Нов CMOS сензор за целосна слика со задно осветлување

α7R II е опремен со првиот CMOS сензор за целосна слика од 35 мм во светот со задно осветлена структура, кој нуди резолуција од прибл. 42,4 ефективни милиони точки, значително проширен опсег на чувствителност и перформанси со многу мал шум. Исто така, тој не користи оптички нископропусен филтер кој може да ја намали острината, така што прецизните детали и јаснота се присутни низ целиот кадар.

BIONZ X™ процесор за обработка на слика со голема брзина

Одликувајќи се со технологија за репродукција на детали која ја доловува суштината на реалноста, технологија за намалување на прекршувањата за јасна слика дури и при помали решетки, технологија за намалување на шумот во одредени површини која го намалува шумот приспособливо и репродуцира повеќе детали, процесорот за обработка на слика BIONZ X прецизно ги обработува податоците со 42,2 милиони точки од сензорот за слика за да овозможи пореалистичен и појасен приказ.

FE објективи за максимална резолуција

Сè поголемата група на FE објективи (компатибилни објективи од 35 мм за целосна слика со E-приклучок) - внимателно изработени да одговараат на сензорите за целосна слика кои користат зголемен број на точки - извлекуваат максимум од перформансите на α7R II со висока резолуција од 42,4 милиони точки.

Брзиот хибриден AF опфаќа повеќе

Сензорот за слика со високи перформанси го подобрува брзиот хибриден AF, кој е далеку подобар од стандардниот AF во однос на покриеноста, брзината и одзивот. 399-те AF точки за откривање на фаза во фокусната површина опфаќаат 45% од површината на сликата - најголема покриеност во групата на дигитални фотоапарати со сензори за целосна слика. Достапни се и 25 точки за AF со откривање на контраст.

Стабилизација на слика со 5 оски

Овој систем за стабилизација е оптимизиран за сензорите за слика со висока резолуција и овозможува прецизна компензација за пет вида на тресење на фотоапаратот кои можат да го намалат квалитетот на сликите со 42,4 милиони точки при рачно фотографирање. Компензацијата за тресење на фотоапаратот е еквивалентна на користење поголема брзина на блендата од 4,5 чекори , што ви овозможува да користите поголем опсег на брзини на блендата.

Снимање видеоснимки во 4K со повисока резолуција

Видеоснимките снимени со функцијата за 4K видеоснимки со обработка на сите точки без соединување на точките во формат од 35 мм се одликува со повисока резолуција и поголема јасност од стандардните 4K видеоснимки. Исто така, форматот XAVC S овозможува снимање во 4K со максимална бит-стапка од 100 Mbps за да се доловат најситните детали од движењата во видеоснимките.

XGA OLED Tru-Finder™ го претвора секој приказ во визија

XGA OLED Tru-Finder се одликува со најголемо доближување од 0,78x во светот, во групата на дигитални фотоапарати со визири, и нуди приказ со најсовремена резолуција, контраст и длабочина низ целата површина на сликата. T* слојот од ZEISS® овозможува апсолутно минимално рефлектирање на визирот, за постојано да уживате во неверојатните перформанси со 42,4 милиони точки на α7R II.

Цврсто куќиште од легура од магнезиум

Компактното куќиште на α7R II е дизајнирано за одлична сигурност и стабилно ракување и може да ги издржи работните услови при снимање на отворено, благодарение на внатрешната структура и горниот, предниот и задниот капак кои се изработени од цврста и издржлива легура од магнезиум.

Издржлива бленда со намалени вибрации

Новиот механизам за запирање на блендата ги елиминира вибрациите кај предната/задната механичка завеса за приближно 50% . Исто така, може да ја користите електронската завеса за уште помалку вибрации. Таа освен што го минимизира тресењето на фотоапаратот кое може да ги замати деталите во сликите со 42,4 милиони точки, ја прави блендата доволно издржлива за да може да се тестира до 500.000 циклуси.

Тивко фотографирање

Режимот за бесшумно фотографирање користи електронска бленда која не предизвикува вибрации, за да можете да снимате слики со висока резолуција без тресење на фотоапаратот. Исто така, овој режим работи без звук и е многу практичен за фотографирање без да пречите на изведбите во затворени простории или на дивите животни во природата, како и во сите други ситуации каде што е неопходна тишина.

Wi-Fi® / NFC го олеснуваат споделувањето

Со вградените Wi-Fi® и NFC (поле за комуникации во близина) во α7R II може да префрлувате слики или MP4 видеоснимки за секунда во вашиот паметен телефон или таблет-уред со Android™, со само еден допир до фотоапаратот, а потоа ќе можете лесно да ги вчитате фотографиите или видеоснимките на вашиот омилен SNS (веб-сајт за социјална мрежа).

PlayMemories Camera Apps овозможува внесување лични елементи

Услугата за преземање апликации на Sony ви овозможува да додавате нови функции и можности на вашиот фотоапарат. Таа нуди апликации за ефекти на фотографии и видеоснимки за подобрување и изразување на вашата креативност, а достапни се и апликации со кои паметниот телефон може да го користите како далечински управувач за фотоапаратот, на пример.

Дознајте повеќе

Подобрен AF на очи

Функцијата за AF на очи, која сега е достапна и во режимот за фокусирање AF-C, автоматски ги открива и ги следи очите дури и кај објектите во движење, за уште поголема слобода при обликувањето на кадарот.

Погледнете ги деталите

Секогаш задржете ги очите во фокусот

Значително прецизниот AF на очи (достапен со AF-C) нуди континуирано автоматско фокусирање на очите на објектот, дури и кога тој е во движење. Оваа сигурна алатка е неверојатно ефективна за поуспешно снимање портрети со помалку неуспешни обиди.

Компатибилност со широк опсег на објективи со можност за монтирање

Стабилизацијата на слика со 5 оски ви нуди ненадмината слобода при рачното фотографирање со уште поголем број од вашите омилени објективи со можност за монтирање. Малото растојание до сензорот во α7R II со Е-приклучок ја зголемува компатибилноста со многу објективи.

Стабилна слика на визирот

При притиснување на копчето за бленда до половина или зголемување на сликата, може да ги следите стабилизирачките ефекти на компензацијата за тресењето на фотоапаратот низ визирот или на LCD екранот, како и кога снимате видеоснимки со активирање на режимот за видео. Дури и кога користите телефото или макро објектив, можете детално да го прилагодувате обликувањето на кадарот и фокусирањето за да добиете стабилни резултати.

Профил на слики

Прилагодете го изгледот на видеоснимките пред снимањето со прилагодување на градацијата, прилагодување на боите и деталите. Прилагодените параметри можете да ги зачувате со другите поставувања како профил, а можете да зачувате најмногу 7 профили(PP1-PP7) за понатамошно користење.

Поставување на S-Log2 гама

Технологијата за прилагодување од Sony, вградена во професионалните видеокамери, создава 1300% поширок динамички опсег за да овозможи рамномерна градација со помало избледување и затемнување на боите. Користете градација на боите по снимањето за да ги искористите максимално придобивките од сликите со мал шум и богати детали и да добиете различни начини за приказ на снимените материјали. ISO 800 или поголема вредност е достапна кога ќе изберете S-Log2 гама.

HDMI излез за јасна слика

Оваа функција поддржува 4K и Full HD и овозможува репродукција на некомпресирани видеоснимки кон надворешен снимач или монитор. Сликата може да се снима и во фотоапаратот дури и кога сигналите се проследуваат со помош на оваа функција. Испорачаниот заштитник за кабли ги заштитува приклучоците и спречува ненамерно исклучување на каблите, за да фотографирате со поголема сигурност.

Попрецизно прилагодување на балансот на белата боја

α7R II нуди повеќе чекори за прилагодување на балансот на белата боја (двојно повеќе од килибарната-сина оска; четири пати повеќе од зелената-магента оска) од претходно, за прецизно прилагодување на балансот на белата боја со подискретна прецизност за добивање поприродни бои.

Надгледување со осветлен приказ

Оваа функција која ја зголемува светлината на сликата со менување на брзината на блендата, на пример, може да се додели на прилагодливо копче за лесен пристап при фотографирање ѕвездено небо или друга темна сцена.

Минимална брзина на блендата при автоматско ISO

Спречете го заматувањето кај снимките со објекти во движење преку поставување на брзина на бленда за која ISO чувствителноста започнува да се менува при избор на АВТОМАТСКО ISO (во P или A режим, или при NR за повеќе слики).

Мерење со проценка на 1200 зони

Огромната количина податоци од мерењето во 1200 зони и AF точките за откривање на фаза во фокусната површина овозможуваат попрецизна контрола на волуменот на светлината од надворешен блиц кој ја надополнува амбиенталната светлина. Изберете режим за повеќе сегменти, центриран режим или мерење во точка.

Приоритетно поставување во AF-C/AF-S

Во режимот AF-S (AF за единечни снимки) или AF-C (Континуиран AF), изберете приоритет на AF за да фотографирате само кога објектот е во фокус, приоритет за активирање за да фотографирате дури и кога објектот не е во фокус, или балансиран приоритет за балансирање на опциите за активирање и AF за да добиете прецизен фокус, но да не пропуштите одлучувачки моменти кога фотографирате подвижни објекти.

AF-A режим

Кога е избран овој режим, притиснете го копчето за блендата до половина и фотоапаратот автоматски ќе препознае дали објектот се движи или не, а потоа ќе вклучи соодветен режим за AF - AF-S за заклучување на фокусираниот објект или AF-C за континуирано прилагодување на фокусот. Овие разновидни опции се корисни за фотографирање различни објекти во исто време или за избегнување на рачното менување на режимот за AF.

Креативен стил

Поставките за креативен стил извлекуваат максимум од вашата сцена. Изберете една од 13-те поставки (живописно, портрет итн.) и фотоапаратот ќе ги прилагоди параметрите на сликата. Исто така, можете прецизно да го прилагодувате контрастот, заситувањето и острината по ваша желба.

Автоматски HDR (висок динамички опсег)

Автоматскиот HDR ги соединува најдобрите детали од трите експозиции за да го зголеми динамичкиот опсег на вашите слики од најтемните сенки до најсветлите делови и да ги долови сите градации на тонови што ги гледа човечкото око.

Оптимизатор на D-опсег (DRO)

Во услови со лошо осветлување, DRO ги коригира сликите за да се добијат појасни и поприродни градации со повеќе детали во светлите делови и сенките. Може да го користите при континуирано фотографирање и при фотографирање подвижни објекти.

NR за повеќе слики (намалување на шум)

Овој режим составува четири снимки за значително намалување на шумот и зголемување на чувствителноста, овозможувајќи ви јасно да ги снимите темните сцени без статив или блиц. Исто така, заматувањето поради тресење на фотоапаратот се намалува, а контрастот и деталите се зголемуваат.

Зголемување на фокусот и функција за изострување

Јасно зголемување на сликата за полесно рачно прилагодување на фокусот, без разлика дали фотографирате или снимате. Функцијата за изострување може да се активира и за нагласување на најостро фокусираните делови од вашата слика.

Зголемување на фокусот и функција за изострување

Јасно зголемување на сликата за полесно рачно прилагодување на фокусот, без разлика дали фотографирате или снимате. Функцијата за изострување може да се активира и за нагласување на најостро фокусираните делови од вашата слика.

Capture One (за Sony)

Capture One Express (за Sony) е бесплатен софтвер за висококвалитетна завршна обработка на RAW-податоци. Capture One Pro (за Sony) може да се купи за компатибилни функции како локално прилагодување и фотографирање преку компјутер.

Дознајте повеќе

Функции Remote, Viewer и Edit на Imaging Edge™

Подобрете ги вашите фотографии со компјутерските апликации Imaging Edge. Користете „Remote“ за контрола и следење на фотографирањето во живо преку компјутерот; „Viewer“ за брзо прегледување, оценување и избирање фотографии од големи колекции на слики; и „Edit“ за претворање RAW-податоци во висококвалитетни фотографии. Извлечете максимум од RAW-датотеките на Sony и управувајте со снимените материјали поефикасно.

Дознајте повеќе