Сензор од 35 мм за целосна слика со 36,4 MP

Sony, еден од најдобрите производители на сензори за слика во светот, ги обедини своите најдобри нови технологии за да достигне висока резолуција и извонреден квалитет на слика. Овој револуционерен Exmor® CMOS сензор од 35мм за целосна слика собира светлина со рекордна ефикасност за да постигне голема чувствителност, широк динамички опсег и неверојатно ниво на реалистичност, а притоа значително да го намали шумот.

Без оптички нископропусен филтер

Sony го отстрани оптичкиот нископропусен филтер за да го искористи целиот потенцијал на сензорот и објективот, а со тоа постигна зголемено чувство на јасност и ненадминати реалистични детали сè до рабовите на вашите фотографии. Анти-рефлексивниот слој ги намалува одблесоците и отсјајот.

Без простор меѓу чипот и леќите

Sony го оптимизираше дизајнот и позиционирањето на секоја леќа врз чипот (OCL) за да ги опфати сите пиксели со цел значително да ја зголеми ефикасноста за собирање светлина. На овој начин се зголемува чувствителноста, малото ниво на шум не се менува и се добива импресивен сооднос помеѓу S/N. Дизајнот без простор помеѓу чипот и леќите ги елиминира празнините помеѓу микролеќите за да овозможи собирање на повеќе светлина. Згора на тоа, секоја леќа на чипот е оптимално позиционирана во зависност од нејзината локација за да ја прими светлината што навлегува под остар агол во објективот, која се добива како резултат на користење сензор со големи димензии и објектив со E-приклучок со мало растојание до сензорот.

Напредоци во микроинженерството

Исклучителните перформанси на сензорот за слика се добиени со помош на разни напредни функции на сензорот. Прво, намалувањето на висината на електричните кола значително го зголемува количеството на светлина која се собира во секоја точка, а технологијата за проширување на фотодиодите овозможува зголемување на димензиите на фотодиодите во секоја точка со цел да се подобри динамичкиот опсег на сензорот и уште повеќе да се зголеми чувствителноста, а сепак да се задржи мало ниво на шум и голем сооднос помеѓу S/N.

Процесор BIONZ X

Sony со гордост ви го претставува новиот BIONZ X процесор за обработка на слика, кој верно ги репродуцира текстурите и деталите во реално време, исто како што ги гледа човечкото око, благодарение на можностите за обработка со извонредно голема брзина. Заедно со предната LSI (интеграција во голем размер) која ја забрзува обработката уште во почетните фази, тој обезбедува поприродни детали, пореалистични слики, градации со побогати тонови и помал шум, без разлика дали снимате или фотографирате.

Детална репродукција и намалување на прекршувањата

Двете нови технологии ги истакнуваат перформансите на сензорот и објективите. Технологијата за детална репродукција спречува премногу нагласени рабови кои ги расипуваат повеќето дигитални слики. Намалувањето на прекршувањата ги елиминира ефектите на прекршување, кои предизвикуваат заматување на точките светлина при поставување на мала решетка (големи F вредности). Земајќи ги предвид поставувањата на решетката, оваа технологија верно ја обновува јасноста кај точките и другите мали детали, со цел да се добијат прекрасни пејзажи, портрети и многу повеќе.

Намалување на шумот во одредени површини

Функцијата за намалување на шумот во одредени површини е моќна како никогаш досега. Таа селективно ја дели сликата во области, врз основа на шаблони (како што се рабови, текстури и површини обоени со исти бои како што е синото небо), а потоа применува најсоодветно намалување на шумот за секоја површина со цел да го подобри квалитетот на сликата, особено при висока чувствителност. Работејќи во комбинација со деталната репродукција на Sony, таа нуди ненадминати јасни и детални слики.

16-битна обработка + 14-битен RAW

16-битната обработка на слика и излезниот 14-битен RAW помагаат во зачувување на сите детали и создаваат слики со највисок квалитет и градации со богати тонови. 14-битниот формат RAW (Sony ARW) нуди оптимален квалитет за понатамошно прилагодување на сликите (преку Image Data Converter или друг софтвер).

Контроли, прилагодување и навигација

И покрај компактните димензии, α7R се одликува со предно и задно вртливо копче за интуитивно поставување на експозицијата, контролно тркалце за поставување на ISO и вртливо копче за компензација на експозицијата. Quick Navi Pro ги прикажува сите поважни опции за снимање на LCD екран, за да можете брзо да ги потврдувате параметрите и да ги вршите саканите прилагодувања без пребарување низ наменските менија. Прилагодувањето на копчињата ви овозможува да снимате како што ќе посакате, со доделување на најчесто користени функции по ваш избор на прилагодливите копчиња. Лесно можете да доделите некоја од 46-те функции на кое било од 9-те копчиња; на Fn копчето за брз пристап можете да доделите до 12 важни функции.

LCD екран со завртување

LCD екранот од 7,5 см со 1,2 милиони точки нуди висока резолуција и флексибилни опции за обликување на кадарот.

Куќиште од легура од магнезиум

Благодарение на овој исклучително лесен и цврст метал, α7R тежи 465 грама со батерија - помалку од половичната тежина на водечките DSLR уреди - и се одликува со долготрајни перформанси.

Солиден и ергономски држач

α7R е 25% помал од врвните DSLR модели, но сепак се одликува со држач со стандардна големина за удобно снимање во текот на целиот ден.

Систем и слој за заштита од прав

За да ги заштитите вашите фотографии од дамки, механизмот за заштита од прав генерира ултразвучни вибрации при секое исклучување на фото апаратот со цел да отстрани какви било честички кои се прилепиле на сензорот за слика. Анти-статичкиот слој помага и во спречување на правта и другите честички да се прилепат на сензорот кога менувате објективи.

Отпорност на прав и влага

Мерките за подобрување на издржливоста вклучуваат заштита околу копчињата и вртливите копчиња, како и заштитна структура со два слоја кои цврсто ги прилепуваат панелите и компонентите.

XGA OLED Tru-Finder™

Овој визир се одликува со висока резолуција од 1024x768, OLED подобрувања и истиот оптички систем со 3 леќи кој се користи кај врвниот модел α99 и покрај тоа што има компактно куќиште. Визирот ги прикажува ефектите од поставувањата на вашиот фото апарат, за да можете прецизно да ги следите резултатите. Ќе уживате во градации со богати тонови и три пати поголем контраст отколку кај α99. Достапни се и моќни функции како 100% покриеност на слика, широк агол на гледање, режими за прикажување на информации, функција за изострување и зголемување на фокусот.

Снимање со целосна слика

Уникатната комбинација од сензор од 35мм за целосна слика, функции за репродукција на звук и флексибилно менување на објективи нуди ново ниво на преносливо снимање. Новиот и подобрен BIONZ X процесор за обработка на слика за прв пат овозможува намалување на шумот во одредени површини и репродукција на детали кај видео снимките, што резултира со извонредно мали детали и исклучително мал шум. Функциите како што се ефектите на слика, HDMI® излезот за надворешен монитор, режимите P/A/S/M, форматот AVCHD Progressive со 1080p и изборот за снимање со 60p/24p дополнително ги зголемуваат опциите.

Снимање и следење на звук

При снимање и репродукција на видео снимки, можете да го следите звукот со помош на слушалки приклучени во приклучокот за слушалки на α7R, да ги проверувате нивоата со контролите на екранот или да прикачите професионална опрема за звук преку адаптер за XLR приклучок кој е водечки во индустријата.

Брз и интелигентен автоматски фокус

Голем број функции придонесуваат за одличното автоматско фокусирање кај α7R: новиот и неверојатно брз BIONZ X, сензорот за целосна слика со голема брзина и новосоздадениот алгоритам за откривање на просторот до објектот кој врши анализа на фокусот во реално време со помош на информациите за фреквенција за оптимално контролирање на движењето на објективот.

Автоматско фокусирање на очи

Дури и кога снимате лица кои се делумно видливи за фото апаратот, тие ќе бидат остро фокусирани благодарение на неверојатно прецизното откривање на очи кое овозможува приоритет на една зеница. Штом се изврши фокусирање, врз окото на кое му е дадено приоритет ќе се појави зелена рамка за полесно потврдување. AF за очи може да се користи кога функцијата е доделена на прилагодливо копче, овозможувајќи им на корисниците веднаш да ја активираат во зависност од сцената.

Поставување на површина и заклучување на автоматскиот фокус

AF со заклучување ја прилагодува големината на кадарот од субјектот врз основа на неговите карактеристики и користи широка AF површина за максимално да ја искористи оптималната AF точка за добивање на рамномерно и стабилно автоматско фокусирање. Притиснете го копчето за блендата до половина за да го активирате.2 Новиот BIONZ X овозможува најдобри перформанси за следење и откривање на објектот досега. При користење на AF површина со флексибилна точка, можете да изберете мала, средна или голема AF површина која ќе одговара на големината на вашиот објект и која ќе му помогне на фото апаратот да ја фокусира соодветната површина. Исто така, достапно е фокусирање на широка површина и зона.

Далечински управувач со еден допир и споделување со еден допир

Далечинскиот управувач со еден допир ви овозможува да го користите паметниот телефон или таблет-уредот како визир и далечински управувач за дигитални фотоапарати, а споделувањето со еден допир ви овозможува да префрлувате фотографии и видеоснимки од вашиот фотоапарат. Без разлика за што ќе се одлучите, со инсталирање на апликацијата Imaging Edge Mobile во вашиот паметен телефон или таблет-уред со Android што поддржува NFC, ќе ги избегнете сложените поставки и ќе воспоставувате безжична врска со допирање на вашиот уред до фотоапаратот. Сега можете да го контролирате фотоапаратот преку паметниот телефон и да фотографирате од места кои претходно не ви биле достапни, или да бидете присутни во сопствената групна снимка, како и да префрлувате содржини во паметниот телефон за да ги споделите на SNS. Немате NFC? Нема проблем. Уредите можете да ги впарите и рачно.

Дознајте повеќе

Capture One (за Sony)

Capture One Express (за Sony) е бесплатен и награден софтвер за уредување слики што нуди обработка на RAW со врвен квалитет на слика, лесно управување на датотеките со слики и моќни алатки за уредување. Capture One Pro (за Sony) може да го купите за да добиете уште повеќе алатки за уредување и опција за фотографирање преку компјутер.

Бесплатно преземање (одете на веб-сајтот Phase One)

Функции Remote, Viewer и Edit на Imaging Edge™

Подобрете ги вашите фотографии со компјутерските апликации Imaging Edge. Користете ја функцијата „Remote“ за далечинска контрола на фотографирањето; „Viewer“ за брзо прегледување, оценување и избирање фотографии од големи колекции на слики; и „Edit“ за претворање RAW-податоци во висококвалитетни фотографии. Извлечете максимум од RAW-датотеките на Sony и управувајте со снимените материјали поефикасно.

Дознајте повеќе