Signature Series

Уживајте во врвен звук

Како кулминација на сите напори за добивање врвен звук, производите Signature Series ги поместуваат границите на звукот со висока резолуција и овозможуваат ненадминато уживање при слушањето.

Signature Series

One Signature Sound

Подобрување на доживувањето на звукот со висока резолуција, од нешто што го слушате во нешто што го чувствувате.

Подобрете ја секоја нота со One Signature Sound

Сè започна со музичката револуција што ја поттикна препознатливиот Walkman® на Sony во 1979 година, кој воодушеви милиони луѓе во целиот свет и им овозможи да слушаат музика преку слушалки во секое време и на секое место. Signature Series ја продолжува таа револуција со потполно ново ниво на веродостојност на звукот - претворајќи го слушањето музика во чувствување на музиката. Signature Series, како кулминација на искуство и истрајност, ги обединува најквалитетните аналогни и дигитални технологии и го издигнува доживувањето на музиката во нови димензии. Од извонредна акустика на грандиозен оркестар до музички изведби во живо на концерти, сите живописни детали - па дури и страста и енергијата - се репродуцираат така како што ги замислил изведувачот. 

 Нашите инженери, посветени исто како и пејачите и композиторите, го создадоа најдоброто доживување на звук преку слушалки со четири квалитетни производи. Тие се нивниот препознатлив знак и посветеност за пренесување на страста и енергијата на оригиналната музика. 

Детално прилагодување и прецизност оптимизирана од водечките инженери на звук

Во напорите да постигнат совршенство, нашите инженери неуморно трагаат по репродукција на чист звук на илјадници начини. Сите дискретни промени на звукот, почнувајќи од воведот на некоја величествена изведба, амбиенталните звуци, па дури и до опаѓачките фреквенции на крајот од изведбата по која следи тишина, се доловуваат и репродуцираат реалистично. Како резултат се добива звук каков што не сте слушнале ниту почувствувале, поради кој можете речиси да ја почувствувате температурата и влажноста на изведбата. На тој начин се добива неверојатно реалистична репродукција на јасен и живописен звук, вклучувајќи ги и најдискретните промени во тивките звуци и погласните динамички звуци. Од нашите љубители на музиката до љубителот на музика во вас - најдобро доживување на звукот досега.

Пионери во аудио иновациите

Од првото создавање на уникатниот Walkman® во 1979 година до промовирањето на звукот со висока резолуција како нов стандард во 2013 година, Sony нуди ненадминато искуство со врвниот звук. Signature Series е најновата иновација која надминува уште една бариера од областа на врвниот звук.

1979: MDR-3

Музика во секое време и на секое место

Слушалките MDR-3 беа промовирани во исто време со првата генерација на Walkman®, уредот кој создаде револуција во музичкиот стил. Тие беа првите слушалки кои се одликуваа со извонредно тенка PET мембрана за максимален акустичен притисок и се стремеа да го репродуцираат лесното чувство на косата. 

1985: MDR-CD900

Добивање на најдоброто од дигиталниот звук

Три години по промовирањето на CD дисковите, слушалките MDR-CD900 беа создадени за реалистична репродукција на изворите на звук и станаа прототип за нашите професионални слушалки за мониторинг. Тие се одликуваа со звучник со решетка од 40 мм и нудеа извонреден квалитет на звукот. 

1988: MDR-R10

Одбележување на 10 години врвен звук 

Дизајнирани за одбележување на 10-годишнината на серијата MDR, врвниот модел MDR-R10 претставуваше комбинација на најдобрите технологии и уникатни, квалитетни материјали. Куќиштето беше изработено од 200 години старо јапонско црвено дрво, а ушните перничиња беа обложени со грчка јагнешка кожа. 

1997: MDR-F1

Издржлив дизајн со проток на воздух

Овие слушалки многу години беа омилени кај аудиофилите. Тие се одликуваа со извонредно поставување околу ушите и проток на воздух, овозможувајќи им на корисниците да уживаат во природен звук со часови. 

2004: QUALIA-010

Надминување на границите на потенцијалот на слушалките 

Овие слушалки го претставуваа најдоброто од аудио технологијата на своето време со можноста за звук со висока резолуција и голем звучник со решетка од 50 мм со целосен опсег и нанокомпозитна мембрана со можност за репродукција на неверојатно висок опсег од 120 kHz. Куќиштето со дупчиња дури и успешно ја елиминираше резонансата. 

2012: MDR-1R

Враќање на музиката кон изворот 

По 50 години создавање слушалки, го насочивме вниманието кон зачувување на аудио квалитетот кој го замислиле изведувачите. Резултатот беше создавањето на MDR-1, слушалки создадени во соработка со Sony Music Entertainment, со цел да се доловат сите детали на звукот со висока резолуција.

2016: MDR-Z1R

Совршен звук, мајсторски дизајн 

Нашите врвни слушалки од Signature Series се најновиот производ кој ги поместува границите на врвниот звук. Со HD звучник од 70 мм, куќиште без резонанса и најквалитетни материјали, тие нудат навистина прекрасно уживање при слушањето.

Запознајте се со MDR-Z1R
Револуција во личното слушање

Историја на иновациите кај слушалките

Нашите инженери постојано ја подобруваа нашата светски позната палета на слушалки со иновативни дизајнерски техники и звучни технологии со висока прецизност, што резултираше со навистина автентично уживање при слушањето.

Media Object

Погледнете ја историјата на слушалките

1982: MDR-E252

Првите слушалки за во уво во светот

Walkman® создаде тренд на мали и лесни слушалки со лента за на глава. Потоа Sony ги претстави првите слушалки за во уво во светот. Слушалките MDR-E252 го воодушевија светот. Луѓето никогаш не беа виделе слушалки без лента за глава или ушни перничиња.

1987: MDR-E484

Први ергономски слушалки за во уво

Куќиштето од керамичко соединение и анаморфно-дијамантската мембрана од 16 мм со акустичко двојно турбо коло воведоа нов стандард за звук за во уво. Слушалките MDR-E484 создадоа комбинација од перформанси и привлечност преку 3D-дизајнот со слободна форма и удобност при носењето.

1995: MDR-E888

Мали и лесни - долго-продавани слушалки за во уво

Врвните слушалки MDR-E888 од Sony создаваа одличен природен звук преку мембрана од биоцелулоза од 16 мм. Металното куќиште беше речиси незабележливо во увото за време на носењето. Огромната побарувачка ги задржа слушалките MDR-E888 во производство 13 години.

1999: MDR-EX70

Стандардот за слушалки за во уво во 21-от век

Првите слушалки за во уво од затворен тип во светот имаа динамички звучник од 9 мм и тежеа 4 гр., а сепак создаваа длабок и динамички бас што ги воодушеви љубителите на музиката. MDR-EX70SL поставија нов стандард за слушалки за во уво во 21-от век.

2006: MDR-EX90

Слушалки за во уво од висока класа што започнаа нов тренд

Слушалките MDR-EX90SL започнаа тренд за слушалки за во уво од висока класа. Ексклузивно создадениот звучник од 13,5 мм имаше шест видови на делови за прилагодување на акустиката, а оригиналниот закосен канал на Sony со алуминиумско куќиште го насочуваше звучникот прецизно.

2011: XBA-4

Оригинални звучници со балансирана арматура создадени од Sony

Sony стана првиот и единствен производител на слушалки што дизајнирал и создал звучници со балансирана арматура (BA). Слушалките XBA-4SL со четири BA-звучници создаваа динамички и неверојатен звук каков што можат да создадат само BA-звучници од Sony.

2018: IER-Z1R

IER-Z1R - нов дизајн на слушалки за во уво

Слушалките IER-Z1R се одликуваат со новосоздаден систем со хибридни звучници HD, структура со подобрена фаза и нудат комбинација од технологија и врвна изработка за да можат гордо да го претстават идеалниот звук по кој Sony трагаше неуморно.

Уште поблиску до музиката

Историја на слушалки за во уво

Компанијата Sony е иноватор на првите слушалки за во уво во светот - MDR-E252. Уште од првиот концепт на слушалки за во уво, компанијата Sony се обидуваше да овозможи максимално доживување при слушањето музика во движење.

Media Object

Погледнете ја историјата на слушалките за во уво

1965: TA-1120

Првиот целосно силиконски вграден засилувач за стерео транзистор

Пресврт од областа на врвниот звук, овој засилувач беше првиот на светот кој истовремено овозможуваше голема излезна моќност со мало изобличување. Тој беше првиот производ од серијата ES.

1977: TA-N88

Раѓањето на технологијата за дигитални засилувачи

TA-N88 беше засилувач со промена на сигналот кој користеше модулација на ширината на пулсниот сигнал (PWM). За разлика од S-Master, тој не беше целосно дигитален засилувач, но технологијата на која се базира тековниот S-Master во тоа време веќе се усовршувала.

1982: CDP-101 и 1999: SCD-1

Иноватор на дигиталниот формат

Кога го промовиравме првиот CD плеер на светот, CDP-101, беа достапни 50 наслови на CD дискови, а ние го поплочувавме патот кон светот на дигиталниот звук со хардвер и содржини. Нашиот прв Super Audio CD плеер беше SCD-1. Го измисливме форматот DSD, а тој модел беше претходник на тековните стандарди за звук со висока резолуција кои репродуцираат 2,8 MHz DSD до 100 kHz.

1999: TA-N1

Засилувач кој го извлекува најдоброто од секој звучник

Со тежина од 70 кг, овој засилувач од висока класа е дизајниран да го реализира потенцијалот на Super Audio CD дисковите и DSD фајловите, а содржи и излезна компонента со импресивно напојување и мала импеданса за функционирање при голем проток на струја. 

2005: TA-DR1a

Основата на дигиталното совршенство

Основата на технологијата која го поддржува аудио квалитетот на сегашниот S-Master веќе беше завршена кога овој модел беше промовиран. Технологијата во овој уред исто така придонесе и за еволуцијата на S-Master HX; основата на D.A. хибридното електронско коло на TA-ZH1ES.

2013: TA-A1ES

Идеалниот засилувач за ерата на високата резолуција 

Во потрага по идеалниот засилувач за ерата на високата резолуција, Sony го создаде TA-A1ES. Тој се одликуваше со многу напредни функции, вклучувајќи го и елиминирањето на отпорот на емитерот, со што се подобри квалитетот на звукот. Тој исто така се одликуваше со наменски засилувач од класа А и софистицирана аналогна технологија која сè уште се користи во нашите засилувачи. 

2016: TA-ZH1ES

Ново ниво на слушалки со врвен звук

Комбинирајќи го најдоброто од дигиталните и аналогните технологии за звук, новиот неподвижен засилувач од Signature Series е дизајниран да го ослободи целосниот потенцијал на вашите слушалки и да ви овозможи извонредно уживање при слушањето.

Запознајте се со TA-ZH1ES
Максимизирање на аудио квалитетот

Историја на дигиталниот звук и засилувањето

Испорачувањето моќност до аудио системите без изобличување е прецизна вештина која ја усовршуваме повеќе од половина век. Извонредната изработка, висококвалитетните компоненти и напредната акустика заедно овозможуваат подобрен квалитет на звукот.

Media Object

Погледнете ја историјата на дигиталниот звук/засилувач

1979: TPS-L2

Оригиналниот Walkman®

Со уникатниот TPS-L2, првиот производ кој го носеше името Walkman®, создадовме нов начин за слушање музика. Се роди личниот музички плеер, кој беше широко прифатен од страна на младите низ целиот свет кои сакаа да ја понесат својата музика надвор.

1984: D-50

Првиот пренослив CD плеер во светот 

Со тежина од само 590 гр. и височина од само четири правоаголни кутии, D-50 овозможи CD дисковите да станат преносливи и овозможи CD квалитетот да допре до многу поширока публика во достапен и пренослив пакет. 

1992: MZ-1

Ја претставуваме новата генерација на помали лични стерео уреди

Помал од компактната касета, Minidisc нудеше можност за снимање на магнетна касета, како и предностите за моментален пристап и премотување на CD. MZ-1 беше првиот Walkman® на светот со MD.

1999: NW-MS7

Претходникот на денешните лични музички плеери

Полесен и покомпактен од кој било претходен Walkman®, моделот со џебна големина NW-MS7 го отвори патот за нова генерација преносливи музички уреди. Како медиум за снимање се користеше Memory Stick™, за лесно префрлување од и на компјутер.

2009: NW-X1000

Нов стандард за звук

Моделот NW-X1000 со стаклена предна страна го постави стандардот за квалитетот на звук на Walkman®. Со S-Master засилувач и DSEE за враќање на високите фреквенции кои се губат при компресијата, слушателите можеа да уживаат во навистина автентичен звук. Clear Bass, Clear Stereo и вграденото поништување на шум обезбедуваа моќно и неверојатно доживување.

2013: NW-ZX1

Звук со висока резолуција за првпат во модел на Walkman®

Првиот Walkman® со звук со висока резолуција на светот. Со помош на напредните технологии за звук создадовме досега нечуен пренослив звук со S-Master HX, многу цврсто куќиште од алуминиумска легура, напојување со ниска импеданса и кондензатор за висококвалитетен звук.

2016: NW-WM1Z

Уживајте во чистите детали 

NW-WM1Z е најнапредниот Walkman® досега; сместен во висококвалитетно куќиште од бакар без кислород за природен звук, со врвни компоненти. Прекрасно изработен, ова е музички плеер кој моќно го репродуцира секој детаљ.

Запознајте се со NW-WM1Z
2018: DMP-Z1

Звук за кој сонуваат инженерите

DMP-Z1 е кулминација на посветеноста на Sony во потрагата по совршен звук. Со врвната изработка на Hi-Fi-компонентите, управувањето со енергијата на батеријата и системската интеграција на Walkman®, нашите инженери добија звук каков што може да создаде само Sony. 

Создавање на иконата

Историја на Walkman®

Walkman® одново го дефинираше слушањето музика за цела генерација. Одеднаш, стерео музиката стана подвижна и луѓето во неа можеа да уживаат во секое време и на секое место. Оттогаш постојано ја подобруваме оваа икона.

Media Object

Погледнете ја историјата на Walkman®

Изработен со љубов, прекрасно обликуван
Внимателно создадена

Од материјалите до лемењето и искористените методи за структурална изработка, во создавањето на Signature Series беа употребени само најнапредните производствени процеси и решенија за производи. Со тоа беа обезбедени највисоките стандарди на квалитет и врвен звук.

ИСПОЛНЕТЕ ГО ВАШИОТ СВЕТ СО ИЗВОНРЕДЕН ЗВУК