Телевизори

Слика од дневна соба со телевизор од Sony и долгнавест звучник од Sony во средина на дневната соба

Телевизори и домашно кино

Пристапност за сите, согласно вашите потреби

Технологијата овозможува полесно гледање, слушање и користење. Телевизорите од Sony, што имаат дизајн со опции за пристапност, го подобруваат корисничкото доживување независно од возраста, способноста или опкружувањето.

Пристапност што ќе им помогне на вашите сетила

Три икони, една покрај друга, на левата има око, на средната има уво и на десната има дланка

Помош при гледање
Помош при слушање
Помош при движење

Помош при гледање

Користете гласовна контрола, слушнете што има на екранот или прилагодете го приказот.
Достапноста на функциите зависи од моделот, регионот и земјата.

Функции за отчитување и за зголемување текст

Функцијата за отчитување⁰ ви овозможува да го разгледате водичот за ТВ-програми на екранот или да ги промените поставките на телевизорот без да гледате во екранот, а функцијата за зголемување текст¹ ќе прикаже зголемена верзија од фокусираниот текст во долниот или горниот дел на екранот².

Слика од мени на телевизор со прикажани опции за отчитување и зголемување текст

Опипливи точки

За да овозможи полесно поставување, Sony стави опипливи точки на задниот панел за да го означи HDMI-приклучокот за телевизори и производи за домашно кино. Освен тоа, во пакувањето има испакнувања и опипливи точки што водат до QR-код⁰. Скенирајте го кодот за да одите директно до апликацијата BRAVIA Connect со поддршка за читање на информациите на екранот.¹

Две слики на екранот од опипливи маркери што означуваат влезни и излезни приклучоци, и пакување со опипливи маркери што формираат рамка околу QR-код

Инверзија на бои

Направете инверзија на светлината на боите и претворете ги светлите површини во темни, а темните површини во светли. Оваа функција може да се вклучи или исклучи според потребите. Ако текстот се чита полесно со темна или светла боја во заднина, тогаш променете ја бојата на заднината со помош на функцијата за инверзија на бои.

Кратенка за пристапност

Кратенката за пристапност ви овозможува брзо и лесно вклучување или исклучување на функциите за пристапност.

Слика од мени на телевизор што го прикажува поставувањето на кратенката за пристапност

Помош при слушање

Прилагодете ја јачината и звукот или, пак, претворете го звукот во текст.
Достапноста на функциите зависи од моделот, регионот и земјата.

Кристално јасен глас. Прецизен дијалог.

Нема повеќе придушени гласови. Нашата нова технологија Voice Zoom 3™ препознава човечки дијалози користејќи машинско учење со AI и соодветно ја зголемува или намалува јачината на звукот за да можат дури и тивките звуци од дијалозите да звучат гласно и јасно. Може да се користи и со нашите производи за домашно кино.⁰

Екран на BRAVIA покрај ленти за јачина на звукот што ги означуваат трите извори на звук во видеото, од кои гласот на субјектот е најгласен

Безжичен и практичен звучник за телевизори

SRS-LSR200 ги прави гласовите појасни со функцијата за зумирање гласови, а звучникот има голем преклопник за вклучување/исклучување, вртливо копче за јачина на звук што се врти лесно и рачка за лесна преносливост⁰.

Безжичен и практичен звучник за телевизори SRS-LSR200

Помош при движење

Изберете го начинот на ракување, вклучувајќи кратенки или гласовна контрола.
Достапноста на функциите зависи од моделот, регионот и земјата.

Функција за времетраење на известувањата

Функцијата за времетраење на известувањата може да се користи за да се продолжи времето на приказ на известувањата.

Слика од мени на телевизор што ги прикажува опциите за времетраење

Ракување без раце, вклучувајќи и пребарување видеоснимки

Корисниците на BRAVIA со вграден Google Assistant можат да изговорат „OK Google“ и да кажат задача, како пребарување видео на YouTube, што ќе се изврши. Може да користите гласовни команди и за ракување со BRAVIA, како вклучување или исклучување на напојувањето или менување на јачината на звукот⁰¹²³⁴.

Слика од телевизор Bravia во дневна соба, го прикажува главното мени со сите достапни функции

Стабилно далечинско ракување на работна маса

Далечинскиот управувач е дизајниран за стабилно ракување на рамна површина, за да можете прецизно да ги притискате неговите копчиња со еден прст, без притоа да го држите управувачот во рака.