CMOS Exmor RS™-сензор за целосна слика со целосно подредена структура и 66,8 MP

α7R VI, кој е првиот модел во серијата α7R со Exmor RS-сензор за слика со целосно подредена структура, нуди подобар квалитет на слика со поголеми брзини на читање до 5,6x. Фотографирајте на повисоко ниво со секвенцијалното фотографирање со 30 fps при максимална резолуција, форматот 4K 60p без отсекување, проширениот динамички опсег и сигурниот автоматски фокус при слаба светлина.  [1] Површина со пиксели [2] Електронско коло за обработка на сигнали со голема брзина [3] Процесор за обработка на слика

BIONZ XR2™ со вграден процесор за AI

Процесорот BIONZ XR2 со вграден уред за обработка со AI нуди значителни подобрувања во квалитетот на сликата и звукот, комуникацијата, управувањето со напојувањето и одзивот. Обработката со голема брзина овозможува до 60 пресметки за AF/AE во секунда, фотографирање без затемнување и 8K-видео, а вградениот уред за обработка со AI го подобрува препознавањето субјекти и проценката на осветлувањето, за да добиете ненадмината поддршка при фотографирањето.

Сè поголем креативен потенцијал

Сензорот за слика Exmor RS со целосно подредена структура нуди резолуција од 66,8 MP, која е водечка во класата, како и врвен квалитет на слика за пејзажи, портрети, диви животни и многу повеќе. Шумот во сенките се намалува во пејзажите со голем динамички опсег, а портретите се снимаат со реалистични тонови на кожа.

Динамички опсег со најмногу 16 чекори

Динамичкиот опсег со најмногу 16 чекори при мала чувствителност поддржува HDR-обработка. Извонредната резолуција и високата чувствителност доловуваат прекрасни слики низ целиот опсег на ISO од 100-32000. Намален е и шумот во ноќните сцени.

Стабилен и прецизен автоматски баланс на белата боја

Видливата светилка и IR-сензорот, заедно со проценката за осветлување врз основа на длабоко учење, постигнуваат стабилен и прецизен автоматски баланс на белата боја во секакви услови на осветлување. Заедно, тие овозможуваат природна репродукција на бои во голем број различни сцени.  [1] Снимено со α7R V [2] Снимено со α7R VI

Реалистична репродукција на сцени со широк динамички опсег

Подобрениот оптимизатор на D-опсегот (DRO) ги балансира површините со светли тонови и темните сенки, а нуди и поширок опсег на вредности за засилување, до ниво 8. При повисоки нивоа, DRO ги осветлува површините со сенки зад кои има силно осветлување, за да создаде портрети со поприроден изглед.  [1] Исклучен DRO [2] DRO ниво 8

Централна стабилизација до 8,5 чекори и периферна стабилизација до 7,0 чекори

Извонредните перформанси за стабилизација ја максимизираат резолуцијата, со што се спречува деградација предизвикана од заматување. Стабилизацијата е уште поефикасна со компатибилни објективи, а и тресењето на телефото објективот се намалува ефикасно.  [1] Странично вртење [2] Ротирање [3] Вртење нагоре

Повеќе опции за формати со мали RAW-датотеки

Форматот RAW [Со компресија (HQ)] е додаден во постоечката група на формати и нуди мали RAW-датотеки кои овозможуваат континуирано фотографирање, без отстапки во високиот квалитет на слика.

Три режими за композитна RAW-слика

Режимот [Повеќекратно фотографирање со поместување на сензорот] создава композитни слики со многу висока резолуција, режимот [Фотографирање со поништување шум] создава слики со мал шум, а режимот [Фотографирање за HDR] снима слики со голем динамички опсег.  [1] Оригинална RAW-слика [2] Композитна слика

Продолжената обработка на RAW-датотеките користи длабоко учење за да го подобри квалитетот

Продолжената обработка на RAW-датотеките нуди две функции за подобрување на сликата: режимот [Extended Hi-Res] кој го зголемува бројот на пиксели на снимените слики со фактор од четири до приближно 270 MP и режимот [Продолжено NR] за големо намалување шум со целосна резолуција.  [1] Оригинална RAW-слика [2] Extended Hi-Res

Функцијата за креативен изглед создава визуелни расположенија, директно во фотоапаратот

Во однапред поставените креативни изгледи спаѓаат [FL2] и [FL3], кои може да се користат такви какви што се или да се уредат, за да добиете приспособени изгледи кои ќе одговараат на вашата замисла. Може да ги зачувате за понатамошна употреба, со што ќе добиете поголема креативна флексибилност.

Континуирано фотографирање без затемнување со брзина до 30 fps и следење со AF/AE

Фотографирајте секвенцијално со брзина до 30 fps со максимална резолуција од 66,8, следење со AF/AE и без затемнување на визирот. Максимум 60 пресметки за AF/AE во секунда за лесно следење дури и на најсложените движења на субјектите. Освен тоа, со надградениот процесор за обработка BIONZ XR2 и поддршката за картички CFexpress Type A, може континуирано да фотографирате максимум 215 JPG-слики и 65 RAW-слики со компресија (HQ).

Пред-снимање за важни моменти кои завршиле пред активирањето на блендата

Снимете го одлучувачкиот момент - дури и откако ќе помине. Притиснете го копчето за бленда половично, за да го поставите фокусот, а потоа притиснете го целосно, за да снимите низа фотографии од 0,03 до 1 секунда по првичното половично притиснување. Оваа функција снима RAW-слики во формат за целосна слика со максимална резолуција, дури и при секвенцијално фотографирање до 30 fps.

AF+ со подобрено препознавање во реално време, за континуирано следење луѓе

α7R VI ја користи најновата технологија за проценка на човечки пози, за да овозможи подобро препознавање и следење. Тој прецизно го задржува фокусот врз саканиот субјект од група субјекти или кога некој далечен субјект е мал во кадарот, дури и ако субјектот се движи.

Подобрени перформанси за препознавање субјекти

Препознавањето далечни животни и птици е значително подобрено. Изберете режим за човек, животно, птица, инсект, автомобил/воз или авион или, пак, дозволете му на автоматскиот режим да го открие видот на субјектот. Дури и кога е исклучена функцијата за препознавање субјекти, оригиналниот алгоритам на Sony обработува повеќе податочни точки за сигурно следење.

Прибл. 94% покриеност на AF за поголема слобода при обликување на кадарот

Брзото читање и обработка овозможуваат значително подобар автоматски фокус. 759-те точки за откривање фаза покриваат приближно 94% од површината на сликата, за прецизно фокусирање при фотографирањето, дури и ако субјектот е мал во кадарот.

Флексибилни поставки за фокусна површина

Изберете големина XL, L, M, S и XS за фокусната површина во точка или создајте приспособена вертикална фокусна површина. Опцијата XS помага при фокусирањето на субјектот кога во преден план има предмети.

Видео во формат за целосна слика со 4K 60p, без отсекување

Опремен со надграден сензор за слика и процесор за обработка, α7R VI може да снима во форматот 4K (QFHD: 3840 x 2160) 60p и форматот 4K 120p со висока стапка на слики без отсекување. Семплирањето на боите со сооднос 4:2:2 и длабочина од 10 бита уште повеќе го подобруваат високиот квалитет на видеоснимките.

8K-видеоснимки за спектакуларна резолуција

Видеоснимките со резолуција 8K 30p може да се снимаат во форматот XAVC HS со прекумерно семплирање во 8,2K, кое нуди спектакуларна резолуција. Ова се подобрува уште повеќе со прецизни перформанси за автоматски фокус, заедно со природни градации и бои. Резолуцијата 8K поддржува и снимање со 4:2:2 и 10 бита.

Снимањето со двојно засилување нуди поголема флексибилност при уредувањето

Благодарение на опсегот на тонови на сензорот, снимањето со двојно засилување испорачува поширока маргина на грешка со детални сенки, мал шум и рамномерни градации во видеоснимките, за поголема флексибилност при уредувањето.

Обработка на звуци во самиот фотоапарат

Без разлика дали снимате преку внатрешниот или надворешниот микрофон, функцијата за намалување шум на звукот - со режимите за елиминирање шум и намалување на шумот од ветер - врши дигитална обработка за да го намали шумот во заднина, шумот од ветерот и шумот од објективот.

Снимање Float-звук со 32 бита за флексибилно уредување

Изборниот XLR-адатер XLR-A4 овозможува снимање Float-звук со 96 kHz/32 бита. Тој нуди широк динамички опсег преку приклучокот за повеќе интерфејси (MI)™, кој поддржува дигитален интерфејс за звук. Ваквиот висококвалитетен звук нуди поголема флексибилност при уредувањето.

Светол електронски визир со висока резолуција и широка палета на бои

Задржувајќи ја резолуцијата од 9,44 милиони точки на својот претходник, која е водечка во класата, α7R VI се надградува со електронски визир со OLED-екран, кој нуди палета на бои еквивалентна на DCI-P3, длабочина од 10 бита и посилно осветлување до 3x. Гледајте чиста и јасна слика, дури и при силно осветлување на отворено или при снимање HLG-слики.

Мониторот кој се врти по 4 оски овозможува флексибилност при фотографирањето

Мониторот од Sony, кој се врти по 4 оски, може да се закоси нагоре, надолу и странично и лесно се приспособува за да добиете оптимален агол на гледање. LCD-екранот од тип 3,2 со 2,1 милиони точки е чувствителен на допир и нуди палета на бои еквивалентна на DCI-P3, па затоа прикажува јасни и природни слики.

Батерија со голем капацитет и брзо полнење

Батерија со голем капацитет од 2670 mAh нуди енергија за снимање до 600/710 фотографии (визир/монитор). Напредното управување со напојувањето значително го зголемува траењето на батеријата, а достапни се и информации за исправноста на батеријата. BC-SAD1 е компатибилен со напојување преку USB (PD) и овозможува брзо полнење: тој може целосно да наполни две батерии NP-SA100 за приближно 115 минути, или една батерија до 80% за само 55 минути. Вертикалното вметнување на батериите заштедува простор, а достапни се и LED-светилки за статус.

Дознајте повеќе за полначот за батерии BC-SAD1

Приказот на информациите за фотографирањето поддржува вертикална ориентација

Приказот на информации на задниот монитор автоматски се усогласува со ориентацијата на фотоапаратот при фотографирањето и снимањето.

Ергономски држач за поголема стабилност

Држачот на α7R VI нуди неверојатна стабилност и контрола за ефикасно фотографирање со висока резолуција.

Осветлените копчиња на задниот панел се видливи при слаба светлина

Осветлените копчиња на задниот панел овозможуваат лесна проверка на статусот и непречено ракување дури и во многу темни услови. Осветлувањето на копчињата може да се исклучи преку копчето за задно осветлување на горниот панел.

Два отвори за мемориски картички CFexpress Type A

Отворите 1 и 2 поддржуваат медиуми CFexpress Type A и SDXC/SDHC UHS-II/UHS-I, за брзо фотографирање со голем капацитет. Режимите за складирање вклучуваат истовремено снимање, при што се зачувуваат JPEG/HEIF-датотеки и RAW-датотеки на одделни картички, и многу повеќе.

Побрза и постабилна Wi-Fi-врска

Вградениот безжичен LAN поддржува Wi-Fi 802.11ax со 2x2 MIMO за побрза и постабилна безжична комуникација со фреквенција од 6, 5 и 2,4 GHz. Безжичното поврзување со компјутер на терен и праќањето содржини преку FTP се брзи, сигурни и релаксирани процеси.

Два приклучоци USB Type-C® кои поддржуваат напојување и пренос на податоци

Напојувањето преку USB (PD) нуди флексибилност за полнење и напојување, како и пренос на податоци со голема брзина за непречена далечинска контрола преку компјутер и правење резервни копии на податоците. ОТВОРОТ 1 поддржува пренос на податоци преку SuperSpeed USB со 10 Gbps кога уредот е поврзан со компјутер, а опремен е и со отвор за завртка наменет за сигурна кабелска врска.

Поголема пристапност за сите корисници

Дизајниран за да можат сите да го користат полесно, α7R VI е опремен со функција за зголемување на менито и функција за читање на информациите на екранот, која на глас го чита поголемиот дел од текстот на менито кое се прикажува на екранот. Исто така, тој нуди неколку подобрувања во однос на својот претходник, како што е функцијата за поставување контрола на вртливото копче за режими, која овозможува лесен избор на режимите за фотографирање преку менито, и индекс на приклучокот за објективи, кој може лесно да го најдете со допир.

Дознајте за функциите за пристапност

Производство кое ја зема предвид животната средина

Целта на планот Road to Zero на Sony е елиминирање на штетното влијание врз животната средина до 2050 година. Нашиот издржлив и висококвалитетен материјал од рециклирана пластика SORPLAS™ се користи колку што е можно повеќе, за да се намали оптоварувањето на животната средина без отстапки во перформансите. Овој производ е изработен со повеќе од 22% рециклирана пластика, вклучувајќи и SORPLAS. Исто така, производствените објекти на Sony Group функционираат на 100% обновлива енергија.

Дознајте повеќе за Road to Zero 

Упатство за поставување

Совладајте ги функциите на фотоапаратот со помош на ова упатство, кое нуди совети за поставување на фокусот, за користење на функцијата за пред-снимање и многу повеќе.

Дознајте повеќе за функциите на фотоапаратот