360 Spatial Sound се прилагодува кон вашето опкружување со изборните задни звучници од Sony

Нашата револуционерна технологија 360 Spatial Sound Mapping и задните звучници од Sony создаваат повеќе фантомски звучници користејќи го звучникот во вид на лента и задните звучници. Со повеќе фантомски звучници околу вас подредени во оптимално звучно поле за вашата просторија, добивате ново звучно доживување. Уживајте во возбудата што ја нудат Dolby Atmos® и DTS:X® и слушнете го секој здив, чекор и збор како да сте дел од филмот.

Оптимизиран за положбата на звучниците

Не е потребно прецизно позиционирање на изборните звучници. Звучникот во вид на лента со вградените микрофони ќе направи сè што е потребно - интелигентно ќе ја измери положбата на сите звучници и ќе го оптимизира звукот според вашата соба. Тој ќе ви овозможи да уживате во оптимизација на звучното поле со изборни звучници. Активирајте го едноставниот процес на калибрација при почетното поставување или во почетното мени.

Опкружувачки звук на едноставен начин

Користејќи само предни звучници, уникатната технологија на Sony за дигитална обработка на звучното поле виртуелно го репродуцира полето на опкружувачкиот звук, а звукот ќе доаѓа кон вас од две страни. Уживајте во богат и филмски опкружувачки звук без неред во просторот во кој живеете.

Прекрасно. Реално.

Откријте нов начин на слушање со 360 Reality Audio што ќе ви овозможи да се чувствувате како на концерт во живо или во музичко студио.

Дознајте за 360 Reality Audio

Уживајте во звук одозгора

Благодарение на технологијата за виртуелен опкружувачки звук на Sony, звучникот во вид на лента може да го позиционира звукот вертикално за да може да уживате во 3D звук без потреба од звучници во таванот или звучници насочени нагоре. Како и Dolby Atmos и DTS:X, технологијата Vertical Surround Engine нуди пореален, повеќедимензионален звук и за другите формати.

Два вградени сабвуфери за звук со длабок бас

Звучникот во вид на лента има два моќни вградени сабвуфери во средината за да уживате во звук со длабок бас и минимална опрема во вашиот животен простор.

Централен звучник за јасен дијалог

Со наменскиот централен звучник ќе ги слушате гласовите јасно, без разлика дали се работи за брз дијалог од омилените серии или шепотење во филмовите. Одличен е и за музика бидејќи создава звук со врвни детали.

Звук од напредни звучници и сабвуфер

Моќните звучници - три предни звучници за опкружувачки звук и два вградени сабвуфери за моќен бас - работат заедно за да создадат јасен звук со широк опсег низ целата ваша просторија.

Продолжен бас 

Потребна е голема моќ за репродукција на ниските фреквенции за бас, а постои и ризик од изобличување(A). За да го спречи тоа, звучникот во вид на лента ја користи уникатната технологија на Sony за обработка на сигнали за да создаде динамички продолжен бас при секоја јачина на звукот (B). Овој графикон има илустративна намена. 1. Ниво 2. Ниско 3. Високо 4. Фреквенција

Појасен глас

Колку подлабок бас, толку повеќе движење на мембраната на звучникот. Тоа предизвикува изобличување со модулација на фаза кога мембраната истовремено репродуцира и високи фреквенции. Технологијата на Sony за обработка на сигнали врши компензација за овој ефект за да добиете појасни дијалози и локализиран звук. Подобрувањата во модулираната бранова форма ја зголемуваат острината и спречуваат изобличување на вокалите. Овој графикон има илустративна намена. 1. Бранова форма на глас 2. Бранова форма на бас 3. Модулирана бранова форма

X-Balanced Speaker Unit

Двата вградени сабвуфери и предните звучници ја користат технологијата X-Balanced Speaker Unit. Правоаголната форма на звучниците максимално ја зголемува површината на мембраната. Исто така, го намалува нејзиното движење без да го намали звучниот притисок, за помало изобличување и остри вокали.

Изборен сабвуфер SA-SW5

Длабок и богат бас од 300 W преку звучник од 180 мм со пасивен радијатор.

Подобар квалитет на дигиталната музика во реално време

Користејќи Edge-AI (вештачка интелигенција), DSEE Extreme™ (процесор за подобрување на дигиталниот звук) го подобрува квалитетот на компресираните датотеки со музика во реално време. Вршејќи динамичко препознавање на инструменти, музички жанрови и посебни елементи од сите песни, како вокали или интервали, тој ги обновува високите фреквенции на звукот што се изгубиле при компресијата и создава побогато и целосно доживување при слушањето. A = Проширена динамика на звукот (жици и детали тивки како шепот) B = Обновени високи фреквенции (реални вокали и акустика)

Добијте поширок и побогат звук со безжичниот сабвуфер и задните звучници

Ако користите изборен безжичен сабвуфер, тогаш двата сабвуфери вградени во звучникот во вид на лента ќе репродуцираат бас и вокали, а изборниот безжичен сабвуфер ќе репродуцира нискофреквентни звуци. Додајте ги нашите изборни безжични задни звучници за да добиете подобро филмско доживување со звук што се репродуцира директно зад вас. 

Изборни задни звучници SA-RS3S 

Поширок опкружувачки звук со вкупна моќ од 100 W.

Изборни задни звучници SA-RS5 

Поширок опкружувачки звук со вкупна моќ од 180 W и звучници насочени нагоре.

Изборен сабвуфер SA-SW3

Компактен сабвуфер со рефлективен бас и звучник од 160 мм за звук со моќност од 200 W.

Најдобри перформанси со телевизори од Sony

Ако го впарите со телевизор BRAVIA™, HT-A3000 ќе ви понуди прекрасно аудио-визуелно доживување со нашата најдобра слика и квалитет на звук. Совршен звучник во вид на лента за телевизори BRAVIA.

Лесна контрола преку телевизори BRAVIA

Благодарение на вградениот кориснички интерфејс, поставките за звук на звучникот во вид на лента се појавуваат автоматски во менито за брзо поставување на телевизорот BRAVIA заради лесна контрола на функциите како звучно поле и јачина на звукот.

Звукот совршено одговара на случувањата

Со Acoustic Center Sync ќе слушате дијалози точно од местото каде што стои ликот на екранот. Случувањата и звукот се прецизно усогласени за подобро доживување при гледањето.

Положба на звучникот во вид на лента

Ако имате телевизор BRAVIA со држач со повеќе положби, тогаш променете ја положбата на држачот на телевизорот за да го поставите HT-A3000 под телевизорот и да добиете модерен изглед.

Уште поголемо уживање со BRAVIA Acoustic Center Sync

Ако го поврзете со телевизор BRAVIA со Acoustic Center Sync, тогаш и звучникот во вид на лента и телевизорот ќе добијат улога на централен звучник во системот за домашно кино. Исто така, ако го поврзете звучникот во вид на лента со изборни безжични задни звучници, тогаш звучникот на телевизорот и звучникот во вид на лента ќе добијат улога на централен канал за звук како дел од системот со 360 Spatial Sound Mapping. На овој начин, звукот се усогласува прецизно со сликата на екранот и добивате појасни дијалози и пореално доживување.

Проследувајте музика од вашите омилени услуги

Благодарение на вградената поддршка за Spotify Connect™, како и други услуги за музика преку Bluetooth®, Chromecast или Apple AirPlay 2, лесно ќе можете да уживате во омилената музика со целото семејство.

Блок за повеќенасочен дизајн

HT-A3000 и изборните звучници се дизајнирани со ист концепт за повеќенасочен блок. Неговите модерни и заоблени рабови оформуваат цврст блок што нуди распространувачки звук. Комбинацијата од текстури на скапи материјали овозможува вклопување во сите опкружувања за дневен престој.

Поврзување преку Bluetooth® 

Проследувајте музика безжично од вашиот паметен телефон, таблет-уред или лаптоп преку технологијата Bluetooth®.

Spotify Connect™

Репродуцирајте од Spotify директно преку вашиот звучник користејќи ја апликацијата Spotify Connect™ во вашиот уред како далечински управувач.

Chromecast built-in

Проследувајте музика, онлајн радио и podcast содржини од вашиот паметен телефон, таблет-уред или лаптоп кон вашиот аудио уред. Само допрете го копчето за проследување.

Проследување преку Wi-Fi

Поврзете се на интернет преку вградениот Wi-Fi и проследувајте музика од уреди на вашата домашна мрежа.

Гласовна контрола

Звучникот во вид на лента е компатибилен со уреди со Google Assistant и Chromecast built-in™ и уреди со Amazon Alexa. Додајте го HT-A3000 во вашата група звучници преку Google Home за да репродуцирате музика, да ја промените јачината на звукот или многу други функции со помош на вашиот глас.

Apple AirPlay 2

Споделувајте музика и други содржини од вашите уреди од Apple кон вашиот звучник во вид на лента. Сето тоа е можно со допир.

Пријатен и амбиентален звук

За да уживате во пореални филмови, притиснете го копчето „Sound Field“ на далечинскиот управувач и уживајте во амбиентален звук што ќе ве внесе во центарот на случувањата. Или, пак, исклучете ја опцијата „Sound Field“ за јасен звук кога слушате стерео музика.

Режим на говор

Независно дали слушате утрински вести или финалето на сезоната, режимот ќе ги прилагоди поставките за звук за да го нагласи говорот и да ги слушнете сите зборови.

Ноќен режим

Гледате филм навечер? Оваа функција ја оптимизира рамнотежата на звукот за да можете јасно да слушнете сè, дури и при мала јачина на звукот.

Поставете го за неколку секунди

Треба само да го приклучите звучникот во вид на лента во струја, да го поврзете во приклучокот HDMI eARC на телевизорот и да го вклучите напојувањето. USB-приклучок и влезен оптички приклучок, како и HDMI-излез (eARC) и S-CENTER OUT за компатибилните модели на BRAVIA - достапни ви се сите потребни приклучоци за извонредно доживување со опкружувачки звук.