Врвната резолуција на G Master е достапна низ целиот опсег на зумирање од 70 мм до 200 мм при сите фокусни растојанија. Два асферични елементи на објективот и еден елемент XA (екстремно асферичен), произведени со прецизност на површината од 0,01 микрони, за ефикасна контрола на аберацијата зависна од оддалеченоста и неверојатна резолуција низ целата површина на сликата.

Двата сферични елементи од ED-стакло (исклучително мала дисперзија) и двата елементи од супер ED-стакло значително ја намалуваат хроматската аберација за остра репродукција без прелевање на боите. Вграден е и асферичен ED-елемент кој ја намалува хроматската и сферичната аберација, што се чести проблеми кај телефото објективите.

XA-елементот произведен со прецизност на површината од 0,01 микрони го елиминира прстенестиот ефект на дефокусирање, а прецизната контрола на сферичната аберација го подобрува ефектот на дефокусирање. Сферичните стаклени елементи од тип ED (исклучително мала дисперзија) и супер ED и асферичниот ED-елемент ефикасно го минимизираат прелевањето на боите за да добиете прекрасен ефект на дефокусирање без неприродни бои.

Дури и решетката на објективот е подобрена за да ги задоволи највисоките стандарди за квалитет на G Master. Новосоздадената решетка со 11 ливчиња и речиси совршено кружна форма, од најширок отвор до два чекори помалку, помага во создавање природен и кружен ефект на дефокусирање каков што очекуваат корисниците на дизајнот G Master.

Анти-рефлективниот нано слој II создава еднаква облога врз површините на објективот што спречува рефлектирање, за ефикасно намалување на одблесоците и отсјајот. Оптичкиот дизајн на објективот ефикасно ги намалува и внатрешните рефлектирања што можат да ја намалат острината при фотографирање пејзажи или спорт.

Овој објектив може да се користи со куќишта од серијата α за сигурно фокусирање и рамномерно следење на субјекти што се движат брзо. Четирите линеарни XD-мотори со голема моќ и напредната технологија за контрола овозможуваат 4x⁰ побрз AF во споредба со SEL70200GM. Следењето со фокусот при зумирање е подобрено за приближно 30%¹ во споредба со SEL70200GM.

Преклопникот за заклучување на ирисот спречува несакани промени на експозицијата при фотографирањето. Кога заклучувањето е активно, решетката или ќе биде заклучена во положбата [A] или ќе може да се ротира помеѓу рачните поставки од F2,8 до F22. Кога заклучувањето не е активно, прстенот на решетката ќе може да се ротира помеѓу [A] и сите други рачни поставки без ограничувања.

Независната контрола на фокусот, зумот и ирисот овозможува прецизна рачна контрола при снимање видео. Прстенот за решетката има преклопник за вклучување/исклучување звук за чекорите на решетката, што кога е вклучен овозможува повратен ефект при фотографирањето, а кога е исклучен нуди рамномерна и тивка контрола на ирисот при снимање видео.

Овој уникатен објектив нуди оптика со неверојатен квалитет и AF вградени во најлесниот⁰ објектив со зум од 70-200 мм и F2,8 во светот. Линеарните XD-мотори и компонентите на цилиндарот од магнезиумска легура создаваат вкупна тежина од само 1045 грама (36,9 oz); приближно 29% помалку од претходниот модел. Напредниот дизајн ја подобрува рамнотежата и ракувањето.

MF со линеарен одзив му овозможува на прстенот за фокусирање да реагира директно и линеарно за дискретна контрола при рачното фокусирање. Ротацијата на прстенот за фокусирање директно врши соодветни промени на фокусот, за да се добие чувство на брза и прецизна контрола при фотографирање или снимање. 

Вградената оптичка стабилизација на слика овозможува полесно рачно снимање на остри слики. РЕЖИМОТ 2 за стабилизација е оптимизиран за фотографирање со поместување, а РЕЖИМОТ 3⁰ нуди стабилно обликување на кадарот при фотографирање динамички и непредвидливи движења. Стабилизацијата на слика со 5 оски е достапна ако го прикачите објективот на куќиште α со вградена стабилизација на слика.

Преклопникот за ограничување на опсегот на фокусирање (ЦЕЛОСНО/∞ - 3 м) го ограничува функционирањето на AF со однапред одреден опсег за да ја максимизира брзината на AF и да спречи фокусирање на несакани предмети.

Три приспособливи копчиња за задржување на фокусот се поставени на оддалеченост од 90° за лесен пристап и практична контрола при фотографирањето во хоризонтална или вертикална ориентација и од секој агол. На копчињата за задржување на фокусот може да се додели една функција од менијата на куќиштето.

Отпорноста на прав и влага² е значително подобрена во споредба со претходниот модел¹. Сите споеви се заштитени, копчињата и преклопниците имаат силиконски гумени заптивки, а приклучокот за објективи е заштитен со гумен прстен. Внатрешниот механизам за зумирање има поголема заштита од прав и влага², а должината на цилиндарот на објективот е фиксна.

Предниот елемент на објективот има слој со флуор што е отпорен на вода, масло и други нечистотии, а овозможува и полесно бришење на сите нечистотии или отпечатоци од прсти што се акумулираат на површината на објективот.