α9 II
Брзите перформанси на α9, кои направија пресврт во фотографирањето спорт и вести, сега се редефинирани со дополнителни подобрувања што ја зголемуваат продуктивноста на професионалните работни процеси.
α9 II нуди функции што ги задоволуваат потребите на професионалните работни процеси, вклучувајќи софистицирано ракување и мрежно поврзување за поголема поддршка на терен, цврсто куќиште за голема преносливост и ненадмината брзина.
Exmor RSTM CMOS-сензорот за целосна слика и процесорот BIONZ XTM нудат континуирано фотографирање до 20 fps и AF/AE со следење. Брзите перформанси и големата меѓумеморија ви овозможуваат да доловувате одлучувачки моменти.
Блендата го елиминира затемнувањето на SLR-фотоапаратите со огледало. Објектот се гледа при активирање на блендата, со преглед до 60 fps и минимално доцнење при фотографирање.
(A) Фотографирање без затемнување (B) Фотографирање со затемнување
Светлината допира до сензорот за слика без механички прекини. Конструкцијата без огледало и технологиите за подобрување на брзината овозможуваат AF/AE на целосната фокусна рамнина.
(1) Пресметки за AF/AE (2) 60 пати/сек. (3) 20 слики/сек.
Брзината на електронската бленда до 1/32000 сек. ги надминува механичките бленди за нова обработка на слика. Исто така, можете да одржувате мала длабочина на полето без ND-филтер, дури и во светли услови.
(A режим 1/20000 сек. F8,0 ISO 1000, снимено со α9)
Електронската бленда што спречува изобличувања овозможува бесшумно фотографирање на сцената, без да постои ризик звуците од механичкото огледало или блендата, на пример, да го нарушат текот на спортскиот натпревар.
Треперењето од флуоресцентната и друга вештачка светлина се открива, а блендата ги намалува аномалиите во експозицијата и боите (при голема брзина на блендата) и недоследноста помеѓу континуираните слики.
Без треперење [1] ВКЛУЧЕНО [2] ИСКЛУЧЕНО
Механичката бленда овозможува континуирано фотографирање до 10 fps, а може и да се користи со блиц . Можете да користите брзо континуирано фотографирање за сцени во зависност од потребата.
Забелешка: овој фотоапарат е опремен со електронска и механичка бленда. Функциите опишани во овој дел се однесуваат главно на ракувањето со електронската бленда, освен ако не е поинаку наведено.
Сензорот за целосна слика со 24,2 милиони точки и подредена структура зачувува податоци во вградената меморија за брзо читање. CMOS и процесорот BIONZ X ви нудат целосна дигитална слобода.
[ Подредена структура со задно осветлување и вградена меморија ]
(1) Површина со точки (2) Вградена меморија (3) Електронско коло за брза обработка на сигнали (4) Процесор за обработка на слика
Со 693 AF-точки за откривање фаза и 425 AF-точки за откривање контраст, сензорот нуди широка AF-површина и голема густина за AF што опфаќаат 93% од сликата.
Благодарение на подобрениот брз хибриден AF, α9 II нуди брз AF дури и при слабо осветлување, со неверојатна брзина за доловување на објект.
Алгоритамот за непрекинат и оптимизиран AF значително ја подобрува прецизноста и следењето на AF. Дури и при активирањето на блендата, постојано активниот AF ви овозможува да продолжите да ги следите движењата на објектите.
Следењето во реално време и AF на очи во реално време се дизајнирани за брзо, прецизно и паметно следење на објектите, користејќи алгоритми врз основа на AI и обработка на огромни количини податоци во реално време.
Откако ќе изберете објект, со половично притиснување на копчето за блендата ќе се активира прецизен фокус. Промените во положбата се следат прецизно што ви овозможува да го обликувате кадарот флексибилно и да се фокусирате на снимање најдобри слики.
Алгоритамот за препознавање врз основа на AI ефикасно ги обработува податоците за боја, шема, оддалеченост, лице и око од сензорот за слика.
(1) Лице [AI] (2) Око [AI] (3) Боја (4) Шема (5) Оддалеченост (6) Обработка во реално време
Дури и ако некој предмет помине пред вашиот објект, AF на очи во реално време може да го задржи фокусот на едното око на објектот кога копчето за блендата е половично притиснато или со притиснување на копчето AF-ON или на приспособливо копче.
Можете дури и да изберете око по ваша желба - лево или десно - пред или за време на фотографирањето преку приспособливо копче. Изборот на око ви овозможува да се фокусирате на кадарот, осветлувањето и други детали.
Брзото, прецизно и автоматско откривање и следење со следење на очите на животните и луѓето значително ќе ја зголеми стапката на успешност при фотографирање животни во дивината или миленичиња во домот.
Напредните алгоритми за AF овозможуваат прецизен AF дури и при мали нивоа на светлина до EV-3. Опцијата „Focus Priority in Aperture Drive“ е наменета за попрецизно фокусирање при слаба осветленост и при помала вредност на решетката.
Дури и со половично притиснување на копчето за блендата, фокусната површина може да се помести со копчето за избор на која било локација. Може и да се постави црвена или бела боја на кадарот за фокусирање за да одговара на сцената.
Прибл. 24,2 ефективни милиони точки, големата чувствителност, конфигурацијата со задно осветлување, архитектурата без простор помеѓу чипот и објективот и другите иновации од Sony создаваат неверојатни слики во најразлични ситуации за фотографирање.
Најновиот процесор за обработка на слика BIONZ X и предната LSI овозможуваат максимални перформанси на сензорот со висока резолуција.
Перформанси со голема чувствителност до ISO 51200 и подобрувањата на алгоритамот овозможуваат рамномерна репродукција вклучувајќи природни бои на кожата и рамномерна градација. Достапно е снимање во 14-битен RAW-формат.
Визирот (EVF) со 3,68 милиони точки прикажува детална слика. Стапката на слики од 120 fps овозможува јасна слика со минимално заматување на движењата. Слојот од флуор на надворешниот објектив е отпорен на нечистотии за полесно чистење.
Оптичката стабилизација на слика со 5 оски нуди поголема брзина на блендата од 5,5 чекори. Прегледот во живо на стабилизацијата на слика овозможува обликување на сликата со објектите што се движат брзо.
(1) Вртење (2) Движење (3) Ротирање
Sony го реконструираше склопот на блендата со апсорбирачки шрафови што ги ублажуваат потресите на блендата, а подобрениот алгоритам за стабилизација на сликата ефективно ја намалува заматеноста. Звукот на блендата е исто така намален.
Снимање 4K-видеоснимки. Обработката на сите точки без соединување на точките овозможува намалување од приближно 2,4 пати повеќе податоци потребни за 4K (еквивалент на податоците потребни за 6K) што се репродуцираат во 4K (3840 x 2160). Разновидни опции како што се брзиот хибриден AF, функциите за AF на очи, следењето со допир итн.
AF на очи во реално време сега поддржува и снимање видеоснимки, а притоа ги открива очите на објектот и следи само едно око. Додека α9 II прецизно го фокусира тоа око, вие може да се фокусирате на кадарот.
Кога снимате видеоснимки со α9 II, објектот што ќе го допрете на LCD-екранот автоматски се фокусира и следи со функцијата за следење со допир. Ако се открие човечко око, тогаш ќе се активира и AF на очи во реално време и ќе почне да го следи окото.
Приклучокот за повеќе интерфејси (MI-приклучок) е надополнет со интерфејс за дигитален звук. Користете го новиот микрофон со насочување ECM-B1M за да снимате висококвалитетен звук со минимално намалување на квалитетот.
Едноставен и сигурен пренос на податоци со голема брзина на големи слики во определен FTP-сервер е достапен преку приклучок за LAN што поддржува 1000BASE-T. FTPS (протокол за пренос на датотеки преку SSL/TLS) нуди голема безбедност.
За да ги задоволи потребите на професионалците за брза испорака, α9 II поддржува пренос на датотеки JPEG и RAW во заднина преку FTP во текот или по завршување на фотографирањето. Може однапред да регистрирате до девет FTP-сервери.
Функцијата за гласовна белешка ви овозможува да снимате аудиоописи до 60 сек. за содржината или условите за фотографирање, кои се прикачуваат на сликите како .wav-датотеки. IPTC и серискиот број на фотоапаратот може да се вметнат во сликите.
Далечинско ракување е достапно со компјутерската апликација Remote Camera Tool која е мошне практична кога пристапот на фотографот е ограничен како, на пример, при фотографирање од птичја перспектива од покривот на спортска арена.
Освен фреквенцијата од 2,4 GHz, достапен е брз пренос преку Wi-Fi® од 5 GHz (безжичен LAN IEEE 802.11ac). Достапно е и безжично далечинско фотографирање преку компјутер кое ви овозможува да фотографирате без ограничувањата на каблите.
Приклучокот USB Type-CTM и подобрувањата на алгоритамот за далечинско фотографирање преку PC нудат значителни подобрувања на стапката на пренос. Може да префрлувате големи некомпресирани RAW-слики без да го прекинувате работниот процес.
Новиот VG-C4EM нуди контроли со оптимизирана локација, големина, форма и материјал кои се слични со тие на куќиштето на фотоапаратот за да се овозможи слично „чувство“ при ракување кога фотоапаратот се држи вертикално.
α9 II користи батерија NP-FZ100 со голем капацитет. Или, пак, две од овие батерии може да се користат во изборниот вертикален држач VG-C4EM за подолготрајно фотографирање и безгрижно фотографирање на терен.
Двата отвора за медиуми се компатибилни со UHS-I и UHS-II за брзо запишување податоци. α9 II може да снима истовремено или со пренасочување, да одвојува RAW/JPEG-податоци и слики/видеоснимки и да копира податоци помеѓу картичките.
„Save/Load Settings“ ви овозможува да зачувувате и вчитувате поставки во и од SD-мемориска картичка за споделување со други фотоапарати α9 II. Во „FTP Transfer Func.“ се наоѓа функцијата „Save/Load FTP Settings” која ги зачувува и вчитува поставките за FTP.
Ставајте оценки со ѕвезди и заштита на сликите директно преку екранот за прегледување на содржините. Сега можете и да прегледувате големи збирки фотографии со прескокнување на 10 или 100 слики и групно да ги оценувате континуирано снимените слики.
Со илустрацијата на поставките за приспособливи копчиња во менито полесно ќе ја разберете нивната функција. Освен тоа, може да ги избирате различните картички во менито со помош на предното вртливо копче или функциското копче, со една рака.
Подобрете ги фотографиите со апликациите Imaging Edge. Користете „Remote“ за контрола и следење на фотографирањето во живо преку PC; „Viewer“ за брзо прегледување, оценување и избирање фотографии од големи збирки; и „Edit“ за претворање RAW-податоци во висококвалитетни фотографии.
Capture One Express (за Sony) е бесплатен софтвер за уредување што нуди обработка на RAW, лесно управување и моќни алатки за уредување. Capture One Pro (за Sony) може да го купите за повеќе алатки за уредување и опција за фотографирање преку PC.
Овој производ е компатибилен со iMovie и Final Cut Pro X.
Корисниците велат
