Официјални слушалки со микрофон на VALORANT Champions Tour
Безжични слушалки со микрофон INZONE H7 за игри
Разгледајте ги слушалките со микрофон INZONE H7
Бидете првите кои прецизно ќе ги откриваат противниците
Слушнете ги пред да ве забележат. Со 360 Spatial Sound for Gaming и нашата докажана технологија за хардвер ќе откриете каде се наоѓаат вашите противници и колку се оддалечени од вас. Дури и играчите кои се кријат во сенките или зад ѕид и други пречки, нема долго да останат скриени.
Уживајте во 360 Spatial Sound for Gaming
360 Spatial Sound for Gaming, што се активира преку софтверот INZONE Hub, има новосоздаден виртуелизатор за игри што репродуцира просторен звук од сигнали за повеќеканален звук каков што замислиле креаторите на игрите. Исто така, апликацијата 360 Spatial Sound Personalizer за паметни телефони ќе ви понуди просторен звук оптимизиран според обликот на вашите уши, обезбедувајќи приспособено играње игри.
Уживајте во 360 Spatial Sound for Gaming
Дали сакате да слушате просторен звук преку вашите омилени уреди? Ставете ги слушалките и уживајте. Слушнете прецизни индикатори за положбата и движењето на вашите противници и многу повеќе.
Напредна технологија што ја оптимизира акустиката
Нашите слушалки со микрофон INZONE H7 се дизајнирани да внесат реалност во звукот од игрите. Симетричната акустична структура, што е доволно флексибилна за удобно поставување врз глави со различни форми и големини, го зголемува квалитетот на звукот и просторната акустична прецизност.
Сите звуци од игрите се репродуцираат реално
Создадена со нашето професионално искуство за слушалки за музика, мембраната на INZONE H7 има уникатна форма за да репродуцира екстремно високи фреквенции со голема усогласеност, како и реални ниски фреквенции за реално доживување при играње игри.
Моќни бас фреквенции
Каналите на куќиштето на INZONE H7 ги оптимизираат ниските фреквенции за да добиете моќен бас со кој длабоките звуци како експлозии и мотори ќе звучат неверојатно реално. Слушајте ја акцијата и интензитетот на вашите игри насекаде околу вас.
Играјте удобно со часови
Ги создадовме INZONE H7 да бидат многу удобни за да можете да играте долги непрекинати периоди. Дизајнирани да бидат стабилни при носењето, со минимален страничен притисок, овие слушалки со микрофон се подготвени за користење со часови без прекин.
Совршена удобност за вашата глава
Широкото и меко перниче на лентата за на глава ја распоредува тежината еднакво по вашата глава заради долготрајна удобност при носењето.
Удобно се поставуваат околу вашите уши
Формата на меките платнени ушни перничиња го минимизира притисокот врз вашите уши преку оптимизиран допир со страничниот дел од вашата глава. Овој екстремно удобен материјал на ушните перничиња е дизајниран за стабилност и изолација на звукот.
Одведете го вашиот тим во победа со јасна комуникација
Координирајте ги мисиите јасно и одлучно. Флексибилен микрофон што се преклопува нагоре, има функција за стишување и овозможува лесна комуникација со членовите од тимот додека играте.
Микрофон што се фокусира на вашиот глас
Со висококвалитетниот микрофон, обликуван за да може да го доближите поблиску до устата, вашиот глас секогаш ќе се слуша јасно. Микрофонот е двонасочен, па затоа вашиот глас ќе се снима јасно дури и при највозбудливите моменти во играта.
Спуштете го надолу за да разговарате
Ако сакате да го користите микрофонот, спуштете го надолу и доближете го до устата. Тој е многу флексибилен и може да се закоси во секоја положба.
Преклопете го нагоре за исклучување и складирање
Кога ќе завршите со играњето, лесно преклопете го микрофонот нагоре за да му го исклучите звукот и да го складирате.
Сертификат за Discord
Слушалките со микрофон работат одлично со услугата Discord за гласовна, видео и текстуална комуникација и ќе ви понудат беспрекорни разговори при играњето игри.
Играјте слободно - без кабли, без доцнење
Нашите безжични слушалки со микрофон INZONE H7 за игри ви нудат слобода за играње без кабли што би ви пречеле. А благодарение на малото доцнење, нема да пропуштите ниту една нота со одличната синхронизација помеѓу звукот и сликата.
Мало доцнење преку безжична врска од 2,4 GHz
При безжична врска од 2,4 GHz преку испорачаниот USB-предавател, алгоритамот за мало доцнење го намалува доцнењето на изворниот звук на играта во однос на звукот што се репродуцира преку слушалките со микрофон за да можете да реагирате брзо.
Истовремено поврзување преку 2,4 GHz и Bluetooth®
Поврзете ги со паметен телефон преку Bluetooth® без да ја прекинувате безжичната врска од 2,4 GHz. Одговарајте на повиците и разговорите од паметниот телефон преку Bluetooth додека играте игри преку безжична USB-врска.
Исполнувајте мисии во текот на целиот ден
Уживајте во игрите и дење и ноќе со батеријата што нуди континуирана репродукција до 40 часа со едно полнење.
Брзо полнење од 10 минути
Ви треба енергија, но се брзате? Со брзото полнење од 10 минути ќе добиете енергија за играње игри до еден час.
Играјте додека ги полните
Дали снемавте енергија? Полнете ги вашите слушалки со микрофон преку испорачаниот и долг USB-кабел додека играте.
Едноставен овален дизајн за непречено користење
Нашите INZONE H7 имаат ергономски дизајнирани обични и вртливи копчиња за лесно менување на функциите и прилагодување на поставките додека играте.
Контроли на левата страна
На левата слушалка се наоѓаат вртливото копче за јачина на звукот и копчето за исклучување на звукот на микрофонот. Преклопете го микрофонот нагоре за да го исклучите звукот. Тука се и микрофонот и USB-приклучокот со LED-светилка за полнење.
Контроли на десната страна
На десната слушалка се наоѓа копчето за балансирање на звукот помеѓу играта / разговорите, како и копчињата за вклучување и Bluetooth.
Приспособете го начинот на кој играте игри
Нашиот компјутерски софтвер INZONE Hub ви овозможува да го приспособите користењето на INZONE H7 преку прилагодување различни параметри, вклучувајќи разни поставки за звукот и хардверот. Прилагодете ги фреквенциите на звукот според играта со функцијата EQ за да добиете поголема острина и реалност.
Совршени за PlayStation 5®
Со слушалките INZONE H7 ќе уживате во реалниот звук за игри Tempest 3D AudioTech на PlayStation® 5 со повеќе просторни информации. Тие работат беспрекорно со конзолите PlayStation®5 и нудат специјални функции со PS5™ за подобрување на перформансите.
Поставки што се прикажуваат на екранот
Прилагодувајте ги поставките на вашите слушалки со микрофон и погледнете го нивниот ефект на екранот во PS5™ Control Center.
Балансирање на звукот помеѓу играта / разговорите
Променете го балансирањето на звукот помеѓу звуците од игрите и разговорите кај вашите слушалки INZONE H7.
Високо ниво на одржливост
Нашите производи имаат стилски дизајн и не се штетни за животната средина. Материјалот за пакување на INZONE H7 не содржи пластика, туку само рециклирани материјали и неплетена целулоза, што е доказ за посветеноста на Sony да го намали влијанието на своите производи и работење врз животната средина.
Што има во кутијата
Отворете го пакувањето на вашите слушалки со микрофон INZONE H7 и ќе пронајдете кабел за полнење USB-C (1,5 м) и USB-предавател.
Подобрете ги вашите сетила со мониторите за игри INZONE
Нашите монитори INZONE го подобруваат вашето доживување при играњето игри и ви помагаат да играте најдобро што можете.
Спецификации и функции
Откријте ги противниците со безжичните слушалки INZONE H7 од Sony. Тие се дизајнирани да бидат удобни, а 360 Spatial Sound for Gaming ќе ве подготви за сите мисии.
