ILME-FX6V Ракување и опции за проширување | Фотоапарати со заменливи објективи

Фотоапарати со заменливи објективи

Ракување и опции за проширување

Ракување и опции за професионалци

Лесна, модуларна и издржлива

И покрај лесното куќиште од 0,89 кг изработено од легура од магнезиум, FX6 има доволно цврстина за да се справи со лошите временски услови. Паметниот држач ви нуди лесен пристап до главните функции и лесно се прилагодува со притиснување едно копче.

Одлична преносливост за снимање

Идеална за снимање од низок агол, паметната рачка е дел од модуларниот дизајн на FX6. Лесно може да се прилагоди според потребите и да се монтира на механизам за стабилизација, дрон или подводно куќиште.

Куќиште и рамка од магнезиум што се многу издржливи и лесни

За да овозможи сигурни перформанси во лоши услови, куќиштето, капаците и горната рачка се изработени од лесна легура од магнезиум. Главната рамка овозможува голема цврстина и издржливост со минимална тежина заради максимална преносливост.

Архитектурата спречува исклучување поради голема температура

Приспособениот дизајн на системот за вентилација и куќиштето спречуваат исклучување поради преголема температура при снимање⁰ со висока стапка на слики и 4K-резолуција (QFHD). Бројот на ладилници, формата на влезните и излезните отвори за воздух и местоположбата на тивкиот вентилатор¹, како и каналите за проток на воздух, се дизајнирани прецизно за да овозможат оптимална вентилација.

4:2:2 снимање во 10 бита

Снимајте директно во камерата со неверојатна длабочина од 10 бита и семплирање на бои со сооднос 4:2:2, за значително поголема флексибилност во градацијата на сликите, дополнителната обработка и спојувањето.

Достапно All-Intra кодирање

Покрај Long GOP, сега е достапно и внатрешно кодирање со All-Intra. Сите кадри се кодираат независно со бит-стапки до 600 Mbps заради попрецизно доловување сложени движења и поефикасни работни процеси за уредување.

[1] All-Intra (All-I) [2] Long GOP [3] Група слики

Снимање во 16-битен SDI RAW-формат

За обемните процеси на обработка по снимањето е достапно снимање во 16-битен RAW-формат преку SDI-врска со компатибилни надворешни снимачи, а во камерата истовремено се снимаат и датотеки XAVC-I. Снимките во RAW-формат имаат резолуција од 4096x2160 или 3840x2160 што се добива од сензорот за слика, со избор на стапки на слики од 120¹ / 100¹ / 59,94 / 50 / 29,97 / 25 / 24 / 23,98².

Режими за снимање за креаторите на содржини

FX6 нуди режими за снимање со однапред поставени изгледи како S-Cinetone, што создава прекрасни слики директно во камерата, или S-Log3 / S-Gamut3 со режимот Cine-EI, што создаваат слики со совршена експозиција за обработката по снимањето.

Датотека за сцена за лесно менување на изгледот

Достапни се четири однапред поставени вида на датотеки за сцена наменети за SDR-снимање (S-Cinetone, Standard, Still, ITU709, 709tone) и два вида за HDR-снимање (HLG Live, HLG Natural), како и 16 места за увезување кориснички 3D LUT-содржини за да го прилагодувате изгледот без потреба од обработка по снимањето.

Извонреден и паметен држач и паметна рачка

Паметниот држач и паметната рачка од Sony овозможуваат лесни прилагодувања со едно копче. Контролите за зумирање и снимање, копчињата на кои може да доделувате функции и вртливото копче за контрола на ирисот овозможуваат удобно ракување со часови.

Професионално поврзување

Достапен е голем избор на професионални интерфејси, вклучувајќи 12G-SDI и HDMI-излези⁰, далечински интерфејс, TC-приклучоци за синхронизирање повеќе камери и SuperSpeed USB 5 Gbps (USB 3.2) за непречени работни процеси со податоци.

Приклучок за повеќе интерфејси (MI)

Приклучокот за повеќе интерфејси (MI) од Sony нуди приклучоци за напојување, сигнал и избирање за компатибилна дополнителна галантерија од Sony, вклучувајќи и безжични системи со микрофони како UWP-D21 или UWP-D22⁰.

Поддршка за влез и снимање звук со четири канали

Влезот за звук со четири канали овозможува истовремено снимање преку надворешни микрофони и вградениот микрофон. Безжични микрофони UWP или XLR-адаптери за звук како што е XLR-K3M можат да се користат преку приклучокот за повеќе интерфејси.

Два XLR-приклучоци и подобрен звук

На рачката на FX6 има два независни влезови за звук - XLR-приклучоци за лесен пристап и поврзување надворешни професионални микрофони. Исто така, преку приклучокот за повеќе интерфејси може да приклучите и безжични микрофони од серијата UWP.

Флексибилен LCD-екран со висока резолуција од 2,76 милиони точки⁰

LCD-екранот од 3,5 инчи овозможува прецизна рачно фокусирање во лоши услови за снимање. Флексибилното позиционирање со точките и аглите за монтирање овозможува удобно снимање во различни услови и со различни механизми за стабилизација.

Контрола преку брзо мени на допир

LCD-екранот има мени за контрола со брз пристап. Со еден допир може да го промените кодекот, режимот за скенирање слики, фреквенцијата и големината на сликите, минималната чувствителност/ISO, режимот за снимање и нивоата на звукот.

Два отвори за медиуми CFexpress Type A

Двата отвори за медиуми поддржуваат картички CFexpress Type A⁰, како и стандардни картички SDXC UHS-I и UHS-II, за брзо управување со податоци и празнење на меѓумеморијата. Поддржани се режими за истовремено снимање, снимање со пренасочување, со интервали и преку прокси.

Безжично следење и далечинска контрола

Поврзувањето паметен телефон или таблет со фотоапаратот преку апликацијата Monitor & Control овозможува безжично следење, прилагодување на експозицијата со голема прецизност и контрола на фокусот на поголем екран.

Дознајте повеќе за Monitor & Control

Метаподатоците го олеснуваат уредувањето со Catalyst

FX6 снима пет вида на метаподатоци: стабилизација на слика, ознаки за видеозаписи, ротација на камерата, компензација на промените во фокусната должина и компензација на изобличувањето. Тие може да се искористат при прегледувањето и подготовката за уредување во бесплатниот софтвер Catalyst Browse или во евтиниот софтвер Catalyst Prepare од Sony⁰.

[1] Сними [2] Уреди

Дознајте повеќе за Catalyst

Вграден, електронски и варијабилен ND-филтер

FX6 има уникатен, вграден, електронски и варијабилен филтер за неутрална густина (ND) од Sony. За разлика од стандардните оптички ND-филтри, електронскиот ND-филтер на FX6 може да се прилагодува линеарно од 1/4ND до 1/128ND или да се постави во автоматски режим. Тој е идеален за променливи опкружувања и ја елиминира потребата од менување филтри според промените во осветлувањето или заради задржување на длабочината на полето.

Прочитајте го текстот за ова видео

Вграден, електронски и варијабилен ND-филтер

Варијабилниот ND-филтер може да се прилагоди од 1/4ND до 1/128ND или да се постави во автоматски режим, елиминирајќи ја потребата од менување ND-филтри според осветлувањето.

Поддршка за влез и снимање звук со четири канали

Четирите канали за звук овозможуваат снимање преку надворешни микрофони, вградениот микрофон и UWP-микрофони или XLR-адаптери за звук преку приклучокот за повеќе интерфејси.

Два отвори за медиуми CFexpress Type A

Отворите поддржуваат картички CFexpress Type A што нудат голема брзина за снимање и режими за истовремено снимање, снимање со пренасочување, со интервали и преку прокси.

Професионално поврзување

Професионалните интерфејси опфаќаат 12G-SDI, HDMI*, TC за синхронизирање повеќе камери и SuperSpeed USB 5 Gbps (USB 3.2) за непречени работни процеси со податоци.

* Резолуциите што може да ги изберете се ограничени во зависност од стапката на слики и резолуцијата.

Паметен држач

Снимајте долги периоди со голема удобност користејќи ги контролите за зумирање и снимање, копчињата на кои може да доделувате функции и вртливото копче за контрола на ирисот.

Два XLR-приклучоци

На рачката има два XLR-приклучоци за надворешни професионални микрофони и приклучок со повеќе интерфејси од Sony за безжични микрофони од серијата UWP.

Паметна рачка

Паметната рачка овозможува удобно снимање и има приклучоци за надворешни микрофони, приклучок со повеќе интерфејси, копчиња за функции, копче за избирање и вртливо копче.

Слики од производот, од неговата лева и десна страна

Платформа Creators' Cloud

Creators' Cloud е платформа за креативна работа - од фотографирање до продукција - што спојува технологии за фотоапарати од Sony и AI-апликации на Cloud. Ова е место за откривање и соработка со креатори од целиот свет. Разгледајте апликации на интернет, за мобилни уреди и за компјутери што овозможуваат интеграција на фотоапаратите со услуги и апликации за снимање и продукција.

Дознајте за Creators' Cloud