Сензорот Exmor R™ CMOS за целосна слика со задно осветлување нуди неверојатна брзина на читање податоци, голема чувствителност и широк динамички опсег. Напредниот филтер за бои овозможува прецизна репродукција на бои, а AF со откривање на фаза во фокусната површина овозможува врвна стабилност при автоматското фокусирање и одлична прецизност, а сето тоа придонесува за извонреден квалитет на слика.

Процесорот за обработка на слика BIONZ XR™ е дизајниран за голема брзина што го минимизира доцнењето и нуди импресивни можности за обработка во реално време. Процесорот овозможува AF со обработка во реално време, прилагодувања на квалитетот на сликата и препознавање слики, а задолжен е и за префрлувањето податоци, корисничкиот интерфејс и други функции на камерата.

Сензорот за целосна слика овозможува висока чувствителност со мал шум низ целиот опсег на камерата преку оптимизирање на излезниот сигнал на сензорот. Снимајте јасни движења дури и при слаба осветленост со импресивен опсег на ISO што се проширува до 409600. Достапен е зголемен динамички опсег со 15+ чекори⁰, без премногу осветлени површини. Големата чувствителност и широкиот динамички опсег на камерата нудат поголема флексибилност во обработката по снимањето.

Снимајте во формат за целосна слика во 4K (QFHD) со 120 fps⁰ и автоматски фокус благодарение на можностите за брзо читање на сензорот за слика и моќниот процесор BIONZ XR. Дури и при високи стапки на слики, може да снимате 4K-слики (QFHD) со обработката на сите точки без соединување, добивајќи јасни бавни движења по снимањето (до 5x побавни од реалното време)¹. Со прецизниот AF може да создавате и прекрасни ефекти на дефокусирање во формат на целосна слика при снимањето забавени движења.

Вклучувањето на препознатливиот S-Cinetone од Sony, земен од развојот на FX9, ви овозможува да добиете филмски бои директно со камерата. S-Cinetone е оптимизиран за природни тонови на кожата и бои со среден опсег, нежни високи тонови за импресивно издвојување на субјектот дури и без градација при обработката по снимањето.

[1] Стандардно (Профил за слика ИСКЛУЧЕН)  [2] S-Cinetone (Профил за слика 11)

Освен со компресија на повеќе кадри Long-GOP, поддржано е и внатрешно снимање со компресија на тековен кадар (All-Intra)⁰. Снимањето во XAVC S-I со компресија на тековен кадар врши компресија на сите кадри поединечно со висока бит-стапка, до 600 Mbps, па затоа е идеална за снимање сложени движења и овозможува максимална флексибилност и перформанси за репродукција по снимањето.

[1] All-Intra (All-I)  [2] Long-GOP  [3] Група слики

Снимањето во XAVC HS-формат, користејќи го кодекот MPEG-H HEVC/H.265, ја зголемува ефикасноста за компресија приближно двапати. Во споредба со стандардниот формат 4K XAVC S, XAVC HS нуди детални видеоснимки со 10 бита и семплирање на бои 4:2:2 со приближни или помали стапки на податоци, создавајќи уште подобар квалитет на слика, како и датотеки со практична големина⁰.

FX3 ви овозможува да снимате во различни формати што ќе одговараат на вашите потреби за снимање. Исто така, може да го изберете форматот XAVC S-I DCI 4K (4096 x 2160) што често се користи за снимање филмови. Опцијата за реални 24p (24,00p) може да се избере како опција за стапка на слики за снимање кога го избирате форматот XAVC S-I DCI 4K. Оваа поставка е достапна во верзијата 3.00 на софтверот или понова верзија.

FX3 овозможува подобар квалитет на слика и пофлексибилно и поефикасно уредување по снимањето и може да проследува излезни RAW-податоци со 16 бита кон надворешен снимач преку приклучокот HDMI Type-A. Снимките во RAW-формат ги снима сензор за целосна слика со резолуција 4264 x 2408 [16:9], за да одговараат на работните процеси во 4K (QFHD) или DCI-4K17, со различни стапки на слика (59,94p/50p/29,97p/25p/23,98p). Исто така, кога користите надворешен снимач, поддржани се RAW-форматите како ProRes RAW и Blackmagic RAW⁰, што нудат поголема флексибилност за професионалните опкружувања за уредување.

За снимање со кривата за гама S-Log3 се достапни три режими. Cine EI¹, што се користи кај врвните модели Cinema Line од Sony, нуди широка маргина на грешка и највисок можен квалитет на слика. Eine EI Quick¹ го олеснува поставувањето преку автоматско менување на основната вредност на ISO на камерата според избраниот индекс за експозиција (EI). Flexible ISO, пак, нуди најголема флексибилност за поставките за експозиција. Исто така, во достапните и однапред поставени LUT се додадени опциите s709, 709tone и ITU709 од Sony.

Можно е истовремено да снимате HD-прокси датотеки со мала бит-стапка и формати со повисоки бит-стапки како XAVC S-I 4K, а потоа помалите прокси датотеки да ги искористите за уредување и прегледување пред да го испорачате конечниот производ. На овој начин го намалувате оптоварувањето на компјутерот и добивате побрзи и поефикасни работни процеси. Прокси датотеките се снимаат во XAVC HS (1920 x 1080) со 10 бита или во XAVC S (1280 x 720) со 8 бита ⁰.

Приказот наликува на професионален мониторинг, со вградени алатки за обработка по снимањето. Во камерата се вградени однапред поставени опции за Creative Look и секоја од нив може да се користи таква каква што е или може да се прилагоди со индивидуално поставување на параметрите како нијанси, длабочина на бои, светлина, контраст и острина. Деталното прилагодување на однапред поставените изгледи се врши по желба на корисникот, а може и да се регистрираат омилени поставки како приспособен изглед.

Профилот за слика HLG (Hybrid Log-Gamma) HDR, заедно со широката палета на бои BT.2020, може да се користи за директна репродукција во HDR (HLG) на компатибилни телевизори. Како резултат се добиваат неверојатно реалистични слики, слично како што гледа и човечкото око, со детални сенки и осветлени делови, помало избледување и затемнување, без потреба од градација на боите. Конкретно, 10-битните снимки нудат рамномерна градација и детали за извонредна реалистичност.

[1] Голема флексибилност за детално прилагодување на сликите (потребна е градација на бои) [2] Моментално снимање на висококвалитетни слики (не е потребна градација на бои)

Режимот за флексибилна експозиција овозможува независно поставување на автоматскиот и рачниот режим за ирисот, брзината на блендата и ISO. Функцијата за заклучување, што се активира со кратко притиснување врз соодветните приспособливи копчиња, ги заклучува поврзаните контроли за да спречи промени поради ненамерно поместување на вртливото копче или тркалцето. Често користените опции за ирисот и ISO можат да се контролираат преку лесно достапните вртливи копчиња на предната и задната страна, како и преку вртливото копче на горната страна.

Брзиот хибриден AF ги спојува AF со откривање на контраст и AF со откривање фаза во фокусната рамнина. На тој начин добивате многу прецизно и рамномерно следење на субјектите што се движат брзо, дури и при широк опсег со мала длабочина на полето. Параметрите за брзина на движење на AF и чувствителност на поместувањето на AF во однос на субјектот нудат пофлексибилна контрола на фокусот, каква што им е потребна на професионалните корисници.

Контролата на фокусот е брза и интуитивна за да имате максимална креативна контрола врз моќната технологија за AF на FX3. Следењето во реално време помага значително при самостојно снимање, преку анализирање на боите на субјектот, текстурите и длабочината. Кога снимате луѓе, AF на очи во реално време го олеснува снимањето, особено кога користите механизам за стабилизација и кога ја препуштате контролата на AF. 

FX3 го наследува BIG6⁰ (Home) screen од врвните камери CineAlta, како што се моделите VENICE, кој овозможува лесно следење на шест неопходни параметри во режимот за ВИДЕО: FPS (стапка на слики), ISO, бленда (брзина/агол), решетка или ND-филтер, изглед и баланс на белата боја. Докажаниот BIG6 (Home) screen придонесува за непречено и интуитивно ракување, а нуди и брз пристап до променливи/фиксни параметри.

Освен режимот [S&Q Motion] (Забавени и забрзани движења), достапен е и режимот [Fixed/Variable] (Фиксно/Променливо) што се користи кај камерите CineAlta, како што е Venice.

Со поставката за променлива стапка на слики, можете брзо да ја приспособите стапката на слики за да снимите и прегледате неверојатно забавени или забрзани движења на самата камерата, а притоа задржувајќи ја снимената стапка на слики.

Кога снимате со анаморфни објективи, може да изберете сооднос на корективно прилагодување (1,3 x, 1,5 x., 1,6 x и 2,0 x)⁰ во менито за да го прикажете видеозаписот со хоризонтална корекција на LCD-екранот, според соодносот на прикачениот анаморфен објектив.

Корисниците можат да избираат помеѓу прикажување на брзината на блендата или аголот на блендата за непречена и позната видеографија.

Кога е вклучена функцијата за компензирање на промените во фокусната должина, фотоапаратот ви овозможува да снимате видеоснимки со поголема стабилност ако користите компатибилни објективи⁰. Оваа поставка е достапна во верзијата 3.00 на софтверот или понова верзија.

Метаподатоците за промени во фокусната должина може и да се зачуваат, за да може да извршите компензација со најновиот софтвер Catalyst Browse/Prepare Plugin при обработката по снимањето.

Контролирањето на фокусот со допир овозможува прецизно одредување на фокусната точка со едноставно допирање на LCD-екранот. Фокусирањето со следење е брзо, лесно и интуитивно поради ракувањето на допир - добивате максимална креативна контрола врз моќната технологија за AF на FX3. 

Користејќи нов уред за прецизна стабилизација, жироскоп и оптимизирани алгоритми за стабилизација на слика, активниот режим со оптички SteadyShot™ на камерата нуди прецизна оптичка компензација на слика за извонредни резултати при снимање 4K-видеоснимки^{0 1}, дури и кога одите. Ова беспрекорно ниво на стабилизација ви овозможува да снимате само со камерата, искористувајќи ги предностите на компактната големина и преносливост.

[1] Следење на тресењето на камерата [2] Стандардно [3] Активно

Рачката на FX3 има два независни приклучоци XLR со стандардна големина (комбинација од XLR/TRS) за приклучување надворешни професионални микрофони преку интерфејсот за дигитален звук на приклучокот за повеќе интерфејси (MI). Достапни се три формати за снимање, вклучувајќи и 4-канален со 24 бита.

Издржливиот и повеќенаменски приклучок HDMI Type-A ви овозможува истовремено да гледате видео преку LCD-екранот на камерата, надворешен снимач поврзан преку HDMI или уред за мониторинг.

За да овозможи непрекинато снимање во 4K со 60p⁰, FX3 има иновативна структура за дисипација на топлина со уникатен ладилник од графитна легура од Sony во форма на Σ (sigma). Целосен внатрешен редизајн со оптимизирано поставување ладилници и проток на воздух. Кога е потребно, бесшумниот¹ вентилатор за ладење ја подобрува вентилацијата заради континуирано снимање со максимална резолуција, а влезниот и излезниот воздух се структурно изолирани за да се овозможи отпорност на прав и влага.

На предната и задната страна има по една сијаличка, а копчето за снимање на горната страна е осветлено со LED-светилка што работи во комбинација со другите сијалички. Освен тоа, приказот на црвена рамка на екранот при снимање видео, дури и кога тешко може да го видите екранот поради прикачениот механизам за стабилизација, овозможува моментално утврдување на статусот за снимање. За одредени апликации може да вклучите или исклучите лесно ракување.

Иновативниот дизајн без огледало нуди преносливост и беспрекорно професионално ракување. Често користените контроли се позиционирани на горната страна, а големиот број приспособливи копчиња и менија нудат поедноставни работни процеси кога сте на терен. Камерата создава професионални резултати дури и кога за снимањето треба контрола со една рака или кога аглите за снимање и условите за ракување со објективот се лоши.

Рачката за зумирање поставена на горната страна на држачот овозможува користење на објективи со моторизиран зум. Освен тоа, нашето иновативно и јасно зумирање на слики нуди практични опции за аголот на гледање дури и со минимална опрема. Брзината на зумирање може да се прилагоди за да одговара во сите ситуации - од брзо менување на кадарот во документарци до зумирање за филмски ефекти.

Петте отвори за завртки 1/4-20 UNC овозможуваат стабилно прикачување додатоци директно на куќиштето на камерата, без потреба од дополнителни прицврстувачи. На вклучената XLR-рачка има уште три дополнителни отвори за прикачување додатоци. Како резултат добивате систем што е оптимизиран за неверојатна преносливост и рачно снимање, како и брзо поставување за динамична продукција.

За да ги исполниме барањата на професионалните фотографии и видеографи, структурата на менито ја дизајниравме за поефикасна работа на снимателите. Картичките на менито се на левата страна на екранот, а групите со параметри и параметрите поврзани со избраната картичка се прикажуваат на десната страна. Може да се прикажат најмногу три нивоа одеднаш, поради што структурата на менито е многу попрегледна. Користењето на менито со допир овозможува брза и интуитивна контрола.

FX3 е опремена со LCD-екранот со променлив агол што се отвора хоризонтално и може да се ротира заради прецизно обликување на кадарот или снимање од интересни агли, независно дали снимате рачно или со механизам за стабилизација. Екранот може и да се ротира за субјектот директно да ја гледа снимката или при снимање од низок агол. Големиот LCD-екран на допир од 3,0 инчи, со приближно 1,44 милиони точки⁰, нуди одлична видливост и острина.

Двата отвори за медиуми на камерата се компатибилни со картичките CFexpress Type A, како и со картичките SDXC/SDHC што ги поддржуваат класите на брзина UHS-I и UHS-II. Картичките CFexpress Type A се новиот стандард за компактно складирање со големи брзини на запишување/читање неопходни за снимање 4K-видеоснимки со високи бит-стапки. Двата отвори овозможуваат снимање со пренасочување или истовремено снимање.

Куќиштето на фотоапаратот, горниот, предниот и задниот капак се изработени од лесна и цврста легура на магнезиум заради голема издржливост и преносливост, а приклучокот за објективи е прицврстен со шест завртки за стабилно прикачување на тешки објективи. Филтерот поставен пред сензорот за слика осцилира со ултразвучна фреквенција од 70.000 циклуси во секунда за да ја отстрани правта од површината на сензорот.

За да ги задоволиме барањата на професионалците, ставивме заштита на сите рабови на куќиштето и околу преградите за батерии и медиуми, капачињата на приклучоците и споевите на куќиштето. Ги разгледавме сите отвори низ кои може да навлезе прав и влага за да обезбедиме сигурно ракување во лоши услови. 

FX3 е компатибилна со батериите NP-FZ100 со голем капацитет за долги сесии на снимање. Поддршката за USB-PD (напојување) овозможува брзо полнење⁰ или континуирано снимање ако ја поврзете камерата со уред за напојување со USB Type C® или со пренослива батерија¹.

За време на сложените фотосесии или за побрзо уредување, корисниците може да ставаат ознаки во видеозаписите, како OK, NG или KEEP, преку менито или со помош на приспособливо копче⁰. Ознаките се видливи во приказот на мали сликички и во софтверот Catalyst, за брзо филтрирање и избирање за време на уредувањето.

Поврзувањето паметен телефон или таблет со фотоапаратот преку апликацијата Monitor & Control овозможува безжично следење, прилагодување на експозицијата со голема прецизност и контрола на фокусот на поголем екран.
 

Поддржани се безжични LAN-врски со 5 GHz⁰/2,4 GHz и поврзување преку етернет 1000BASE-T користејќи кабел со адаптер за USB-кон-етернет што се приклучува во приклучокот USB Type C® на камерата што поддржува SuperSpeed USB 5 Gbps (USB 3.2). Далечинското снимање може да се контролира преку компјутер со апликацијата Imaging Edge Desktop™ од Sony или преку мобилен уред со Imaging Edge Mobile™. Жичниот и безжичниот пренос на датотеки со податоци преку FTP и опциите за далечинско снимање поддржуваат професионални работни процеси за време на снимањето.

Софтверите Catalyst Browse и Prepare на Sony се идеални партнери за продукција за FX3. Камерата снима повеќе видови метаподатоци: LUT, стабилизација на слика, промени во фокусната должина, поставки за ND-филтер конфигурирани на камерата и ознаки за снимки. Тие може да се искористат при прегледувањето и подготовката за уредување во бесплатниот софтвер Catalyst Browse или во платениот софтвер Catalyst Prepare од Sony.

Creators' App е апликација за паметни телефони која ви овозможува да го поврзете вашиот фотоапарат од Sony со Cloud, што ја подобрува функционалноста и ја зголемува практичноста за фотографирање и споделување.