Извонреден телефото објектив G Master од 600 мм со F4

Брз автоматски фокус со прекрасен ефект на дефокусирање и неверојатна резолуција карактеристични за G Master вградени во лесен и пренослив објектив со добра рамнотежа. Оригиналните технологии XA-објектив и XD-линеарен мотор на Sony придонесуваат за врвни оптички и механички перформанси, овозможувајќи ви да снимате динамички и привлечни слики од голема далечина. Идеално за фотографирање спорт, вести и природа.

XD-мотори за брз, прецизен и стабилен AF

Двата линеарни мотори XD (екстремно динамички) нудат брз и прецизен AF и сигурно следење за да извлечете максимум од модерните фотоапарати и прецизно да фокусирате динамички спортови и диви животни на едноставен начин. Новиот алгоритам за контрола придонесува за брзо и тивко позиционирање на групата елементи за фокусирање со минимално доцнење и вибрации.

Дознајте повеќе

Големиот XA-елемент го подобрува квалитетот на сликата

Прецизниот оптички дизајн на G Master нуди екстремно голем контраст дури до рабовите на сликата. Новосоздадениот голем елемент XA (екстремно асферичен) и трите елементи со флуорит ја намалуваат хроматската аберација што создава проблеми кај телефото објективите за да создадат неверојатна резолуција и врвни детали низ целата површина на сликата.

Дознајте повеќе

Прекрасен ефект на дефокусирање со G Master

Освен тоа што содржат нов елемент XA (екстремно асферичен) за голем отвор на блендата со екстремно висока прецизност на површината, сите објективи се калибрираат индивидуално заради контрола на сферичната аберација, за да се овозможи оптимална рамнотежа помеѓу прекрасниот ефект на дефокусирање со G Master и високата резолуција. Кружната решетка со 11 ливчиња дополнително го разубавува рамномерниот ефект на дефокусирање на објективот.

Дознајте повеќе

Дополнителен дострел со телеконвертори од 1,4x/2,0x

Достапни се изборни телеконвертори од 1,4x и 2,0x со високи перформанси. Телеконверторот од 2,0x ја зголемува фокусната должина на објективот до 1200 мм (1800 мм со куќиште со APS-C-сензор) со максимална решетка од F8, а притоа не предизвикува намалување на неверојатниот оптички квалитет, како и брзината и прецизноста на AF.

Отпорност на отсјај за извонредна острина

Оригиналниот анти-рефлективен нано слој од Sony, нанесен на важните внатрешни површини, заедно со другите подобрувања во дизајнот го минимизираат рефлектирањето на светлината во внатрешноста за да го направат објективот отпорен на одблесоци и отсјај што можат да го намалат квалитетот на сликата. Прикажаните слики се остри и јасни дури и при недоволна осветленост. (1. Анти-рефлексивен нано слој / 2. Стакло / 3. Пропуштената светлина)

Дознајте повеќе

Лесен и добро урамнотежен за лесно фотографирање

Малата тежина од само 3.040 грама и извонредната рамнотежа, благодарение на технологијата што ја наследува од SEL400F28GM, овозможуваат максимално искористување на неверојатните оптички перформанси дури и при рачно фотографирање или при користење едноножен статив. Центарот на гравитација на компактното и лесно куќиште со E-приклучок е идеално поставен за да овозможи рамномерно и прецизно поместување. 

Дизајн кој е отпорен на прав и влага

Дизајнот што е отпорен на прав и влага ви ја нуди потребната сигурност за надворешна употреба во лоши услови.

Дознајте повеќе

Компонентите на цилиндарот се направени од цврста легура од магнезиум

Извонредно цврстата легура од магнезиум што се користи за надворешниот дел на цилиндарот на објективот, приклучокот за статив и главните внатрешни компоненти нуди две придобивки - неверојатна издржливост и мала тежина - што го олеснуваат фотографирањето во лоши услови и опкружувања.

Преден елемент со слој со флуор

Предниот елемент на објективот има слој со флуор што е отпорен на вода, масло и други нечистотии, а овозможува и полесно бришење на сите нечистотии или отпечатоци од прсти што се акумулираат на површината на објективот.

Дознајте повеќе

Лесно сенило за објектив од карбонски влакна

Ова лесно и издржливо сенило за објектив од карбонски влакна има обложена внатрешна површина за максимално блокирање на несаканата светлина што може да го намали квалитетот на сликата.

Приклучок со цврст и издржлив дизајн

За да може да ја издржи напорната професионална употреба, бројот на завртки наменети за прикачување на приклучокот е зголемен, а извршени се и други подобрувања за да се добие максимална цврстина и сигурност.

Наменска тврда торба во вид на куфер

Специјално дизајнираната торба за носење во вид на куфер го заштитува објективот од удари и вибрации за време на транспортот.

Постојан DMF

Кога преклопникот за ПОСТОЈАН DMF е ВКЛУЧЕН, рачниот фокус се активира автоматски кога ќе го завртите прстенот за фокусирање, дури и во режимот AF-C. Оваа функција може да се користи за коригирање на фокусот кога, на пример, автоматскиот фокус ќе фокусира погрешен објект. Исто така, таа претставува одличен начин за подобрување на фокусот по првичното автоматско фокусирање откако ќе го отпуштите половично притиснатото копче за блендата со кое сте фокусирале автоматски.

Оптички SteadyShot со 3 режими

Оптичката стабилизација на слика овозможува полесно рачно снимање на остри слики при фокусни должини со извонредно телефото. „MODE 2“ нуди идеална стабилизација за фотографирање при поместување, а „MODE 3“ нуди поголема стабилизација на визирот што овозможува полесно обликување на кадарот при фотографирање динамички спортови или диви животни. Стабилизацијата со 5 оски е достапна со компатибилни фотоапарати α.

Дознајте повеќе

Природен и линеарен одзив на рачниот фокус

MF со линеарен одзив му овозможува на прстенот за фокусирање да реагира директно и линеарно за дискретна контрола при рачното фокусирање. Ротацијата на прстенот за фокусирање директно се претвора во соодветна промена на фокусот, за да се добие чувство на брза и прецизна контрола.

Дознајте повеќе

Четири прилагодливи копчиња за задржување на фокусот

На четири различни места има четири прилагодливи копчиња за задржување на фокусот наменети за лесен пристап при фотографирање во каква било ориентација. Копчињата за задржување на фокусот може да се прилагодуваат преку мени во фотоапаратот што овозможува да им се доделуваат други функции како AF на очи, во зависност од потребата.

Дознајте повеќе

Прстен за разни функции

Практичниот прстен за избирање функции има разновидна намена и може да се постави за однапред поставен фокус, контрола на доделена функција или да нема никаква функција преку преклопникот за избор на режими.

Моментално фокусирање во однапред дефинирана точка

Откако ќе зачувате однапред дефинирана фокусна точка преку копчето SET, со ротирање на прстенот за функции веднаш ќе ја изберете однапред поставената фокусна точка доколку е активен режимот PRESET. Ова е идеален начин за поставување фокусни точки однапред, на пример, за брзи спортски потези. Функцијата може да се користи во режимите AF и MF и не зависи од поставките за ограничувач на опсегот на фокусирање.

Рамномерен моторизиран фокус

Ако преклопникот за режим на прстенот за функции е поставен на FUNCTION и ако е доделена функцијата за моторизиран фокус, тогаш со ротирање на прстенот ќе можете рамномерно да фокусирате со објективот во наведената насока со брзина што ќе зависи од брзината на ротацијата. Моторизираниот фокус е практичен за рамномерни ефекти со фокусирање при снимање видео.

Брз избор помеѓу целосна слика и APS-C-формат 

Ако преклопникот за режим на прстенот за функции е поставен на FUNCTION и ако е доделена функцијата за избор помеѓу APS-C/целосна слика, прстенот за функции може да се ротира за моментално избирање помеѓу APS-C и целосна слика како агли на приказ (поддржано со најновата верзија на софтверот за α9).

Отвор за внатрешен филтер

Во отворот за филтри може да ставите стандарден ND-филтер од 40,5 мм и други видови на филтри, како и изборниот филтер за кружно поларизирање VF-DCPL1. Кога е вметнат во објективот, филтерот за кружно поларизирање VF-DCPL1 може да се ротира за да се постигне оптимален ефект.

Издржлив и повеќенаменски приклучок за статив

Приклучокот за статив на објективот е опремен со лагери што ја зголемуваат издржливоста и овозможуваат рамномерна ротација. Исто така, достапна е опција за звучни сигнали за избор на чекори од 90° што можат да се ВКЛУЧАТ или ИСКЛУЧАТ по желба на корисникот: ВКЛУЧЕТЕ за сигурно и брзо позиционирање на 90° или ИСКЛУЧЕТЕ за рамномерна ротација со помал отпор.

Ограничување на опсегот на фокусирање за побрз фокус

Преклопникот за ограничување на опсегот на фокусирање овозможува ограничување на опсегот за автоматско фокусирање на објективот до 4,5 до 15 метри, од 15 метри до бесконечност или, пак, овозможува автоматски фокус со целосен опсег без ограничување. На овој начин може да се забрза автоматскиот фокус во одредени ситуации преку спречување на објективот да фокусира објекти надвор од избраниот опсег.

Дознајте повеќе