Неверојатна резолуција во извонредно широки слики

Двете AA-леќи (напредни асферични) го минимизираат искривувањето на полето и астигматизмот за неверојатна резолуција низ целата слика при сите решетки. Елементот од Super ED-стакло (исклучително мала дисперзија) и трите ED-елементи ја намалуваат хроматската аберација, а оптимизираниот слој ги минимизира одблесоците и отсјајот. Ова е идеален објектив за создавање извонредни широкоаголни слики.

Дознајте повеќе за Super ED-стаклото / ED-стаклото

Убавината на ефектот на дефокусирање од G Lens™ со F1,8

Овој G-објектив нуди прекрасни ефекти на дефокусирање со големата максимална решетка F1,8, кружната решетка со 11 сечила и внимателно контролираната сферична аберација.

Дознајте повеќе за кружната решетка

Врвни перформанси за снимање одблиску

Перформансите одблиску се одлични со минимално фокусно растојание од 0,15 м / 0,5 ft и максимално зголемување од 0,25x при користење AF (0,13 м / 0,43 ft, 0,30x за MF). Можноста да се доближите толку блиску со извонредно широкоаголен објектив овозможува да доловувате динамични перспективи со длабок и исклучителен ефект на дефокусирање.

Голема решетка, извонредно широк и компактен

Асферичните елементи на леќата, вклучувајќи ја и AA-леќата (напредна асферична) со голема прецизност од Sony, овозможуваат извонредно широкоаголен објектив за целосна слика со димензии од 73,8 x 75 мм (3 x 3 инчи) и тежина од само 304 гр (10,8 oz). Тој е компактен, лесен и пренослив, а притоа нуди неверојатни перформанси при фотографирањето различни видови субјекти, вклучувајќи пејзажи, архитектура, ноќни сцени и многу повеќе.

Дознајте повеќе за асферичната леќа

Напредниот AF поддржува високо ниво на обработка на слика

Двата линеарни XD-мотори (екстремно динамички) овозможуваат брз и прецизен AF со следење. Наменскиот алгоритам за контрола постигнува подобар одзив со минимално доцнење и вибрации, така што големата група елементи за фокусирање на објективот се движи рамномерно и тивко. Сето ова го олеснува доловувањето на најважните моменти кога фотографирате активни субјекти што се движат брзо.

Дознајте повеќе за линеарниот XD-мотор

Усовршени и стабилни перформанси за снимање

Промените во фокусната должина се контролираат за да се минимизираат поместувањата во аголот на гледање за да добиете јасни снимени материјали. Поддржана е и функцијата за компензирање на промените во фокусната должина кај компатибилни куќишта α, а вградената стабилизација на слика со Активен режим го олеснува снимањето на стабилни видеоснимки додека пешачите. Објективот е компактен и лесен, на него може да ставате филтри од 67 мм и лесно се поставува на механизам за стабилизација.

Сеопфатна контрола

Освен функцијата за нормално задржување на фокусот, по потреба може да се доделат и други функции на копчето за задржување на фокусот преку контролите на фотоапаратот. Преклопникот за режим на фокусирање што се наоѓа на страничниот дел од цилиндарот на објективот го олеснува избирањето помеѓу автоматски и рачен фокус без да го тргнете окото од визирот.

Дознајте повеќе за копчето за задржување на фокусот

Природен и линеарен одзив на рачниот фокус

MF со линеарен одзив му овозможува на прстенот за фокусирање да реагира директно и линеарно за дискретна контрола при рачното фокусирање. Ротацијата на прстенот за фокусирање директно се претвора во соодветна промена на фокусот, за да се добие чувство на брза и прецизна контрола.

Дознајте повеќе за MF со линеарен одзив

Прстен за решетката со преклопник за ВКЛУЧУВАЊЕ/ИСКЛУЧУВАЊЕ на звукот

Прстенот за решетката овозможува директна контрола на решетката, а преклопникот за ВКЛУЧУВАЊЕ/ИСКЛУЧУВАЊЕ на звукот на прстенот го оптимизира ракувањето на прстенот за решетката за различни видови фотографирање. Звучните сигнали за избирање чекори на решетката може да се ВКЛУЧАТ за да добивате повратен ефект на допир при фотографирање, или да се ИСКЛУЧАТ заради тивка и континуирана контрола на решетката при снимањето видеоснимки.

Дознајте повеќе за прстенот за ирисот / решетката

Заклучувањето на ирисот спречува несакани промени на решетката

Преклопникот за заклучување на ирисот спречува несакани промени на решетката при фотографирањето. Кога заклучувањето е активно, решетката или ќе биде заклучена во положбата [A] или ќе може да се ротира помеѓу рачните поставки.

Дополнителна сигурност за фотографирање надвор

Дизајнот отпорен на прав и влага нуди голема сигурност кога фотографирате надвор. Предниот елемент има слој од флуор што нуди заштита од нечистотии и овозможува полесно чистење на објективот.

Дознајте повеќе за дизајнот што е отпорен на прав и влага

Еколошка свест

Целта на еколошкиот план „Road to Zero“ на Sony е елиминирање на штетното влијание врз животната средина до 2050 година. Влијанието на овој производ врз животната средина е минимизирано од развојот па сè до неговата испорака, производство и пакување. Исто така, преминуваме на користење материјали за пакување без пластика. За торбите за производи се користат растителни и неплетени материјали.

Дознајте повеќе за Патот кон достигнување на нулата