Најновиот процесор за обработка на слика BIONZ XR^TM и водечкиот⁰ сезнор за целосна слика нудат врвни детали кај субјектите и се вградени во компактно и лесно куќиште. Exmor R™ CMOS-сензорот за слика со 61,0 ефикасни милиони точки и задно осветлување, преземен од нашиот докажан α7R V, нуди извонредна резолуција во нови опкружувања.

Намалувањето на шумот што го врши сензорот со задно осветлување, леќите без меѓусебен простор, анти-рефлективниот оптички слој, отсуството на оптички филтер за ниски фреквенции што е позициониран пред сензорот, како и другите оригинални технологии, нудат висока резолуција, висока чувствителност, мал шум и широк динамички опсег.

Најновиот процесор за обработка на слика BIONZ XR, со осум пати⁰ поголема моќ за обработка од претходните модели, го минимизира доцнењето при обработката и значително ја зголемува моќта за обработка при снимање и фотографирање. Процесорот за обработка на слика BIONZ XR придонесува за природни градации, реални бои, мал шум и врвен квалитет на слика, а менито нуди брз одзив што останува ист независно од оптоварувањето што го создава обработката во реално време.

Освен што создаваат одлична резолуција со 61,0 милиони точки⁰, напредните технологии на сензорот од Sony нудат поставки за чувствителност од ISO 100 до ISO 32000¹ и за фотографии и за видеоснимки. Динамичкиот опсег при помала чувствителност нуди импресивни 15 чекори² за да добиете рамномерни и реални градации, почнувајќи од длабоки сенки па сè до светли тонови.

Најновиот процесор и алгоритамот за AE ја откриваат кожата на лицата и ја контролираат експозицијата при фотографирање и снимање. Автоматската експозиција е прецизна дури и при слаба осветленост кога лицето на субјектот е темно, кога лицето на субјектот е премногу осветлено со директна сончева светлина или кога субјектот не гледа директно кон фотоапаратот.

Прецизната стабилизација на слика, напредните жироскопи и оптимизираниот алгоритам за стабилизација на слика ефикасно го откриваат и коригираат тресењето на фотоапаратот. Вградената оптичка стабилизација на слика со 7,0 чекори⁰ нуди огромни придобивки при рачно снимање. Новиот алгоритам за стабилизација нуди прецизно откривање и контролирање на ниво на еден пиксел и максимално ја искористува резолуцијата на сензорот од 61,0 милиони точки за да ги истакне најмалите детали на субјектот. 

[1] Странично вртење [2] Ротирање [3] Вртење нагоре

Повеќекратното фотографирање со поместување на сензорот го користи вградениот прецизен систем за стабилизација на слика за да сними неколку слики со поместување на сензорот што подоцна може да ги споите со компјутер, за да добиете една слика со огромна резолуција. Композитните слики составени од 16 слики со приближно 240,8 милиони пиксели (19008 x 12672 пиксели)⁰ може да се создадат од податоци еквивалентни на приближно 963,2 милиони пиксели.

Функцијата за креативен изглед нуди 10 однапред поставени параметри што може да ги користите без менување или да ги уредите за да добиете различни „изгледи“, а тоа ќе им помогне на креаторите на содржини да го прилагодат амбиентот во своите фотографии или видеоснимки.

При фотографирање со механичката бленда, треперењето од изворите на вештачка светлина се открива автоматски, а темпирањето на фотографирањето се прилагодува заради минимизирање на тие ефекти. При фотографирање или снимање под LED-светлина, користејќи ја бесшумната електронска бленда, функцијата за променлива бленда ги намалува проблемите од високофреквентното треперење преку прецизна контрола на брзината на блендата.

Компресијата на RAW-слики без загуби нуди ефикасност без загуби во квалитетот на сликата, па затоа може да снимате повеќе слики континуирано во една серија. Може да изберете три големини на слики (L/M/S) според потребите. Големините M и S имаат ист број на точки (26 M/15 M) во режимите за целосна слика и APS-C, овозможувајќи непречено избирање помеѓу двата режими без промени во резолуцијата на сликата. За сликите JPEG и HEIF е достапна нова опција за „Мал“ квалитет на слика, така што датотеките се помали и лесно се споделуваат.

α7CR е опремен со уред за обработка со AI што е специјално дизајниран за попрецизно препознавање субјекти и препознавање повеќе видови на субјекти⁰.

Опремен со процесор со AI, α7CR користи информации за скелети и технологија за проценка на пози за да ги препознае конфигурацијата и движењата на субјектот со голема прецизност, а со тоа ги препознава и положбите не само на очите, туку и на човечките глави и тела со уште поголема прецизност. Сето ова овозможува фокусирање и следење субјекти кои не гледаат кон фотоапаратот, или нивното лице е делумно покриено со кацига или очила за сонце.

Процесорот со AI препознава многу видови на субјекти⁰. Функцијата за препознавање животни сега препознава очи на тревопасни и мали животни, како и очи, глави и лица на кучиња, мачки и слични животни. Функцијата за препознавање птици сега може полесно да ги открие очите на различни птици, како и нивните лица и тела. Новата опција за животно/птица ја елиминира потребата од менување опции. Доколку одберете, фотоапаратот може да препознава цели или делови од автомобили/возови и авиони, како и глави на инсекти.

Фотоапаратот е опремен со технологија за следење во реално време со AI што може да се активира преку избирање на субјектот и половично притиснување на копчето за блендата. Потоа фотоапаратот автоматски ќе го следи субјектот, оставајќи го корисникот да се фокусира на кадарот и композицијата. Перформансите за препознавање субјекти се значително подобри и овозможуваат посигурно следење од моментот кога ќе ја активирате функцијата која може да се користи во многу повеќе ситуации за снимање.

Огромната брзина и моќ за обработка на процесорот BIONZ XR и подобрените алгоритми значително ги зголемуваат перформансите за AF. Максимум 693 точки за откривање фаза⁰ во густ распоред покриваат приближно 79% од површината на сликата, за прецизно фокусирање дури и кога субјектот зафаќа само мал дел од кадарот. α7CR има AF-системи за откривање фаза и контраст, од кои системот за откривање фаза придонесува за брзо и стабилно фокусирање дури и во режимот за единечен AF (AF-S).

Континуирано фотографирање со AF/AE со следење е можно преку механичката бленда⁰ со брзина до 8 fps, или со 7 fps при бесшумно фотографирање¹, за да ги доловите дури и најкратките движења или промени на лицата со врвни детали. Моќта на процесорот BIONZ XR овозможува континуирано фотографирање на прибл. 320 JPEG-слики², за да ги доловите сите важни моменти. Дури и при фотографирање или отсекување на сликата до APS-C, добивате резолуција од 26 MP и висок квалитет на слика за да можете, на пример, континуирано да фотографирате птици во лет со AF/AE со следење.

Најновиот процесор BIONZ XR и подобрените алгоритми нудат значително поголем квалитет на слика за видео. Моќниот процес нуди стапки на слика од 60/50p за рамномерно и прецизно снимање на движењата, како и поголема флексибилност за обработка по снимањето. Освен подобро фокусирање, напредниот процесор со AI на фотоапаратот нуди и прецизен баланс на белата боја, дури и во лоши услови кога субјектот е во сенка.

За снимање 4K-видеоснимки може да ги изберете форматите за целосна слика и Super 35 мм. Обработката на сите точки во режимот Super 35 мм без соединување на точките овозможува намалување од приближно 2,6 пати на податоците потребни за 4K-видеоснимки (QFHD: 3840 x 2160) што резултира со детална слика со 4K-резолуција⁰ и минимално заматување.

Профилот на слика S-Cinetone од Sony ја нуди истата технологија што се користи кај врвната серија Cinema Line и овозможува репродукција на реални бои и тонови на кожа. S-Cinetone создава природни средни тонови што се неопходни за природен изглед на кожата, како и меки бои и прекрасни светли тонови. Тоа им овозможува на креаторите на содржини да се фокусираат на снимањето и да добијат филмски изглед без потреба од градација на боите.

α7CR има крива за гама S-Log3 за маргина на грешка од 14+ чекори⁰. Достапни се и палети на бои S-Gamut3 и S-Gamut3.Cine за поголема контрола на обработката по снимањето, како и кориснички LUT-датотеки (Look Up Table) што прикажуваат како ќе изгледа снимената слика по обработката.

Компензацијата на промените во фокусната должина ги намалува промените во фокусната должина (промена во аголот на гледање на објективот поради промени во фокусот) при снимање видео. Технологијата за јасно зумирање на слики од Sony се користи за автоматско одржување на доследен агол на гледање при промени на фокусот со компатибилни објективи, за да обезбеди постабилни слики. Метаподатоците за промени во фокусната должина може да се искористат со напредните функции за компензација на промените во фокусната должина на најновиот софтвер Catalyst Browse/Prepare при обработката по снимањето.

Проследувајте RAW-видео со 16 бита кон надворешен снимач⁰ преку HDMI-кабел¹ и снимајте содржини XAVC HS 4K, XAVC S 4K или XAVC S-I 4K на внатрешна картичка. Достапно е и снимање преку прокси сервер. Можно е внатрешно снимање на видео со 10 бита и 4:2:2 користејќи компресија Intra или Long GOP, за поприродни градации и поголема слобода за уредување. Однапред поставениот профил за слика HLG (Hybrid Log Gamma) го поддржува просторот на бои BT.2020 со 10-битна длабочина за рамномерни и природни градации.

Активниот режим⁰ користи прецизна стабилизација, напредни жироскопи и најсовремен оптимизиран алгоритам за стабилизација при снимање видео. Тресењето на фотоапаратот се открива прецизно, а алгоритамот го контролира системот за оптичка стабилизација, за да снимате неверојатно јасни и стабилни видеоснимки. Покрај тоа, компатибилните објективи што имаат вградена стабилизација на слика¹ се синхронизираат со куќиштето за да овозможат ефикасна контрола, стабилен кадар и рачно снимање на јасни видеоснимки.

Следењето во реално време со AI значително ги подобрува перформансите за следење во реално време и автоматски ги препознава, следи и фокусира очите на избраниот субјект.⁰ Користете приспособливо копче на кое е доделена функцијата [Вклучено следење] или [Вклучено следење со задржување] за привремено следење на избраниот субјект, независно од неговата положба во кадарот и фокусната површина.

Испорачаниот држач нуди уште подобро држење за максимална удобност и минимален замор при долги периоди на снимање, дури и со тешки објективи со голема решетка или телефото објективи. Држачот не спречува менување на батеријата или монтирање на статив. Држачот може да се отстрани при стандардно снимање, а потоа да се прикачи заради подобро ракување доколку користите голем објектив во долг временски период.

Електронскиот визир XGA OLED со 2,36 милиони точки (прибл.) и зголемување од 0,70x нуди висока резолуција и контраст. Светлината на визирот е приближно иста како и кај α7R V и нуди осветлен, остар и практичен приказ. При фотографирање, функцијата [Стапка на слики на визирот] може да се постави на [Стандардно (60 fps)] или [Брзо (120 fps)], за јасна слика на визирот со минимално заматување на движењата.

LCD-екранот со променлив агол овозможува обликување на кадарот од секоја положба или агол, независно дали фотографирате или снимате. Менито и менијата со функции може да се ракуваат со допир. Долгото притискање врз елементи од менито или притиснување на копчето за бришење овозможува регистрација на често користените функции и поставки во моето мени, заради ефикасно активирање на функциите и поставките што ги користите најчесто.

Горниот, предниот и задниот капак се направени од лесна и многу цврста легура од магнезиум, што овозможува сигурно користење на фотоапаратот во професионални опкружувања. 

Стабилноста на врската при пренос на слики од фотоапаратот во апликацијата Creators’ App⁰ инсталирана на паметен телефон е значително подобрена. Штом започне, преносот на податоци во заднина нема да прекине дури и ако екранот на паметниот телефон влезе во режим на мирување или активирате друга апликација¹. Работните процеси се значително подобри, почнувајќи од снимање па сè до споделување.

Ако го поврзете со компјутер или паметен телефон⁰ преку USB, α7CR ќе функционира како веб-камера со резолуција 4K (2160p). Користете објективи со голема решетка, мала длабочина на поле и ефекти на дефокусирање за да создадете уникатни слики. Напредните функции на AF, како што е AF на очи, може да ви понудат огромни придобивки за онлајн состаноци и проследувања на интернет во живо.

Новиот автоматски режим препознава⁰ голем избор на субјекти¹ во фотографиите и видеоснимките, овозможувајќи му на фотоапаратот да ги препознава автоматски.

 

 

 

Филтрите за пребарување може да се применат за време на репродукцијата. Големите колекции на слики може да се филтрираат по датум, папка, фотографија/видео, оценка, статус на заштита, FTP и други параметри, што придонесува за многу полесно пронаоѓање специфични слики.

 

 

Динамичкиот активен режим нуди напредна електронска стабилизација и уште повеќе ја зголемува стабилноста. Стабилизацијата на кадарот автоматски го задржува субјектот во кадарот, со помош на динамичкиот активен режим и препознавањето субјекти врз основа на AI.