CMOS-сензор за целосна слика со задно осветлување и 12,1 милиони ефективни точки⁰ се одликува со брзина на читање двојно поголема од онаа на α7S II, како и со висока чувствителност и широк динамички опсег. Напредниот филтер за бои се одликува со прецизност во репродукцијата на бои, а AF со откривање фаза во фокусната рамнина овозможува значителни подобрувања во стабилноста и прецизноста на автоматскиот фокус. Сите овие карактеристики придонесуваат за извонреден квалитет на сликата.

Процесорот за обработка на слика BIONZ XR^TM  се одликува со перформанси до осум пати подобри од оние на претходниот процесор, со што го минимизира доцнењето и значително ги подобрува можностите за обработка на фотографии и видеоснимки во реално време. Процесорот врши обработка во реално време на AF, препознавањето слики и прилагодувањата на квалитетот на сликата, а притоа се справува и со преносот на податоци, корисничкиот интерфејс и другите операции на фотоапаратот.

Конфигурацијата за целосна слика со 12,1 милиони точки⁰ овозможува висока чувствителност со низок шум во опсегот на чувствителност на фотоапаратот со помош на оптимизирање на излезниот сигнал од сензорот. Стандардниот опсег на ISO е 80-102400, кој дополнително може да се прошири до 40-409600 (80-409600 за видеоснимки). Динамичкиот опсег нуди импресивни 15 чекори¹, за прекрасни и реалистични слики без премногу осветлени површини. Заедно, високата чувствителност на фотоапаратот и широкиот динамички опсег ви овозможуваат поголема слобода при снимањето.

Снимањето 4K-видеоснимки со целосна слика при 120 fps⁰ со автоматски фокус е можно благодарение на можностите за читање со голема брзина на новиот сензор кој соработува со новиот, моќен процесор BIONZ XR. Овие висококвалитетни 4K-видеоснимки со обработка на сите точки без соединување нудат изработка на јасно забавено движење во обработката по снимањето (до x5 побавно од реално време)¹, како и ефекти на дефокусирање карактеристични за фотоапаратите за целосна слика, сето тоа придружено со рамномерен автоматски фокус со голема прецизност. И покрај компактната големина на α7S III, тој ви нуди импресивни креативни можности.

Фотоапаратот нуди можност за внатрешно снимање во 4K со длабочина од 10 бита и семплирање на бои со сооднос 4:2:2 кога се користи Long GOP или All Intra компресијата. На овој начин може дополнително да ги истакнете боите и да го подобрите видеото за врвен HDR-реализам, а притоа да ја задржите природната градација и да уживате во слободата при уредувањето.

Покрај методот за компресирање меѓу сликите Long GOP, α7S III сега поддржува и внатрешно (All-Intra) снимање⁰ меѓу сликите, за прв пат во модел со куќиште α, со што секоја слика независно се снима со висока бит-стапка до 600 Mbps. Ова може да биде корисно за одредени видови снимања бидејќи овозможува максимална флексибилност при уредувањето во обработката по снимањето. 

[1] All-Intra (All-I)  [2] Long GoP  [3] Група слики

Достапно за прв пат, снимањето во форматот XAVC HS со кодекот MPEG-H HEVC/H.265 нуди приближно двојно поефикасна компресија. Во споредба со стандардниот формат 4K XAVC S, XAVC HS овозможува 10-битни видеоснимки со семплирање на бои со сооднос 4:2:2 во приближни или помали датотеки, при што испорачува уште подобар квалитет на слика во попрактични големини на датотеките⁰.

Фотоапаратот овозможува подобар квалитет на слика и пофлексибилно и поефикасно уредување по снимањето и може да проследува излезни RAW-податоци со 16 бита кон надворешен снимач преку HDMI-приклучок, за прв пат во серијата α. Сензорот за слика снима во формат за целосна слика со резолуција 4264 x 2408 (сооднос на слика 16:9) и 16 бита, со избор на повеќе стапки на слики 59,94p/50p/29,97p/25p/23,98p и простори на бои.

Достапни се кривите на гамата S-Log2 and S-Log3, а S-Log3 е дизајниран за подобра репродукција на градациите, од сенки до средината на опсегот на сивата боја (18% сива), со што се овозможува динамички опсег до 15 чекори⁰. Достапни се три поставки за палета на бои (S-Gamut, S-Gamut3 и S-Gamut3.Cine), а последните две овозможуваат полесно совпаѓање на боите на снимените материјали со професионалните филмски фотоапарати на Sony. Бидејќи боите се совпаѓаат, градацијата на боите е полесна во обработката по снимањето, поради што е попрактично да се користи α7S III заедно со други професионални фотоапарати.

При снимање видеоснимки, HD-прокси датотеките со ниска бит-стапка може да се снимаат истовремено со форматите со повисока бит-стапка како XAVC S-I 4K, по што помалите прокси датотеки може да се користат за уредување и прегледување пред испораката на конечниот производ. Вака се намалува оптоварувањето на компјутерите и работниот процес станува поефикасен. Прокси датотеките може да се снимаат во 10-битен XAVC HS-формат (1920 x 1080) или 8-битен XAVC S-формат (1280 x 720) ⁰.

Профилот за слика HLG (Hybrid Log-Gamma), заедно со широката палета на бои BT.2020, може да се користи за директна репродукција на телевизорите компатибилен со HDR (HLG). Резултатот се неверојатно реалистични слики, слични на оние видливи со голо око, со детални сенки и осветлени делови, помало избледување и затемнување, без потреба од градација на боите. Конкретно, 10-битните снимки репродуцираат исклучително ниво на врвна градација и детали за неверојатна реалистичност. 

[1] Висока флексибилност за прилагодување на сликите според вашите желби (потребна е градација на бои) [2] Моментално снимање на висококвалитетни слики (не е потребна градација на бои)  

Подобрените можности на новиот процесор за обработка на слика на α7S III овозможуваат порамномерно доловување на боите и текстурите на вегетацијата и човечката кожа, без преголема зависност од изворите на светлина. Репродукцијата на градациите е исто така подобрена и нуди пореалистични тонови на кожата и изедначеност на осветлените делови на портретите. Кога снимате во 4K, новиот сензор за слика и процесорот за обработка на слика го намалуваат изобличувањето од вртењето на блендата до една третина од она на α7S II.

Одликувајќи се со технологија и стандардите за перформанси на професионалната видеокамера за голем формат FX9, брзиот хибриден автоматски фокус го комбинира AF со откривање фаза во фокусната рамнина со AF со откривање контраст. Тоа резултира со рамномерно следење на објектите што се движат брзо со голема прецизност, дури и при голем опсег или мала длабочина на полето, со што целосно се искористуваат операциите за рамномерно фокусирање со линеарен мотор и моторизираниот зум на објективите со E-приклучок од Sony. Новите параметри за брзина на премин на AF и AF со чувствителност на поместување на објектот овозможуваат пофлексибилна контрола над фокусирањето, во согласност со барањата на професионалните корисници. И двете опции овозможуваат однапред поставените параметри да се отповикаат при снимањето преку прилагодливо копче.

Поддршката за автоматски фокус на фотоапаратот може да биде корисна дури и ако претежно користите рачен фокус. За целосна брзина на AF, половично притиснете го копчето за блендата или притиснете го копчето AF-ON, како при фотографирањето. Или, пак, доловете побавни, филмски премини на AF така што ќе го активирате AF преку функцијата за фокусирање со допир или AF на очи во реално време преку копче со приспособени функции. Резултатот ќе биде бавен, рамномерен автоматски фокус во поставената брзина на премин на AF.

Следењето во реално време и AF на очи во реално време многу го олеснуваат снимањето видеоснимки. Следењето со допир почнува да го следи објектот преку интуитивен допир на LCD-мониторот и ги обработува податоците за боите, шемите (светлината), оддалеченоста (длабочина) и информациите за лицето за вашиот објект постојано да биде во фокусот. Тоа ви овозможува повеќе да се концентрирате на композицијата, што е особено корисно кога снимате сами или користите механизам за стабилизирање. Операциите со допир може да се користат за привемено вклучување на AF, дури и кога снимате рачно.

Користејќи нова единица за стабилизација со голема прецизност, жироскопи и оптимизирани алгоритами за оптичка стабилизација на слика, активниот режим на оптичкиот SteadyShotTM на фотоапаратот нуди прецизна оптичка компензација на слика при снимање видеоснимки, дури и за 4K-видеоснимките⁰. Со ова врвно ниво на стабилизација, можно е да фотографирате само со фотоапаратот и да ја искористите компактноста и подвижноста на α-системот.

  [1] Следење на тресењето на фотоапаратот  [2] Стандарден  [3] Активен

Дигиталниот аудио интерфејс е вграден во приклучокот за повеќе интерфејси (MI) за да се овозможи појасно снимање звук без загуба на квалитет. Комплетот со XLR-адаптер XLR-K3M на фотоапаратот му додава и можност за 4-канално снимање звук при 24 бита. Од менито може да изберете три формати на снимање: 48 kHz/16-бита 2-кан., 48 kHz/24-бита 2-кан. и 48 kHz/24-бита 4-кан., при што за последните два формати е потребен комплетот со XLR-адаптер XLR-K3M.

Дизајнот на фотоапаратот е оптимизиран за да се спречи прегревање дури и при долги сесии на снимање. Уникатниот графитен ладилник во форма на Σ (сигма) од Sony е вграден во единицата за стабилизација на сликата и му овозможува на процесорот да ослободува топлина пет пати поефикасно од претходните модели⁰, без попречувања во движењето или стабилизацијата на сликата.

Флексибилноста при позиционирањето на фотоапаратот и обликувањето на кадрите ја овозможува мониторот со променлив агол кој е поставен странично и се одликува со светол LCD-екран од тип 3.0 со 1,44 милиони точки⁰. Копчето за ВИДЕО е лесно достапно на горниот панел на фотоапаратот, а издржливиот HDMI-приклучок од тип А овозможува сигурно поврзување со надворешни монитори. Распоредот на елементите и почетните поставки се прилагодени за да одговорат на потребите на професионалните корисници.

Една подгрупа од поставките на фотоапаратот може независно да се менува за снимање и фотографирање. Тоа може да биде корисно ако сакате да користите различни вредности за ISO, ирис (решетка) и други поставки, во зависност од режимот на фотографирање. Уште една практична функција е користењето на режимот на флексибилна експозиција наместо стандардниот режим PASM кога е избран режимот за видео или режимот S&Q. Ова овозможува брзо префрлување помеѓу автоматската и рачната контрола на ирисот (решетката) и брзината на блендата, а функцијата може да се додели на прилагодено копче за да се овозможи префрлување помеѓу автоматската и рачната контрола само со еден допир.

Брзиот хибриден AF користи 759 густо распоредени точки за AF со откривање на фаза (кои покриваат приближно 93 % од површината на сликата) во комбинација со AF со откривање на контраст со 425 точки. Функциите за AF на очи во реално време (за луѓе и животни) и следење во реално време за прв пат се достапни во серијата S. Напредните алгоритми за AF овозможуваат прецизен AF дури и при мали нивоа на светлина до EV-6⁰, со што обезбедуваат прецизен фокус дури и кога објектот е тешко видлив со голо око. 

Механичките и електронските бленди овозможуваат континуирано фотографирање со брзина до 10 fps⁰ со AF/AE. Континуираното фотографирање на над 1000 некомпресирани RAW-фотографии е можно¹ благодарение на зголемувањето на меѓумеморијата на процесорот BIONZ XR и поголемата брзина на запишување на мемориските картички.

Новиот сензор за слика и процесорот за обработка на слика нудат неверојатна чувствителност, која е препознатлива карактеристика на серијата S, како и значително подобра репродукција на боите и деталите на текстурите. Подобрената репродукција овозможува снимање реалистични слики со намален шум, особено во средниот и високиот опсег на чувствителност. Новиот сензор за видливо светло и инфрацрвени зраци го подобрува автоматскиот баланс на белата боја, а додадени се и опции за HEIF-датотеки и режим за фотографирање во HLG (за 8-битни и10-битни фотографии во HEIF-формат)⁰.

Новата функција за креативен изглед е брз начин да доловите одредена атмосфера во фотографиите и видеоснимките така што ќе ги менувате параметрите како што се светлината, контрастот и заситувањето на боите. Фотоапаратот нуди десет однапред поставени параметри за креативен изглед, од кои секој може да го користите каков што е или да се прилагодите со помош на осум поединечни поставки за параметри. Прилагодените поставки за креативен изглед лесно може да ги зачувате за понатамошна употреба.

Двата отвори за медиуми на фотоапаратот се компатибилни со картичките CFexpress од тип A, како и со картичките SDXC/SDHC што ги поддржуваат класите на брзина UHS-I и UHS-II. Картичките CFexpress од тип A се новиот стандард за компактно складирање со големи брзини на запишување/читање и се погодни за континуирано фотографирање со голема брзина и снимање 4K-видеоснимки со висока стапка на слики. Тие овозможуваат брзо бришење на меѓумемориите на фотоапаратите дури и при снимање голем број фотографии или видеоснимки.

Со највисоката резолуција во својата класа⁰, визирот на α7S III е сличен со резолуцијата на човечкото око. Тој нуди зголемување од 0,90x¹, дијагонално видно поле од 41° и висока точка на окото од 25 мм за јасно гледање без изобличување. Подобрувањата на заштитата во голем степен ја намалуваат можноста дури и драстични промени во амбиенталната температура да предизвикаат внатрешна кондензација.

Земајќи ги предвид барањата на професионалните фотографи и видеографи, структурата на менито е дизајнирана за професионалците да може да работат поефикасно. Картичките во менито се на левата страна на приказот, а групите со параметри и параметрите поврзани со избраната картичка се прикажани на десната страна. Може да се прикажат до три нивоа одеднаш, со што структурата на менито е појасно видлива. Операциите на допир во менито овозможуваат брза и интуитивна контрола.

За да се максимизира отпорноста на прав и влага, додадовме дополнителна заштита на сите споеви на куќиштето и на капакот на преградата за батеријата, а капакот на отворот за медиуми е редизајниран за да се справи со тешките надворешни услови. Филтерот пред сензорот за слика осцилира со ултрасонична фреквенција од 70.000 циклуси во секунда за да ја отстрани правта од површината на сензорот. Куќиштето на фотоапаратот е исклучително издржливо благодарение на конструкцијата од магнезиумска легура.

Фотоапаратот поддржува USB PD (напојување) да овозможи континуирано и долго фотографирање без да ја троши внатрешната батерија⁰. Преносливите батерии и USB-полначите компатибилни со PD¹ може да се приклучат во приклучокот USB Type C® на фотоапаратот за да го напојуваат или да ја полнат внатрешната батерија со 3 до 4 пати поголема брзина² од стандардните напојувања.

.

Сега имате можност да ги конфигурирате поставките за компатибилен прикачен блиц или безжичен управувач со радиосигнали (се продаваат одделно) од самиот фотоапарат. До повеќето поставки, вклучувајќи ја и јачината на светлината, може лесно да пристапите и да ги промените директно во менито на фотоапаратот, а со помош на оригиналната галантерија од Sony, се овозможуваат високи перформанси при контролата на блицот. Параметрите на блицот се прикажани во избраниот јазик на екранот на фотоапаратот.

Вклучувањето на препознатливиот S-Cinetone⁰ од Sony, земен од развојот на Cinema Line FX9 и од CineAlta камерите како што е VENICE, овозможува добивање филмски бои директно во фотоапаратот. S-Cinetone е оптимизиран за природни тонови на кожата и бои со среден опсег, нежни високи тонови за импресивно издвојување на субјектот без градација при процесите по снимањето.

Сега е достапна бесплатна доживотна лиценца за активирање на DCI 4K / 24,00p⁰ Лиценцата за надградба се презема преку Creators’ Cloud. [1] Додава нов формат XAVC S-I DCI 4K. [2] Додава опција True 24p (24,00p) како стапка на слики за снимање. [3] Брзините на блендата 1/96, 1/48 и 1/24 се достапни кога се поставени вредностите 23,98p или 24,00p. [4] Додава маркер за сооднос од 16:9. 

Компензирањето на промените во фокусната должина може да се користи со компатибилни објективи.⁰ За метаподатоците има поддршка при обработката по снимањето доколку се користи софтверот Catalyst Plug-in. Потребно е ажурирање на софтверот (вер. 3.00 или понова).

Додадени се изборни поставки за автоматски пренос кон FTP: [1] Опцијата „Само заштитени слики“ е додадена во екранот за избор на целната дестинација за автоматски пренос кон FTP. [2] Опцијата „Заштити слика при пренос кон FTP“ е додадена во функцијата за пренос кон FTP. [3] Прекинот на редоследот за автоматски пренос кон FTP, за поединечни слики, може рачно да се постави како приоритет. Има поддршка за SFTP (протокол за безбеден пренос на датотеки). Потребно е ажурирање на софтверот (вер. 3.00 или понова).

Доколку кадарот бил обележан со „Ознака на снимка“, независно дали при снимањето или по снимањето, можно е да се извлече фотографија од видеозаписот.⁰

Со апликацијата Monitor & Control⁰, информациите за фокусот (мапа за длабочина) може да се прикажат врз сликата која се прикажува на големиот екран на паметниот телефон или таблет-уредот, за визуелно и интуитивно утврдување на фокусираните и дефокусираните површини. Таа нуди моќна поддршка за фотографирање слики со висока резолуција и фотографирање со мала длабочина на полето, кога се користат објективи со голема и светла решетка.

Со апликацијата Monitor & Control⁰ може да ги приспособувате поставките за ирисот користејќи ја лентата за интуитивна контрола која се прикажува на големиот екран на вашиот паметен телефон или таблет-уред.