Сите спецификации и функции

Exmor R® CMOS сензор

ZV-E10 II е опремен со најнапредната технологија на сензори од Sony и Exmor R CMOS APS-C-сензор за слика со задно осветлување. Со резолуција од 26,0 милиони точки, тој снима висококвалитетни слики со поголема чувствителност и помалку шум, дури и при слаба осветленост.

Најновиот процесор за обработка на слика BIONZ XR™

Најновиот процесор за обработка на слика BIONZ XR, со осум пати поголема моќ за обработка во реално време, нуди извонредни детали и острина и за фотографии и за видеоснимки. Стандардниот опсег на ISO се проширува од 100 до 32000, што нуди идеална комбинација од висока чувствителност и мал шум. А, благодарение на отчитувањето со голема брзина, прекумерното семплирање во 5,6K-резолуција врши компресија на огромна количина на информации во неверојатни видеозаписи со резолуција 4K (QFHD: 3840 x 2160) со 60p.

Реализирајте ја вашата замисла со фотоапаратот

Функцијата за креативен изглед овозможува полесно создавање на расположенијата за изразување кај фотографиите и видеоснимките, директно во фотоапаратот. Достапни се 10 креативни изгледи како однапред поставени параметри, кои може да ги користите такви какви што се или да ги приспособите користејќи многу приспособливи параметри. Пробајте ја функцијата за мој стил на слика која нуди уште повеќе разновидни опции за изразување. Ако фотографирате во интелигентниот автоматски режим или режимот за избор на сцени, тој ќе ви овозможи лесно приспособување на ефектот на дефокусирање на заднината, светлината и тоновите на боите преку икони на екранот на допир. Ова е интуитивен начин за приспособување на параметрите за да создавате прекрасни слики без да се оптоварувате со технички детали како F-чекори, компензација на експозицијата или температура на боите.

Повеќе за функцијата за креативен изглед

Филмско изразување

Поставките за филмски видеоблогови нудат интуитивен начин за создавање филмски видеоблогови без потреба од приспособување сложени поставки на фотоапаратот. Со избирање соодветен изглед и расположение, сите ќе можат да создаваат филмски видеоблогови што идеално ќе ја усогласат сцената со нивната креативна замисла. Во поставките за филмски видеоблогови спаѓаат опции за „Изглед“, како S-Cinetone™ кој ги подобрува тоновите на кожата, опции за „Расположение“ што истакнуваат одредени бои и брзина на транзиција на AF што одредува колку брзо автоматскиот фокус ќе преминува од еден на друг субјект.

Заменливи објективи што ќе ја доловат вашата замисла

Од серијата G Master™, која нуди спој од извонредна резолуција и извонреден ефект на дефокусирање, до серијата G Lens™ која нуди првокласен квалитет на слика, ZV-E10 II е компатибилен со голем избор на објективи со E-приклучок од Sony. Комплетот со објектив за ZV-E10 II го содржи повеќенаменскиот објектив со зум E PZ 16-50 мм F3,5-5,6 OSS II.

Остри и прекрасни тонови на кожа

Боите и текстурите на човечката кожа се репродуцираат идеално и доследно независно од осветлувањето, а се оптимизираат независно при снимање фотографии и видеоснимки. Подобрена е и репродукцијата на градациите, за подобри тонови на кожа и транзиции од светли тонови кон сенки во портретите. Дополнителни подобрувања нуди ефектот на мека кожа, кој ги прикрива наборите и дамките на лицето на субјектот и ја зголемува острината околу очите и устата за да добиете одличен изглед на кожата, а функцијата за AE со приоритет на лица автоматски одржува оптимална експозиција на лицата, дури и во ситуации со задно или слабо осветлување.

Лесно доловувајте краткотрајни изрази и сцени

Доловувајте движења со нова креативна слобода, со режимите S&Q. ZV-E10 II снима видеоснимки со забавени движења до 5x, користејќи 120 fps за снимање и 24p за репродукција, а го поддржува и висококвалитетниот формат XAVC-S Full HD. Видеоснимки со забрзани движења може да создавате во самиот фотоапарат и тие се многу ефикасни за доловување движења на луѓе, градови или облаци во временски-компресирана форма. Интервалот за експозиција може да се постави од една секунда до 60 секунди, што овозможува лесна компресија на забавените движења во импресивни видеоснимки со забрзани движења. При снимање фотографии, електронската бленда на фотоапаратот нуди континуирано фотографирање со брзина до 11 fps и следење со AF/AE, овозможувајќи ви да ги доловите најкратките движења и изрази.

Густа мрежа од 759 AF-точки со откривање на фаза во фокусната површина

Најновиот процесор за обработка на слика BIONZ XR и оптимизираните алгоритми нудат значително подобри перформанси за AF. Густата мрежа од 759 AF-точки со откривање на фаза во фокусната површина ја покрива речиси целата површина на сликата за да овозможи рамномерен и прецизен фокус.

Стабилно рачно фотографирање

Електронската стабилизација на слика на активниот режим користи прецизен жироскоп и напредни алгоритми за прецизно мерење и компензирање на тресењето на фотоапаратот, овозможувајќи високоефикасна стабилизација без отстапки во преносливоста, дури и при снимање во 4K. Поставките за стандардна и активна стабилизација може да се изберат по потреба во менито. Ако користите компатибилни објективи, компензацијата на промените во фокусната должина автоматски врши компензација на малите промени во аголот на гледање кога се менува фокусот на објективот, овозможувајќи професионално и непречено менување на фокусната должина.

Интелигентен микрофон со 3 капсули

Напредниот микрофон со 3 капсули нуди одлични перформанси за откривање и за намалување на шумот, што овозможува лесно снимање на остар и висококвалитетен звук како никогаш досега. Изберете ја поставката Автоматски или изберете некоја од поставките Напред, Назад или Сите насоки за да се адаптирате кон различни опкружувања и ситуации за снимање.

Подобрен звук за снимање и уредување

ZV-E10 II се испорачува со практична заштита од ветер која значително го намалува шумот кога снимате надвор. Ако сакате повеќе разновидни опции за снимање звук, приклучокот за повеќе интерфејси (Ml) на фотоапаратот поддржува интерфејси за дигитален звук и овозможува директно префрлување на висококвалитетен дигитален звук со минимална деградација од микрофони во фотоапаратот, како што е серијата на изборни микрофони ECM.

4K 60p / 10 бита и 4:2:2 All-Intra

ZV-E10 II поддржува многу формати за снимање, вклучувајќи видео со 10 бита и 4:2:2, како и компресија All-Intra со резолуција до 4K 60p. За професионалните работни процеси може да увезете LUT-датотеки со кои ќе го зачувате саканиот изглед директно во фотоапаратот, а тоа ќе овозможи ефикасна и предвидлива обработка по снимањето со софтвери како Catalyst Browse, Catalyst Prepare / Plugin.

Гама S-Log3 за извонредно широк динамички опсег

Широкиот динамички опсег при снимањето со S-Log3 значително ги подобрува снимените материјали и овозможува голема флексибилност во обработката по снимањето, за да добиете подобри видеоснимки.

Ракување на допир за вертикални и хоризонтални снимки или автопортрети

LCD-мониторот со променлив агол овозможува снимање од секој агол. Со движење на прстот од левиот или десниот раб кон средината на екранот се прикажуваат икони на допир што овозможуваат брзи промени на режимот за фотографирање и други опции. Менито со функции (Fn) може да се прикаже со движење на прстот нагоре по екранот.

Поддршка за вертикални формати

Распоредот на информациите за фотографирање прикажани на екранот автоматски се менува за да се прилагоди кон хоризонталната или вертикалната ориентација, што овозможува непречено усогласување со вашите потреби во сите ситуации.

C1 (Приспособено 1) и дефокусирање на заднина

На копчето C1 (Приспособено 1) може да му се додели често користена функција, за брз пристап до таа функција со еден допир при снимање или репродукција. Неговата зададена функција е дефокусирање на заднината која ви овозможува лесно и моментално зголемување на количината на заматување на заднината, заради истакнување на главниот субјект. Притиснете го повторно за да го исклучите ефектот на дефокусирање и да добиете остри слики со длабок фокус кога снимате градски сцени или пејзажи.

Изложба на производи, приспособливи функциски копчиња и едноставно префрлување

ZV-E10 II е дизајниран за лесно снимање видеоблогови, со приспособливи копчиња на кои однапред им се доделени функции, како што е режимот за изложба на производи. Кога е активна оваа функција, треба само да ставите производ пред објективот и фотоапаратот рамномерно ќе го префрли фокусот врз производот, а потоа ќе го врати врз вашето лице кога ќе го поместите производот. Во менито Fn (Функција) може да доделите други често користени функции, за да ги активирате со еден допир кога ќе ви бидат потребни. По снимање на вашите содржини, откако ќе изберете режим за репродукција, копчето за префрлување во паметен телефон ќе ви овозможи брзо и безжично префрлување слики во вашиот паметен телефон и на вашите омилени социјални мрежи, со само неколку допири.

Контроли и преклопници за брз пристап

Практичниот преклопник за фотографии/видео/S&Q нуди брз избор на соодветните режими, а ергономското вртливо копче за контрола може да се користи за приспособување многу параметри на фотоапаратот, како брзина на блендата или решетката. Вртливото копче може да се користи и заедно со стандардните копчиња за навигација, за брзо избирање во менијата за поставки и функции.

Проследување во живо и едноставно споделување

ZV-E10 II поддржува Wi-Fi со 5 GHz, што е идеално за безжично проследување во живо. Приклучокот SuperSpeed USB 5 Gbps (USB 3.2) Type-C®, исто така, овозможува жично префрлување содржини со голема брзина во паметен телефон или во компјутер, за лесна обработка по снимањето и споделување на социјалните медиуми.

Creators' Cloud

Платформата Creators' Cloud поддржува креативна работа, почнувајќи од фотографирање па сè до продукција, спојувајќи напредни технологии за фотоапарати од Sony со AI-апликации основани врз Cloud. Ова е место за откривање и соработка со креатори од целиот свет. Разгледајте апликации на интернет, за мобилни уреди и за компјутери што нудат ефикасни решенија за интегрирање фотоапарати со услуги и апликации за фотографирање и снимање.

Дознајте за Creators' Cloud

Батеријата со голем капацитет за подолго снимање

ZV-E10 II користи батерија NP-FZ100 со голем капацитет, која овозможува континуирано снимање видео до 195 минути со едно полнење. Брзо полнење е можно кога е поврзан со уред што поддржува USB PD (напојување). За проследување во живо (проследување преку USB), уредот може да се напојува од надворешен компјутер преку USB-кабел.

Компактен, лесен и практичен за држење

ZV-E10 II има висина од само 67,5 мм (2 3/4 инчи), ширина од 114,8 мм (4 5/8 инчи), длабочина од 54,2 мм (2 1/4 инчи) и тежи само 292 грама (прибл. 10,3 oz) - извонредно достигнување за фотоапарат кој користи батерија NP-FZ100 со голем капацитет. Држењето и чувството при ракување се подобрени со специјално обликуван држач со текстура. Изборниот држач за снимање со безжичен далечински управувач (GP-VPT2BT) има контроли за зумирање и снимање што се лесни за користење кога снимате со една рака, а може да се користи и како статив, за двете раце да ви бидат слободни за оценување производи или снимање од далечина.

Сеопфатни функции за пристапност

Функцијата за читање информации од екранот ги чита на глас текстуалните менија на екранот, дури и при репродукција на видео. Таа може лесно да се активира во менито, во кое може да ги приспособите јачината на гласот и брзината на читање. ZV-E10 II се испорачува и со многу други функции за пристапност, како зголемување на менијата, но и следење, активирање на блендата и фокус на допир.

Планот Road to Zero на Sony

Еколошкиот план Road to Zero на Sony започна во 2010 година со цел сведување на влијанието врз животната средина на нула. Нашиот план Green Management 2025 ги дефинира среднорочните цели и напредокот кон достигнување на крајната цел за сведување на влијанието врз животната средина на нула. Преземени се мерки за намалување на штетното влијание на овој производ врз животната средина во секоја фаза на неговиот работен циклус: од развој до испорака, производство и пакување.

Дознајте повеќе за Road to ZERO

Материјали за пакување што можат да се рециклираат и не содржат пластика

Sony прави напори за да користи материјали за пакување што не содржат пластика и нудат добра заштита од потреси и удари. За торбите за производи се користат растителни и неплетени материјали. Сето ова придонесува за минимизирање на штетното влијание врз животната средина.

Creators' App

Creators' App е апликација за паметни телефони која ви овозможува да поврзете фотоапарати од Sony со Cloud и ви нуди пристап до различни функции и алатки за подобро снимање и споделување.

Дознајте повеќе за Creators' App

Серијата ZV постојано се зголемува

Со ZV-E10 II, серијата ZV се проширува и ви овозможува полесно да го изберете моделот кој најмногу ви одговара.

Прецизно следење субјекти со AF на очи во реално време

AF на очи во реално време ги препознава - со голема прецизност - лицата и очите на луѓето, како и очите на животните и птиците, што овозможува доследно прецизен и сигурен фокус. Следењето во реално време овозможува фокусот да се задржи врз субјектот додека се движи низ кадарот. Препуштете му го фокусирањето на фотоапаратот за да се концентрирате на композицијата.

Преминете од 4K 60p на 4K 120p

ZV-E10 II нуди внатрешно снимање во 4K со брзина до 120 слики во секунда. Снимањето извонредно јасни движења забавени до 5x (макс.) со QFHD-резолуција и автоматско фокусирање нуди нови можности за изразување. Ако го користите форматот XAVC S, може да снимате забавени движења до 10x со Full HD-резолуција и 240 fps (снимање со 24p) , за да добиете нови перспективи за динамичките спортови и други видови на движења.