INZONE H9
Подобрете ги сетилата и подгответе се за борба. Слушалките INZONE H9 создаваат реално звучно поле со просторен звук и поништување на шум за да ви понудат врвен слух и остри рефлекси. Подобрете ги вашите перформанси и пронајдете ги противниците пред да ве видат.
„Квалитетот на звукот на INZONE H9 веднаш се препознава“.
Laz | ZETA DIVISION
Освоено трето место на 2022 VCT STAGE 1 MASTERS Reykjavík / партнер на слушалките со микрофон INZONE
Подобрете го звукот и вашите перформанси со безжичните слушалки со микрофон INZONE H9 за игри. Со 360 Spatial Sound for Gaming и ново ниво на поништување шум, секогаш ќе бидете чекор понапред, а поудобниот дизајн ќе ви овозможи да играте подолго.
• Звук со одличен квалитет
• Играјте удобно со часови
• Приспособен звук 360 Spatial Sound for Gaming
• Микрофон што се преклопува нагоре, со функција за стишување
• Совршени за PlayStation®5
• Поништување на шум
• INZONE Hub со поставки за приспособување
Погледнете како безжичните слушалки за игри INZONE H9 со микрофон, поништување на шум и 360 Spatial Sound for Gaming ќе ви помогнат да ги слушнете најтивките звуци и да реагирате први во мисиите.
Слушнете ги пред да ве забележат. Со 360 Spatial Sound for Gaming и нашата докажана технологија за хардвер ќе откриете каде се наоѓаат вашите противници и колку се оддалечени од вас. Дури и играчите кои се кријат во сенките или зад ѕид и други пречки, нема долго да останат скриени.
360 Spatial Sound for Gaming, што се активира преку софтверот INZONE Hub, има новосоздаден виртуелизатор за игри што репродуцира просторен звук од сигнали за повеќеканален звук каков што замислиле креаторите на игрите. Исто така, апликацијата 360 Spatial Sound Personalizer за паметни телефони ќе ви понуди просторен звук оптимизиран според обликот на вашите уши, обезбедувајќи приспособено играње игри.
Дали сакате да слушате просторен звук преку вашите омилени уреди? Ставете ги слушалките и уживајте. Слушнете прецизни индикатори за положбата и движењето на вашите противници и многу повеќе.
Нашите слушалки со микрофон INZONE H9 се дизајнирани да внесат реалност во звукот од игрите. Симетричната акустична структура, што е доволно флексибилна за удобно поставување врз глави со различни форми и големини, го зголемува квалитетот на звукот и просторната акустична прецизност.
Создадена со нашето професионално искуство за слушалки за музика, мембраната на INZONE H9 има уникатна форма за да репродуцира екстремно високи фреквенции со голема усогласеност, како и реални ниски фреквенции за реално доживување при играње игри.
Каналите на куќиштето на INZONE H9 ги оптимизираат ниските фреквенции за да добиете моќен бас со кој длабоките звуци како експлозии и мотори ќе звучат неверојатно реално. Слушајте ја акцијата и интензитетот на вашите игри насекаде околу вас.
Ги создадовме INZONE H9 да бидат многу удобни и да можете да играте долги непрекинати периоди. Дизајнирани да бидат стабилни при носењето, со минимален страничен притисок, овие слушалки со микрофон се подготвени за користење со часови без прекин.
Широкото и меко перниче на лентата за на глава ја распоредува тежината еднакво по вашата глава заради долготрајна удобност при носењето.
Формата на ушните перничиња од мека кожа го минимизира притисокот врз вашите уши преку оптимизиран допир со страничниот дел од вашата глава. Овој лесно растеглив материјал на ушните перничиња е дизајниран за удобност, стабилност и изолација на звук.
Од греалки и компјутерски вентилатори до градежна работа, INZONE H9 со своите микрофони за поништување шум не ги пропушта звуците што можат да ви пречат додека играте. Ја вградивме истата технологија со два сензори за шум како кај серијата 1000X за да победите во сите игри.
Не пропуштајте ги повиците, ѕвончето на вратата или тоа што говори партнерот, додека играте игри. Режимот за амбиентален звук, ист како кај нашите слушалки за музика, ви овозможува брз избор помеѓу поништување шум и амбиентален звук со притиснување на копчето на слушалките.
Координирајте ги мисиите јасно и одлучно. Флексибилен микрофон што се преклопува нагоре, има функција за стишување и овозможува лесна комуникација со членовите од тимот додека играте.
Со висококвалитетниот микрофон, обликуван за да може да го доближите поблиску до устата, вашиот глас секогаш ќе се слуша јасно. Микрофонот е двонасочен, па затоа вашиот глас ќе се снима јасно дури и при највозбудливите моменти во играта.
Ако сакате да го користите микрофонот, спуштете го надолу и доближете го до устата. Тој е многу флексибилен и може да се закоси во секоја положба.
Кога ќе завршите со играњето, лесно преклопете го микрофонот нагоре за да му го исклучите звукот и да го складирате.
Слушалките со микрофон работат одлично со услугата Discord за гласовна, видео и текстуална комуникација и ќе ви понудат беспрекорни разговори при играњето игри.
Нашите безжични слушалки со микрофон INZONE H9 за игри ви нудат слобода за играње без кабли што би ви пречеле. А благодарение на малото доцнење, нема да пропуштите ниту една нота со одличната синхронизација помеѓу звукот и сликата.
При безжична врска од 2,4 GHz преку испорачаниот USB-предавател, алгоритамот за мало доцнење го намалува доцнењето на изворниот звук на играта во однос на звукот што се репродуцира преку слушалките со микрофон за да можете да реагирате брзо.
Поврзете ги со паметен телефон преку Bluetooth® без да ја прекинувате безжичната врска од 2,4 GHz. Одговарајте на повиците и разговорите од паметниот телефон преку Bluetooth додека играте игри преку безжична USB-врска.
Уживајте во игрите и дење и ноќе со батеријата што нуди континуирана репродукција до 32 часа со едно полнење.
Ви треба енергија, но се брзате? Со брзото полнење од 10 минути ќе добиете енергија за играње игри до еден час.
Дали снемавте енергија? Полнете ги вашите слушалки со микрофон преку испорачаниот и долг USB-кабел додека играте.
Нашите INZONE H9 имаат ергономски дизајнирани обични и вртливи копчиња за лесно менување на функциите и прилагодување на поставките додека играте.
На левата слушалка се наоѓаат вртливото копче за јачина на звукот, копчето за поништување шум / режим за амбиентален звук и копчето за исклучување на звукот на микрофонот. Тука се и микрофонот и USB-приклучокот со LED-светилка за полнење.
На десната слушалка се наоѓа копчето за балансирање на звукот помеѓу играта / разговорите, како и копчињата за вклучување и Bluetooth.
Нашиот компјутерски софтвер INZONE Hub ви овозможува да го приспособите користењето на INZONE H9 преку прилагодување различни параметри, вклучувајќи разни поставки за звукот и хардверот. Прилагодете ги фреквенциите на звукот според играта со функцијата EQ за да добиете поголема острина и реалност.
Со слушалките INZONE H9 ќе уживате во реалниот звук за игри Tempest 3D AudioTech на PlayStation® 5 со повеќе просторни информации. Тие работат беспрекорно со конзолите PlayStation®5 и нудат специјални функции со PS5™ за подобрување на перформансите.
Прилагодувајте ги поставките на вашите слушалки со микрофон и погледнете го нивниот ефект на екранот во PS5™ Control Center.
Променете го балансирањето на звукот помеѓу звуците од игрите и разговорите кај вашите слушалки INZONE H9.
Нашите производи имаат стилски дизајн и не се штетни за животната средина. Материјалот за пакување на INZONE H9 не содржи пластика, туку само рециклирани материјали и неплетена целулоза, што е доказ за посветеноста на Sony да го намали влијанието на своите производи и работење врз животната средина.
Отворете го пакувањето на вашите слушалки со микрофон INZONE H9 и ќе пронајдете кабел за полнење USB-C (1,5 м) и USB-предавател.
Нашите монитори INZONE го подобруваат вашето доживување при играњето игри и ви помагаат да играте најдобро што можете.
