Најмалиот компактен фотоапарат во светот со широк опсег на зумирање

Опфаќајќи голем опсег од 24 мм за широк агол до 720 мм за телефото, HX95 е совршен фотоапарат за секоја намена од фотографирање за време на патувањата до секојдневно фотографирање. Објективот ZEISS® Vario-Sonnar T* создава слики со извонреден квалитет низ целиот опсег на зумирање, а функцијата за јасно зумирање на слики овозможува дополнително зголемување на објектот (до 1440 мм), задржувајќи ја високата резолуција. [1] 24 мм [2] 720 мм [3] 1440 мм

Exmor R™ и BIONZ X™ создаваат слики со извонреден квалитет

Сензорот за слика на HX95 - CMOS-сензор со 18,2 милиони точки (ефективни) и задно осветлување - го користи напредниот процесор за обработка на слика BIONZ X™ за да создаде извонреден квалитет на слика, дури и за врвни текстури и детали. Со опсег од ISO80-6400 (проширен), дури и недоволно осветлените сцени може да изгледаат прекрасно, додека подобрувањата на репродукцијата на бои создаваат природни тонови на кожата.

Снимање 4K-видеоснимки со обработка на сите точки

HX95 е првиот фотоапарат од серијата HX што има можност за снимање 4K-видеоснимки (QFHD, 3840 x 2160 точки). Снимањето висококвалитетни 4K-видеоснимки се постигнува со сензор за обработка на сите точки без соединување на точките - собирајќи приближно 1,6x повеќе податоци од тоа што е потребно. Овој ефект на семплирање создава слики со извонредна резолуција и помали нивоа на заматување.

Брз и интелигентен AF за доловување на одлучувачки моменти

Фотоапаратот користи брз и интелигентен AF што нуди неверојатно прецизен автоматски фокус со откривање на контраст и брзина од 0,09 секунди. Тој фокусира преку минимизирање на непотребното движење на објективот, предвидување на опсегот за AF и забрзување на движењето на објективот, поради што се подобрува одзивот за да можете да ги снимите дури и најкратките моменти.

AF на очи за снимање совршени портрети

Софистицираната функција AF на очи на фотоапаратот може да се активира за автоматско откривање и фокусирање на очите на главните објекти во вашите фотографии. Оваа функција брзо и прецизно ги открива очите дури и во тешки услови како, на пример, кога објектот гледа надолу или кога лицата се осветлени одзади или се недоволно осветлени.

Континуирано фотографирање со брзина до 10 слики во секунда

Може брзо и континуирано да фотографирате со брзина од 10 слики во секунда и максимален капацитет до 155 слики. Континуираните фотографии може и да се прикажат, избришат и заштитат во групи.

Стабилизација на слика со оптички SteadyShot™

Функцијата оптички SteadyShot на фотоапаратот е дизајнирана за рачно фотографирање и фотографирање со телефото зум, дури и при големо зголемување, но и за стабилизирање на сликата и ефикасно намалување на тресењето на фотоапаратот со помош на жироскопи со високи перформанси и специјален алгоритам. Бидејќи ова е оптичка функција, стабилизацијата на сликата се врши без да се намали резолуцијата. [1] SteadyShot ИСКЛУЧЕН [2] SteadyShot ВКЛУЧЕН

OLED Tru-Finder™ е лесен за ракување и нуди јасна слика

OLED Tru-Finder со голем контраст е многу посветол за разлика од стандардните електронски визири. Тој дава преглед во реално време и информации за снимањето, така што тоа што го гледате на екранот го добивате и на снимките. Визирот лесно се вовлекува за преносливост, безбедност и практичност.

LCD-екран што се врти за 180° за флексибилно обликување на кадарот

Екранот од 3,0 инчи со висока резолуција и можност за вртење е совршен за снимање автопортрети и обликување на кадарот при фотографирање под низок агол. Можете да го користите во различни положби на фотографирање за поголема флексибилност при доловување креативни композиции.

Помош при зумирање

Ако го изгубите фокусот врз објектот во движење додека го обликувате кадарот со зум, функцијата за помош при зумирање ви овозможува повторно да го пронајдете. Програмирајте ја оваа функција на копчето C (прилагодено), а потоа само притиснете и задржете го за да го активирате автоматското оддалечување, пронајдете и доловете го вашиот објект повторно и потоа отпуштете го копчето. Фотоапаратот брзо го враќа зумот на првичната фокусна должина за да можете да продолжите да го фотографирате објектот.

Снимање на RAW-формат

За да им овозможи на корисниците поголема контрола над крајниот изглед на нивните фотографии, HX95 нуди опција за снимање фотографии во RAW-формат. Со овој формат се зачувуваат сите податоци од сензорот, така што експозицијата, светлината, балансот на белата боја и другите аспекти на сликата може лесно да се прилагодат со употреба на софтвер за уредување слики.

Снимање HD-видеоснимки на динамички објекти со висока стапка на слики

Кога снимате видеоснимки може да доловувате предмети што се движат брзо со висока стапка на слики во HD со максимум 120p (NTSC) или 100p (PAL). Тоа ќе ви овозможи да создадете импресивни снимки со забавени движења за време на уредувањето. Високата бит-стапка до 100 Mbps овозможува детални слики.

Снимање податоци преку прокси сервер за поедноставно споделување на 4K-видеоснимки

Освен видеоснимка со 4K резолуција, фотоапаратот снима и датотека со ниска бит-стапка за прокси сервери која е помала и поедноставна за користење. Ова го олеснува вчитувањето и споделувањето на сликите веднаш по снимањето, овозможувајќи поедноставна онлајн комуникација.

AF со заклучување за напредни можности за фотографирање

AF со заклучување ги доловува и продолжува да ги следи подвижните објекти. Тој автоматски ја прилагодува големината на кадарот каде што се врши AF за да ја усогласи со големината на објектот, ги подобрува перформансите за следење и ви овозможува да ги искористите сите прилики за фотографирање.

Поцврсто држење за постабилни снимки

Држачот на фотоапаратот е дизајниран за да подобро одговара во вашата дланка, со што се овозможува полесно држење за подобра стабилност и покрај компактната големина на фотоапаратот. Тој овозможува постабилно обликување на кадарот при рачно фотографирање и помало тресење на фотоапаратот за стабилно фотографирање дури и кога се држи со една рака.

Внатрешен блиц на извлекување

Вграденитот и рачен блиц на извлекување на фотоапаратот овозможува различни режими на фотографирање со блиц. Бавната синхронизација е корисна за снимање амбиентални ноќни портрети, задната синхронизација ви овозможува креативно изразување на движењето и поставувањето за автоматски блиц автоматски одредува дали е потребен блиц.

Мое мени на ваш начин

Со Мое мени можете да регистрирате елементи од менито за моментално активирање и да прилагодувате менија. Екранот на менито е редизајниран, така што сега може да доделите најмногу 30 функции на копчињата за да го прилагодите интерфејсот на фотоапаратот според вашите потреби за фотографирање.

Практични функции за оценување и подредување на самата локација

Оценете и заштитете ги вашите фотографии на терен преку практично копче со прилагодена функција. Оценките од 1 до 5 ѕвезди може да се прегледаат при увезување на сликите во вашиот компјутер преку апликацијата PlayMemories Home™ или преку новиот софтвер Imaging Edge од Sony за брзо подредување на дури и големи датотеки со слики.

Нов LCD режим за заштеда на енергија

Кога напојувањето во куќиштето на фотоапаратот е ВКЛУЧЕНО, LCD-екранот може автоматски да се ИСКЛУЧИ (2, 5 или 10 секунди по последното ракување) за да се заштеди енергија.

Споделување и далечинско управување со еден допир

Со далечинскиот управувач со еден допир, паметните телефони или таблет-уреди може да функционираат како монитори и далечински управувачи. Споделувањето со еден допир овозможува лесно префрлување на фотографии или видеоснимки во уреди со Android™ што поддржуваат NFC™ заради лесно вчитување и споделување. Инсталирајте ја апликацијата Imaging Edge Mobile од продавницата за апликации на вашиот уред, а потоа допрете го уредот до фотоапаратот за да ги поврзете. Компатибилноста со QR-кодови овозможува поврзување со уреди без NFC.

Дознајте повеќе

Вметнувајте гео-ознаки во вашите фотографии преку Bluetooth®

Со врската за информации за локацијата преку Bluetooth® можете лесно да вметнувате гео-ознаки во вашите фотографии - совршена функција за вашите патувања. Впарете го вашиот фотоапарат со компатибилен паметен телефон преку апликацијата Imaging Edge Mobile и ќе можете да ги снимате податоците за вашата локација во секоја фотографија.

Дознајте повеќе

Функции Remote, Viewer и Edit на Imaging Edge™

Подобрете ги вашите фотографии со компјутерските апликации Imaging Edge. Користете „Remote“ за контрола и следење на фотографирањето во живо преку компјутерот; „Viewer“ за брзо прегледување, оценување и избирање фотографии од големи колекции на слики; и „Edit“ за претворање RAW-податоци во висококвалитетни фотографии. Извлечете максимум од RAW-датотеките на Sony и управувајте со снимените материјали поефикасно.

Дознајте повеќе