ПРОСЛЕДУВАЊЕ
Комуницирајте со вашата публика преку видеоснимки и звук со беспрекорен квалитет
ОСОБИНИ
Кои функции кај фотоапаратите
се потребни за проследување?
Еве што треба да барате кога ќе го избирате најдобриот фотоапарат за проследување во живо.
Висок квалитет на слика
Сигурен автоматски фокус (AF)
Професионална контрола
Подобрени опции за звук
Лесно поставување
Висок квалитет на слика
Повеќето решенија за проследување во живо опфаќаат веб-камери опремени со помали сензори кои, за жал, го намалуваат квалитетот на сликата. Фотоапаратите од Sony може да снимаат до 4K-резолуција и имаат поголеми сензори на слика од веб-камерите, за да овозможат подобри перформанси при слаба светлина, попрецизна репродукција на бои и поголема длабочина на поле, при што се создава ефект на дефокусирање на заднината со професионален изглед.
Сигурен автоматски фокус (AF)
Нашиот автоматски фокус во реално време опфаќа AF на очи и откривање на лице, за вашиот субјект да биде остро фокусиран во текот на целото проследување - дури и во моментите со најбрзи движења! Ова е значително подобрување од честопати несигурниот автоматски фокус, со кој се соочуваат креаторите кои проследуваат преку веб-камера.
Професионална контрола
Колку повеќе контрола имате врз вашите поставки, толку поголема производствена вредност ќе постигнете. Фотоапаратите од Sony овозможуваат обемна рачна контрола врз експозицијата, фокусот, балансот на белата боја и многу повеќе, овозможувајќи ви детално прилагодување на видеоснимките според вашите специфични потреби. Може дури и да примените приспособливи изгледи за да прикажете уникатна завршна обработка, која вашата публика веднаш ќе ја препознае.
Избирањето фотоапарат со заменливи објективи ќе ви понуди уште поголема флексибилност за вашата опрема, особено во ситуации кога ви треба широкоаголна слика или слика одблиску.
Подобрени опции за звук
За да го задржите вниманието на публиката, вашиот глас мора да биде добар како и сликата. Поставките кај нашите фотоапарати опфаќаат рачно приспособување на нивото на звукот и висококвалитетни пред-засилувачи, овозможувајќи ви да снимате појасен звук од професионална класа, директно со фотоапаратот.
Достапни се и приклучоци преку кои може да поврзете надворешен микрофон за врвен квалитет на звукот. Ова не секогаш е можно преку веб-камера, па затоа ќе имате предност во однос на другите во оваа индустрија.
Лесно поставување
Брзото и лесно поставување е неопходно кога треба да реагирате брзо на најновите вести или кога треба да проследувате. Нашите фотоапарати се создадени да бидат ефикасни.
За да проследувате преку USB, сè што ви треба е да го приклучите USB-C-кабелот од вашиот фотоапарат во компјутер - не е потребна картичка за снимање, што е одлично за организирањето на каблите. Нашите фотоапарати, преку HDMI-излезот, испраќаат видеосигнал без компресија и без елементи кои се прикажуваат врз сликата, директно кон вашиот софтвер за проследување или картичката за снимање, за да создадете слики со беспрекорен квалитет кога проследувате во живо. Со нашата апликација Creators’ App може да го поврзете вашиот фотоапарат со паметен телефон, за да проследувате со висок квалитет во движење. Нема граници за содржините кои ги споделувате во живо со вашите следбеници!
ZV-E10 II - препораки за објективи
E PZ 10-20 мм F4 G
Најмалиот и најлесниот широкоаголен објектив во светот со фиксна решетка F4, моторизиран зум и APS-C-сензор нуди одлична преносливост и врвен квалитет на слика. Тој е совршен за патувања или настани кои ги проследувате во живо и нуди максимална контрола за обликување на кадарот директно преку рачката за зумирање на фотоапаратот, благодарение на нашата технологија Power Zoom која нуди подобро изразување со динамички и извонредно широки перспективи.
E 11 мм F1,8
Со фокусна должина од 11 мм (еквивалент на формат за целосна слика од 35 мм: 16,5 мм) за извонредно широки слики и голема максимална решетка F1,8 за длабок ефект на дефокусирање, овој објектив ќе ви овозможи да ја доловите целата ваша опрема за проследување.
E 15 мм F1,4 G
Малите димензии и тежина го прават овој објектив совршен избор за ZV-E10 II. Големата решетка F1,4 овозможува создавање прекрасен ефект на дефокусирање кој ќе ве издвои од заднината и ќе ве истакне додека зборувате со гледачите.
ZV-E1 - препораки за објективи
FE 16-25 мм F2,8 G
Овој објектив има повеќенаменски широкоаголен опсег на зумирање, кој е идеален за креатори кои проследуваат и сакаат да доловат поголем дел од опкружувањето или да опфатат повеќе луѓе во кадарот, без изобличување. Фиксната решетка F2,8 создава слики со доследни светлина и квалитет низ целиот опсег на зумот, дури и во услови со слаба осветленост, поради што проследувањата изгледаат живописни и професионални.
FE PZ 16-35 мм F4 G
Овој компактен и лесен објектив создава остри и квалитетни слики со опсег на извонредно широкоаголни до широкоаголни фокусни должини и умерено широка фиксна решетка F4. Покрај рамномерниот и повеќенаменски моторизиран зум, објективот ги минимизира промените во аголот на гледање кои може да настанат при фокусирање или зумирање, при што ги елиминира пречките и создава висококвалитетни снимени материјали.
FE 20 мм F1,8 G
Фокусната должина од 20 мм нуди пространо видно поле кое е совршено за снимање прекрасни пејзажи, динамички сцени или тесни ентериери, а притоа ја задржува острината низ целиот кадар. Неговата решетка F1,8 нуди одлични перформанси во услови со слаба осветленост, а притоа ги збогатува снимените материјали со прекрасна длабочина на поле и рамномерен ефект на дефокусирање. Тој е компактен и лесен и може да го користите за рачно снимање или снимање со механизам за стабилизација.
ФОТОАПАРАТИ
Кој е најдобриот фотоапарат за проследување?
Sony има палета на фотоапарати за проследување кои ќе ја подобрат вашата опрема, независно дали сте почетник или професионалец.
ZV-1 II
Лесен за користење и компактен
Нудејќи совршен спој од преносливост и професионални функции, овој фотоапарат со сензор од 1 инч нуди остри и детални видеоснимки, збогатени со заматена заднина која ќе ги разубави содржините кои ги проследувате на интернет. Независно какво е опкружувањето, може да преминете од снимање со широк агол до снимање одблиску со приспособливиот објектив со зум од 18-50 мм, а вградениот микрофон со насочување снима јасен звук - без потреба од дополнителна опрема! Компактниот дизајн овозможува лесно поставување на секоја локација, а функциите како екран на преклопување и AF на очи во реално време овозможуваат совршено обликување на кадарот и фокусирање, за безгрижно проследување на интернет.
ZV-E10 II
Усовршете го проследувањето
ZV-E10 II е моќна алатка за креаторите кои проследуваат, која нуди комбинација од флексибилноста на заменливите објективи и напредните функции за проследување. Неговиот голем APS-C-сензор нуди извонреден квалитет на слика, со богати детали и импресивни перформанси при слаба светлина, поради што содржините кои се проследуваат изгледаат остри и професионални. Брзиот и сигурен автоматски фокус опфаќа AF на очи, па затоа сè е во фокус, дури и при движење. Исто така, фотоапаратот поддржува надворешни микрофони за звук со подобар квалитет, а екранот на преклопување овозможува лесно следење при снимање во живо. Може да генерира излезен сигнал FHD 60p и 4K30p преку USB-C.
ZV-E1
За професионални креатори кои проследуваат
Ако сакате да добиете филмски изглед со минимален напор, тука е ZV-E1. Тој има сензор за целосна слика кој нуди неверојатен квалитет на слика, исклучителни перформанси при слаба светлина и прекрасен ефект на дефокусирање на заднината, со кои сите содржини кои ги проследувате ќе изгледаат извонредно. Опремен со нашиот нов чип за AI, фотоапаратот сега може да следи различни делови од телото, па дури и да го приспособува кадарот според вашата локација. На пример, може да се движите наоколу додека играте игри или презентирате производи, а фотоапаратот ќе ја следи вашата глава и ќе ја зумира по потреба, за да внесе динамика во вашите содржини.
ГАЛАНТЕРИЈА ЗА ФОТОАПАРАТИ НАМЕНЕТИ ЗА ПРОСЛЕДУВАЊЕ
Подобрете го вашето доживување при снимањето.
Микрофон за проследување ECM-S1
КОМПАТИБИЛНОСТ: ZV-E10, ZV-E1
Овој микрофон е создаден за креаторите кои проследуваат и нуди звук со извонредна острина, а кога е впарен со фотоапарат од Sony, може да се користи без кабел! Тој нуди шема на снимање која овозможува остро снимање на вашиот глас и го минимизира шумот во заднина, па затоа секое проследување ќе звучи професионално и совршено.
Држач за снимање GP-VPT3 со безжичен далечински управувач
КОМПАТИБИЛНОСТ: СИТЕ
Добриот држач ќе го подобри вашиот систем за проследување, овозможувајќи стабилна поддршка и практична безжична контрола. GP-VPT3 нуди сигурно и удобно ракување, како и интуитивни контроли за зумот, блендата и започнување/запирање на снимањето, овозможувајќи ви лесно да управувате со фотоапаратот додека сте во живо. За креаторите кои проследуваат, вградениот статив е особено корисен бидејќи овозможува стабилен систем за долги сесии на проследување без користење на рацете, додека отстранливиот далечински управувач со Bluetooth ви овозможува да го прилагодите или користите фотоапаратот без да го прекинувате проследувањето - овозможувајќи јасни и професионални содржини во живо, без пречки.
Компактен безжичен микрофон ECM-G1
КОМПАТИБИЛНОСТ: СИТЕ
Создаден околу капсула со голем дијаметар (14,6 мм), ECM-G1 нуди висококвалитетен звук сличен на звукот од врвните снимачи за звук и снима јасни и остри звуци со ефикасно намалување на шумот.
СПОРЕДБА
Споредба на фотоапаратите од Sony:
Сеопфатен водич
Големина на сензорот
Леќа
Квалитет на видео во живо преку USB-C
Следење на кадарот
Компатибилност со UVC/Creators' App
Компатибилност со приклучокот за галантерија
ZV-1 II
Едноставно проследување(еквивалент на 18-50 мм)
ZV-E10 II
Креативно проследување70+ достапни објективи
ZV-E1
Професионално проследување70+ достапни објективи
