Стандарден објектив со повеќенаменски зум и F2 за голема светлина

Првиот стандарден објектив со зум G Master™ со фиксна решетка F2, кој е идеален за портрети и голем број други субјекти. Острината и контрастот наликуваат на квалитетот кој го нудат примарните објективи, а светлината со F2, ненадминатиот AF, повеќенаменскиот опсег на зумот и компактниот и лесен дизајн нудат извонредна креативна слобода за фотографии и видеоснимки.

Острина која целосно го искористува потенцијалот на куќиштето

Напредниот дизајн и оптичката симулација создаваат квалитетен зум сличен како кај примарните објективи. Големите елементи, во кои спаѓаат и три XA-елементи (екстремно асферични) произведени со оригинални техники, нудат висока резолуција до рабовите на сликата со F2 низ целиот опсег на зумирање. Лебдечкиот фокус овозможува фокусирање на мало растојание до 0,38 м/1,25 ft низ целиот опсег на зумирање.

Дознајте повеќе за XA-леќата

Хроматската аберација е под контрола

ED-елементот (исклучително мала дисперзија) и трите Super ED-елементи ја намалуваат оскината хроматска аберација, а воедно и латералната хроматска аберација која може да ја намали резолуцијата во периферните делови на сликата. Разлевањето на боите се намалува ефикасно низ целата површина на сликата за да добиете извонредна острина и резолуција.

Дознајте повеќе за супер ED-стаклото

Отпорност на одблесоци и отсјај

Оригиналниот анти-рефлективен нано слој II од Sony ги минимизира одблесоците/отсјајот и ви овозможува да снимате јасни слики дури и при силно задно осветлување. Оптиката која е дизајнирана да ги намали внатрешните рефлектирања нуди уште поголема отпорност на одблесоци, што овозможува голема острина кога во кадарот ќе се појави извор на силна светлина. Совршен за портрети, спорт, видеоснимки, настани во живо и многу повеќе.

Дознајте повеќе за aнти-рефлективниот нано слој II

G Master-дизајн со F2 за неверојатна длабочина

Максималната решетка F2 и оптиката G Master нудат извонредни и меки ефекти на дефокусирање за длабоки и димензионални слики. Сферичната аберација се контролира внимателно за идеален баланс помеѓу резолуцијата/ефектот на дефокусирање, а новата кружна решетка со 11 сечила придонесува за прекрасно кружно дефокусирање. Прстенестото дефокусирање и разлевањето на боите се намалуваат ефикасно за да добиете подобар квалитет на слика.

Дознајте повеќе за кружната решетка

Фиксна решетка F2 во компактен и лесен објектив

Овој стандарден објектив со повеќенаменски зум нуди квалитет на слика кој е сличен на квалитетот кој го нудат примарните објективи, а нуди и неверојатен AF. Иновативните технологии, кои вклучуваат напредна оптика и линеарни XD-мотори (екстремно динамички), овозможуваат вметнување на сите овие компоненти во објектив со зум и фиксна решетка F2, со димензии од само 92,9 x 139,8 мм (3-3/4 x 5-5/8) и тежина од само 918 гр. (32,4 oz). Опуштено фотографирање со сите предности кои ги нудат објективите со зум, без никакви отстапки во квалитетот на сликата.

Дознајте повеќе за линеарните XD-мотори

Прецизно, сигурно и брзо следење со AF

Четирите линеарни XD-мотори (екстремно динамички) и најновиот алгоритам прецизно ја контролираат големата група елементи за фокусирање со F2. Сигурното следење со фокусот и моменталниот одзив се неопходни за свадби или спортски настани за кои секој кадар е важен. Овој објектив е потполно компатибилен со опцијата за секвенцијално фотографирање со 120 fps на α9 III, а следењето продолжува дури и кога зумирате.

Дознајте повеќе за линеарните XD-мотори

Подобри и живописни филмски продукции

Промените во фокусната должина се намалени за да снимате подобри видеоснимки. Ефектите на поместување на фокусот и зумот може да се користат со длабочина на поле од F2 за да создавате јасни и природни транзиции. Одредувањето на фокусот при високите стапки на слики 4K 120p/FHD 240p е лесно. Линеарните XD-мотори и новата решетка функционираат тивко, а поддржана е и компензација на промените во фокусната должина кај куќиштата α.

Професионална контрола

Важните функции за контрола вклучуваат MF со линеарен одзив за интуитивно рачно фокусирање, приспособлив вртежен момент на прстенот за зумирање и прстен за решетката со преклопник за ВКЛУЧУВАЊЕ/ИСКЛУЧУВАЊЕ на неговиот звук. Достапни се и две приспособливи копчиња за задржување на фокусот, преклопник за заклучување на ирисот и преклопник за AF/MF. Дијаметарот за филтри е 86 мм, а сенилото на објективот има прозорец за лесно ракување со варијабилни филтри. 

Дознајте повеќе за MF со линеарен одзив

Издржлив и сигурен

Копчињата и преклопниците имаат силиконски заптивки, приклучокот на објективот има гумен прстен, а сите други важни зони се внимателно дизајнирани за да се спречи навлегување на прав и влага и да се обезбеди максимална сигурност во лоши надворешни услови. Слојот од флуор на предниот елемент нуди ефикасна заштита од нечистотии и овозможува лесно чистење.

Дознајте повеќе за дизајнот што е отпорен на прав и влага

Не штети на животната средина

Целта на проектот „Road to Zero“ на Sony е елиминирање на штетното влијание врз животната средина до 2050 година. Влијанието на овој производ врз животната средина е минимизирано од развојот па сè до неговата испорака, производство и пакување. Исто така, преминуваме на користење материјали за пакување без пластика. За торбите за производи се користат растителни и неплетени материјали.

Дознајте повеќе за Патот кон достигнување на нулата