APS-C фотоапарат α6500 од врвна класа со E-приклучок

Exmor® CMOS сензор за слика со 24,2 MP

α6500 се одликува со APS-C сензор за слика со прибл. 24,2 ефективни милиони точки, тенка инсталација и голем супстрат на фотодиода за ефикасно собирање светлина. Во комбинација со процесорот за обработка на слика BIONZ X™, сензорот за слика овозможува широк опсег на чувствителност ISO 100-51200 со мал шум. Бакарната инсталација на сензорот за брз пренос му помага на фотоапаратот да снима видеоснимки во 4K и Full HD со брзина од 120 fps (100 fps).

425 AF точки за откривање на фаза со технологија на AF со следење и густа распределба

Одликувајќи се со 425 AF точки за откривање фаза во фокусната површина кои придонесуваат за поширока и погуста покриеност со AF точки, α6500 овозможува прецизно, ефикасно и сигурно фокусирање на објектите низ целиот кадар. Исто така, технологијата на AF со следење и обемна покриеност беспрекорно ги активира AF точките за да ги опфати и следи објектите што се движат во кадарот со неверојатна прецизност. (1) Покриеност на AF со откривање на фаза (425 точки) (2) Покриеност на AF со откривање на контраст (169 точки)

Брз хибриден автоматски фокус за фотографии и видеоснимки

α6500 нуди AF со најголема брзина на светот (0,05 сек.). Таа брзина се постигнува со интеграција на перформансите за автоматско фокусирање на брзиот хибриден автоматски фокус и ефикасното и прецизно обработување податоци на процесорот за обработка на слика BIONZ X™. На тој начин се добива извонредно брзо и прецизно автоматско фокусирање и следење при фотографирање или снимање. (1) Точка на фокусирање (2) AF со откривање на контраст (3) AF со откривање на фаза

Континуирано фотографирање со 11 fps (Hi+) и континуирано фотографирање со 8 fps (Hi) со прегледување во живо

Снимајте јасни објекти во движење со континуираното фотографирање со брзина до 11 fps (Hi+). Или, пак, изберете една од трите брзини до 8 fps (Hi) за континуирано фотографирање со прегледување во живо и многу мало доцнење на EVF или LCD екранот - исто како да фотографирате со оптички визир. 

Огромна меѓумеморија за максимум 307 слики (приближно 36 секунди) при континуирано фотографирање

Побрзата внатрешна обработка и меѓумеморијата со поголем капацитет овозможуваат брзо континуирано фотографирање до 307 слики (приближно 36 секунди). 

Вградена стабилизација на слика со 5 оски

α6500 врши компензација за пет видови на тресење на фотоапаратот, со што ги зголемува можностите за снимање постабилни фотографии и видеоснимки. Новиот жиро сензор со голема прецизност нуди стабилизација на слика еквивалентна на брзина на бленда поголема за 5 чекори. Фотоапаратот овозможува зумирање на далечните објекти, фотографирање слики одблиску, снимање ноќни сцени и многу повеќе - сето тоа со минимално заматување поради тресење на фотоапаратот. (1) Вртење (2) Закосување (3) Ротирање

Интуитивен фокус на допир дури и кога окото ви е на визирот

Фокусот на допир овозможува поинтуитивно избирање на фокусната точка - допрете со прстот на LCD екранот на допир во точката на сликата што сакате да се фокусира. Подлогата на допир ви овозможува да ја поместувате фокусната точка допирајќи со прстот на екранот на допир, дури и кога гледате преку визирот.

Снимање 4K видеоснимки

Снимањето 4K видеоснимки во форматот Super 35 мм со обработка на сите точки без соединување на точките овозможува прибл. 2,4 пати повеќе податоци, што е основниот предуслов за 4K (QFHD: 3840 x 2160). Ваквата количина на податоци е всушност еквивалентна на 6K податоци, што значи дека ќе добиете 4K слики со исклучително висока резолуција.

XGA OLED Tru-Finder™

α6500 е опремен со XGA OLED Tru-Finder™ со голем контраст, висока резолуција и голема видливост. Тој детално ги репродуцира темните делови и боите, за јасен и остар приказ на сцените и следење на објектите. Може да изберете стапка на слики од 120 (100 fps) или 60 fps (50 fps) за овој визир. 

Секогаш задржете ги очите во фокусот

Значително прецизниот AF на очи (достапен со AF-C) нуди континуирано автоматско фокусирање на очите на објектот, дури и кога тој е во движење. Оваа сигурна алатка е неверојатно ефективна за поуспешно снимање портрети со помалку неуспешни обиди.

AF со заклучување

Оваа функција автоматски го задржува фокусот врз објектите во движење. Само порамнете го целниот кадар со објектот што сакате да го следите. Ако објектот ви избега од кадарот, фотоапаратот може да го открие тој објект и да продолжи да ја користи функцијата за AF со заклучување штом објектот се појави во кадарот.

Бленда со голема издржливост тестирана со прибл. 200.000 циклуси на активирање со мала вибрација

Уживајте во помало заматување предизвикано од вибрации и многу тивка и издржлива бленда, тестирана со прибл. 200.000 активирања. Овие придобивки се резултат на дополнителните механизми за сопирање при крајот на задната патека на блендата, како и еластичниот материјал за апсорбирање на потреси. Намалените вибрации помагаат и во оптимизирање на резолуцијата на сензорот за слика.

Уште понапреден систем за обработка на слика

Новосоздадениот преден LSI го поддржува процесорот за обработка на слика BIONZ X™. Алгоритамот за обработка на слика кој е оптимизиран за сензорот за слика ја подобрува репродукцијата на текстури и острината на сликата, а притоа го минимизира шумот, особено во опсегот на средна до висока чувствителност.

Бавни и брзи движења

Фотоапаратот нуди снимање на забавени движења до 5x и забрзани движења до 60x со брзина од 50 Mbps и висококвалитетна Full HD слика. Достапен е избор од осум стапки на слики за фотографирање, од 1 fps до 120 fps (100 fps), како и формати за снимање од 24p, 30p (25p) или 60p (50p). Забавените и забрзаните движења може да се репродуцираат по снимањето без понатамошна обработка со помош на компјутер.

AF со откривање на фаза во фокусната површина за објективи со A-приклучок 

α6500 нуди AF со откривање на фаза во фокусната површина дури и кога е монтиран објектив со A-приклучок преку адаптерот за монтирање објективи (LA-EA3) од Sony. На тој начин можете да ја користите широката покриеност на системот за автоматско фокусирање со 425 AF точки за откривање на фаза во фокусната површина и брзите перформанси при фотографирање со други објективи, како и објективи со E-приклучок. (1) Објективи со A-приклучок

AF при зголемување на фокусот

Автоматското фокусирање може да се користи дури и при зголемување на одреден дел од сликата на визирот или LCD екранот, за попрецизно прилагодување на фокусот. Тоа е одлично за макро фотографирање, кога прецизното фокусирање е најважно.

Помош за приказ на гамата и црни и бели ленти

Со функцијата за помош за приказ на гамата може да гледате слики со природен контраст додека снимате со поставките за S-Log гама, претворајќи ги S-Log2 и S-Log3 во ITU709 (800%) гама за следење слики или проверување на фокусот при зумирање слики на LCD екранот или визирот. Покрај тоа, функцијата за црни и бели ленти го олеснува следењето на експозицијата, особено при фотографирање со поставките за гамата S-Log. Одредете ниво на светлина за видео сигналот од 0-109%, поставете опсег помеѓу +10% и -10% од таа вредност, а шаблонот со црни и бели ленти ќе ги означи површините со тоа ниво на експозиција во рамките на тој опсег.

Фотографирање со S-Gamut/S-Log

Фотографирањето со S-Gamut и S-Log ви нуди флексибилност за градација на бои при обработката по снимањето. Кривите на гамата S-Log3 и S-Log2 нудат широк динамички опсег (до 1300%) за минимизирање на избледувањето и затемнувањето на боите. α6500 нуди дури и импресивна маргина на грешка од 14 чекори во поставките за гамата S-Log3. Фотоапаратот нуди поддршка и за S-Gamut, S-Gamut3 и S-Gamut3. Простор на бои од Sony. ЗАБЕЛЕШКА: S-Log2 и S-Log3 се наменети за обработка на фотографии.

Приклучоци за поразновидно поврзување

Фотоапаратот поддржува и влезен линиски сигнал од аудио уреди со професионални стандарди и XLR приклучок, користејќи XLR адаптер што се продава посебно (XLR-K2M/XLR-K1M) и овозможува поврзување разни врвни микрофони. Овој фотоапарат поддржува и јасен излезен сигнал преку HDMI што овозможува репродукција на некомпресирани 4K и Full HD видеоснимки на надворешен снимач или монитор. 

Отпорност на прав и влага 

Моќната заштита од прав и влага што спречува навлегување на вода и прав во куќиштето се одликува со заштита околу копчињата и вртливите копчиња, како и заштитна двослојна структура која цврсто ги прилепува панелите и компонентите.

Куќиште од цврста магнезиумска легура и издржлив приклучок за објективи

Благодарение на внатрешните рамки и задниот, горниот и предниот капак изработени од магнезиумска легура, α6500 е дизајниран за одлична сигурност и стабилно ракување, бидејќи неговата компактна форма може да ги издржи работните услови при снимање на отворено. Исто така, јачината и цврстината на приклучокот за објективи нуди цврста основа за поставување и користење големи и тешки објективи како што се телефото објективите.

Тивко фотографирање

Режимот за бесшумно фотографирање ја активира блендата без звук, дури и при континуирано фотографирање со прибл. 3 fps и со AF/AE со следење, што е многу практично за фотографирање изведби во затворени простории, животот во дивината и во други ситуации каде што е неопходна тишина. За да го вклучувате/исклучувате овој режим поинтуитивно и подискретно, доделете го на едно од прилагодливите копчиња.

Новиот интерфејс на менито го олеснува барањето 

Одново дизајнираното мени има нов начин на категоризација. Сега, името на групата што се избира може да се види во горниот дел на екранот, а секоја картичка е во различна боја. Тоа овозможува брз пристап до саканите елементи од менито и побрзо менување на поставките дури и кога снимате. 

Поставување име на датотеките

Имињата на сите датотеки започнуваат со „DSC“ според зададените опции, но со фотоапаратот може да ги менувате, регистрирате и прилагодувате имињата за да им ги промените првите три знаци по ваш избор. На овој начин се олеснува управувањето со датотеките, особено кога работите со повеќе фотоапарати.

PlayMemories Camera Apps™

Снимајте ги фотографиите покреативно со PlaymeMories Camera Apps, услуга за преземање апликации која ви овозможува да му додавате нови функции на вашиот фотоапарат. Изберете помеѓу апликациите Time-lapse која снима слики на одредени интервали и ги комбинира, Smart Remote Control за контрола на поставките преку паметен телефон или таблет-уред, Sky HDR (обработка на слика со висок динамички опсег), Star Trail, Liveview Grading, Smooth Reflection и други апликации. Забелешка: Достапноста на услугите зависи од регионот.

Линк за информации за локација

Откако ќе го впарите фотоапаратот преку Bluetooth® со апликацијата Imaging Edge Mobile инсталирана на компатибилен мобилен телефон или таблет-уред, тој ќе ги добива и снима податоците за локацијата од мобилниот уред. Добиените податоци за локацијата може да се користат и за корекција на поставките за локација и датумот/времето на фотоапаратот.

Дознајте повеќе

Далечински управувач со еден допир/Споделување со еден допир

Далечински управувач со еден допир го претвора вашиот паметен телефон или таблет-уред во визир/далечински управувач. Споделувањето со еден допир овозможува пренос на фотографиите/видеоснимките во вашиот уред за споделување на социјалните мрежи. Инсталирајте ја апликацијата Imaging Edge Mobile преку Wi-Fi во вашиот уред со Android што поддржува NFC, а потоа допрете го уредот до фотоапаратот за да ги поврзете. Немате NFC? Нема проблем, бидејќи и компатибилноста со новиот QR код овозможува впарување на уредите.

Дознајте повеќе

Capture One (за Sony)

Напредни функции за автоматска експозиција

Покрај режимите за мерење во повеќе шеми, центар и точка, фотоапаратот нуди и нови, како што е режимот за осветлени делови кој автоматски ја открива најсветлата површина во кадарот и го фокусира мерењето на експозицијата на таа површина за да не се појават премногу осветлени површини; и режимот за просечно мерење кој одредува просечно мерење за целата слика за да овозможи стабилно AE со следење при менување на аглите за снимање, а овозможува и предвидлив AE. Исто така, кога параметарот [Фокусна површина] е поставен на [Флексибилна точка] или [Проширување на флексибилната точка], местоположбата на мерењето во точка може да се поврзе со фокусната површина (се избира од Центар/Поврзи фокусна точка). Освен тоа, стандардната вредност на експозицијата може да се прилагоди од -1 до +1 во чекори на зголемување од 1/6 и да се постави посебно за секој режим на мерење.

Поставување приоритет во AWB

Кога балансот на белата боја е поставен на „автоматски“, а изворот на светлина е блескава лампа или слична светилка, приоритетот на тоновите на боите може да се постави на [Стандардно], [Амбиент] или [Бела боја]. [Амбиент] создава топли тонови; [Бела боја] создава реалистични бели тонови.

Напредна функција Remote Camera Control

Кога фотоапаратот е поврзан со компјутер, тогаш можете да користите Remote Camera Control за да снимате слики или да ги менувате поставките на фотоапаратот преку компјутерот. Оваа врска помеѓу компјутерот и фотоапаратот ви овозможува да складирате фотографии и во фотоапаратот и во компјутерот, за да можете брзо да ги проверувате сликите без да се оддалечувате од фотоапаратот. Исто така, сега може да префрлувате само JPEG (наместо и JPEG и RAW) датотеки во компјутерот, со што се намалува количината на податоци и се овозможува моментално проверување на префрлените слики.

Се користи со iMovie и Final Cut Pro X

Овој производ е компатибилен со Final Cut Pro X и iMovie.

Функции Remote, Viewer и Edit на Imaging Edge™

Подобрете ги вашите фотографии со компјутерските апликации Imaging Edge. Користете ја функцијата „Remote“ за далечинска контрола на фотографирањето; „Viewer“ за брзо прегледување, оценување и избирање фотографии од големи колекции на слики; и „Edit“ за претворање RAW-податоци во висококвалитетни фотографии. Извлечете максимум од RAW-датотеките на Sony и управувајте со снимените материјали поефикасно.

Дознајте повеќе