Лого Alpha

Наслов „Придобивки од објективите со E-приклучок од Sony при снимање видео“ прикажан врз снимка со забавени движења на кукли и корисник кој носи камера во шума, потоа се прикажува снимка одблиску од камера со ремен што корисникот ја подига за да ја користи, потоа се прикажува слика од предна лева страна на камера со прикачена рачка со XLR, потоа се прикажува слика од предна лева страна на видеокамера во раце на корисник, потоа се прикажува снимка одблиску од камера со објектив и рака што го прилагодува рачно, а потоа снимка од корисник покрај река кој снима рачно со камера

Екран поделен на четири дела што прикажуваат женски модел, текст „Фокусирање“; слика одблиску од објективот, текст „Зумирање“; корисник покрај река, текст „Стабилизација“; и слика одблиску од објективот, текст „Контрола на ирисот“

Нарација: „Во ова видео се претставени придобивките од користење објективи со E-приклучок од Sony, кои заедно со камерите ќе ви понудат подобро доживување при снимањето. Фокус, зум, стабилизација на слика, контрола на ирисот. Како што може да видите, Sony нуди уникатни предности во овие четири важни области. На крајот од видеото ќе видите како комбинацијата од објективи со E-приклучок и камерите од Sony можат значително да го подобрат вашето доживување при снимањето“.

Левиот дел од екранот е светол, а другите делови се затемнети. Други текстови: „Автоматски фокус“, „Рачен фокус“, „Рачен фокус при автоматско фокусирање“ и „Компензација за промени во фокусната должина“

Нарација: „Да започнеме со фокусот. Има четири области во кои објективите со E-приклучок од Sony можат да понудат значителни придобивки: автоматско фокусирање, рачно фокусирање, рачно фокусирање при автоматско фокусирање и компензација за промени во фокусната должина. Во моментот, автоматското фокусирање при снимање видео никогаш не било поважно. Благодарение на напредоците во технологијата, бројот на сцени за кои е потребен сигурен автоматски фокус е значително зголемен“.

Текст „Висока резолуција“ прикажан врз видеоснимка од женски модел кој пешачи низ град навечер

Нарација: „Снимањето видео со висока 4K-резолуција сега е стандард во индустријата“.

Текст „Мала длабочина на поле“ прикажан врз портрет од женски модел со силни ефекти на дефокусирање во заднина, а потоа се прикажуваат низа слики одблиску од танчерка наспроти дефокусирана заднина

Нарација: „Содржини со екстремно мала длабочина на полето создадени со камери со сензор за целосна слика и примарни објективи со голема решетка“.

Текст „Висока стапка на слики“ прикажан врз снимки со забавени движења од спортистка, а потоа се прикажува изведба на трик со мотор навечер

Нарација: „Видеозаписи со забавени движења снимени со висока стапка на слики од, на пример, 120p“.

Текст „Далечинско снимање“ прикажан врз снимка од корисник со механизам за стабилизација кој следи субјект кој трча низ град, потоа се прикажува снимка од дрон на кој е прикачена камера, потоа се прикажува снимка од водопад направена со помош на дрон, а потоа се прикажува снимка од механизам за стабилизација со камера поставен на покрив на зграда

Нарација: „И далечинско снимање во ситуации каде што се користат механизми за стабилизација и дронови, во кои прстенот за рачно фокусирање не е достапен за операторот“.

Снимки одблиску од објектив и прстен за решетката, а потоа и од ирисот, потоа се прикажува снимка од тапанар и тапани ставени на површина со трева, потоа се прикажуваат глумци кои одат на пристаниште покрај океанот, потоа се прикажува снимка од камерата FX6 и објективот, а потоа се прикажува видеозапис од жена која танцува со ленти во студио

Нарација: „Стандардните системи за фокусирање ги приморуваат видеографите да ја намалат решетката за да спречат дефокусирање на субјектот, но и го ограничуваат создавањето ефекти на дефокусирање. Во вакви услови, добивањето оптимален фокус е предизвик со стандардните објективи за системите без огледало. Но не повеќе. Објективите од Sony се создадени со најновите технологии за да ги надминат овие пречки“.

Серија снимки од кинематограф кој го прилагодува механизмот за стабилизација на камерата

Нарација: „Да погледнеме како се разликуваат од стандардните објективи. Професионален кинематограф ќе снима во сите овие ситуации и ќе ни го каже своето мислење“.

Текст „Кинематограф Carlos Toraya“ прикажан врз интервју со кинематограф

Кинематограф: „Се викам Carlos Toraya, јас сум кинематограф кој снима главно комерцијални содржини и ова го работам повеќе од десет години“.

Наслов „4K со 120P, F1,4 и механизам за стабилизација” прикажан врз снимка од објектив со E-приклучок што се монтира на камера, потоа се прикажува како камерата се инсталира во механизам за стабилизација, а потоа се прикажува кинематограф кој снима танчерка на пристаниште покрај океан

Нарација: „Видеографот ќе снима во 4K со 120p, објектив со голема решетка F1,4 и механизам за стабилизација, а притоа ќе се движи и ќе ја менува оддалеченоста од субјектот користејќи автоматски фокус на очи со фотоапаратот α7S III“.

Текст „Стандарден објектив“ прикажан врз низа слики од танчерка со вметнато видео од зголемено лице, при што повремено се гледа заматување околу окото

Нарација: „Овие содржини се снимени со стандарден објектив со зум од 35 мм и F1,4. Обрнете внимание на окото на танчерката за да ја оцените прецизноста на автоматското фокусирање на очи. Ќе забележите дека автоматскиот фокус во снимениот материјал е нестабилен и се движи напред-назад“.

Текст „Објектив со најнова технологија“ прикажан врз слична низа слики од танчерка со вметнато видео од зголемено лице, но овојпат фокусот е константен и нема заматување околу окото

Нарација: „Овие содржини се снимени со истата камера и G Master со зум од 35 мм и F1,4 од Sony. Повторно погледнете го окото на танчерката за да ја оцените прецизноста на автоматското фокусирање на очи. Фокусот е стабилен и не се губи острината на окото“.

Низа слики на кинематограф (понекогаш со помошник) кој снима танчерка на пристаниште покрај океан со камера поставена на механизам за стабилизација

Нарација: „Можноста за одржување прецизен и стабилен автоматски фокус, дури и во вакви лоши услови, е доказ за одличните перформанси на автоматскиот фокус во различни ситуации за снимање“.

Текст „Мотори за фокусирање“ прикажан врз низа слики на која е претставен дијаграм од куќиштето и објективот на камерата, каде што групата елементи за фокусирање на објективот ја придвижуваат внатрешни мотори, контролирани од затворениот циклус на сензорот и процесорот за обработка на слика BIONZ XR

Нарација: „Причината за тоа се вградените мотори за фокусирање во објективот кои се исклучително чувствителни на пресметките на автоматскиот фокус во камерата“.

4 слики на екранот со текстовите „Висока резолуција“, „Мала длабочина на поле“, „Висока стапка на слики“ и „Далечинско снимање“

Нарација: „Комбинацијата од камери и објективи со E-приклучок од Sony што се одликуваат со најновите придвижувачи за автоматски фокус може да испорача вакво ниво на прецизност на фокусот во овие околности“.

Кинематограф: „Ретко ја користам функцијата за автоматски фокус бидејќи има многу ситуации во кои морам самостојно да го вршам фокусирањето, но благодарение на комбинацијата куќиште-објектив од Sony, фокусот е толку прецизен што можам да снимам во 4K со 120 fps, што најчесто е ситуација во која е многу тешко да се постигне добар фокус“.

Низа слики на кинематограф кој рачно држи камера и снима танчерка на пристаниште покрај океан

Нарација: „Ако имате стабилен автоматски фокус, потребни ви се помалку луѓе за да ракувате со него, што овозможува намалување на потребниот персонал, па дури и самостојна продукција“.

Текст „Рачен фокус“ врз претходна поделба на екран

Нарација: „Сега, да ги погледнеме придобивките од снимањето со рачен фокус, кој е клучен кога сакате да го преместите фокусот со определена брзина и висок степен на повторливост“.

Низа слики во која се прикажува преминувањето на фокусот од облеката што виси на жица во преден план до високата зграда во далечната заднина во ноќта

Нарација: „Поместувањето на фокусот, на пример, е ефикасен начин да ги водите очите на гледачите низ кадарот“.

Текст „MF со линеарен одзив“ прикажан врз низа слики што прикажува кинематограф што ракува со камера FX6

Нарација: „Објективите со E-приклучок од Sony се одликуваат со функција за рачен фокус со линеарен одзив, која овозможува неверојатно прецизна и рамномерна контрола врз фокусот. Функцијата е интуитивна и овозможува ракување со прстенот за фокусирање со подобар одзив, кој може да се спореди со оној на некои објективи за системи без огледало што не се одликуваат со оваа функција“.

Текст „MF со линеарен одзив“ прикажан врз низа слики од два модели што седат на кревет и ги снима кинематограф што е поблиску до едниот модел (во преден план) отколку до другиот (во заднината)

Нарација: „Да ги споредиме објективите со и без рачен фокус со линеарен одзив и да видиме колку тој е корисен за преместувањето на фокусот од субјект што е блиску до објективот до друг субјект што се наоѓа подалеку“.

Текст „Без MF со линеарен одзив“ прикажан врз низа слики што доловува преминување на фокусот од моделот во преден план на моделот во заднината и обратно поради вртењето на прстенот за фокусирање, со вметнато видео што го прикажува прстенот за фокусирање. Фокусот всушност не се враќа на моделот во преден план, кој останува заматен

Нарација: „Кога користите објектив без рачен фокус со линеарен одзив, фокусната точка се поместува во зависност од брзината на ротирање на прстенот за фокусирање. Како што може да видите, дури и ако прстенот се врати во првобитната позиција, фокусот не се враќа. Причината за тоа е различната брзина при првото вртењето и вртењето во обратната насока. Големата повторливост е клучна за сериозно снимање видео, а користењето рачен фокус од стандардните објективи без огледало може да биде тешко во таквите ситуации“.

Текст „Со MF со линеарен одзив“ прикажан врз слична низа слики што доловува преминување на фокусот од моделот во преден план на моделот во заднината и обратно поради вртењето на прстенот за фокусирање, со вметнато видео што го прикажува прстенот за фокусирање. Со MF со линеарен одзив, фокусот сега точно се враќа на моделот во преден план

Нарација: „Да ги погледнеме објективите со E-приклучок од Sony што поддржуваат рачен фокус со линеарен одзив. Овде, фокусната точка се поместува во зависност од степенот на физичко вртење на прстенот. Со други зборови, аголот на ротација. На овој начин може полесно да се контролира фокусната точка на линеарен начин и прецизно да се врати на првобитната положба, што доведува до висок степен на повторливост“.

Текст „Рачен фокус при автоматско фокусирање“ врз претходно прикажани две слики на екранот, по кои се прикажува слика од мени на која се гледа избор на „Помош при AF“

Нарација: „Да се насочиме кон функцијата за рачен фокус при автоматско фокусирање, позната и како „Помош при AF“. Со оваа функција, може да користите рачен фокус при автоматското фокусирање за да добиете поголема флексибилност при менувањето на субјектите.“

Текст „Рачен фокус при автоматско фокусирање“ прикажан врз низа слики од кинематограф што снима модели што чекорат по пристаниште покрај океанот, со вметнато видео што го прикажува користењето на функцијата „Помош при AF“, која му овозможува на кинематографот да интервенира во сцената што се снима со автоматски фокус за рачно да го поместува фокусот според потребите

Нарација: „Кога снимате субјекти кои се движат со автоматски фокус, можно е да ја промените целта на фокусирањето со допир на LCD-екранот. Меѓутоа, во одредени ситуации, допирањето на LCD-екранот може да ги ограничи можностите за движење и ракување на видеографот. Освен тоа, со функцијата „Помош при AF“ може веднаш да користите рачен фокус при автоматското фокусирање така што ќе го ротирате прстенот за фокусирање со саканата брзина. Кога ќе престанете да го ротирате прстенот за фокусирање, камерата ќе продолжи со автоматско фокусирање и ќе го следи новиот субјект. Оваа функција ви овозможува рачно да го поместувате фокусот на саканата цел, а притоа да користите автоматски фокус за да ги следите субјектите кои се движат“.

Кинематограф: „Оваа функција е одлична бидејќи ми овозможува да ја задржам прецизноста и флексибилноста на автоматскиот фокус, а во исто време да ја задржам контролата што ја добивам со рачниот фокус, како што е брзината на фокусирањето и субјектот што сакам да биде во фокусот“.

Текст „Компензација за промени во фокусната должина“ врз претходно прикажани две слики на екранот

Нарација: „Последната област за фокусирање е компензацијата за промени во фокусната должина на најновата камера од моделот Alpha“.

Текст „Промени во фокусната должина“ прикажан врз низа слики што покажуваат како фокусот преминува помеѓу жена на кревет во заднина и цвеќиња во преден план, со забележливи промени во фокусната должина, т.е. проширување на аголот на гледање кога фокусот преминува во преден план и стеснување кога преминува во заднината

Нарација: „Можеби сте забележале дека во одредени случаи аголот на гледање се поместува заедно со поместувањето на фокусот. Тоа се нарекува промена во фокусната должина. Најновиот модел на Alpha има функција што ги минимизира промените во фокусната должина. Тоа се постигнува со пресметување на приспособувањето што е потребно за компатибилните објективи со E-приклучок од Sony во реално време“.

Низа слики што го прикажуваат изборот за „Компензација за промени во фокусната должина“ на екранот од менито

Нарација: „Да ги споредиме резултатите со вклучена и исклучена компензација за промени во фокусната должина“.

Текст „Компензација за промени во фокусната должина“ прикажан врз две слики, на левата слика се гледа текстот „Исклучено“, а на десната слика се гледа текстот „Вклучено*“, при што компензацијата за промени во фокусната должина е видлива во левата низа слики, но не и во десната

Нарација: „Кога функцијата е исклучена, аголот на гледање е нестабилен, во зависност од точката на фокусирање. Но, кога функцијата е вклучена, може да видите дека компензацијата за промени во фокусната должина е минимизирана и целата слика е стабилна, со што видеографите имаат можност да се изразат како што замислиле“.

Кинематограф: „Оваа функција е многу корисна бидејќи ми овозможува да ја минимизирам компензацијата за промени во фокусната должина што се случува во ситуациите во кои таа е потребна“.

Текст „Зумирање“ прикажан врз претходни две слики на екранот

Нарација: „Sony нуди објективи опремени со моторизиран зум за снимање видео“.

Низа слики што прикажуваат камера поставена на статив и објектив со моторизиран зум и кинематограф кој снима сцена во која на моделка ѝ нанесуваат шминка, а моторизираниот зум континуирано и многу бавно го зумира лицето на моделката

Нарација: „Кај објективите со моторизиран зум, ракувањето со зумот е електронски потпомогнато за да се обезбеди супериорна контрола. На пример, ако сакате исклучително бавно зумирање со константна брзина, што тешко се постигнува со објектив што нема моторизиран зум. Како што може да видите овде, бавното зумирање со фиксна брзина може да му се приближи на лицето на актерот“.

Кинематограф: „При снимањето видеа, често ја движиме камерата при поместувањата и закосувањата, но некогаш треба да користиме и зум за да доловиме одредени изрази на лицата. Најчесто е многу тешко еден оператор да постигне константна брзина на зумирање само со помош на прстенот за зумирање, но благодарение на моторизираниот зум од Sony тоа станува многу лесно, така што сметам дека е одлично тоа што Sony нуди објективи со моторизиран зум во својата палета“.

Текст „Стабилизација“ прикажан врз претходни две слики на екранот

Нарација: „Третата област во која Sony ви нуди предност е стабилизацијата“.

Текст „Оптичка стабилизација на слика – активен режим“ прикажан врз низа слики од кинематограф кој снима танчар со камера што ја држи во рацете

Нарација: „Од појавувањето на α7S III, оптичката стабилизација на слика со активен режим стана клучна функција за самостојно снимање“.

Низа слики во која е прикажан екран од мени во кое функцијата „SteadyShot“ е поставена на „Активно“, по што е прикажана палета објективи со E-приклучок, а потоа серија снимки од монтирање и откачување објективи со E-приклучок на куќишта од камери

Нарација: „Воглавно, тоа нуди поголема флексибилност при снимањето видео и ја намалува потребата од голема опрема. Секако, активниот режим функционира со секој објектив што е компатибилен со камерите со E-приклучок од Sony“.

Друга низа слики од кинематограф што снима танчер со камера што ја држи во рацете

Нарација: „Меѓутоа, објективите со E-приклучок од Sony се оптимално дизајнирани да ги максимизираат перформансите за стабилизација. Причината е тоа што камерата го знае секој инч од оптичкиот дизајн на објективите со E-приклучок од Sony. Да ја погледнеме споредбата“.

Текст „Оптичка стабилизација на слика“ прикажан врз две слики на екранот; текст на левата страна „Исклучено“ и текст на десната страна „Активен режим“ со слична низа слики од кинематограф кој се движи и снима танчер. Тресењето на камерата е значително намалено во десната низа слики

Нарација: „Ова ниво на компензација може да се постигне само бидејќи објективите од Sony се дизајнирани совршено да функционираат со куќиштата на камерите од Sony. Камерите ги знаат точните оптички перформанси на објективите со E-приклучок од Sony, што овозможува максимални перформанси за стабилизација“.

Кинематограф: „Најчесто при снимањето видео мораме да користиме многу парчиња голема опрема, како што се механизмите за стабилизација, кои се многу тешки и мораме да вршиме калибрирање за да постигнеме стабилизација, но благодарение на комбинацијата на камерите од Sony и објективите што имаат вградена стабилизација, можеме да постигнеме одлични резултати без да мора да користиме голема опрема“.

Текст „Контрола на ирисот“ прикажан врз претходни две слики на екранот

Нарација: „На крајот, да ги погледнеме предностите од користењето објективи од Sony во поглед на контролата на ирисот“.

Текстови „Прстен за решетка“ и „Преклопник за звук на решетката“ прикажани врз снимка одблиску од објектив на кој се гледа прстен за решетката и преклопник за звук на решетката, по што следи снимка од корисник кој го приспособува прстенот за решетката на камерата FX6, а потоа снимка одблиску од преклопникот за звук на решетката поставен на „OFF“ пред корисникот да го ротира прстенот за решетката

Нарација: „Најновите објективи од Sony се опремени со прстен за решетка и преклопник за звук на решетката, кои нудат беспрекорна контрола на ирисот за снимање видео. Прстенот за решетката го нуди моменталниот одзив што им е потребен на видеографите. Освен тоа, преклопникот за вклучување/исклучување на звукот на решетката овозможува исклучување на звучните сигнали за избор на чекори на прстенот за решетката, со што прстенот се движи рамномерно и тивко и ви нуди беспрекорна, тивка и рамномерна контрола“.

Текст „Варијабилен ND-филтер“ прикажан врз низа слики што го илустрираат ефектот на затемнување на варијабилниот ND-филтер врз сликата, која се менува од 1/4 на 1/128, по што се прикажува друга низа слики што користи графички приказ на отворањето на ирисот и истовремениот ефект за затемнување на ND-филтерот, при што ефектот на дефокусирање во заднината се зголемува додека се отвора ирисот, но светлината останува константна поради ефектот за затемнување на ND-филтерот. Потоа процесот се прикажува во обратна насока, односно ирисот се затвора и ефектот на дефокусирање на заднината се намалува, но светлината останува иста поради ефектот за осветлување на ND-филтерот

Нарација: „Тивките и рамномерни контроли особено се истакнуваат кога камерата е опремена со електронски варијабилен ND-филтер. Кога се користат во комбинација, може да се вршат рамномерни промени во решетката и да се одржува истата светлина, која ќе ја приспособува варијабилниот ND-филтер“.

Низа слики од моделка во фокусот и лесно летало во заднината, при што ефектот на дефокусирање се зголемува додека се отвора ирисот, но светлината останува константна поради соодветното приспособување на ND-филтерот

Текст на почеток „FX6, 1/120 сек., варијабилен ND-филтер - АВТОМАТСКИ“ и „F16“

Текст на крај   „FX6, 1/120 сек., варијабилен ND-филтер“ и „F2,8“

Потоа се појавува страничен приказ на камерата FX6 што ги прикажува контролите за ND-филтер

Нарација: „Како што може да видите во заднината, ефектот на дефокусирање се менува, а светлината на сликата останува иста. Ова им овозможува на видеографите лесен, флексибилен начин за снимање, со рамномерен премин на длабочината на полето и намалување на трошоците за купување дополнителна опрема“.

Кинематограф: „Варијабилниот ND-филтер во куќиштето и ирисот без звучни сигнали на објективот овозможуваат ефекти како што е преминот на длабочината на полето, што е многу тешко да се постигне без оваа комбинација“.

Низа слики од куќишта на камери со прикачени објективи со E-приклучок, при што куќиштата и објективите наизменично се менуваат

Нарација: „Поволностите од објективите од Sony не се само во нивните функции. Големината и дизајнот на објективите исто така се прилагодени за да ги надополнуваат куќиштата на камерите. Sony постојано се труди да ги направи куќиштата на камерите и објективите што е можно покомпактни за да им овозможи поголема мобилност и флексибилност на видеографите“.

Текстови „Фокусирање“, „Зумирање“, „Стабилизација“ и „Контрола на ирисот“ прикажани врз претходни 4 слики на екранот, по што се прикажуваат неколку слики со резиме на претходните сцени

Нарација: „Сите придобивки што ги опишувавме во врска со фокусот, зумот, стабилизацијата и контролата на ирисот се можни и максимизирани благодарение на комбинацијата од камери и објективи со E-приклучок од Sony. Камери и објективи дизајнирани да функционираат во комбинација и да испорачуваат врвни перформанси. Сето ова беше реализирано само затоа што беа дизајнирани од Sony“.

Завршни низи слики од корисник качен на возило што снима карпести формации, потоа планинар што трча пред планинска заднина, филмска екипа што планира кадар, механизам за камери закачен на жица, нуркач во вода, сурфер што сурфа, корисник покрај езерски брег, алпинисти во планинска бура, корисник во систем од пештери и снимка со забрзани движења од сонцето и облаците околу висок планински врв

Нарација: „Sony ќе продолжи да се стреми да создава нови стилови на снимање, функции, работни процеси и средства за визуелно изразување, притоа менувајќи ги стандардните методи на снимање видео од минатото“.

Лого SONY