Функции
Семплирање со 96 kHz за детален звук
Амбиенталните текстури и суптилните детали во вокалите се снимаат со стапката на семплирање од 96 kHz, за детално снимање кое ги максимизира перформансите на професионалните микрофони. Со микрофоните компатибилни со Hi-Res Audio може да снимате и фреквенции над 20 kHz, за поголема флексибилност во обработката по снимањето и за внесување длабочина и реалистичност во вашите дела. [1] 48 kHz [2] 96 kHz
32-битен Float за флексибилна обработка по снимањето
Снимањето во 32-битен Float-формат со компатибилни фотоапарати нуди широк динамички опсег и значително го намалува ризикот од отсекување при приспособување на нивоата за време на уредувањето. Тоа овозможува пофлексибилни работни процеси за обработка по снимањето и ја намалува потребата за прецизно приспособување на засилувањето за време на снимањето. [1] Снимање на гласот на говорникот [2] Снимање ненадеен гласен звук
Два ADC за широк динамички опсег
За максимизирање на перформансите на висококвалитетните микрофони, вградени се два аналогно-дигитални конвертори (ADC) кои функционираат при избирање различни нивоа на засилување, за верна репродукција на широк динамички опсег, почнувајќи од екстремно тивки, па сè до гласни влезни звуци. Со XLR-адаптерот со два ADC, снимениот звук се претвора во дигитални податоци во 32-битен Float-формат, кој го зачувува целиот динамички опсег и овозможува поголема флексибилност во обработката по снимањето, без потреба од прецизни приспособувања на засилувањето при снимањето.
4-канален влез за звук
Поддршката за 4-канален влез за звук овозможува истовремено снимање со повеќе микрофони на независни звуци, за флексибилно уредување. Безбедносните канали со различни поставки за засилување и флексибилното доделување на влезовите со CH1–CH4 нудат поголема сигурност и креативна контрола.
Практичноста на екосистемот на Sony
Треба само да го приклучите XLR-адаптерот во приклучокот за повеќе интерфејси (MI)™ на некој од компатибилните фотоапарати, за да овозможите аудиоврски и напојување без кабли и батерии. Поддршката за Hi-Res Audio-микрофони и снимањето во форматот Float со 32 бита / 96 kHz ви овозможуваат да добиете висококвалитетен звук, кој е погоден за уредување, со функцијата за независно снимање во форматот Float WAV со 32 бита.
Интуитивно ракување
Прегледниот распоред го подобрува ракувањето, со лампи за преголемо оптоварување (OL) на секој влез, за моментално следење на нивоата. Прекинувачите LOW CUT и ATT (стишување звук) и рачните вртливи копчиња за засилување се групирани на една страна, за да овозможат флексибилно и интуитивно поставување на секој излезен канал.
Продолжителен кабел за звук со приклучок за повеќе интерфејси (испорачан)
Испорачаниот продолжителен кабел за звук со приклучок за повеќе интерфејси нуди флексибилни опции за монтирање. Дури и ако го користите со механизам за стабилизација, тој овозможува адаптивна инсталација за да добиете оптимален распоред за различни опкружувања за фотографирање.
Голема издржливост за професионална употреба
Нископрофилниот и зацврстениот дизајн нуди голема издржливост за теренско користење, а нискиот центар на гравитација го намалува оптоварувањето врз приклучокот за повеќе интерфејси (MI). Ако го користите со испорачаниот додаток за прицврстување на продолжителниот кабел за звук со приклучок за повеќе интерфејси, тогаш монтирањето ќе биде стабилно и сигурно дури и при долго ракување.
Поддршка за USB-излез за звук
Вградениот USB Type-C®-приклучок нуди директно поврзување со компјутер, за да го користите без фотоапарат при снимање во музичко студио и емитување аудиопоткасти. Испорачаниот мини држач нуди стабилност и флексибилност.
Испорачана галантерија
XLR-адаптерот се испорачува со неколку практични додатоци, вклучувајќи [1] Футрола, [2] Мини држач, [3] Додаток за прицврстување на продолжителниот кабел за звук со приклучок за повеќе интерфејси, заедно со самиот [4] Продолжителен кабел за звук со приклучок за повеќе интерфејси, и две [5] Капачиња за заштита на приклучоците.
Еколошка свест
Целта на проектот за животна средина „Road to Zero“ на Sony е елиминирање на штетното влијание врз животната средина до 2050 година. За изработка на XLR-адаптерот се користени рециклирани материјали, кои сочинуваат повеќе од 22% од тежината на пластиката на главниот уред, вклучувајќи го и нашиот издржлив материјал SORPLAS™. Исто така, преминуваме на користење материјали за пакување без пластика.