прикажува црвена рамка за да ве извести кога снимањето е во тек.

Дури и субјектите што се движат брзо остануваат во фокус благодарение на брзиот и хибриден AF на ZV-E10. Со 425 точки за откривање фаза¹ што опфаќаат приближно 84% ¹ од површината на слика на сензорот, широкото покривање и густата распределба на AF-точките овозможуваат прецизно снимање на субјектите што во некои случаи може да бидат тешки за фокусирање.

Следењето во реално време со AI⁰ кај ZV-E10 е интуитивно за користење. Допрете го екранот за да го посочите субјектот кој сакате да го фокусирате, а следењето во реално време ќе овозможи стабилно фокусирање на субјектот.

Со ZV-E10 може да се концентрирате повеќе на креативните аспекти на видеоблоговите. Функцијата за AF на очи на фотоапаратот користи софистицирани алгоритми за откривање со кои брзо и прецизно ги препознава и следи очите на субјектот, овозможувајќи стабилен фокус на очите.

Со притиснување само едно копче може да ја активирате поставката за изложба на производи на ZV-E10 која е идеална за видеоснимки за преглед на производи. Кога опцијата е активна, секогаш кога ќе ставите некој производ пред фотоапаратот, фокусот автоматски ќе премине врз тој производ, а потоа ќе се врати врз вашето лице откако ќе го тргнете производот од кадарот. Оваа опција е достапна дури и кога е активна функцијата за стабилизација на слика.

Нема потреба од сложени рачни прилагодувања - треба само да притиснете едно копче за да го вклучите или исклучите заматувањето (дефокусирањето) на заднината. Копчето овозможува избирање помеѓу заматена, многу заматена и јасно фокусирана заднина⁰, елиминирајќи ги сложените поставувања.

ZV-E10 е дизајниран да создава реални и природни тонови на кожа за сите, без дополнително уредување. Благодарение на калибрацијата за природни бои на фотоапаратот ZV-E10, тој автоматски го прилагодува изгледот на кожата.

ZV-E10 нуди ефект на мека кожа со кој вашата кожа изгледа мазна. Функцијата е дизајнирана да ја измазни вашата кожа, а притоа да ја задржи острината во областа кај очите и устата. Може да изберете четири нивоа (од "исклучено" до "високо") со кои ќе го одредите интензитетот на ефектот по ваша желба.

Дури и при ненадејни промени на осветлувањето, ZV-E10 ќе се погрижи да добиете силно осветлени содржини. Од директна сончева светлина и задно осветлени рабови па сè до сенки и недоволно осветлени агли во просториите, фотоапаратот го открива лицето на субјектот и автоматски се справува со промените во светлината преку брзи прилагодувања на експозицијата за соодветна компензација.

ZV-E10 ќе ви помогне да снимате рамномерно и стабилно кога се движите. Електронската стабилизација на слика на активниот режим⁰ придонесува за стабилни видеоснимки со минимално тресење и заматување при рачно снимање, а достапна е и кога е вклучена поставката за изложба на производи.

Со режимите за бавни и брзи движења⁰ на фотоапаратот може да снимате видеоснимки со 5x помала или до 60x поголема брзина од реалната. Фотоапаратот може самостојно да снима со Full HD-квалитет и максимум 50 Mbps, за да нема потреба од уредување со компјутер. Може да снимате и Full HD-видеоснимки со голема брзина до 120 fps^1 2 што ќе ги претворите во видеозаписи со висока резолуција и забавени движења при обработката по снимањето.

Опремен со вграден микрофон со насочување и 3 капсули, ZV-E10 снима јасни гласови дури и во опкружувања со многу луѓе. Оптимизиран е за снимање гласови пред фотоапаратот со помалку амбиентални звуци, а тоа е совршено за снимање видеоблогови.

ZV-E10 се испорачува со заштита од ветар за безгрижно снимање кога снимате на отворено. Испорачаната заштита од ветар може лесно да се прикачи на приклучокот за повеќе интерфејси (MI) за да го намали шумот во ветровити услови.

За разлика од стандардниот аналоген пренос на звук, веќе никогаш нема да треба да се грижите за пречки во сигналот поради кабелот. Впарете го ZV-E10 со микрофон од Sony што поддржува интерфејс за дигитален звук преку приклучокот за повеќе интерфејси за да добиете јасен дигитален звук без шум. Или, пак, приклучете го вашиот омилен микрофон во приклучокот за микрофон на фотоапаратот за уште подобар звук.

Бидете сигурни дека го добивате звукот што го сакате. ZV-E10 има стандарден излез за слушалки од 3,5 мм во кој може да приклучите слушалки и да проверите дали звукот се снима правилно.

Држачот GP-VPT2BT (се продаваат посебно) со Bluetooth® нуди лесна и безжична далечинска контрола на контролите за снимање и зумирање, а има и приспособливо копче. Контролите за зумирање и снимање овозможуваат снимање со една рака, а функцијата за дефокусирање е однапред доделана на лесно достапно копче за да се активира со еден допир.

Видеоснимките снимени во вертикална ориентација може да се прегледуваат исто и на компјутер и на паметен телефон благодарение на метаподатоците снимени од фотоапаратот⁰. Нема потреба од рачно ротирање на видеото, што го олеснува споделувањето на вашите содржини на социјалните медиуми.

ZV-E10 го олеснува споделувањето 4K-видеоснимки и фотографии по снимањето. Дури  и кога фотоапаратот е исклучен, сликите ќе продолжат да се префрлуваат безжично од фотоапаратот кон паметен телефон, а ќе можете да ги споделите штом се префрлат.

Видеозаписите снимени со фотоапаратот може лесно да се уредуваат преку паметен телефон со дополнителната компонента Movie Edit⁰ на апликацијата Imaging Edge™ Mobile. Функцијата за стабилизација на слика ги користи податоците од жироскопот на фотоапаратот за да ги изостри видеоснимките и да го елиминира тресењето на фотоапаратот. Достапна е и функција за интелигентно обликување на кадарот која ги користи податоците од фотоапаратот за да ви овозможи да ги отсекувате видеоснимките и да го менувате соодносот на сликата, а притоа да го задржи субјектот во кадарот.

Може да ги менувате боите за да создавате различни уметнички ефекти. Треба само да ја промените поставката за креативен стил или да изберете некој од седумте⁰ различни визуелни ефекти во режимот за ефект на слика, без дополнителна обработка по снимањето.

Ако сакате поголема флексибилност во прилагодувањето бои при обработката по снимањето, ZV-E10 ви нуди поддршка за S-Log3 - стандард за максимални перформанси на сензорот кај професионалните фотоапарати. S-Log3 овозможува широк динамички опсег и ви нуди повеќе визуелни податоци што се потребни за поголема контрола на боите при компјутерската обработка по снимањето.

Природни и реални бои во 4K HDR-видеоснимките може да добиете без обработка по снимањето или градација на боите, благодарение на поддршката што ја нуди фотоапаратот за снимање 4K HDR-содржини (голем динамички опсег) со однапред поставен HLG-профил на слика.

При преместување на фокусот од еден на друг субјект добивате прецизна контрола врз брзината на движење на AF. Брзината на движењето одредува дали ќе се изврши брзо или постепено поместување, за што се достапни седум различни нивоа.

Со режимот за фотографирање во интервали⁰ на ZV-E10 може да создавате привлечни видеоснимки со забрзани движења од фотографиите. Интервалот на фотографирање може да се прилагоди од 1-60 секунди, а може да снимите максимум 9.999 слики. Фотоапаратот може да ви прикаже како ќе изгледа конечната снимка, која потоа може да ја создадете со помош на компјутер и Imaging Edge Desktop од Sony.

ZV-E10 може да се користи како алатка за онлајн комуникација³, со помош на еден кабел, а притоа да се искористат придобивките од неговиот голем сензор и вграден микрофон. За да го користите ZV-E10 како надворешна камера³, поврзете го со компјутер² или со паметен телефон³ Xperia™ од Sony преку USB Type-C®-кабел. Режимот за проследување преку USB може да се додели на приспособливо копче за брзо проследување.

Кога снимате на отворен простор или на места без пристап до електрично напојување, батеријата на фотоапаратот ќе ви понуди енергија за континуирано снимање видео до 125 минути⁰ или за снимање до 440 фотографии¹. Фотоапаратот поддржува и надворешно напојување преку USB Type-C®-приклучок, овозможувајќи ви да користите пренослива батерија за да снимате подолго.

Кога проследувате во живо или снимате долго видео на отворен простор со пристап до AC-напојување, тогаш користете AC-адаптер како што е AC-PW20AM (се продава посебно) без да се грижите дека ќе снема енергија во батеријата.

Метаподатоците за тресењето на фотоапаратот се евидентираат во вградениот жироскоп за изострување и стабилизирање на рачно снимените материјали. Catalyst Browse / Catalyst Prepare⁰ од Sony овозможува лесно балансирање на автоматизираната компензација на тресењето и отсекувањето на сликите. Catalyst може да ги искористи и податоците за ротација на камерата. 

Подобрете ги вашите видеоснимки и фотографи со компјутерските апликации Imaging Edge⁰. Користете „Remote“ за контрола и следење на фотографирањето во живо преку компјутерот; „Viewer“ за брзо прегледување, оценување и избирање фотографии од големи колекции на слики; и „Edit“ за претворање RAW-податоци во висококвалитетни фотографии. Извлечете максимум од RAW-датотеките на Sony и управувајте со снимените материјали поефикасно.