Сите спецификации и функции

Брз AF систем со широка покриеност

AF системот со откривање на фаза и 79 точки (вклучувајќи и 15 вкрстени точки) се одликува со широка распространетост на точки во најчесто користената централна површина на кадарот. Тој овозможува следење и брзо автоматско фокусирање на објектите во движење.

Софистициран AF алгоритам за следење

Високите перформанси за следење објекти во движење овозможуваат континуирано автоматско фокусирање дури и кога фотографирате континуирано со брзина од 8 fps .

Извонредно автоматско фокусирање при слаба осветленост

Автоматското фокусирање нуди добри перформанси во услови со слаба осветленост со вредност до EV -2, што е еквивалент на ноќ со месечева светлина при која човечкото око тешко може да ги види предметите.

Режими со AF површина

За автоматско фокусирање можете да ги изберете опциите широкоаголно, зона, центрирано, флексибилна точка, флексибилна точка која се проширува и режимот со AF површина со заклучување, кој овозможува фокусирање со прецизно следење на објектот преку оптимизација на големината на кадарот и користење на оптимална AF точка.

Контрола на опсегот на AF

Заклучете го автоматското фокусирање на одредено растојание од фото апаратот за да добиете остри резултати, дури и кога целниот објект накратко е засенет од друг минувачки објект.

Откривање на лице и AF на очи

Функциите за откривање лица со функцијата за регистрирање лица можат да откријат најмногу осум лица во сцената, ја прилагодуваат експозицијата, балансот на белата боја, блицот и други поставки за да снимите прекрасни портрети. AF на очи дополнително го подобрува острото фокусирање на лицата преку откривање очи што ги фокусира.

Сопствена технологија на провидно огледало

Уникатниот дизајн од Sony го заменува подвижното огледало кај DSLR уредите со фиксно провидно огледало, кое овозможува брзо фотографирање со континуирана употреба на прецизен AF со откривање на фаза.

Континуиран AF при снимање Full HD видеоснимки

Снимајте со извонредна брзина и прецизност со континуиран автоматски фокус со откривање на фаза, дури и при снимање Full HD видеоснимки, благодарение на технологијата за провидно огледало.

Вградена стабилизација на сликата

Ефикасна стабилизација на сликата за сите компатибилни објективи, низ целиот опсег на фокусни должини. Помага во стабилизирање на сликата на визирот, кога копчето за блендата е половично притиснато.

APS-C Exmor® CMOS сензор со 24,2 MP

Големиот Exmor® CMOS сензор за слика со приближно 24,2 MP ја зголемува чувствителноста и го намалува шумот благодарение на дизајнот без простор помеѓу чипот и леќите кој ги елиминира празнините помеѓу микролеќите за да овозможи собирање на повеќе светлина.

Голем опсег на чувствителност со макс. ISO 100-25600

Големите опсези на чувствителност со максимална вредност ISO 100-25600 за фотографии и ISO 100-12800 за видеоснимки ви овозможува да добивате резултати со мал шум и природен изглед дури и при слаба осветленост

BIONZ X процесор за обработка на слика

Процесорот обработува огромно количество на податоци од сензорот за да овозможи снимање на врвни слики со голема брзина и низок шум. Напредните вградени функции користат технологија за репродукција на детали за создавање на пореалистични слики, намалување на прекршувањата за корекција на заматените детали и намалување на шумот во одредени површини за појасни слики со повеќе детали, дури и при високи поставки на ISO. Функцијата за намалување на шумот во одредени површини ја дели сликата во области, врз основа на шаблони (како што се рабови, текстури и површини обоени со исти бои како што е синото небо), а потоа применува најсоодветно намалување на шумот за секоја површина.

Поддржува XAVC S формат со 50 Mbps

За неверојатно висок квалитет на сликата и минимален шум, снимајте видеоснимки во XAVC S формат со голема бит-стапка, кој овозможува снимање Full HD слики со брзина од 50 Mbps (60p/50p, 30p/25p, 24p).

Креативна функција за видео

Автоматското и рачното користење нудат многу повеќе од очекуваното. Функциите на AF нудат сигурност, а режимите за експозиција P/A/S/M нудат одлична креативна контрола. Нивото на звукот и контролата на нивото на снимање прикажани на визирот/LCD екранот овозможуваат лесно следење и прилагодување на нивоата на микрофонот/снимањето додека снимате. Прилагодувајте ги сликите со 20 ефекти на слика и 13 креативни стилови.

Екран на горната страна

Оваа функција на фотоапарат од средна класа „што мора да ја имате“ овозможува брзо и едноставно поставување и потврдување, особено кога користите статив.

LCD екран со завртување

LCD екран со можност за завртување (тип 2,7) за прегледно фотографирање под макс. агол од 135 степени нагоре и 55 степени надолу, кој ќе ви овозможи да фотографирате над главите на луѓето во толпата или на земја за да добиете прекрасна перспектива од миленичињата и цвеќињата. Светлината може да се прилагоди.

Контролно тркалце

Контролното тркалце на задната страна е популарно кај корисниците на фотоапарати од серијата α7, а неговата функција можете да ја промените според намерата за фотографирање за брзо менување на поставките на фотоапаратот додека гледате низ визирот.

OLED Tru-Finder со 100% покриеност на сликата

Благодарение на придобивките што ги нуди OLED од градацијата на тоновите, репродукцијата на боите и контрастот, овој електронски визир прикажува реалистични слики. Исто така, ви овозможува да споредувате различни ефекти при менување на поставките, како и да користите функции за помош при MF и прегледување за да можете детално да го прилагодите фокусот и да прегледувате снимки, вклучувајќи ги и оние со ефекти на дефокусирање.

Прилагодливи функциски копчиња

Доделете ги често користените функции на прилагодливите копчиња по ваш избор. Доделете им функции на 11-те копчиња за да активирате која било од 49-те функции, за побрзо и поинтуитивно ракување.

Приклучок за повеќе интерфејси и повеќенаменски приклучок

Приклучокот за повеќе интерфејси ви овозможува да приклучите широка палета на галантерија, вклучувајќи блиц со голем капацитет, видео светло или микрофон со насочување за да снимате видео на подобар начин.

Картички во боја во менито за поставки

Секоја картичка во менито за поставки има различна боја за интуитивно ракување.

Функции Viewer и Edit на Imaging Edge™

Подобрете ги вашите фотографии со компјутерските апликации Imaging Edge. Користете „Viewer“ за брзо прегледување, оценување и избирање фотографии од големи колекции на слики; и „Edit“ за претворање RAW-податоци во висококвалитетни фотографии. Извлечете максимум од RAW-датотеките на Sony и управувајте со снимените материјали поефикасно.

Дознајте повеќе

Capture One (за Sony)

Capture One Express (за Sony) е бесплатен и награден софтвер за уредување слики што нуди обработка на RAW со врвен квалитет на слика, лесно управување на датотеките со слики и моќни алатки за уредување. Capture One Pro (за Sony) може да го купите за да добиете уште повеќе алатки за уредување и опција за фотографирање преку компјутер.

Бесплатно преземање (одете на веб-сајтот Phase One)