Сензорот за целосна слика Exmor R™ CMOS нуди неверојатна брзина и врвен квалитет на слика. Употребата на бакарни жици придонесува за поголеми брзини на префрлување и побрза AD-конверзија, а сензорот за брзо отчитување овозможува снимање во 4K со 10 бита, 4:2:2 и 60p⁰. Сензорот нуди и подобра репродукција на бои, мал шум при целиот опсег на чувствителност, динамички опсег со 15 чекори¹ за фотографии, поголема прецизност на AF и стабилност за фокусирање. 

Процесорот BIONZ XR, што се вградува и во врвните модели како α1 и α7S III, нуди 8x⁰ поголема брзина за обработка. Процесорот ги спојува обработката на AF во реално време, препознавањето слики и прилагодувањето на квалитетот на сликата за да го минимизира доцнењето во обработката и да ја зголеми моќта за снимање и фотографирање. Обработката на корисничкиот интерфејс, мрежата и управувањето со датотеки се распоредува заради побрз одзив независно од оптовареноста за обработка во реално време. 

Видливите придобивки од новиот и моќен сензор со 33,0 MP⁰ не се изразуваат во броеви. Тука спаѓаат меки текстури на човечката кожа со природен изглед, врвни детали во пејзажите и сцените и подобра репродукција на бои, со поголема резолуција како резултат на подобрите алгоритми. Стандардниот опсег на ISO 100-51200 може да се прошири до ISO 50-204800 за фотографии и до ISO 100-102400 за видеоснимки, а се карактеризира со мал шум.

α7 IV нуди фотографирање во форматот HEIF (High Efficiency Image File)⁰, покрај стандардните формати RAW и JPEG. Рамномерните 10-битни градации нудат пореалистична репродукција на небото и субјектите во портретите, а 10-битната длабочина ја минимизира деградацијата на квалитетот на сликата при уредувањето. HEIF-фотографиите снимени во режимот HLG може да се репродуцираат на компатибилен 4K-телевизор BRAVIA преку HDMI-врска, со извонредно широк динамичен опсег. 

α7 IV ви нуди импресивен избор на опции за снимање видео. Обработката на сите точки без нивно соединување овозможува снимање во 4K со 60p⁰, а ако снимате видео во 4K со 30p, тогаш прекумерното семплирање¹ во 7K² за целосна слика создава детални 4K-содржини со висока резолуција. Можно е внатрешно снимање на видео со 10 бита и 4:2:2 што овозможува побогати и поприродни градации и поголема слобода за уредување. Форматот на датотеката XAVC HS™³ нуди приближно двојно поголема ефикасност за кодирање од MPEG-4 AVC/H.264. 

Зголемете ја вашата креативност со десетте опции за креативен изглед. Лесно внесете одреден амбиент во вашите фотографии, видеоснимки и проследувања во живо. Сите однапред поставени опции се достапни во самиот фотоапарат и не треба уредување по снимањето, за да можете да ја споделите вашата замисла веднаш по снимањето. 

α7 IV поддржува S-Cinetone, врз основа на професионалното искуство стекнато преку развојот на камерата VENICE CineAlta. Овој изглед е заслужен за прекрасните тонови на кожата по кој се прочуени камерите Cinema Line како FX9, FX6 и FX3. Тој создава природни средни тонови за бои на кожа со природен изглед, како и меки бои и прекрасни светли тонови. Бидејќи е вграден во фотоапаратот, лесно може да добиете покреативен изглед за вашите видеоснимки без потреба од уредување по снимањето.

α7 IV нуди криви на гамата S-Log2 и S-Log3, од кои втората овозможува снимање со динамички опсег со над 15 чекори⁰. Поставките за палетата на бои S-Gamut3 и S-Gamut3.Cine го олеснуваат усогласувањето на материјалите снимени со α7 IV со материјалите снимени со дигиталните камери VENICE или фотоапаратите Cinema Line како што се FX6 и FX3. Стандардната чувствителност при снимање со S-Log е ISO 800 и таа може да се намали за максимум два чекори (ISO 200-640) под стандардниот опсег за екстремно намалување на шумот.

Вградениот ефект за мека кожа ја прави кожата да изгледа поубава, ги избледува наборите, дамките и оштетените површини, а ја зачувува енергијата во областа кај очите и устата. Оваа функција ги подобрува можностите на сензорот за целосна слика, може да ги разубави проследувањата во живо и да ги подобри фотографиите и видеоснимките. Достапни се четири нивоа на поставки⁰ за да можете да го прилагодите степенот на ефектот по ваша желба. 

Модулот за прецизна стабилизација и жироскопите на α7 IV користат алгоритми за стабилизација за да овозможат компензација за брзината на блендата до 5,5 чекори[FN_11], за максимални перформанси на сензорот со 33,0 MP⁰ на фотоапаратот. Оваа вградена стабилизација овозможува ефикасно користење со голем избор на објективи. Приказот во живо на екранот ја прикажува стабилизираната слика кога копчето за блендата е притиснато до половина - тоа е особено практична функција кога користите телефото или макро објектив, а може да се користи заедно со функциите за помош при MF и зголемување на фокусот.

Активниот режим⁰ ги користи модулот за стабилизација на слика, жироскопите и софистицираните алгоритми за да овозможи ефикасна оптичка стабилизација на слика при снимање видео. Моќниот процесор за обработка прецизно ја открива потребната количина на компензација и врши рамномерна стабилизација во сите формати¹, вклучувајќи и 4K, без да влијае негативно врз компактната големина и преносливоста на α7 IV. А бидејќи при снимањето видео се снимаат и податоците од жироскопот, може да примените уште поефикасна стабилизација по снимањето со помош на софтверот Catalyst Browse/Prepare² за да добиете неверојатно јасни видеоснимки. 

И механичката и електронската бленда ви овозможуваат континуирано фотографирање со брзина до 10 fps⁰ и AF/AE со следење. Најновиот процесор за обработка и зголемената меѓумеморија овозможуваат побрзо запишување на мемориските картички, за да можете да снимите повеќе од 800¹ слики RAW+JPEG без компресија (повеќе од 1600 вкупно), или повеќе од 1000 слики RAW+JPEG со компресија (повеќе од 2000 вкупно, сè додека не се наполни мемориската картичка)². Поголемата моќ за обработка ви овозможува и да менувате поставки во менито додека се запишуваат податоци во мемориската картичка. 

Користејќи комбинација од AF со откривање на фаза и AF со откривање на контраст, брзиот и хибриден AF прецизно ги фокусира дури и малите субјекти или луѓето зад кои има темна заднина. Широката и густа површина за AF со 759⁰ точки за откривање фаза покрива приближно 94% од површината на сликата на фотографиите и видеоснимките, а системот за AF со откривање на контраст користи 425 точки. Оваа огромна количина на податоци се анализира во реално време со најновиот процесор за обработка за да добиете импресивни резултати од системот за AF. 

Врвната моќ за обработка на процесорот BIONZ XR овозможи подобрувања на функциите за AF на очи во реално време и за следење во реално време. Подобреното откривање лица значи 30% поголема прецизност за откривање очи⁰, а побрзата обработка на слики нуди поголема прецизност кога субјектот гледа нагоре, надолу или странично. Следењето во реално време ви овозможува да изберете субјект што фотоапаратот сам ќе го следи, благодарение на најновите алгоритми за препознавање субјекти и брзата анализа на просторните податоци што ја врши процесорот.

Функцијата за AF на очи во реално време може да открива очи на птици и да ги следи во реално време, при фотографирање и снимање. Процесорот BIONZ XR користи оптимизирани алгоритми за AF и следење за да овозможи непрекинато следење дури и за птици во лет, чии движења тешко се предвидуваат. Штом изберете птица, фотоапаратот автоматски ќе го открие окото на таа птица и прецизно ќе го следи, без разлика дали таа стои или лета.

Следењето со допир ви овозможува да изберете субјект кој ќе го следите со допирање на LCD-екранот, дури и ако го користите визирот, за поинтуитивна контрола на AF при снимање и фотографирање. Полесното ракување со фокусот е особено практично кога снимате видео сами или користите механизам за стабилизација и ви овозможува да се концентрирате на кадарот на снимките. 

Функцијата за помош при AF, пренесена од Cinema Line FX6, овозможува непречено вклучување и исклучување на рачниот фокус при снимање видео. Кога е вклучена оваа функција, со ротирање на прстенот за фокусирање ќе преминете привремено од автоматски во рачен фокус за да можете намерно да го поместите фокусот врз друг субјект.

Новата мапа на фокусот⁰ прикажува информации за фокусот врз сликата што се прикажува во реално време за да имате преглед кои површини се во фокус. Можноста за ваквата јасна визуелизација на длабочината на полето овозможува полесно и брзо поставување на идеална фокусна точка и длабочина на поле при пробата. Како резултат на тоа, може да ја користите одличната резолуција за видео на фотоапаратот и брзи објективи за да создадете импресивни снимки со мала длабочина на поле. 

За прв пат во серијата α, α7 IV нуди компензација за промените во фокусната должина. Промените во фокусната должина се сите промени во аголот на гледање на објективот што соодветствуваат на промените во фокусот⁰. Оригиналната технологија за јасно зумирање на слики од Sony се користи за автоматско одржување на доследен агол на гледање, за да добиете поместување на фокусот со филмски изглед. Оваа функција може да се користи заедно со стабилизацијата на слика со активен режим за да снимате стабилни и доследни содржини.

Титулата вистински хибриден фотоапарат му доликува на α7 IV бидејќи е опремен со наменско вртливо копче за фотографии/видео/S&Q за моментален избор помеѓу видео и фотографии. Вртливото копче избира помеѓу менија, функции и приспособени поставки за различни контроли од режимот за фотографии и од режимот за видео, а и опциите како решетка и брзина на блендата се посебни за фотографии и видеоснимки. Може да го изберете и режимот S&Q за брз пристап до снимање забавени или забрзани движења. 

Менија на α7 IV се посебни за фотографии и за видеоснимки, а за полесна навигација, тие се конфигурирани да прикажуваат три нивоа на хиерархија одеднаш. На неколку обични и вртливи копчиња може да доделувате посебни функции за фотографии или за видеоснимки, а тука спаѓа и новото и приспособливо задно вртливо копче R. Флексибилниот пристап што го нуди задното вртливо копче R, со контроли прилагодени според режимот за снимање што го користите, овозможува поголема ефикасност при снимањето и фотографирањето. 

Големиот LCD-екран на допир од тип 3,0 со 1,03 милиони точки⁰ и странично отворање нуди голема светлина за јасен приказ во надворешни услови, а неговиот сооднос на слика од 3:2 ефикасно ја користи површината за приказ. Механизмот за променлив агол овозможува флексибилно позиционирање и обликување на кадарот при рачно снимање, при користење механизам за стабилизација или при снимање документарци со вас во кадарот или, пак, при снимање од многу ниска перспектива. 

Quad-VGA OLED-визирот на α7 IV нуди приближно 1,6 пати поголема резолуција од визирот на α7 III, со видно поле од 37,3° и растојание до окото од 23 мм. Одликувајќи се со висока резолуција, електронски визир со подобар квалитет на слика и отпорност на замаглување и прав (вклучувајќи значително подобра отпорност на внатрешно замаглување во споредба со α7 III), тој е дизајниран за јасно и удобно гледање во различни опкружувања за снимање. 

α7 IV е опремен со одлични функции за жично и безжично поврзување заради поудобно споделување и дистрибуција. Вградениот безжичен LAN користи фреквенција од 5 GHz⁰ покрај фреквенцијата од 2,4 GHz¹, за брз пренос на податоци. Префрлувањето датотеки на FTP во заднина може да се постави да се врши автоматски додека фотографирате, а приклучокот USB Type-C® поддржува брз пренос на податоци SuperSpeed USB 10 Gbps (USB 3.2 Gen 2).

За проследување во живо треба само да поврзете компјутер преку USB-кабел, а може да изберете четири различни излезни формати, вклучувајќи и видео со висока резолуција од 4K⁰. Изберете ја онаа конфигурација што е најсоодветна за тековните мрежни услови и уредите што ги користите, а можно е и истовремено внатрешно снимање што ви нуди голема флексибилност за различни потреби. 

α7 IV користи батерија Z (NP-FZ100) со голем капацитет, а нуди и опции за надворешно напојување преку уреди за напојување преку USB⁰ и AC-адаптери. Празнењето на батеријата може да се минимизира со помош на пренослива батерија со голем капацитет за снимање на отворено. За уште подолго снимање може да приклучите USB-полнач или пренослива батерија што поддржува USB PD¹ во приклучокот USB Type-C® на фотоапаратот. 

За да овозможи долго континуирано снимање, ексклузивниот ладилник во форма на Σ (сигма) од Sony нуди ефикасна дисипација на топлина. Ладилникот, што се вградува во најдобрите модели, е направен од графитен материјал со одлични својства за спроведување на топлина. Оваа структура му овозможува на сензорот за слика, кој е огромен извор на топлина во фотоапаратот, да се движи слободно при стабилизација на сликата благодарение на ефикасната дисипација на топлина.

Двата отвори за медиуми ви овозможуваат да продолжите да снимате кога ќе се наполни едната мемориска картичка. Еден од отворите поддржува CFexpress Type A-картички со високи перформанси⁰, а двата отвори поддржуваат UHS-I и UHS-II SDXC/SDHC-картички. Картичките CFexpress Type A со големи брзини на запишување се соодветни за континуирано фотографирање со голема брзина, како и за снимање 4K-видео со висока резолуција и висока бит-стапка.

Ја подобривме отпорноста на прав и влага⁰ на α7 IV за да ви обезбедиме неверојатна сигурност дури и во опкружувања за снимање со лоши услови. Во подобрувањата на дизајнот спаѓа поголема заштита на споевите на куќиштето и капакот на преградата за батерии (во споредба со α7 III), новодизајнирано копче за заклучување на објективот и подобро обложување околу приклучокот за објективи. Лесната и многу цврста легура од магнезиум што се користи за горниот капак, предниот капа и внатрешната конструкција на фотоапаратот нудат одлична издржливост.  

Проследување во живо може да се врши директно од камерата кон компатибилни веб-сајтови за проследување, преку Wi-Fi (или USB-LAN-врска), без потреба од поврзување со посредничка Cloud-услуга или компјутер. Потребно е ажурирање на софтверот (вер. 3.00 или понова). (Има поддршка за RTMP/SRT.)

Додава поддршка за „Директно вчитување во Cloud“, за директно префрлување слики од регистрирана камера во Creators’ Cloud.

Потребно е ажурирање на софтверот (вер. 3.00 или понова).

Еколошкиот план „Патот кон достигнување на нулата“ на Sony започна во 2010 година со крајна цел за искористување на животната средина еднакво на нула. Во моментот, речиси сите пластични материјали за пакување на α7 IV се рециклирани. Рециклирани материјали се користат и за куќиштата на фотоапаратите во секоја можна прилика, со што се намалува влијанието врз животната средина без компромиси во перформансите. Иако ги задржуваме најсовремените перформанси, нашата цел е уште повеќе да ја намалиме потрошувачка на енергија и ресурси за да го намалиме влијанието врз животната средина.