Вашиот нов телевизор ви нуди многу начини на уживање. Проследувајте филмови и серии од онлајн услуги, прилагодувајте ги сликите и звукот по ваша желба и пристапете до забавата со вашиот глас. Прочитајте како да искористите сè што ви нуди BRAVIA.
Најдобар начин да започнете со користењето е да го поставите вашиот нов BRAVIA како Google TV. На тој начин ќе можете да ги искористите придобивките од многу функции и да откриете свет на нови и возбудливи можности.
Ако сè уште не сте го поставиле вашиот нов телевизор BRAVIA, започнете со преземање на апликацијата Google Home во мобилниот телефон. Направете и регистрирајте сметка, а потоа извршете го поставувањето преку апликацијата.
Дали веќе го поставивте вашиот нов BRAVIA како обичен телевизор? Во ред, не е тешко да го поставите како Google TV за да уживате во нови светови на забава. Изберете „Постави како Google TV“ на почетниот екран.
Добијте попаметно телевизиско доживување што е вградено во вашиот нов BRAVIA. Со Google TV, сите содржини што ги сакате се достапни на еден екран, а пребарувањето е многу лесно. Барајте омилени серии, видеоснимки, апликации и многу повеќе преку лентата за пребарување. Многу брзо. Многу лесно.
Ве молиме прифатете ги колачињата на Youtube за да го погледнете видеото
Отворете ги опциите за колачиња подолу и вклучете ги колачињата на Youtube во делот „Functional“ (Функционални).
Направете листа со содржини што сакате да ги гледате на Google TV. Додавајте емисии, филмови или видеоснимки од Youtube што сакате да ги гледате подоцна, за да не ги барате повторно. Ажурирајте ја листата од секоја локација. Додавајте филмови и емисии преку телевизорот, апликација за мобилни телефони или Google Search, со кликнување на иконата за листа со содржини покрај нив. Содржините ќе се појават во листата на Google TV.
Вашиот нов BRAVIA има далечински управувач со вграден микрофон и Google Assistant за да можете да ги контролирате содржините што ги гледате само со вашиот глас.
Притиснете го копчето за Google Assistant на далечинскиот управувач. Ако сте поврзани на интернет и ако сте го поставиле Google TV, тогаш ќе можете да пребарувате сè што ви е потребно со зборување.
Ве молиме прифатете ги колачињата на Youtube за да го погледнете видеото
Отворете ги опциите за колачиња подолу и вклучете ги колачињата на Youtube во делот „Functional“ (Функционални).
Навистина е толку едноставно. Ако изговорите „OK Google“ и поставите прашање или изговорите команда како „OK Google, open Netflix“, вашиот телевизор BRAVIA ќе реагира соодветно. Погледнете го ова видео и дознајте како.
BRAVIA се испорачува со однапред инсталирани апликации како Netflix, Disney+ и Amazon Prime. Може да инсталирате и други апликации на едноставен начин.
Филмови и серии, телевизија или спорт во живо, фитнес или музика - достапни се апликации за сè на Google TV. Откако ќе ги симнете саканите апликации, можете лесно да ги преместите, за да ги имате сите омилени апликации на почетниот екран и брзо да пристапувате до нив.
BRAVIA може да се користи штом го извадите од кутијата. Но, ако сакате уникатно доживување со забавата што сакате да ја гледате, прилагодете ги поставките за да добиете совршена слика за сите содржини.
Прилагодете ги поставките за слика за максимално уживање во омилената забава - на пример, изберете го режимот за кино ако гледате филмови или прилагодете ги поставките за движења ако гледате брзи спортови.
Прилагодувајте други поставки за слики како бои, контраст, светлина, заситување и ниво на црни тонови преку контролната табла со поставки за слика што може да ја отворите во менито со брзи поставки. Придвижете се надолу и прилагодете ги поставките со помош на лизгачите. Дознајте повеќе во ЧПП.
Содржините што сакате да ги гледате и слушате ќе звучат уште пореално ако ја прилагодите акустиката со режимите, поставките и функциите за звук.
Одредени телевизори BRAVIA ги добивате со кредити за филмови за да можете веднаш да погледнете едни од најновите изданија и популарни класични филмови. Уживајте во ненадминати слики и звук со SONY PICTURES CORE - апликација за проследување која е ексклузивна за одредени производи од Sony и која нуди прекрасно филмско доживување.
Направете и користете сметка за апликацијата SONY PICTURES CORE што се прикажува на почетниот екран - изберете CREATE ACCOUNT или LOG IN за да продолжите.
На почетната страница на SONY PICTURES CORE, изберете го делот ADD TO YOUR LIBRARY во менито на левата страна на екранот за да барате филмови. Откупените филмови ќе може да ги погледнете во MY LIBRARY
SONY PICTURES CORE нуди многу филмови со Dolby Atmos - доживување со просторен звук со кое ќе потонете во содржините што ги гледате и слушате. На почетната страница на SONY PICTURES CORE изберете Поставки, Квалитет на звук, а потоа Зададено. Сега вашите содржини ќе се репродуцираат со најдобар можен квалитет.
Само SONY PICTURES CORE ви нуди пристап до едни од денешните најдобри филмски продукции и режисери, со ексклузивни содржини од случувањата зад сцената. На почетната страница на SONY PICTURES CORE, изберете го делот Studio Access.
Новиот BRAVIA ве става во центарот на случувањата со ексклузивна контролна табла за игри што содржи мени за игри, режим за игри и поставки што може да ги отворите брзо додека играте. Станете гејмер каков што отсекогаш сте знаеле дека може да станете.
Со режимот за игри може веднаш да се фрлите во акција. Притиснете го копчето со икона во вид на клуч на далечинскиот управувач за да го отворите менито за брзи поставки, а потоа изберете режим за слика и игри.
Кога телевизорот е во режим за игри, притиснете го копчето за мени на управувачот за да го прикажете менито за игри со неопходни поставки.
Активирајте ги функциите за игри со копчињата со стрелки на управувачот за да ги прилагодите поставките по ваша желба. Поставете големина и положба на екранот, намалете заматување на движењата кај динамичните игри, активирајте еквалајзер за црни тонови за откривање противници во темни површини и додајте нишан за лесно нишанење.
Сликите на екранот се симулирани. 4K: 3.840 x 2.160 точки.
Нашата грижа за животната средина е апсолутна, па затоа ја вградивме апликацијата Eco Dashboard во телевизорите BRAVIA XR. Оваа практична функција ви ги нуди сите еко поставки на едно место, ви помага да заштедите енергија и да ја заштитите животната средина без загуби во квалитетот.
Ве молиме прифатете ги колачињата на Youtube за да го погледнете видеото
Отворете ги опциите за колачиња подолу и вклучете ги колачињата на Youtube во делот „Functional“ (Функционални).
Разгледајте што нуди Eco Dashboard и дознајте како да ја подобрите енергетската ефикасност на телевизорот.
Замислете го Eco Dashboard како помагало за намалување на потрошувачката на енергија. Сите еко поставки се на едно место за да можете лесно да ги менувате поединечно или заедно.
Поврзувањето на телевизор BRAVIA со компатибилен звучник во вид на лента нуди ново ниво на реалност бидејќи екранот се претвора во централен звучник. Звукот ги следи случувањата прецизно - замислете си како слушате звук на борбен авион што прелетува низ екранот.
Ве молиме прифатете ги колачињата на Youtube за да го погледнете видеото
Отворете ги опциите за колачиња подолу и вклучете ги колачињата на Youtube во делот „Functional“ (Функционални).
Погледнете го ова видео за да дознаете како да го поврзете звучникот во вид на лента и да активирате Acoustic Center Sync - паметна функција за прецизно усогласување на звукот со сликата, за реално доживување при гледањето.
Со вашиот нов BRAVIA може да правите многу паметни работи, како гледање омилени содржини од паметниот телефон преку телевизорот.
Лесно проследувајте филмови, серии, фотографии, музика и многу повеќе од вашиот телефон директно кон телевизорот и уживајте во омилените содржини на голем екран.
Ве молиме прифатете ги колачињата на Youtube за да го погледнете видеото
Отворете ги опциите за колачиња подолу и вклучете ги колачињата на Youtube во делот „Functional“ (Функционални).
Проследувајте без напор од вашиот iPhone, iPad или Mac кон вашиот телевизор. Поврзете ги BRAVIA и паметниот уред на иста Wi-Fi-мрежа и допрете ја иконата AirPlay што се прикажува на екранот.
Ако имате телефон со Android, може лесно да праќате содржини кон вашиот нов телевизор. Сè што треба да направите е да го поврзете уредот и BRAVIA преку Wi-Fi и да ја притиснете иконата за проследување на телефонот.
BRAVIA CAM е додаток (се испорачува со одредени модели) што препознава каде седите и ги оптимизира поставките соодветно. Ќе добиете најдобри слики и звук, независно каде седите и што гледате.
Ве молиме прифатете ги колачињата на Youtube за да го погледнете видеото
Отворете ги опциите за колачиња подолу и вклучете ги колачињата на Youtube во делот „Functional“ (Функционални).
Погледнете го ова видео со краток преглед и дознајте каква е разликата со BRAVIA CAM.
Штом ја поврзете BRAVIA CAM со телевизорот, ќе се појави волшебникот за поставување. До BRAVIA CAM може да пристапите и од менито за поставки, ќе ја пронајдете со избирање „Далечински управувач и галантерија“.
BRAVIA CAM со Ambient Optimization Pro автоматски ги оптимизира сликата и звукот според вашата положба во собата. Поставувањето е лесно. Во менито за галантерија на телевизорот изберете BRAVIA CAM и автоматско прилагодување на сликата и звукот
Телевизорот лесно се поврзува со други уред, како уредот за интернет, паметен телефон, таблет-уред, домашно кино, звучник во вид на лента, компјутер, слушалки, конзола за игри, камера итн.
Да. Уредникот за канали од Sony ви овозможува да ги преуредите каналите преку вашиот компјутер во три лесни чекори:
Преземајте апликации од Google Play Store на вашиот телевизор со Android TV / Google TV.
Ако вашиот телевизор е поврзан на интернет, ќе добиете порака за ажурирање на софтверот штом стане достапен нов софтвер. Ако го поништите ова известување, за да извршите ажурирање треба да одите во: Поставки > Систем > Повеќе > Ажурирање на софтверот
Ако вашиот телевизор е поврзан на интернет, може да го ажурирате софтверот преку USB:
Прочитајте ја статијата за да дознаете како да го подобрите поништувањето на шумот.
Поставувањето на вашите канали е лесно! Проверете дали во телевизорот е поврзан соодветниот кабел или антена од вашиот оператор на услуги, а потоа одете во:
Поставки > Канали & Влезни сигнали > Канали > Поставување канали > Автоматско пребарување
Треба да изберете како ги добивате каналите, а потоа телевизорот автоматски ќе почне да ги пребарува. Имајте предвид дека пребарувањето може да трае до 30 минути.
Апликацијата SONY PICTURES CORE™ е услуга за видео што се испорачува со одредени модели на телевизори. Оваа апликација нуди пристап до многу нови изданија и класични филмови, вклучувајќи ја и најголемата колекција на филмови IMAX® Enhanced, UHD-квалитет без загуби со Pure Stream™ и многу повеќе!
Апликацијата е однапред инсталирана на одредени телевизори. За да се регистрирате треба да кликнете на апликацијата и да направите сметка.
Да, може да пресликувате или проследувате содржини од мобилен уред кон вашиот телевизор од Sony, под услов вашите уреди да се компатибилни. Подолу се дадени неколку начини на кои може да го направите тоа:
eARC означува напреден повратен аудиоканал. Тој е подобра верзија од ARC (стандарден повратен аудиоканал).
Со еволуцијата на технологиите за звук, подобрувањето на ARC-врската стана неопходно за да може да пренесува многу повеќе информации - главните разлики помеѓу ARC и eARC се пропусниот опсег и брзината.
Поголемиот пропусен опсег овозможува пренесување поголема количина на податоци. Дигиталниот аудиосигнал не мора да се компресира и затоа звукот е многу подетален, богат и живописен. Како резултат на тоа, со eARC може да уживате во опкружувачки звук како во кино, со формати како DTS:X и Dolby Atmos.
Поврзете го телевизорот со HDMI-уред што поддржува 4K преку High Speed HDMI-кабел. Притиснете го копчето HOME на далечинскиот управувач и одете во:
Поставки > Надворешни влезни сигнали (во категоријата телевизор) > Формат на HDMI-сигнал > Напреден формат
Содржините HDR (голем динамички опсег) ќе се репродуцираат ако со телевизорот е поврзан компатибилен HDMI-уред.
Добивајте информации за најновите ажурирања на фирмверот, вести и известувања.
(1) Програмата за пристап до SONY PICTURES CORE („Програмата“) е достапна во Европа*1 на паметните телевизори од Sony што се дел од Програмата („Избрани телевизори“)*2. (2) Во продажната цена на избраните телевизори спаѓа привремен пристап до услугата SONY PICTURES CORE, што подлежи на следните правила и услови: i) ограничени кредити за филмови, 15 кредити за филмови за A84L и A83L, 10 кредити за филмови за A95L, A80L, X95L, X90L, Z9K, A95K, A90K, A84K, A83K, X94K, X93K, X92K, Z9J и A90J или 5 кредити за филмови за останатите избрани телевизори што ќе може да ги искористите за изнајмување филмови од колекцијата со најмалку 300 филмови (еден кредит за филмови е доволен за да се изнајми еден филм). Рокот на кредитите за филмови ќе истече по 12 месеци откако ќе ги добиете на вашата сметка за SONY PICTURES CORE по регистрацијата, но филмовите што ќе ги изнајмите преку SONY PICTURES CORE ќе можете да ги гледате до 23 февруари 2028 година, што подлежи на правилата на услугата SONY PICTURES CORE; и ii) привремен пристап до содржини од типот видео на барање со претплата, 24 месеци претплата на SONY PICTURES CORE за видео на барање за A84L, A83L, A95L, A80L, X95L, X90L, Z9K, A95K, A90K, A84K, A83K, X94K, X93K, X92K, Z9J и A90J или 12 месеци за останатите избрани телевизори. Периодот на претплатата ќе започне од регистрацијата на сметката за SONY PICTURES CORE. На крајот од привремениот период на претплатата ќе заврши и вашиот пристап до видеосодржините на барање. Обновувањата подлежат на договор со операторот на SONY PICTURES CORE, согласно правилата и условите за таа услуга. (3) За да ги искористите придобивките од програмата, регистрирајте сметка за SONY PICTURES CORE на телевизорот до 23 февруари 2026. Ако не се регистрирате до овој датум, вашиот пристап до SONY PICTURES CORE во рамки на програмата ќе заврши во тој момент. Откако ќе се регистрирате ќе добиете е-порака за потврда на сметката, а кредитите за филмови и претплатата за видео на барање од SONY PICTURES CORE објаснети погоре ќе се додадат автоматски на вашата сметка. Правилата за користење, правилата на услугата и политиката за приватност на SONY PICTURES CORE управуваат со употребата на SONY PICTURES CORE. За да регистрирате сметка за SONY PICTURES CORE мора да имате 18 години или повеќе и мора да ги прифатите правилата за користење, правилата на услугата и политиката за приватност на SONY PICTURES CORE. За користење на оваа програма е потребна најновата верзија на SONY PICTURES CORE во вашиот избран телевизор. Најновата верзија на апликацијата SONY PICTURES CORE е достапна на Google Play Store. (4) Во моментот не е можно да купувате кредити како дел од програмата. Достапните филмови подлежат на промена. Филмовите се нудат во стандардна резолуција, висока резолуција, 4K, 4K HDR или 4K IMAX ® Enhanced. Содржините IMAX® Enhanced го нудат максималното доживување на IMAX ® Enhanced - филмовите IMAX® Enhanced се достапни само на телевизори со сертификат за IMAX® Enhanced. (5) Може да проследувате на најмногу 4 избрани телевизори со една сметка за SONY PICTURES CORE во исто време. Услугата SONY PICTURES CORE не е достапна или може да не биде поддржана во сите земји и на сите јазици. Sony го задржува правото да ја менува, да го прекине пристапот до и/или да ја укине платформата SONY PICTURES CORE во секое време. SONY PICTURES CORE нуди Pure Stream™ што овозможува брзина на проследување од 30 Mbps до 80 Mbps. За да добиете брзина од 30 Mbps од Pure Stream™, вашиот интернет мора да има минимална брзина од 43 Mbps. За максимален квалитет од Pure Stream™ со 80 Mbps, вашиот интернет мора да има минимална брзина од 115 Mbps. За да уживате во функцијата Pure Stream™ со 80 Mbps, поврзете се на интернет преку Wi-Fi (безжичен LAN) што поддржува IEEE 802.11 n/ac/ax*3. SONY PICTURES CORE не презема одговорност за мрежните ограничувања или достапниот сообраќај на податоци. Можно е да важат ограничувањата и правилата на операторите за мрежни услуги. (6) Sony не нуди можност за враќање пари или кредити за какви било делумни периоди или неискористени кредити и/или содржини што не биле гледани на SONY PICTURES CORE. Вашиот пристап до услугата SONY PICTURES CORE во рамките на програмата не може да се префрли на друго лице и не може да се рефундира. Кредитите немаат парична вредност и не може да се продаваат или препродаваат. (7) Sony Europe B.V. (8) „SONY“, „BRAVIA“ и „SONY PICTURES CORE“ се заштитни знаци или регистрирани заштитни знаци на Sony Group Corporation или нејзините подружници. Google TV и поврзаните лого ознаки се заштитни знаци на Google LLC. Google Play Store е заштитен знак на Google LLC. IMAX ® е регистриран заштитен знак на IMAX Corporation. Другите производи и имиња на компании може да бидат заштитни знаци на нивните соодветни сопственици. Иконите и сликите се симулирани и имаат само илустративна намена. Сите права, што не се изречно доделени тука, се задржани. Сите правила подлежат на промени.