ECM-B10 има вградена дигитална обработка на сигнали со која самостојно ги претвора аналогните податоци во дигитални. Обработката со ексклузивните алгоритми на Sony овозможува остра насоченост, а изборот од три шеми на снимање ги задоволува различните потреби за снимање звук.

Четирите капсули на микрофонот со високи перформанси работат со алгоритам за просторно филтрирање за да овозможат исклучително остра насоченост која ефикасно го одбива звукот што е надвор од оската. Сето ова се врши во извонредно компактен микрофон.

Напредната технологија за дигитална обработка на сигнали овозможува избор од три шеми на снимање во еден повеќенаменски микрофон. Избирајте помеѓу супер-насочна, еднонасочна и повеќенасочна шема со помош на преклопникот на задната страна на микрофонот, во зависност од потребите за снимање. 

Супер-насочната шема на снимање, која ви овозможува да снимате звук од фокусирана зона пред микрофонот, е одлична за снимање интервјуа или автопортрети. Овој режим е многу ефикасен за стишување на звукот од левата, десната и задната страна на микрофонот, а притоа го засилува звукот директно пред микрофонот.

Ако има повеќе извори на звук пред микрофонот, најдобриот избор е еднонасочната шема. Овој режим снима звук од поширока зона пред микрофонот, а истовремено го стишува звукот од задната страна, поради што е идеален за снимање дискусии или група музичари. 

Повеќенасочната шема има иста чувствителност во сите насоки. Повеќенасочното снимање е наменето за задачи во кои сакате да снимате разговори помеѓу операторот на фотоапаратот и субјектот кој дава интервју или, пак, звуците од непосредното опкружување на фотоапаратот. 

ECM-B10 е компатибилен со голем број фотоапарати од Sony⁰. Ако го користите со фотоапарат опремен со приклучок за повеќе интерфејси (MI) што поддржува интерфејс за дигитален звук¹, тогаш ќе можете да го пренесувате звукот директно како дигитален звук, создавајќи видеоснимки со висококвалитетен звук без деградација.

Филтерот за елиминирање шум на ECM-B10 користи дигитална обработка на сигнали за да го минимизира несаканиот амбиентален звук и да добиете почист звук. Достапен е и филтер за отстранување ниски фреквенции до кој се пристапува лесно и интуитивно од задната плоча, што го намалува нискофреквентниот шум од извори како ветер и клима уреди. Максималното подобрување на квалитетот на звукот во фазата на снимање на овој начин овозможува намалување на потребата од отстранување на шумот во обработката по снимањето, а тоа придонесува за поефикасни работни процеси.

Користењето на ECM-B10 со компатибилни фотоапарати со приклучок за повеќе интерфејси ви нуди придобивка за поврзување без кабли. Нема потреба да се грижите за механичко пренесување на шумот кон микрофонот преку каблите и приклучоците и нема да има кабли што ќе ви пречат при снимањето, дури и ако снимате преку LCD-екранот со променлив агол на фотоапаратот отворен хоризонтално. 

Микрофонот се напојува директно од приклучокот за повеќе интерфејси, па затоа може да снимате колку што сакате без да се грижите за празнење на батеријата на микрофонот. 

Контролата за нивото на снимање, аналогниот излез за компатибилност со голем број фотоапарати и функцијата за стишување на звукот овозможуваат лесно поставување на оптимални нивоа на сигнали и ја прошируваат намената на овој микрофон. Ваквото ниво на контрола може да придонесе за непречена и релаксирана обработка по снимањето.

Со должина од само 79,3 мм, микрофонот е лесно пренослив и подготвен за носење секаде каде што снимате. Предниот дел на уредот нема да ви пречи при снимањето дури и кога користите широкоаголен објектив, а лесно може да го користите и во комбинација со системи со механизми за стабилизација и држачи.

Микрофонот се испорачува со заштита од ветер што ефикасно го намалува шумот предизвикан од ветер кога снимате надвор.

ECM-B10 е дизајниран да биде отпорен на прав и влага, па затоа е соодветен за снимање надвор во секакви временски услови. Отсуството на кабли за поврзување кога се користи со компатибилен фотоапарат значи и дека нема потреба од вадење на капаците за приклучоците на фотоапаратот, што нуди дополнителна заштита од природните елементи.

Дизајнот на ECM-B10 ги намалува потресите и вибрациите и овозможува ефикасно намалување на шумот предизвикан од нискофреквентни вибрации. Исто така, конфигурацијата без кабли ја елиминира можноста од пренесување на шумот предизвикан од вибрации преку каблите за поврзување.

За повеќе информации за шемите на снимање и фреквентниот одзив, ве молиме погледнете го водичот за помош.