Сите спецификации и функции

Звук со висока резолуција – музика како што ја замислил изведувачот

Технологијата за звук со висока резолуција го претвора аналогниот звук во дигитален со поголема и попрецизна стапка отколку кај CD дисковите. Звукот со висока резолуција може да има стапка од 24 бита/96Hz, поради што ќе доловува повеќе детали од вашата музика. Слушнете ги вашите песни така како што биле снимени, без компромиси во звукот.

Почиста музика со процесорот за подобрување на дигитален звук

DSEE (процесор за подобрување на дигитален звук) го зголемува квалитетот на звукот на повисоко ниво од CD дисковите. Користејќи алгоритми во сопственост на Sony за обновување на хармониците и дискретните музички текстури кои се губат при компресирање на фајловите, слушателите ќе уживаат во звук кој се репродуцира со резолуција слична на оригиналната снимка.

Уживајте во секоја нота со дигиталниот засилувач S-Master HX

Стандардните засилувачи вршат повеќе конверзии од дигитален во аналоген сигнал – кои влијаат негативно врз квалитетот. Засилувачот S-Master HX од Sony е 100% дигитален и не создава изобличувања. Процесорот за дигитални сигнали (DSP) ги анализира вашите дигитални фајлови. Потоа засилувачот S-Master HX го конвертира сигналот во аналогни бранови кои се слични со звукот со висока резолуција. На крај, сигналот минува низ нископропусен филтер (LPF) за прецизна репродукција на звукот.

Создадени за слушање со ClearAudio+

Ексклузивно за Sony, ClearAudio+ ги оптимизира аудио форматите и автоматски ги прилагодува поставките за звук на телевизорот за прекрасно доживување при слушањето. Слушајте музика, дијалог и опкружувачки ефекти со поголема острина и јасност, без разлика што гледате.

Поголема моќ, а помалку простор со звучниците Magnetic Fluid

Оригинално развиена за NASA, технологијата Magnetic Fluid е иновација која Sony ја воведува во домашните аудио уреди. Преку елиминирање на придушувачот, технологијата Magnetic Fluid го намалува просторот меѓу звучната намотка и дијафрагмата за подобар пренос на сигнали, мало изобличување и помали димензии на звучниците.

5.1-кан. опкружувачки звук и RMS моќ

Слушајте на ново ниво со поддршката за 5 звучници и моќен сабвуфер, кои создаваат прекрасен опкружувачки звук кој не пропушта ниту еден детаљ. Вкупната RMS моќ од 1200W нуди енергија која е потребна за моќно аудио доживување.

Задржете ја јасноста со супер високотонците

Со поставување на WD супер високотонците на предната и горната страна од секој звучник се создава широко звучно поле кое го задржува својот квалитет низ целата област. Нотите со висока фреквенција се репродуцираат со јасен и детален звук со висока резолуција.

Целуларен конус на вуферот засилен со мика

Повеќето звучници користат конуси од хартија кои со тек на време се извиткуваат и деградираат, што доведува до изобличување на звукот. Конусот на вуферот од целуларни влакна засилени со мика се одликува со посилен и поцврст материјал од оние кај стандардните звучници. Тоа му овозможува да ја задржи својата форма, дури и при движење со голем притисок и брзина, резултирајќи со поширок фреквентен опсег, побрз одзив и поголема јасност на звукот.

Реална и јасна слика со зголемување на резолуцијата до 4K

Уживајте во четири пати повеќе детали од Full HD со зголемување на резолуцијата до 4K. Во Blu-ray Disc™ плеерот е вграден чип кој ги конвертира стандардните видео извори, како што се 480p, 720p и 1080p, во сигнал кој е сличен на 4K резолуцијата (3840 x 2160). На тој начин, во сликата се вметнуваат осум милиони точки за добивање на поостар и подетален приказ. Сликите се репродуцираат живописно, без промени во светлината, нијансите и заситеноста, а повисокиот квалитет на сликата ви овозможува да седите поблиску до екранот и да добиете пошироко видно поле

Споделувањето содржини е лесно со Miracast™

Пресликајте го екранот на паметниот телефон на вашиот телевизор и споделувајте филмови, видео снимки и фотографии. Само допрете некој уред со NFC наспроти BDV-N9200W и веднаш воспоставете безжична врска преку Miracast.

Слушање со еден допир за моментално репродуцирање музика

Технологијата NFC (поле за комуникации во близина) ја елиминира потребата од поврзување со кабли и сложените постапки за поставување. Само допрете го вашиот паметен телефон или друг уред* со NFC до ознаката N на куќиштето и почнете да слушате музика. Немате NFC? Нема проблем. Уредите можете да ги впарите и рачно во поставките за Bluetooth®. *Погледнете компатибилни уреди

Пронајдете компатибилни уреди

Обединете ја вашата музика со апликацијата SongPal

Апликацијата SongPal ви нуди лесно и интуитивно управување на слушањето. Само инсталирајте ја на вашиот мобилен телефон и преземете ја контролата врз репродукцијата на музика, поставувањата на уредот и многу повеќе – сето тоа преку една апликација. Можете да контролирате дури и онлајн услуги како Spotify и Pandora. Префрлувајте го проследувањето од еден на друг уред – па кога батеријата на телефонот ќе се испразни, проследувањето нема да запре.

Чувствувајте се како на концерт во живо со Digital Music Arena 

Слушајте гласна музика со Digital Music Arena и уживајте во препознатливата акустика на лондонската арена O2 во вашиот дом. Користејќи издолжени пулсирачки сигнали – сигнал со звук со висока резолуција кој е ексклузивен за Sony – снимени со 8-пински микрофон, инженерите применуваат алгоритми за прецизно реконструирање на звучното поле во арената. Резултат: уникатно аудио доживување во стил на арена во вашата дневна соба.

Чувствувајте се како да сте на натпревар со режимот за фудбал 

Пренесете го важниот натпревар во вашиот дом со режимот за фудбал, кој користи акустични податоци од фудбалскиот стадион во Бразил. Притиснете копче за да го подобрите навивањето на публиката или, пак, отстранете го гласот на коментаторот – за да можете да уживате во натпреварот како што сакате.

Осветлете го просторот со осветлувањето на звучниците 

Звукот и сликата се спојуваат во извонреден приказ на светлина која ја создаваат звучниците - опција која е достапна кај стилската бела верзија на BDV-N9200W. 48-те вградени LED светилки се синхронизираат автоматски со вашата музика и видео снимки, а можете да изберете некој од четирите однапред програмирани шаблони за да ја разубавите атмосферата.

„Музика на барање“

Започнете да ги проследувате најновите песни за момент со помош на разни онлајн музички услуги, меѓу кои и Spotify на PlayStation™Music. Откријте и проследувајте илјадници песни, албуми и изведувачи - стари и нови. Достапноста на услугите на барање зависи од регионот.

Погледнете како сликите излегуваат од екранот со подобрувањето во 3D 

Гледајте 3D Blu-ray™ Disc филмови во Full HD квалитет, поврзувајќи го плеерот со 3D HD телевизор. Blu-ray™ Disc плеерот е компатибилен и со DVD дискови и ги подобрува 2D филмовите со симулирано 3D, создавајќи напредно визуелно доживување.

Проширете го звукот со 9.1-кан. Cinema Studio

Уживајте во богато доживување со опкружувачки звук благодарение на иновативните технологии. Cinema Studio прецизно симулира систем со 9.1-кан. опкружувачки звук со достапните 5.1кан. звучници. Со виртуелно додавање на два дополнителни задни звучници и поставување два високи звучници над предните звучници, звукот станува помоќен, со напредно вертикално присуство.

Уживајте во најдоброто од звукот со Dolby® TrueHD

Уживајте во беспрекорен аудио квалитет со Dolby® TrueHD, кој нуди 100 процентен звук без загуби за сите филмови и песни. Репродуцирајќи звук кој е идентичен на оригиналните снимки, тој нуди ненадмината реалистичност на звук за Blu-ray Disc™, DVD и преземени содржини.

Слушајте во темнина со ноќниот режим

Не пропуштајте ниту еден збор со ноќниот режим, кој нуди оптимален звук кога сакате да слушате тивко. Штом го активирате ноќниот режим, тој ги подобрува звучните ефекти и дијалозите, правејќи ги полесни за слушање кога се репродуцираат тивко.

Пресликување на слика со еден допир за приказ на екранот од паметниот телефон на телевизорот

Технологијата NFC (поле за комуникации во близина) ја елиминира потребата од поврзување со кабли и сложените постапки за поставување. Само допрете го вашиот паметен телефон или таблет-уред Xperia™ кој поддржува NFC до ознаката N на куќиштето и безжично пресликувајте го екранот од вашиот мобилен уред на големиот екран што е поврзан со вашиот уред за видео. Подобрете ја забавата со семејството и пријателите преку заедничко гледање видеоснимки, пребарување на интернет или избирање на следната дестинација за одмор на мапа. Немате NFC? Нема проблем. Уредите можете да ги впарите и рачно.

Пронајдете компатибилни уреди