Tessar T* објектив од ZEISS®

Објективот Tessar T* од 24 мм со F4 од ZEISS® нуди слики со висока резолуција и помало периферно изобличување, иако има широкоаголен дизајн. Подобреното минимално фокусно растојание од 20 см е совршено за автопортрети и предмети на маса, а јасното зумирање на слики овозможува зум до 2x со минимална загуба на квалитет. Одблесоците и отсјајот може дополнително да се намалат со употреба на изборно сенило, а површинскиот слој на предниот дел на куќиштето го олеснува бришењето капки вода и прав.

CMOS-сензор со подредена структура и 15,3 MP (ефикасни)

Exmor RSTM CMOS-сензорот за слика од тип 1,0 има подредена структура со наменски чип за DRAM и овозможува неверојатна брзина на блендата со 1/32.000 сек. со која може да снимате движења што се незабележливи за човечкото око. Исто така, сензорот овозможува импресивно широк динамички опсег од ISO 80 до ISO 12800.

Напреден BIONZ X™ за мал шум и неверојатни детали 

Најновата верзија на процесорот за обработка на слика BIONZ X создава слики со висока резолуција, широк динамички опсег и помал шум во услови со слабо осветлување. Сликите се карактеризираат со повеќе природни детали и побогати градации на тонови. Овој подобрен BIONZ X овозможува и внатрешно снимање на 4K-видеоснимки. 

Практични функции во цврсто и извонредно компактно куќиште

Цврстото куќиште од издржлив дуралуминиум е мазно и има елегантен дизајн, без испакнати делови. И покрај тоа што е малку поголем од кутија кибрит, тој е опремен со практичен LCD-монитор што се врти за 180° и други практични функции дизајнирани за полесно снимање и фотографирање.

Сигурни перформанси во опкружувања со лоши услови

Цврстата конструкција на фотоапаратот овозможува сигурна употреба во различни опкружувања со лоши услови. Тој е отпорен на вода до длабочина од 10 м/33 ft, удари при паѓање од висина до 2,0 м/6,5 ft и кршење со тежина до 200 kgf/440 lbf/2000 N.

4K-видеоснимки снимени со обработка на сите точки

RX0 II поддржува внатрешно снимање видео со резолуција до 4K со 30p (QFHD: 3840 x 2160), одлично за снимање видеоблогови или патувања. Кога снимате 4K-видеоснимки со обработка на сите точки без соединување на точките, фотоапаратот врши прекумерно семплирање со 1,7 пати повеќе информации што е потребно за основно снимање во 4K што резултира со неверојатна резолуција.

Стабилизација на слика за снимање видео

Новата вградена електронска стабилизација на слика овозможува стабилно рачно снимање видеозаписи.

Дополнителна компонента Movie Edit за лесно споделување на социјалните медиуми

Софтверот Movie Edit е дизајниран за брзо и висококвалитетно споделување на социјалните медиуми, овозможува автоматска стабилизација на слика и создава појасни слики што изгледаат како да се снимени со стабилизатор. Тој овозможува и обликување на кадарот на видеозаписите според различните соодноси на слика на паметните телефони, а притоа не дозволува главниот субјект да излезе од кадарот.

Дознајте повеќе

AF на очи за снимање совршени портрети и автопортрети

Софистицираната функција AF на очи на фотоапаратот е дизајнирана за автоматско откривање и фокусирање на очите на главните објекти во вашите фотографии. Оваа функција брзо и прецизно ги открива очите дури и во тешки услови како, на пример, кога објектот гледа надолу или кога лицата не се доволно осветлени или се осветлени одзади.

Снимање во интервали за создавање видеоснимки со забрзани движења

Фотоапаратот нуди континуирано фотографирање со интервал помеѓу 1 и 60 секунди. Добиените фотографии може да се претворат во видеоснимка со забрзани движења преку компјутер со опцијата Viewer во бесплатната апликација Imaging Edge™ на Sony. Функцијата за едноставен преглед со променлива брзина ви овозможува да ги прегледувате видеоснимките со забрзани движења преку самиот фотоапарат веднаш по снимањето. 

LCD-монитор што се врти за 180°

LCD-мониторот што се врти за 180° (180° нагоре и 90° надолу) е многу практичен за обликување на кадарот на автопортретите и видеоблоговите, а практичен е и за фотографирање од низок или висок агол.

Неверојатна флексибилност со изборниот држач за фотографирање

Држачот за фотографирање VCT-SGR1 лесно се прикачува на RX0 II и го зголемува вашиот креативен потенцијал. Тој е опремен со вградени контроли за активирање на блендата и копчиња за снимање и зумирање, а може да го претворите и во мини статив за на маса.

Поголеми можности со Imaging Edge Mobile

Фотоапаратите RX0 II имаат вграден Wi-Fi® преку кој може да се контролираат далечински преку паметен телефон или таблет-уред. Преземете ја бесплатната апликација Imaging Edge Mobile во вашиот уред за да овозможите далечинска контрола за активирање на блендата на фотоапаратот и активирање/запирање на снимањето видео. Снимените слики и 4K-видеоснимки може да ги префрлувате безжично во вашиот уред за лесно споделување. Користете Bluetooth® за далечинско вклучување/исклучување и снимање податоци за локација. 

Жична контрола за повеќе фотоапарати со изборна кутија за контрола на фотоапарати

Изборната кутија за контрола на фотоапарати (CCB-WD1) користи жични LAN-врски за синхронизирано снимање со повеќе фотоапарати, на пример, кога сакате да снимите сцена од два различни агли. Користете повеќе кутии за контрола на макс. 100 RX0 II-фотоапарати, вклучување и исклучување на напојувањето, прилагодување поставки и снимање фотографии или видеоснимки, користејќи веб-пребарувач на вашиот компјутер.

Фотографирање со два фотоапарати

Отсега ќе можете да снимате со два фотоапарати - истовремено снимање слики или видеоснимки со вашиот RX0 II и друг фотоапарат - со помош на изборниот кабел за активирање на блендата VMC-MM2. Со оваа функција може да доловувате одлучувачки моменти и неповторливи настани од два различни агли или, пак, да снимате сцена со поинаква стапка на слики или профил на слика, со едно притиснување на копчето за активирање на блендата.

Флексибилно и прецизно прилагодување на сликата при снимање видео

Со функцијата за снимање S-Log2, RX0 II им нуди на професионалците значително поголема флексибилност во обработката по снимањето со зголемен динамички опсег. Заедно со други прилагодливи профили за слики, оваа ексклузивна поставка за гама нуди широка палета на бои и помал ризик од премногу осветлени површини, за лесно усогласување повеќе фотоапарати и професионални резултати. 

Снимање забавени движења со брзина до 960 fps/1000 fps

Снимањето забавени движења со стапка на слики од 960/1000 fps ви овозможува да претворите кратки моменти во видеоснимки. Режимот за приоритет на квалитет може да снима со резолуција до HD при снимање со 240/250 fps. Режимот за активирање овозможува доловување одлучувачки моменти со забавени движења што започнуваат од две до четири секунди пред притиснување на копчето за снимање.

Јасен излезен сигнал преку HDMI за 4K-видеоснимки

За поголема флексибилност на вашиот работен процес може да користите јасен излезен сигнал преку HDMI за следење и снимање некомпресирани видеоснимки со надворешен снимач во формат и бит-стапка по ваш избор.

Континуирано фотографирање со брзина до 16 fps и намалено затемнување

И покрај големата резолуција од 15,3 MP, сензорот за слика со неверојатно голема брзина овозможува брзини на отчитување што се доволно големи за континуирано фотографирање до 16 fps, за да ги доловите кратките моменти додека се случуваат.

Бленда што спречува изобличувања со брзина до 1/32.000 сек. 

Искористувајќи ја екстремно брзата обработка на сензорот Exmor RS, блендата што спречува изобличувања постигнува брзина до 1/32.000 сек. На овој начин се минимизираат сите изобличувања на сликите предизвикани од вртењето на блендата што може да ги изобличи сликите од објекти што се движат брзо. 

XAVC S и AVCHD со професионален квалитет за снимање видео

Форматот XAVC S со мала компресија е одличен за снимање висококвалитетни видеоснимки со минимален шум, дури и во многу активни сцени. Фотоапаратот го поддржува и форматот AVCHD за едноставно уредување и споделување.

Приспособливи копчиња за интуитивно ракување

Програмираjте ги функциите што најчесто ги користите на приспособливите копчиња за да го прилагодите фотоапаратот кон вашиот стил на фотографирање. Така ќе добиете побрз пристап до функциите и поинтуитивно ракување на фотоапаратот додека фотографирате.

Функции за помош при MF и изострување за подобро фокусирање

Кога фотографирате одблиску или во ситуации кога ви е потребен многу прецизен фокус, користете ја функцијата за помош при MF (рачен фокус) за да ја зголемите површината за фокусирање заради попрецизни прилагодувања. Освен тоа, функцијата за изострување ги означува најострите и најфокусираните површини во бои по ваш избор, за брзо и прецизно рачно фокусирање.

Голем опсег на ISO за поголема флексибилност при фотографирањето

Опсегот на чувствителност на фотоапаратот се протега од ISO 80 до ISO 12800 за да можете да фотографирате дури и во многу затемнети простории. Може да користите автоматско ISO за да ја одредите чувствителноста автоматски и да поставите долна граница за одржување на аголот/брзината на блендата и прецизно доловување на движењата. 

Долго снимање видео со прилагодлива температура за автоматско исклучување

Може да изберете ниво на внатрешна температура на кое фотоапаратот ќе се исклучи автоматски за да се приспособи кон опкружувањето во кое снимате. На пример, ако снимате видеоснимки користејќи статив, снимањето трае подолго и може да ја поставите температурата за автоматско исклучување на „Високо“ ниво за да можете да снимате подолго.

Функции Remote, Viewer и Edit на Imaging Edge

Подобрете ги вашите фотографии со компјутерските апликации Imaging Edge. Користете „Remote“ за контрола и следење на фотографирањето во живо преку компјутерот; „Viewer“ за брзо прегледување, оценување и избирање фотографии од големи колекции на слики; и „Edit“ за претворање RAW-податоци во висококвалитетни фотографии. Извлечете максимум од RAW-датотеките на Sony и управувајте со снимените материјали поефикасно.