α7R II
Ви го претставуваме α7R II за целосна слика со големина на дланка - „R“ ја надополнува револуцијата во резолуцијата со поголема чувствителност, одзив и префинетост.
Само куќиште
Со неспоредлив нов сензор за слика
Сега во сликата влегува уште поголем квалитет. Со првиот CMOS сензор за слика во светот од 35 мм за целосна слика со задно осветлување и 42,4 милиони точки, α7R II од Sony ја подобрува резолуцијата на сликата, чувствителноста (до ISO 102400) и брзиот одзив. Обемната покриеност на AF со откривање на фаза во извонредно широката фокусна површина на брзиот хибриден автоматски фокус овозможува остро фокусирање на објектот низ целиот кадар, а стабилизацијата на слика во 5 оски го намалува заматувањето кое го намалува квалитетот на рачно снимените слики. Високата резолуција е дополнително подобрена со можноста за снимање видеоснимки во 4K со обработка на сите точки без соединување на точките. Со толку многу функции спакувани во компактна форма, очигледно е дека ќе добиете повеќе од очекуваното.
Поголема резолуција, чувствителност и брзина на читање
Како прв сензор во светот од 35 мм за целосна слика со задно осветлување, овој CMOS сензор за слика со 42,4 милиони точки ја подобрува ефикасноста за собирање светлина, го зголемува размерот на електронското коло и, со помош на бакарната инсталација за брз пренос, генерира податоци со приближно 3,5 пати поголема брзина, а истовремено го минимизира шумот на сликата за да ги открие најмалите детали во секоја слика.
Најбараните сензори за слика во светот
Процесорот за обработка на слика BIONZ X™ ефикасно и прецизно ги обработува огромните податоци со 42,4 милиони точки од новиот сензор за слика, за да добиете пореалистичен, појасен и поприроден приказ на слики со мал шум.
Нов 14-битен некомпресиран RAW формат
Сега имате поголем избор на формати за да добиете ненадминат квалитет и опсег на тонови.
Напредни функции за уште поголема резолуција
Одличните перформанси и многубројните иновативни функции го достигнуваат неговиот максимален потенцијал. Со извонредни 42,4 милиони точки, новиот сензор за слика кај α7R II ви овозможува да го истражувате светот со неверојатни детали, а фотоапаратот не користи оптички нископропусен филтер кој може да ја намали високата резолуција. За да го намали заматувањето на сликите, новосоздадената бленда со намалени вибрации на фотоапаратот го минимизира, а режимот за бесшумно фотографирање го отстранува, тресењето предизвикано од движењето на блендата. Сè поголемата палета на FE објективи ви нуди повеќе од неспоредливата јасност која ја создава сензорот од секоја перспектива.
Благодарение на напредниот сензор за слика и алгоритамот за AF, брзиот хибриден AF систем на α7R II нуди многу поголема покриеност на AF, брзина и перформанси за следење.
Прикажи видео
399 AF точки кои опфаќаат 45% од вкупната површина на сликата — повеќе од сите други дигитални фотоапарати.
Забрзаното читање податоци (благодарение на сензорот со задно осветлување) и брзиот хибриден AF систем ја зголемуваат брзината на AF за 40%.
Брзото читање и напредниот алгоритам овозможуваат извонредна прецизност за следење на предметите при фотографирање со 5 fps.
Извонредно прецизното и јасното фокусирање кај овој систем е совршено за поголемите предуслови за видеоснимките во 4K.
Предностите на AF со откривање на фаза ги добивате дури и кога е прикачен објектив со A-приклучок преку LA-EA3 (LA-EA1).
AF на очи (достапно со AF-C) нуди одлични перформанси за автоматско фокусирање со откривање очи и стабилно следење на очите на подвижните објекти. Лесното одржување на оптимален фокус кај подвижните објекти може целосно да го промени начинот на снимање портрети.
Специјално прилагодени за сензори за слика со висока резолуција
За да ги оптимизирате придобивките од неверојатно високата резолуција на α7R II, особено при фотографирање непредвидливи случувања или кога се движите, процесот на фотографирање треба да биде колку што е можно постабилен - во спротивно, дури и најмалиот потрес на фотоапаратот може да ја замати сликата. Системот за стабилизација со 5 оски е внимателно прилагоден за да одговара на перформансите на α7R II со 42,4 милиони точки, за да можете да зумирате далечни објекти, да снимате слики одблиску и да доловувате ноќни сцени со минимално тресење на фотоапаратот и заматување и да добиете максимална јасност.
Најдобро филмско доживување со висока резолуција
Очигледно е дека α7R II е оптимизиран за снимање 4K (QFHD: 3840 x 2160) видеоснимки, особено во формат од 35 мм, бидејќи ги обработува сите вчитани податоци од секоја точка без соединување на точките, заради ефикасно отстранување на заматувањата. Снимениот материјал содржи видливо поостри, попрецизни и појасни детали отколку стандардните 4K видеоснимки. Исто така, како првиот фотоапарат за целосна слика кој може да снима видеоснимки со 4K резолуција во формат за целосна слика од 35 мм, α7R II ги зголемува вашите можности за приказ на квалитетни слики со помош на новосоздадениот сензор за целосна слика со задно осветлување.
Снимајте содржини од соодветна перспектива
Изберете целосна слика или формат од 35 мм кога снимате со Full HD или 4K резолуција, во зависност од вашата креативна замисла. Во секој случај, сè изгледа прекрасно низ целата слика.
XAVC S форматот поддржува снимање во 4K со максимална бит-стапка од 100 Mbps, како и снимање во Full HD со бит-стапка од 50 Mbps, така што α7R II може да снима видеоснимки исполнети со исклучително прецизни движења.
Фокусирајте се на силата, итрината и сигурноста
α7R II е најцврстиот и најиздржливиот α фотоапарат кој е направен досега, солидно изработен за користење во секакви услови, дури и кога на него се прикачени големи објективи. Исто така, тој е дизајниран да биде софистициран и содржи напредни функции кои беспрекорно ја надополнуваат високата резолуција од 42,4 милиони точки на сензорот за слика.
XGA OLED со T* слој од ZEISS®
EVF со T* слој од ZEISS® кој ги намалува рефлексиите на површината и најголемото зумирање во светот од 0,78x кое го нуди визирот покажуваат како поставките влијаат врз сликата и овозможуваат максимални перформанси со висока резолуција кај α7R II.
Подобрете ги вашите фотографии со компјутерските апликации Imaging Edge. Користете „Remote“ за контрола и следење на фотографирањето во живо преку компјутерот; „Viewer“ за брзо прегледување, оценување и избирање фотографии од големи колекции на слики; и „Edit“ за претворање RAW-податоци во висококвалитетни фотографии. Извлечете максимум од RAW-датотеките на Sony и управувајте со снимените материјали поефикасно.
Capture One Express (за Sony) е бесплатен софтвер што нуди обработка на RAW, лесно управување и алатки за уредување. Capture One Pro (за Sony) може да го купите за да добиете уште повеќе алатки за уредување и опција за фотографирање преку компјутер.
Imaging Edge Webcam овозможува користење на фотоапарат од Sony како висококвалитетна веб камера со широка компатибилност, за одлични проследувања во живо и конференции.
Овој производ е компатибилен со Final Cut Pro X и iMovie.
Што има во пакетот
Кабел за напојување, Батерија на полнење NP-FW50 X 2, Заштитник за кабли, AC адаптер AC-UD10, Полнач за батерии BC-VW1, Појас за преку рамо, Капаче за куќиште, Капаче за приклучок за галантерија, Капаче за окулар, Микро USB кабел
Корисниците велат
