Иновативниот оптички дизајн со три елементи од Super ED-стакло (исклучително мала дисперзија) и еден елемент од ED-стакло ефикасно ја елиминира оскината хроматска аберација, како и латералната хроматска аберација. Неверојатната резолуција и контраст не се менуваат сè до рабовите на сликата, што овозможува пофлексибилно отсекување и уредување.

Прекрасното и кремасто дефокусирање овозможува користење на мала длабочина на поле што ги истакнува субјектите. Сите објективи со Super ED-елементи (исклучително мала дисперзија) и ED-елементи, што спречуваат разлевање на боите, се калибрираат посебно при производството заради оптимизирање на квалитетот на дефокусирањето. Кружната решетка со 11 ливчиња создава прекрасен ефект на кружно дефокусирање.

Објективот го искористува потенцијалот за брзина на фотоапаратите со врвни перформанси, заради лесно снимање на важните моменти во динамичките спортови или во сцените со брзи диви животни. Двата линеарни XD-мотори со голема моќ и напредниот алгоритам за контрола се специјално прилагодени за брза реакција на контролните сигнали. Исто така, прецизноста и брзината на следењето со AF не се менуваат при континуирано секвенцијално фотографирање.

Оптичкиот дизајн со елементи од Super ED-стакло (исклучително мала дисперзија) има помалку елементи близу предната страна на објективот, па затоа тежината на објективот не е концентрирана на предната страна. Тоа ја оптимизира рамнотежата и ја намалува силата на инерција што се чувствува како отпор при ротацијата, овозможувајќи прецизно и брзо движење и поместување на објективот при фотографирање.

Дизајнот што е отпорен на прав и влага⁰ нуди поголема сигурност за надворешна употреба во лоши услови. Внатрешните компоненти од издржлива легура од магнезиум и другите подобрувања овозможуваат максимална издржливост и помала тежина.