Фотоапарат α6300 со E-приклучок и APS-C сензор

Exmor® CMOS сензор за слика со 24,2 MP

Новиот Exmor® CMOS сензор за слика со 24,2 MP ја подига границата на перформанси за обработка на слика. Неговата бакарна инсталација и неговото напредно електронско коло ја намалуваат дебелината на инсталацијата и ја зголемуваат ефикасноста за прибирање светлина, за да можете да снимате слики со мал шум и голем опсег на чувствителност до ISO 51200. Употребата на бакар ја зголемува брзината на читање, како и потенцијалот за напредно снимање во 4K и во Full HD со 120 fps.

BIONZ X™ процесор за обработка на слика со голема брзина

Како супериорната брзина, моќта и ефикасноста на процесорот за слика BIONZ X го отклучуваат потенцијалот и чувствителноста на новиот сензор за слика? Со алгоритам кој е оптимизиран да му помогне на новиот сензор за слика да снима фотографии и видеоснимки со ненадмината резолуција и да репродуцира подобра текстура и детали, особено при средни-високи поставки за ISO

425 AF точки со откривање на фаза

Одликувајќи се со најголем број (425) на AF точки за откривање фаза во фокусната површина на светот, кои придонесуваат за поширока и погуста покриеност со AF точките, α6300 овозможува попрецизно, поефикасно и посигурно фокусирање на објектите низ целиот кадар.

Брзина од 0,05 сек. за автоматско фокусирање

α6300 ја нуди најголемата брзина на AF во светот (0,05 сек.) благодарение на подобрените перформанси за автоматско фокусирање со брзиот хибриден AF и ненадминатата ефикасност на процесорот за слика BIONZ X кој обработува многу информации со неверојатна прецизност

Технологија за AF со следење со голема густина

За да обезбеди сигурна прецизност и стабилност при следењето, новата технологија за AF со следење со голема густина активира AF точки за покривање на површината околу објектот со прибл. 7,5 поголема густина од 6000. Само оваа функција на AF со откривање на фаза во фокусната површина може да ги активира AF точките и да ги следи објектите што се движат во кадарот со беспрекорна прецизност.

Брзо континуирано фотографирање со прегледување во живо

Снимајте јасни случувања со континуираното фотографирање со брзина до 11 fps. Или, пак, изберете една од трите брзини до 8 fps, според ситуацијата за фотографирање, за континуирано фотографирање со прегледување во живо и многу мало доцнење на EVF или LCD екранот, за да добиете чувство на непосредно фотографирање преку оптичкиот визир.

AF со откривање на фаза во фокусната површина за објективи со A-приклучок

α6300 нуди AF со откривање на фаза во фокусната површина дури и кога е монтиран објектив со A-приклучок преку адаптерот за монтирање објективи (LA-EA3) од Sony. На тој начин можете да ја користите широката покриеност на системот за автоматско фокусирање со 425 AF точки за откривање на фаза во фокусната површина и брзите перформанси при фотографирање со други објективи, како и објективи со E-приклучок.

XGA OLED Tru-Finder™

α6300 располага со XGA OLED Tru-Finder со голем контраст, висока резолуција и одлична видливост кој ги прикажува темнината и боите со врвни детали, а нуди и режим за приказ на слики со поголема стапка на слики од 120 fps (100 fps), за да можете јасно да ги гледате случувањата и лесно да ги следите преку овој електронски визир.

Снимање 4K видеоснимки

Снимањето 4K видеоснимки во формат од 35 мм со обработка на сите точки без соединување на точките овозможува прибл. 2,4 пати повеќе податоци, што е основниот предуслов за 4K (QFHD: 3840 x 2160). Ваквата количина на податоци е всушност еквивалентна на 6K податоци, што значи дека ќе ја добиете најдобрата резолуција од 4K сликите.

Снимање Full HD видеоснимки со 120 fps и забавени видеоснимки до 4x/5x

Снимајте висококвалитетни Full HD снимки, дури и во Full HD со голема брзина од 120 fps (100 fps) со AF со следење и висока бит-стапка до 100 Mbps. Во спротивно, фотоапаратот може да снима забавени видеоснимки до 4x/5x кога стапката на слики е поставена на 30p (25p) или 24p.

Фотографирање со S-Gamut/S-Log

Фотографирањето со S-Gamut/S-Log ви нуди флексибилност за создавање поживописни видеоснимки преку градација на боите по снимањето. Кривите на гамата S-Log3 и S-Log2 нудат широк динамички опсег (до 1300%) за минимизирање на избледувањето и затемнувањето на боите. α6300 нуди дури и импресивна маргина на грешка од 14 чекори во поставките за гамата S-Log3. Фотоапаратот нуди поддршка и за S-Gamut, S-Gamut3 и S-Gamut3. Простор на бои од Sony. *S-Log2 и S-Log3 се наменети за обработка на фотографии.

Одете до Водичот за помош за креатори

Нечујно фотографирање

Режимот за бесшумно фотографирање ја активира блендата без звук, дури и при континуирано фотографирање со прибл. 3 fps и со AF/AE со следење, што е многу практично за фотографирање изведби во затворени простории, животот во дивината и во други ситуации каде што е неопходна тишина. За да го вклучувате/исклучувате овој режим поинтуитивно и подискретно, доделете го на едно од прилагодливите копчиња.

Далечински управувач со еден допир/Споделување со еден допир

Далечински управувач со еден допир го претвора вашиот паметен телефон или таблет-уред во визир/далечински управувач. Споделувањето со еден допир овозможува пренос на фотографиите/видеоснимките во вашиот уред за споделување на социјалните мрежи. Инсталирајте ја апликацијата Imaging Edge Mobile преку Wi-Fi во вашиот уред со Android што поддржува NFC, а потоа допрете го уредот до фотоапаратот за да ги поврзете. Немате NFC? Нема проблем, бидејќи и компатибилноста со новиот QR код овозможува впарување на уредите.

Дознајте повеќе

Подобрен брз и хибриден AF за видеоснимки

Сега, брзиот хибриден AF нуди извонредно прецизен автоматски фокус при снимање видео, што е особено важно за снимање во 4K. Освен со многу густ распоред на AF точки со откривање на фаза, системот α6300 се одликува и со прилагодлива брзина на AF и чувствителност при AF кои ќе ви помогнат да се изразите покреативно преку манипулирање на фокусот, толку колку што дозволуваат условите и вашата фантазија.

AF при зголемување на фокусот

Автоматското фокусирање може да се користи дури и при зголемување на одреден дел од сликата на визирот или LCD екранот, за попрецизно прилагодување на фокусот. Тоа е одлично за макро фотографирање, кога прецизното фокусирање е најважно.

AF со заклучување

Оваа функција автоматски го задржува фокусот врз објектите во движење. Само порамнете го целниот кадар со објектот што сакате да го следите и притиснете го централното копче. Ако објектот ви избега од кадарот, фотоапаратот може да го открие тој објект и да продолжи да ја користи функцијата за AF со заклучување штом објектот се појави во кадарот.

Флексибилна точка која се проширува

Кога избраната AF точка ќе престане да го следи или не е позиционирана врз подвижниот објект, функцијата за флексибилна точка која се проширува автоматски ги насочува околните AF точки за да го вратат фокусот врз тој објект.

Секогаш задржете ги очите во фокусот

Значително прецизниот AF на очи (достапен со AF-C) нуди континуирано автоматско фокусирање на очите на објектот, дури и кога тој е во движење. Оваа сигурна алатка е неверојатно ефективна за поуспешно снимање портрети со помалку неуспешни обиди. 

Висококвалитетен звук (приклучок за микрофон, комплет со XLR адаптер) 

Освен надворешни микрофони, фотоапаратот поддржува и влезен линиски сигнал од аудио уреди со професионални стандарди и XLR приклучок, користејќи XLR адаптер што се продава посебно (XLR-K2M/XLR-K1M) и овозможува поврзување разни врвни микрофони. На тој начин ќе можете да ги прилагодувате поставките за звукот и да снимате видео со висок квалитет/мал шум како професионалците.

HDMI излез за јасна слика

Оваа функција поддржува 4K и Full HD и овозможува репродукција на некомпресирани видеоснимки кон надворешен снимач или монитор. Сликата може да се снима и во фотоапаратот дури и кога сигналите се проследуваат со помош на оваа функција.

Помош за приказ на гамата

Со оваа функција можете да гледате слики со природен контраст додека снимате со поставките за S-Log гама, претворајќи ги S-Log2 и S-Log3 во ITU709 (800%) гама за следење слики или проверување на фокусот при зумирање слики на LCD екранот или визирот.

Напредна функција за црни и бели ленти

Олеснете го следењето на експозицијата, особено при фотографирање со поставките за гамата S-Log. Одредете ниво на светлина за видео сигналот од 0-109%, поставете опсег помеѓу +10% и -10% од таа вредност, а шаблонот со црни и бели ленти ќе ги означи површините со тоа ниво на експозиција во рамките на тој опсег. Новата поставка за минимално ниво на светлина ќе ве предупреди за да избегнете снимање на премногу осветлени делови.

Цврсто куќиште од легура од магнезиум

Благодарение на внатрешните рамки и задниот, горниот и предниот капак изработени од магнезиумска легура, цврстото, издржливо и лесно куќиште на α6300 е посилно во споредба со неговите претходници. Оваа компактна форма е дизајнирана за одлична сигурност и стабилно ракување и може да ги издржи работните услови при снимање на отворено.  

Отпорност на прав и влага

Уживајте во безгрижно фотографирање во опкружувања со лоши услови, благодарение на мерките за отпорност на прав и влага кои спречуваат навлегување вода и прав во куќиштето. Овие мерки вклучуваат заштита околу копчињата и вртливите копчиња, како и заштитна структура со два слоја кои цврсто ги прилепуваат панелите и компонентите.

Робустен приклучок за објектив

Јачината и цврстината на куќиштето и приклучокот за објективи нудат цврста основа за поставување и користење големи и тешки објективи како телефото објективи и објективи претпочитани за снимање видеоснимки.

Напојување преку USB 

Фотоапаратот може да се напојува преку USB врска со компјутер или пренослива батерија. На тој начин ја штедите батеријата на фотоапаратот и го зголемувате времето во кое може да се користи фотоапаратот пред да се испразни батеријата. Кога фотоапаратот е исклучен, батеријата може да се полни преку истата врска.

Снимање во 14-битен RAW формат

При снимање во RAW формат, 14-битниот RAW формат и 16-битната обработка на слика помагаат во зачувување на сите детали и создаваат слики со највисок квалитет и градации со богати тонови. 14-битниот формат RAW (Sony ARW) нуди оптимален квалитет за понатамошно прилагодување на сликите (преку Image Data Converter или друг софтвер).

Минимална брзина на блендата при автоматско ISO

Спречете го заматувањето кај снимките со објекти во движење преку поставување на брзина на бленда за која ISO чувствителноста започнува да се менува при избор на АВТОМАТСКО ISO (во P или A режим, или при NR за повеќе слики).

Поставување име на датотеките

Првите три знаци од името на датотеките можат да се прилагодат во фотоапаратот. Името на датотеките започнува со „DSC“ според зададените опции, но можете да ги промените и да регистрирате три знаци по ваш избор. На овој начин фотографите можат полесно да управуваат со датотеките, особено кога работат на проекти со повеќе фотоапарати.

PlayMemories Camera Apps™

Снимајте ги фотографиите покреативно со оваа услуга за преземање апликации која ви овозможува да му додавате нови функции на вашиот фотоапарат. Изберете помеѓу апликациите Time-lapse која снима слики на одредени интервали и ги комбинира, Smart Remote Control за контрола на поставките преку паметен телефон или таблет-уред, Sky HDR (обработка на слика со висок динамички опсег), Star Trail, Liveview Grading, Smooth Reflection и други апликации. Забелешка: Достапноста на услугите зависи од регионот.

Погледнете ги деталите

Capture One (за Sony)

Capture One Express (за Sony) е бесплатен и награден софтвер за уредување слики што нуди обработка на RAW со врвен квалитет на слика, лесно управување на датотеките со слики и моќни алатки за уредување. Capture One Pro (за Sony) може да го купите за да добиете уште повеќе алатки за уредување и опција за фотографирање преку компјутер.

Бесплатно преземање (одете на веб-сајтот Phase One)

Се користи со iMovie и Final Cut Pro X

Овој производ е компатибилен со Final Cut Pro X и iMovie.

Функции Remote, Viewer и Edit на Imaging Edge™

Подобрете ги вашите фотографии со компјутерските апликации Imaging Edge. Користете ја функцијата „Remote“ за далечинска контрола на фотографирањето; „Viewer“ за брзо прегледување, оценување и избирање фотографии од големи колекции на слики; и „Edit“ за претворање RAW-податоци во висококвалитетни фотографии. Извлечете максимум од RAW-датотеките на Sony и управувајте со снимените материјали поефикасно.

Дознајте повеќе

Imaging Edge™ Webcam

Апликација што го претвора вашиот фотоапарат од Sony во висококвалитетна веб-камера за конференции и проследување во живо.

Повеќе за апликацијата