Сите спецификации и функции

Lighting the Way Forward

Камерата FX5, која нуди многу креативни можности, им овозможува на режисерите да зачекорат сигурно во новата етапа од нивната професионална кариера. Обединувајќи ги напредниот филмски изглед и подобреното ракување во компактно куќиште, таа им ја нуди потребната слобода на креаторите на содржини за реализација на нивната визија со поголема прецизност, контрола и потенцијал за изразување.

Exmor RS™ CMOS-сензор за целосна слика со 5K-резолуција и подредена структура, за брзина, детали и употребливи експозиции

Exmor RS CMOS-сензорот за целосна слика со подредена структура овозможува голема брзина на читање за да овозможи снимање со висока резолуција и висока стапка на слики. Големиот опсег на употребливи експозиции и малиот шум овозможуваат рамномерна градација и природни текстури, дури и во сцените со голем контраст.

BIONZ XR2™ со вграден уред за обработка со AI, за поголема поддршка при снимањето

Процесорот BIONZ XR2 нуди значителни подобрувања во сликата, звукот, комуникациите, ракувањето и многу повеќе. Неговиот интегриран уред за обработка со AI поддржува напредно препознавање субјекти и проценка на осветлувањето врз основа на длабоко учење, за да добиете попрецизен автоматски и континуиран баланс на белата боја (ATW) и посигурна поддршка при снимањето во тешки услови.

Open Gate и други режими за скенирање слики

FX5 нуди снимање во форматот за целосна слика Open Gate - за прв пат во серијата Cinema Line FX. Со 5K до 60 fps (целосна слика 3:2), 4K до 120 fps (целосна слика со отсекување) и многу други формати, таа ви нуди слобода за приспособување на кадарот, брзината и работниот процес, за реализација дури и на најамбициозните визии.

Внатрешно снимање X-OCN RAW-видео со компресија

Внатрешното снимање во форматот X-OCN со 16 бита и линеарно сценско кодирање ја елиминира потребата од надворешен снимач за RAW-податоци. Со кодеците LT, C1 и C2 може да ги балансирате квалитетот на сликата, големината на датотеките и флексибилноста на работните процеси со RAW-датотеки според потребите за продукцијата.

Голем опсег на употребливи експозиции со 15+ чекори и мал шум

Големиот опсег на употребливи експозиции со 15+ чекори помага во доловувањето на деталите во сенките и светлите тонови со рамномерна и природна градација. Малиот шум во сенките ги зачувува острината, текстурата и атмосферата, па затоа сцените имаат пореално чувство на длабочина и амбиент, а воедно добивате и снимени материјали кои се полесни и пофлексибилни за градација.

Три поставки за основни вредности за ISO, за ефикасна контрола на шумот во сите опкружувања

Достапни се три поставки за основни вредности за ISO - стандардна чувствителност ISO 800, средна чувствителност ISO 4000 и висока чувствителност ISO 12800 за слаба светлина - кои ќе одговараат на опкружувањето во кое фотографирате. Доловувајте јасни сенки и снимајте со голем опсег на употребливи експозиции во различни услови на осветлување, за да добиете доследна и неверојатна острина.

Функцијата за снимање со двојно засилување се појавува за прв пат кај камерите од серијата Cinema Line FX

Функцијата за снимање со двојно засилување го максимизира опсегот на употребливи експозиции, а воедно го намалува шумот, за да ги подобри деталите во сенките. Искористувајќи ги можностите на сензорот максимално, таа создава рамномерни и природни градации на тонови, за поголема флексибилност при уредувањето.

Снимање со висока стапка на слики, вклучувајќи и со резолуција од 5K со максимум 60 fps

FX5 снима со резолуција до 5K со 60 fps и со резолуција до 4K со 120 fps, што на креаторите на содржини им нуди моќ за снимање брзи движења со импресивни детали и острина. 5K 120p и 4K 240p ќе бидат достапни со фирмверот V2.0, планиран за август 2027 година или подоцна.

Прецизни и сигурни функции за AF и следење, со препознавање субјекти врз основа на AI

Благодарение на вградената функција за обработка со AI, процесорот BIONZ XR2 може прецизно да препознава очи на луѓе, животни и птици (AF на очи во реално време). Брзиот хибриден автоматски фокус користи максимум 759 точки за да овозможи сигурно фокусирање во ситуации со лоши услови, вклучувајќи и потемни сцени. Исто така, следењето во реално време ѝ помага на камерата да го следи субјектот рамномерно и прецизно, дури и при мала длабочина на полето.

Вградена функција за корективно приспособување, за анаморфно снимање

Вградената поддршка за корективно приспособување го олеснува анаморфното снимање кога сте на сцената. Нудејќи поставки за 1,3x, 1,5x, 1,6x, 1,8x и 2,0x, камерата FX5 работи непречено со голем избор на анаморфни објективи.

Проценка на осветлувањето врз основа на длабоко учење

Проценката на осветлувањето врз основа на длабоко учење овозможува извонредна прецизност за автоматскиот и континуиран баланс на белата боја (ATW), дури и во сцени со лоши услови. Таа нуди прецизна репродукција на бои, дури и во услови за осветлување кои претходно предизвикувале непотребно преовладување на одредена боја.

S-Cinetone™ за подобрен филмски изглед

S-Cinetone ја внесува технологијата за филмски бои од Sony во камерата FX5, за да овозможи природни тонови на кожата, рамномерни градации и врвен изглед, користејќи ја само камерата.

Широка палета на бои за поголема контрола на градацијата

Одликувајќи се со палети на бои кои ги надминуваат BT.2020 и DCI-P3, S-Gamut3 и S-Gamut3.Cine задржуваат голем обем на информации за боите, овозможувајќи попрецизна градација и полесно усогласување на боите со VENICE 2 при снимање со повеќе камери. Исто така, рамномерното изразување на тоновите и стабилната репродукција на боите ќе ви помогнат да го постигнете саканиот изглед со поголема прецизност.

Три режими за S-Log3, за пофлексибилни работни процеси

Од снимање филмски сцени до снимање во движење, изберете Cine EI, Cine EI Quick или Flexible ISO за да снимате содржини со максимален опсег на употребливи експозиции. Исто така, може да увезете максимум 16 кориснички LUT-датотеки кои ќе ви овозможат да го следите предвидениот изглед додека снимате.

Компактен дизајн со мала тежина за агилност на сцената

Компактното куќиште со рамна горна површина и стабилниот држач се создадени за удобна рачна работа. Кога се користи со компактни објективи од Sony, камерата FX5 се претвора во пренослив систем за флексибилно снимање со механизми за стабилизација, во тесни простории и во динамички продукции.

Стабилизација со 5 оски за постабилно рачно снимање

Прецизниот уред за стабилизација и жироскопите работат заедно за да понудат вградена оптичка стабилизација со 5 оски. Подобрениот уред за стабилизација го проширува опсегот за компензација во насоката за ротирање до 2x, со што ефикасно го намалува тресењето предизвикано од ротирање при рачно снимање. Динамичкиот активен режим нуди дополнителна електронска поддршка, а вметнатите метаподатоци за стабилизација може да се искористат и при обработката по снимањето, за поголема контрола врз конечните резултати.

Снимање висококвалитетен Float-звук со 96 kHz / 32 бита

XLR-рачката нуди два влезни приклучоци XLR/TRS, мини стерео приклучок од 3,5 мм и снимање Float-звук со 96 kHz / 32 бита. Одликувајќи се со четири канали за висококвалитетно снимање, таа поддржува и независно снимање Float WAV-звук со 32 бита, покрај звукот на видеото, за пофлексибилни работни процеси за звук кога сте на сцената.

Изборен OLED-визир DVF-EL1 за полесен надворешен мониторинг

Додајте го изборниот OLED-визир за подобар мониторинг на локации со силно осветлување. Неговиот панел од тип 3,5 има прибл. 7,07 милиони точки, палета на бои еквивалентна на DCI-P3, екран со 10 бита, поддршка за HDR-мониторинг и зголемување до 0,90x, а дизајнот со закосување од 0°-90° и изборот на режими за приказ помагаат во адаптирање на мониторингот според различните стилови на фотографирање.

Монитор од тип 3,5 со дизајн за вртење по 4 оски

Мониторот од тип 3,5 со сооднос на слика од 16:9 се закосува нагоре до 98°, надолу до 40° и странично до 180°, а може и да ротира до 270° кога е отворен. Панелот со голема светлина и 15 поставки за светлина, прецизната контрола за приказ на инверзна слика и уредно организираните информации за снимањето кои се прикажуваат на екранот придонесуваат за појасен и пофлексибилен мониторинг кога сте на сцената.

(ПОЧЕТЕН) екран BIG6 за побрза контрола кога сте на сцената

Земен од врвните камери CineAlta на Sony, јасниот (ПОЧЕТЕН) екран BIG6 прикажува шест неопходни поставки - стапка на слики, EI/ISO/засилување, бленда, ирис, LUT и баланс на белата боја - на едно место за побрзо ракување. Контролата на допир, повеќефункционалното вртливо копче и контролата за фиксна/променлива стапка на слики на CineAlta им помага на тимовите да работат брзо, а притоа да можат лесно да ги видат важните поставки.

Поддршка за мониторинг, за прецизно снимање

Алатките за експозиција и фокусирање, вклучувајќи ги мониторот за бранови форми, хистограмот, погрешните бои и мапата на фокусот, овозможуваат побрзо носење одлуки кога сте на сцената. Тие ќе ви помогнат да управувате сигурно со светлите тонови, сенките, тоновите на кожата и важниот фокус.

Контроли и менија наменети за снимање видео

Од поставките во менито до повеќефункционалното вртливо копче во стил на CineAlta, камерата FX5 е дизајнирана за снимање видео. Често користените контроли се концентрирани околу држачот и горниот панел, а повеќефункционалното вртливо копче може да се ракува и со ротација и со притиснување, за побрз пристап до главните поставки за време на снимањето.

Јасна видливост на светилката

Предната и задната сигнална светилка, кои може да се конфигурираат, овозможуваат полесно гледање на статусот за СНИМАЊЕ/ПОДГОТВЕНОСТ, а на мониторот може да прикажете и црвена рамка за време на снимањето. Тие ќе ви помогнат да го утврдите статусот на снимањето со еден поглед, дури и кога конструкциите за камери или механизмите за стабилизација ве спречуваат да гледате директно во мониторот.

Јасно зумирање на слики за подобро и поинтуитивно обликување на кадарот

Јасното зумирање на слики нуди режим за [Приоритет за рамномерност] кој овозможува непречено зумирање од оптичкиот широк агол, па сè до дигиталниот зум до 2x. [Приоритет за оптички зум] е режим за зумирање кој дава приоритет на квалитетот на сликата. Откако оптичкиот зум ќе го достигне максималниот телефото зум, јасното зумирање на слики се активира и продолжува со зумирањето. Непреченото зумирање може да се контролира и преку прстенот за зумирање кај компатибилните објективи, за поинтуитивно и доследно обликување на кадарот.

Два отвори за картички CFexpress Type A/SD, за флексибилни работни процеси со медиуми

Двата отвори за CFexpress Type A овозможуваат снимање со пренасочување, истовремено снимање и посебно снимање, а поддржуваат и SDXC-картички (UHS-II/UHS-I). Главната датотека и прокси датотеката може да се снимат во различни отвори, што на продукциите им нуди поголема флексибилност за избор на медиуми, стратегии за правење резервни копии и ракување со датотеки.

Енергија која овозможува долго снимање

Батеријата NP-SA100 со голем капацитет од 2670 mAh нуди време за снимање до 170 минути. Оптимизираното управување со енергијата, зголемената брзина на полнење, напојувањето преку USB и приказот на состојбата на батеријата овозможуваат полесно да се справите со деновите кога снимате подолго и полесно да утврдите кога треба да се смени батеријата.

Куќиште со издржлив и изолиран дизајн

Сеопфатните подбрувања максимално ја зголемуваат отпорноста на прав и влага, за да добиете голема сигурност при работа во тешки услови. На надворешните споеви и околу капакот за батеријата има заштита која спречува навлегување на влага и прав, а вентилаторот за ладење е сместен во посебна комора за дополнителна заштита.

Непрекинато снимање во 5K/60p

Ефикасниот систем со вентилатор за ладење и напредниот дизајн овозможуваат 3x поголем проток на воздух, кој овозможува ладење на камерата дури и кога е затворен LCD-мониторот. Трите режими на вентилаторот [Автоматски], [Минимум] и [ИСКЛУЧЕН при СНИМАЊЕ] ви овозможуваат да го балансирате ладењето и шумот при работа според опкружувањето и продукцијата.

Точки за флексибилно монтирање

На куќиштето има пет отвора за завртки наменети за прикачување галантерија, плус два отвора на долната страна за поставување статив. Како резултат добивате куќиште кое е полесно за поставување во конструкции за камери, како и за директно надополнување со неопходна галантерија.

Monitor & Control за далечинско ракување преку мобилни уреди

Апликацијата Monitor & Control ги претвора паметниот телефон, таблет-уредот или Mac во флексибилен втор екран за мониторинг, поставување на камерата и ракување со камерата. Таа нуди едноставен начин за поголема контрола при самостојно снимање, при користење компактни конструкции за камери и при други продукции, за кои е потребно пофлексибилно далечинско ракување.

Дознајте повеќе за Monitor & Control

Catalyst Prepare и Catalyst Prepare Plugin

Catalyst Prepare и Catalyst Prepare Plugin ги користат метаподатоците од фотоапаратот за да овозможат брзо прегледување и коригирање на снимките. Тие нудат поддршка за различни формати, вклучувајќи ги X-OCN LT/C1/C2, но и главни функции како стабилизација, компензација на промените во фокусната должина, алатки за бои/LUT и транскодиран извоз.

Дознајте повеќе за Catalyst

Флексибилен мониторинг, напојување и поврзување временски код

Излезниот приклучок HDMI Type A поддржува флексибилен надворешен мониторинг, со опција за приказ на информациите за снимањето и на LCD-екранот на фотоапаратот и на надворешниот монитор, или приказ на посебни информации за статусот на излезната слика. Двата USB Type-C®-приклучоци поддржуваат напојување и внесување временски код преку изборен кабел со адаптер.

Опции за поврзување преку жичен и безжичен LAN за далечински работни процеси

Жичниот LAN со голема брзина и вградениот Wi-Fi 802.11ax со 2×2 MIMO со фреквенција од 6 / 5 / 2,4 GHz придонесуваат за подобра далечинска контрола, подобар пренос на датотеки и поврзани работни процеси за продукција. Исто така, жичната поддршка за LAN од типот 2,5GBASE-T, 1000BASE-T и 100BASE-TX овозможува камерата FX5 да се вклопи полесно во модерните продукции со повеќе уреди и во мрежните продукции.

Функции за пристапност, за повеќе креатори на содржини

Поддршката за читање на информациите на екранот, зголемувањето на менито и другите функции за пристапност ја прават камерата FX5 полесна за користење за многу креатори на содржини. Индексот на приклучокот за објективи, повеќефункционалното вртливо копче и стандардните копчиња се дизајнирани за да може лесно да ги пронајдете со допир, што придонесува за посигурно ракување.

Дознајте за функциите за пристапност

Рециклирани материјали во камерите

Целта на планот Road to Zero на Sony е целосно елиминирање на штетното влијание врз животната средина до 2050 година. SORPLAS™, нашиот издржлив и висококвалитетен материјал од рециклирана пластика, го користиме секаде каде што е можно за да го намалиме оптоварувањето на животната средина без да ги намалиме перформансите. Овој производ е изработен со повеќе од 30% рециклирана пластика, вклучувајќи и SORPLAS. Исто така, нашите фабрики за производство на производи за обработка на слика во Тајланд и Кина користат 100% обновлива енергија.

Дознајте повеќе за Патот кон достигнување на нулата

Материјали за пакување кои не содржат пластика

Sony прави напори за да користи материјали за пакување што не содржат пластика и нудат добра заштита од потреси и удари. Исто така, за торбите за производи користиме растителни и неплетени материјали, што дополнително ја намалува употребата на пластика и го минимизира влијанието врз животната средина.

Планирана поддршка по промоцијата

Планирани се ажурирања за додавање поддршка за HFR-снимање со максимум 240 fps во форматот X-OCN, снимање во форматот XAVC S‑I со сооднос на слика од 3:2 и читање на целата површина на сензорот, оптимизиран кориснички интерфејс за вертикално снимање, како и функција за снимање слики од видео.