α7R

Доловување на реалноста

α7R - фото апарат со големина на дланка. Вградувањето на 35мм сензор за целосна слика со 36,4MP во куќиште со двапати помала тежина од водечките DSLR апарати, претставува нов стандард за фотографите.

ФОТО АПАРАТИ СО ЗАМЕНЛИВИ ОБЈЕКТИВИ

α7R фото апарат со E-приклучок и сензор за целосна слика

ILCE-7R

Слика од α7R фото апарат со E-приклучок и сензор за целосна слика

Само куќиште

Достапен е нов софтвер за α7R.

Подобрете го вашиот фото апарат за да уживате во полесно снимање.

Новиот стандард

Ви го претставуваме најмалиот и најлесниот фотоапарат од 35мм во светот со заменливи објективи за целосна слика. Со своите 36,4 милиони точки, α7R не претставува достигнување само кај компактните фотоапарати, туку воопшто и кај сите фотоапарати. Благодарение на најновиот BIONZ X процесор од Sony и отсуството на оптички нископропусен филтер, α7R нуди неспоредливо реалистични детали. Подгответе се да ја снимите реалноста како никогаш досега.

Лого на Exmor® CMOS сензор

Сензор за целосна слика со 36,4MP

Овој извонреден нов сензор ги содржи сите елементи за слики од светска класа: висока резолуција, неверојатна чувствителност, огромен динамички опсег, ненадминати детали и мал шум.

Bionz X лого

Врвна обработка

Очекувајте врвни резултати со најновиот процесор за обработка BIONZ X™ од Sony: прикажување на пореалистични бои, подобро намалување на шум и побрзо секвенцијално фотографирање.

Снимање без компромиси

Доближете се поблиску со Exmor® сензорот од светска класа

Нашиот најнов Exmor® сензор се одликува со поголема брзина од паралелната обработка на сигнали и побрза конверзија на сигнали. Деталите потребни за сложени професионални апликации ги создава без напор.

BIONZ X ПРОЦЕСОР

Природни слики при секаква светлина

Напредната репродукција на детали и технологијата за намалување на прекршувањата создаваат поприродни форми и го намалуваат заматувањето. Намален шум, 16-битна обработка и снимање во 14-битен RAW формат.

Прекрасна форма. Моќна функција.

Професионално инженерство од секој агол

При дизајнирањето на α7R, Sony успеа да ја балансира прецизната контрола која им е потребна на фотографите и да им ја понуди ефикасноста која ја посакуваат. Резултатот претставува внимателно изработени стандардни и вртливи копчиња, моќни функции, обемен потенцијал за прилагодување и опции за снимање и поврзување, сето тоа сместено во издржливо и лесно куќиште кое е 25% помало од водечките DSLR фотоапарати.

  • Мала сликичка од контроли и вртливи копчињаКонтроли и вртливи копчиња
  • Мала сликичка од моќна функцијаМоќна функција
  • Мала сликичка од прилагодувањеПрилагодување
  • Мала сликичка од поврзување и снимањеПоврзување и снимање
Фото апарат во раце

Целосна слика, компактна форма

Со тежина од само 465 гр. со батеријата, α7R е двојно полесен од водечките DSLR фотоапарати. А благодарение на помалите димензии, веќе нема да мора да го жртвувате квалитетот заради преносливост.

Внатрешна конструкција

Мала тежина, но голема издржливост

Изработката на α7R од магнезиум, најлесниот конструктивен метал на светот, значи дека фотоапаратот кој го употребувате денес ќе биде во извонредна состојба и утре.

Спој на брзина и прецизност

Иновативен, брз и интелигентен автоматски фокус

Побрзиот процесор BIONZ X и новиот алгоритам за откривање на просторот до објектот работат заедно за оптимизирање на контролата за движење на објективот. Во подобрувања спаѓаат попрецизно откривање на очи и автоматски фокус со заклучување.

Автоматско фокусирање на очи

Со цел да добиете совршени портрети, оваа функција врши остро фокусирање на лица со мала длабочина на поле, дури и кога лицата се делумно видливи за фото апаратот, благодарение на напредното откривање на очи кое овозможува приоритет на една зеница.

Автоматски фокус со заклучување

Фокусирајте ги објектите во движење на едноставен начин со оваа напредна технологија, која ја прилагодува големината на кадарот врз основа на карактеристиките на објектот и користи широка AF површина за искористување на оптималната фокусна точка.

Опции за поставување на автоматски фокус

Со опцијата за AF површина со флексибилна точка, можете да изберете AF површина со големина која е соодветна за вашиот објект, за да може фото апаратот да ја фокусира потребната површина. Достапни се и опции за широка и зонска површна на фокусирање.

Подобар визир, подобри фотографии

Со покриеност на кадарот од 100%, резолуција од 1024x768, висок контраст, ажурирање на параметрите во реално време и прецизно "Bokeh" дефокусирање, OLED (XGA) Tru-Finder™ визирот не е само обичен додаток за обликување на кадарот, туку вистинско подобрување. Петте режими на приказ и прилагодувањето на температурата на бојата и осветленоста ги комплетираат карактеристиките со професионално ниво.

  • Дефокусирање со Tru-Finder
  • Зголемување на фокус
  • Контрола на изострување
  • Режими за приказ на екран

СНИМАЊЕ СО ЦЕЛОСНА СЛИКА

Придвижете ја вашата визија

α7R со сензор за целосна слика од 35мм, палета објективи, приклучок за слушалки и XLR аудио адаптер поставува нови репери за снимање. Со BIONZ X кој го намалува шумот на нов начин во одредени површини, дури и документарните снимки што ги снимате при слаба осветленост ќе бидат детални и остри. 

AVCHD лого

Full HD видео формати

Пронајдете го совршениот начин за изразување на вашата визија со AVCHD со 60fps и добијте извонредно рамномерен изглед или, пак, снимајте со 24p и добијте класичен кино изглед.

Приклучок за слушалки

Професионален придружен звук

Прикачете надворешни микрофони преку XLR адаптерот, мерете ги нивоата на снимање и следете го звукот преку приклучокот за слушалки.

НОВИ ОБЈЕКТИВИ, НОВИ МОЖНОСТИ

Стакло за апарати од врвна класа

За да можат фотографите да ги истражат границите на ненадминатиот потенцијал на α7R, Sony дизајнираше нова серија објективи со E-приклучок. Сопствениците на α апарати од претходната генерација можат да ја користат комплетната палета објективи со E-приклучок, или објективи со A-приклучок со адаптер, добивајќи избор од преку 50 објективи.

Адаптер за монтирање објективи

Извлечете максимум од вашата опрема

За максимално искористување на функционалноста на објективите со A-приклучок, адаптерите нудат многу функции меѓу кои и технологијата на провидно огледало.

Објективи со A-приклучок

Повеќе можности со објективите со A-приклучок

Адаптерот со A-приклучок им овозможува на фотографите да ги откријат можностите на постоечката палета со 30+ професионални објективи од Sony.

Галантерија за фото апарати

Професионални подобрувања

Вертикален држач, надворешни микрофони, блицеви и голем број други додатоци кои ќе ве подготват за секоја идеја и ситуација.

ПОВРЗУВАЊЕ ПРЕКУ WI-FI® И NFC СО ЕДЕН ДОПИР

Споделете нешто прекрасно

α7R нуди два начини за безжично споделување. NFC овозможува пренесување на сликите со еден допир кон секој паметен телефон, таблет-уред или лаптоп компатибилен со NFC. Wi-Fi® овозможува брзо вчитување од многу локации.

Функции Remote, Viewer и Edit на Imaging Edge™

Функции Remote, Viewer и Edit на Imaging Edge™

Подобрете ги фотографиите со Imaging Edge. Користете „Remote“ за далечинска контрола на фотографирањето; „Viewer“ за брзо прегледување, оценување и избирање фотографии; и „Edit“ за претворање RAW-податоци во висококвалитетни фотографии. Извлечете максимум од RAW-датотеките на Sony и управувајте со снимените материјали поефикасно.

Capture One (за Sony)

Capture One за Sony

Capture One Express (за Sony) е бесплатен софтвер што нуди обработка на RAW, лесно управување и алатки за уредување. Capture One Pro (за Sony) може да го купите за да добиете уште повеќе алатки за уредување и опција за фотографирање преку компјутер.

iMovie

Се користи со iMovie и Final Cut Pro X

Овој производ е компатибилен со Final Cut Pro X и iMovie.

Спецификации и функции
  • Exmor® CMOS сензор за целосна слика со 36,4MP

  • Процесор BIONZ X за врвни детали и намалување на шум

  • Систем со E-монтажен заменлив објектив

  • Брз и интелигентен автоматски фокус за брзо и прецизно откривање на контраст

  • XGA OLED Tru-Finder со голем контраст

Компатибилност со објективи
Објективи со E приклучок од Sony
Тип на сензор
35 мм
Тип на сензор
Exmor® CMOS сензор од 35 мм за целосна слика (35,9 x 24 мм)
Број на точки (ефективни)
36,4MP
ISO чувствителност (препорачан индекс на експозиција)
ISO 50–25600
Траење на батеријата (фотографии)
До 340 снимки
Вид на визир
Електронски визир (во боја) од 0,5"
Тип на монитор
TFT LCD екран од 3,0"

Што има во пакетот

Кабел за напојување, Батерија на полнење NP-FW50, AC адаптер AC-UB10, Лента за на рамо, Капаче за куќиште, Капаче за приклучок за галантерија, Капаче за окулар, Микро USB кабел

Компанијата Sony не само што е посветена да ви обезбеди производи, услуги и содржини кои нудат возбудливи доживувања, туку работи и кон исполнување на целта да постигне искористување на животната средина еднакво на нула преку своите деловни активности Дознајте повеќе за Sony и за животната средина

Оценки и награди

Експертите велат