ECM-W2BT има вградена капсула што ги снима звуците јасно и остро, за да овозможи проследување на висококвалитетен звук. Микрофонот овозможува и ефикасно намалување на надворешниот шум. 

Повеќенасочниот микрофон снима звук од сите насоки. Закачете го микрофонот блиску до устата на говорникот со помош на штипката, без да се грижите во која насока е завртен. 

Ако го користите ECM-W2BT со компатибилен фотоапарат што поддржува интерфејс за дигитален звук, тогаш звукот ќе се снима преку приемникот и ќе се пренесува во форма на дигитален сигнал, овозможувајќи ви да снимате звук со мал шум без кабли. 

Заштитата од ветер што се испорачува со ECM-W2BT ефикасно го намалува шумот предизвикан од ветер и гласно дишење. Тоа значи дека може да снимате јасен и стабилен звук дури и надвор на ветровито време. 

Софистицираната функција за стишување на звукот ви овозможува да снимате извори на гласен звук со помала јачина на звукот или да ги засилите тивките звуци, за да можете лесно да ги оптимизирате нивоата на снимање во зависност од ситуацијата. 

Сигналот за звук се пренесува помеѓу микрофонот и приемникот со кодекот Qualcomm® aptX™ Low Latency¹ Bluetooth® што нуди мало доцнење и спречува намалување на квалитетот на звукот при преносот.  [1] Qualcomm® aptX™ Low Latency¹

Снимајте безжично до девет часа² кога го користите ECM-W2BT со фотоапарат што поддржува напојување додатоци преку приклучокот за повеќе интерфејси (MI). Кога се користи со компатибилни фотоапарати, батеријата на микрофонот овозможува користење до девет часа, а приемникот може да работи повеќе од девет часа². Батеријата на приемникот ќе трае до три часа² доколку го впарите со фотоапарати што не поддржуваат напојување додатоци преку приклучокот за повеќе интерфејси. За да дознаете кои фотоапарати се компатибилни, отворете го линкот подолу.

Стабилните безжични перформанси овозможуваат одлично поврзување и значително го намалуваат ризикот од прекин на сигналот за звук, дури и во опкружувања со многу луѓе и многу безжични сигнали.  [1] До 200 м (600 ft), на места со добра видливост.

Одликувајќи се со дизајн отпорен на влага и прав⁰, ECM-W2BT овозможува удобно користење во секакви опкружувања. ECM-W2BT има заштита од временски услови на рабовите и капачиња на приклучоците за сигурно и непрекинато користење на отворен простор. 

Микрофонот може лесно да се поврзува со други уреди преку мини стерео приклучокот од 3,5 мм на предавателот, за да добиете појасен и пореален звук. Прикачете го микрофонот со штипка ECM-LV1 (се продава посебно) на предавателот за да снимате јасен стерео звук и да ги направите вашите видеоблогови пофлексибилни и поимпресивни. 

ECM-W2BT може лесно да се користи за снимање два гласа, односно снимателот и субјектот, во исто време. Благодарение на микрофоните вградени во предавателот и приемникот, ECM-W2BT е совршен за брзо снимање со еден снимател. Изворите на звук може да се спојат и снимат заедно со помош на режимот MIX.

Користете го испорачаниот заштитен држач за приклучоците како држач за микрофон, за да го поставите микрофонот во централна положба. Повеќенасочниот микрофон ќе снима звуци од сите учесници кога ќе снимате група луѓе. 

Компактната големина на ECM-W2BT е совршена за снимање на отворено или на терен. Тежината на микрофонот (предавателот) е само 27 грама (1,0 oz), а тежината на приемникот е 28 грама (1,0 oz), што значи дека нема да ви тежат кога ќе снимате.

Приемникот на ECM-W2BT може да се поврзе со обемна палета на фотоапарати⁰ и други уреди. Поврзувањето со компјутери и дигитални диктафони¹ што имаат влез за звук, но немаат приклучок за повеќе интерфејси, може да се изврши преку излезниот мини стерео приклучок од 3,5 мм на приемникот. 

Поврзувањето на ECM-LV1 со ECM-W2BT е одличен начин да ги искористите придобивките што ги нуди ECM-W2BT. Извонредно компактниот ECM-LV1 може лесно и незабележително да се прикачи на облеката на субјектот и да снима стерео звук одблиску што потоа може да се пренесе безжично до ECM-W2BT на голема оддалеченост. 

За да избегнете случајни прекини кога снимате звук, ECM-W2BT е опремен со индикатори што го потврдуваат успешното функционирање. Светилката LINK го посочува статусот на преносот помеѓу микрофонот и приемникот, а светилката POWER предупредува кога батеријата е слаба. 

Со ECM-W2BT не треба да се грижите за случајно исклучување, шум при ракувањето и неред од кабли. Благодарение на практичниот интерфејс за звук и напојување преку приклучокот MI на фотоапаратите од Sony, ќе уживате во сите придобивки од поставувањето без кабли. Ќе добиете и подобар квалитет на звук преку интерфејсот за дигитален звук (достапен кај компатибилни фотоапарати) што нуди остар и квалитетен дигитален звук. 

Прекинувачот на приемникот го олеснува избирањето на режимот за снимање што ви е потребен при снимањето. Достапни се три режими за снимање - само микрофон, само приемник или комбинација од микрофон и приемник. 

ECM-W2BT се испорачува со заштитен држач за приклучоците што е практичен за носење на приемникот и микрофонот заедно. Заштитниот држач за приклучоците може да се користи и како држач за микрофон, овозможувајќи стабилно поставување на микрофонот во ситуации кога ги користите приемникот и микрофонот истовремено.