HT-SF200 е сè-во-едно звучник со вграден сабвуфер. Компанијата Sony го опреми со звук со целосен опсег, а притоа му ги намали димензиите. Бидејќи е помал од стандардните звучници во вид на лента, неговата испорака е многу енергетски поефикасна.
Компанијата Sony се грижи и за корисничкото доживување и за животната средина. Генијалниот дизајн нуди одличен звук и има над 50% помали димензии - вклучувајќи го и уредот и пакувањето - ја минимизира потрошувачката на ресурси и нè приближува до нашата цел за искористување на животната средина еднакво на нула.
Одличен дизајн и за луѓето и за животната средина
Еко-ефикасноста беше важна цел за дизајнот на HT-SF200. Целта беше да создадеме сè-во-едно звучник во вид на лента за звук со целосен опсег и помал волумен на производот, за значително подобрување на ефикасноста за логистика и испорака.
Едноставниот едноделен систем се поставува полесно, а во споредба со звучници во вид на лента со посебни сабвуфери, волуменот на производот е помал за приближно 80%.
HT-SF200 тежи само 2,3 кг - 65% помалку од стандарден комплет од звучник во вид на лента и сабвуфер, а малата форма лесно ќе се вклопи во вашиот ентериер.
Волуменот по спакуван производ (спакувана состојба) е намален за приближно 59%, па затоа бројот на производи по палета е поголем. Тоа придонесува за намалување на емисиите на CO2 по производ за приближно 63% и поефикасно ракување при транспортот.
Компанијата Sony создаде нови решенија за богат и моќен бас во компактни и едноделни звучници во вид на лента. Специјалните канали за звук, почнувајќи од вграден вуфер па сè до канали за бас на двата краја на звучникот, создаваат висококвалитетен звук преку дискретен и стилски производ.
Teppei Itagaki
Sony Home Entertainment & Sound Products Inc.
За да ги задоволиме потребите за усогласување со ентериерот, заштеда на простор и слободен распоред на сè поголемиот пазар за звучници во вид на лента, сакавме да го вградиме сабвуферот и притоа да искористиме половина од достапниот простор. Наидовме на неколку проблеми при вградувањето на сабвуферот, вклучувајќи го и намалувањето на механичките вибрации за рамномерна репродукција на басот без тој да влијае врз другите звучници. Исто така, сабвуферот треба ефикасно да се снабдува со голема излезна струја преку уред за напојување со мал капацитет. Успешно ги решивме сите проблеми.
Намалувањето и вградувањето на сабвуферот ни овозможи да исполниме неколку еколошки цели како што е поекономична употреба на материјали и поефикасен транспорт. Планираме да продолжиме со овој еколошки дизајн во иднина.
ПОВРЗАНИ ПРОИЗВОДИ
Сè-во-едно звучници во вид на лента што заштедуваат ресурси
Погледнете повеќе производи од Sony со еколошки карактеристики
Создадовме ново револуционерно пакување. Отсега Aibo ќе се испорачува добро завиткан и заштитен од оштетување, во обложено пакување создадено од 50% рециклирани пластични шишиња од PET (полиетилен терефталат).
Уживајте во неверојатни виртуелни светови со моќта на PlayStation®. Дознајте како, во реалниот свет, компанијата Sony го намалува влијанието врз животната средина и заштедува енергија.
Како дел од своите напори за зачувување на ресурсите, Sony работи на значително намалување на количината на пластика што се користи за пакување на слушалките.
