AF-системот на α6700 нуди значително поголеми севкупни перформанси, благодарение на големите подобрувања на перформансите за препознавање субјекти. Технологијата за длабоко учење поддржува моќен AF со препознавање во реално време и посигурно следење во реално време⁰ на повеќе различни субјекти. 

Напредниот Exmor R CMOS-сензор за слика со 26,0⁰ ефективни мегапиксели е опремен со технологиите за сензори за слика од Sony и нуди извонредна чувствителност, резолуција и динамички опсег. Заедно со новиот и моќен процесор за обработка на слика BIONZ XR™, добивате природни градации и реални бои. Фотоапаратот нуди поставки за чувствителност од ISO 100 до ISO 32000¹ и за фотографии и за видеоснимки, овозможувајќи уште поголема флексибилност за снимање во различни опкружувања, како затворени простории и при слаба светлина. 

Снимајте рачно или при слаба светлина со сигурност. Вградената оптичка стабилизација на слика со 5 оски открива и препознава различни видови на тресење на фотоапаратот. Најновите прецизни жироскопи нудат стабилизација на слика што е еквивалентна на зголемување на брзината на блендата⁰ до 5 чекори - идеално за фотографирање со бавна бленда, како фотографирање во затворени простории или ноќни сцени. Подобрениот алгоритам открива тресење на фотоапаратот на ниво на пиксели, што резултира со поефикасна стабилизација од претходните модели. [1] Странично вртење [2] Ротирање [3] Вртење нагоре

Освен снимање RAW-датотеки со компресија, α6700 снима и RAW-датотеки со компресија без загуби, овозможувајќи брза компресија без намалување на квалитетот на сликата што резултира со континуирано снимање на повеќе висококвалитетни слики. За сликите JPEG и HEIF е достапна нова опција за мал квалитет на слика која генерира помалку податоци.⁰

Функцијата за креативен изглед нуди поголема и попрактична креативна флексибилност. Таа нуди 10 однапред поставени параметри што може да ги користите или прилагодите според субјектот или сцената, независно дали фотографирате, снимате или проследувате во живо. Поставете го амбиентот пред да почнете со фотографирањето за да можете веднаш да ги споделите сликите. 

За прв пат кај APS-C-фотоапарат, α6700 го поддржува форматот HEIF (High Efficiency Image File) со рамномерни градации со 10 бита за пореална репродукција на неба и тонови на кожа во портретите без појава на ленти. Исто така, форматот HEIF користи напредна технологија за компресија за да го задржи квалитетот на сликата, а притоа значително да ја намали големината на датотеката и да заштеди меморија.

 

α6700 користи податоци за формата на субјектите за да препознае движење, овозможувајќи значително подобро препознавање на очите кај луѓето. Исто така, тој користи меморирани човечки форми и пози за прецизно препознавање на положби на тело и глава, што овозможува фокусирање и следење субјекти кои не гледаат кон фотоапаратот, или нивното лице е покриено со очила за сонце или кацига. 

Освен луѓе и животни, α6700 сега препознава птици, инсекти, автомобили, возови и авиони⁰, овозможувајќи уште поголема флексибилност и сигурност при фотографирањето и снимањето. Освен очите (AF на очи во реално време), се препознаваат глави и тела на луѓе и животни, а сега и на птици, со перформанси за препознавање животни што се повеќе од 40%¹ поголеми во споредба со α6600.

Огромната моќ за обработка и подобрените алгоритми на новиот процесор BIONZ XR значително ги зголемуваат перформансите за AF, со максимум 759 точки за откривање фаза,⁰ што покриваат приближно 93% од површината на сликата при фотографирање. Технологијата за длабоко учење поддржува моќен AF со препознавање во реално време и посигурно следење во реално време, поткрепени со подобрен брз и хибриден AF врз поширока површина. 

Моќниот процесор BIONZ XR на α6700 и големата меѓумеморија ги зголемуваат брзините на запишување во мемориските картички, за да може фотоапаратот континуирано и брзо да снима повеќе од 1000 JPEG-слики, 59 RAW-слики со компресија или 23 RAW-слики со компресија без загуби во една серија. Исто така, фотоапаратот може да фотографира бесшумно и континуирано⁰ благодарение на електронската бленда на фотоапаратот која е бесшумна и не генерира вибрации, со брзина до 11 fps¹, максимална резолуција и AF/AE со следење.

Најновите алгоритми за AF нудат AF со голема прецизност при мали нивоа на светлина дури до EV -3,0 во режимот AF-S (еквивалент на ISO 100, објектив со F2,0). Режимот за приоритет на фокусот нуди посигурен AF при слаба светлина или при користење помали решетки. 

При фотографирање со автоматски фокус AF-C или AF-S, прстенот за фокусирање на објективот може да се ротира за моментално избирање на режимот за рачно фокусирање во секое време. На овој начин може лесно и брзо да го префрлите фокусот врз друг субјект. 

α6700 може автоматски да снима до 299 слики со последователно поместени фокусни точки, според приспособени интервали и редослед какви што ќе изберете. Изберете ја совршената слика или обработете повеќе слики по снимањето за да добиете креативни споени слики со неверојатна длабочина на фокусот. 

α6700 снима во 4K (QFHD: 3840 x 2160) со 60p (50p) користејќи ексклузивна технологија од Sony за прекумерно семплирање во 6K. Со компресија на овие детали во конечниот формат, добивате квалитетно 4K-видео со извонредна резолуција, дури и при повисока стапка на слики. Фотоапаратот поддржува и висококвалитетни формати XAVC S-I (All-Intra) и XAVC HS со 10 бита и семплирање на бои 4:2:2⁰.

Користејќи ја истата наука за бои како врвните серии CineAlta и Cinema Line, α6700 располага и со профилот за слика S-Cinetone од Sony што создава слики со пореална репродукција на бои и природни тонови на кожа.

Крива за гама S-Log3 со маргина на грешка од 14+ чекори¹ (45)Кривата за гама S-Log3 ја нагласува градацијата од сенки до средни сиви тонови (18% сива боја), создавајќи маргина на грешка од 14+ чекори¹ за креативна градација на боите. 

Погледнете како ќе изгледаат снимените материјали по обработката додека снимате со S-Log. α6700 ви овозможува да увезете корисничка LUT-датотека (Look Up Table) во формат .cube што може да се примени врз сликата што се прикажува на екранот на фотоапаратот, за да дознаете како ќе изгледаат сликите откако ќе примените LUT во обработката по снимањето.

Надграденото и посигурно следење во реално време со AI го олеснува фотографирањето во различни ситуации, за да се фокусирате на кадарот и композицијата. α6700 може да следи дури и луѓе кои носат кациги или животни кои не гледаат кон фотоапаратот.⁰

Снимањето во 4K QFHD (3840 x 2160) со голема стапка на слики до 120p овозможува внатрешно снимање на видеоснимки со висока резолуција. Добијте повеќе креативни можности во обработката по снимањето со тоа што ќе ги нагласите движењата на субјектот или ќе ги претворите во јасни забавени движења. Режимот S&Q ⁰ овозможува снимање забавени или забрзани движења во самиот фотоапарат. 

Активниот режим⁰ нуди моќна стабилизација на слика при рачно снимање видео. α6700 може прецизно да го открие тресењето на фотоапаратот и да изврши прецизна оптичка компензација, овозможувајќи ефикасна стабилизација без отстапки во преносливоста, дури и при снимање во 4K¹.

Користејќи технологија за препознавање субјекти врз основа на AI, автоматското обликување на кадарот го отсекува кадарот автоматски за да го задржи субјектот во видлива положба при снимање видео. Дури и ако фотоапаратот е поставен на статив, обликувањето на кадарот се прилагодува континуирано за да изгледа дека субјектот во снимените содржини бил следен од искусен снимател.

Вградената функција за видеоснимки со забрзани движења ви овозможува да создавате видеоснимки со забрзани движења во самиот фотоапарат. Интервалот за експозиција⁰ може да се постави од 1 секунда до 60 секунди, што овозможува лесна компресија на забавените движења во прекрасни видеоснимки со забрзани движења. Ако прикачите компатибилно светло за видео (се продава посебно) на фотоапаратот, може да го поставите да се вклучува непосредно пред секоја експозиција за да можете да снимате видеоснимки со забрзани движења при слаба светлина. 

При снимање видеоснимки со компатибилни објективи, компензацијата на промените во фокусната должина го користи јасното зумирање на слики за да обезбеди доследен агол на гледање и спречува промени предизвикани од поместување на положбата на фокусот. Метаподатоците за промените во фокусната должина може да се искористат и при обработката по снимањето⁰.

Снимањето видео е полесно со функцијата за мапа на фокусот⁰ која ви овозможува да ја визуализирате длабочината на полето при снимање видео. Информациите за фокусот се прикажуваат врз сликата во живо што се прикажува во реално време, за да можете лесно да ги препознаете површините што се фокусирани или дефокусирани - особено практично кога снимате со широк отвор на блендата за да создадете мала длабочина на полето. Исто така, фотоапаратот нуди приказ со изострување, што ви овозможува да го проверите автоматскиот и рачниот фокус додека снимате. 

Електронскиот визир XGA OLED со 2,36 мегапиксели (прибл.) и зголемување од приближно 1,07x⁰ го прикажува вашиот свет со извонредни детали. Со двојно поголема светлина од α6600, како и поширок агол на гледање од 33 степени, тој нуди јасен и остар приказ додека фотографирате. Стапката на слики на визирот може да се постави на 120 fps - двојно повеќе од стандардната стапка - за да добиете јасен приказ со минимално заматување на движењата на визирот кога следите и фотографирате субјекти во движење.

Независно дали снимате рачно или со механизам за стабилизација, големиот LCD-екран на допир од тип 3,0 со 1,03 милиони точки (прибл.) на α6700 нуди голема слобода за позиционирање и обликување на кадарот за да можете да ги снимите снимките што ви се потребни. Исто така, нуди огромна предност при снимање од многу низок агол на подот, или во други тесни опкружувања за снимање, што придонесува за многу креативни опции за рачно и стабилизирано фотографирање и снимање. 

Активирајте ги лесно главните функции, како избирање фокусна точка, субјект за следење или активирање на блендата, со допирање на екранот. Со движење на прстот од левиот или десниот раб кон средината на екранот се прикажуваат икони на допир што овозможуваат брзи промени на режимот за фотографирање и други поставки. Менито со функции (Fn) може да се прикаже и со обично движење на прстот врз екранот. При репродукцијата, може лесно да избирате и зумирате слики со допирање и интуитивни гестикулации со штипнување навнатре/нанадвор. 

Извлечете максимум од значително постабилната врска на α6700 со бесплатната апликација Creators’ App⁰ од Sony, која нуди лесно префрлување фотографии и видеоснимки во паметен телефон или таблет-уред. Преносите во заднина нема да прекинат дури и ако екранот на паметниот телефон влезе во режим на мирување или активирате друга апликација.¹ Може да го користите и паметниот телефон за далечинска контрола на фотоапаратот. Исто така, подобрените опции за безжично поврзување со високи перформанси овозможува уште полесно правење резервни копии, споделување и работење со тимови на терен. 

Поврзете го α6700 со компјутер или паметен телефон⁰ преку USB за да го претворите во 4K-веб-камера (2160p) со напредни функции за AF кои овозможуваат подобри онлајн состаноци и проследување во живо. 

α6700 е создаден за работни опкружувања со тешки услови, а притоа ја задржува својата компактна големина благодарение на издржливата и лесна легура од магнезиум од која е направено куќиштето. Исто така, опремен е со сигурна бленда која генерира мали вибрации и е тестирана да издржи повеќе од 200.000 активирања⁰.  

Достапна е поддршка за USB PD (напојување) за брзо полнење на батеријата во фотоапаратот⁰, што нуди 3 до 4 пати поголема моќ од претходните модели. Приклучете USB-полнач или пренослива батерија што поддржува USB PD¹ во приклучокот USB Type-C® на фотоапаратот, за да снимате долго со голема количина на енергија.

Фотоапаратите од Sony се делумно направени од SORPLAS™ - ексклузивен, издржлив и висококвалитетен материјал⁰ што може да се рециклира повеќе пати. Го дизајниравме специјално за да го намалиме искористувањето на животната средина без да ги намалиме перформансите или функционалноста. Заменивме 379 тони¹ нова пластика со рециклирана пластика кај нашите дигитални фотоапарати и дигитални видеокамери во последните десет години.