4K квалитет на слика

Снимајте 4K видеоснимки што содржат приближно четири пати повеќе детали од записите во Full HD (3840 x 2160 точки наспроти 1920 x 1080) и снимете повеќе од извонредните квалитети што нудат неверојатна реалистичност на сликите.

Нов сензор за слика, ексклузивно за 4K

Новосоздадениот сензор за слика, со приближно 1,6 пати поголема големина на точки, нуди извонредна чувствителност за снимање прекрасни и висококвалитетни слики со помал шум во темнина и во светли услови.

Нов Vario-Sonnar T* објектив за 4K од ZEISS®

Овој нов објектив помага во прикажување извонредни детали од висококвалитетни 4K слики низ целиот негов опсег од широк агол до телефото. Употребата на AA (напреден асферичен) објектив не само што овозможува реалистично прикажување, туку и компактни димензии за објективот. ED (исклучително мала дисперзија) објективот придонесува за прецизна репродукција на боите. Повеќеслојната T* облога од ZEISS® дополнително го зголемува квалитетот на сликата преку намалување на несаканите рефлектирања, како одблесоци и отсјај.

Широкоаголен објектив до 26,8мм

Без разлика дали снимате видеоснимки или фотографии, врвниот широкоаголен објектив ќе ви помогне да снимите поголема површина од пејзажите и сцените во затворени простории, кога немате доволно простор да направите чекор наназад. Дури и без објектив за широкоаголна конверзија, видеокамерата снима широкоаголно до 26,8мм (16:9 сооднос на слика) во режим за снимање видео.

Балансиран оптички SteadyShot™ 

Напредната стабилизација на сликата го намалува тресењето на камерата за да ја стабилизира видеоснимката за време на снимањето со опсег на зумирање од широк агол до телефото. Во режимот за снимање во HD, таа дополнително ги намалува ефектите предизвикани од тресењето на камерата дури и во нестабилни услови, со помош на интелигентниот активен режим со 5 оски кој ги компензира вибрациите во пет различни насоки за да можете да снимате стабилни и висококвалитетни видеоснимки дури и кога трчате.

AF со брз одзив за снимање на пресудните моменти

Брзиот и интелигентен AF нуди многу брз и прецизен автоматски фокус со откривање на контрастот преку минимизирање на движењето на објективот, предвидување на опсегот за AF и забрзување на движењето на објективот, поради што се подобрува одзивот и можете да ги снимите најкратките моменти.

Обемни можности за фотографирање со зум 

Објективот со 20x оптички зум и јасно зумирање на слики до 30x/40x (за 4K/HD) ви овозможува да фотографирате далечни објекти и да снимате моменти за паметење.

Реалистично снимање гласови, музика и други звуци

Неговиот нов структурен дизајн му овозможува на микрофонот да собира појасни звуци од пет насоки со прибл. 40% помалку шум и двојно поефикасен 2-кан. стерео звук (за снимање XAVC S) и три пати поефикасен 5.1-кан. опкружувачки звук (за снимање AVCHD). На овој начин може да репродуцирате реалистичен звук со јасно дефинирано раздвојување.

Снимање со голема брзина во Full HD за висококвалитетни забавени движења

Снимајте во Full HD со 120/100 fps (NTSC/PAL), уредувајте го снимениот материјал по снимањето, а добиените слики со забавени движења од видеоснимката ќе изгледаат неверојатно јасни и остри при гледањето. Тоа е одлично за прегледување со повеќе детали во забавени движења, за спорт и за секојдневни дејства што се премногу брзи во реално време за да се видат јасно.

Погледнете ги деталите

Снимање забрзани снимки во 4K

Можете континуирано да снимате фотографии во 4K големина во подолг временски период со избран фиксен интервал помеѓу сликите, да ја уредите целата низа фотографии по обработката и да уживате во репродукција на таа серија слики во вид на видеоснимка со забрзани движења.

Подобрена репродукција во Full HD

Подобрете го вашето доживување при гледањето дури и без 4K телевизор. Користејќи семплирање, камерата автоматски ги конвертира 4K снимките во Full HD со исклучителен квалитет. 

Делумна репродукција

Можете да изберете одреден дел од сликата и да го репродуцирате во Full HD, благодарение на високата 4K резолуција. Исто така, можете да ја менувате големината на отсекот со рачката за зумирање или со иконата прикажана на екранот.

Напредни функции за снимање

Уживајте во целосното прилагодување кое го нудат ергономските рачни контроли. Користете го повеќенаменскиот прстен за рачно управување за да го прилагодите зумот, фокусот, експозицијата, ирисот, брзината на блендата, AE поместувањето или режимот за поместување на балансот на белата боја откако ќе го употребите копчето за рачно управување за да го изберете режимот. Електронскиот визир нуди прецизно прегледување на сликите.

Временски код / кориснички податоци

Во видеоснимките може да додадете временски код и кориснички податоци како податочни елементи. Функцијата за временски код ги зачувува часовите/минутите/секундите/сликите во податоците за сликата, за прецизно и напредно уредување на видеоснимките. Функцијата за кориснички податоци зачувува информации како датум/време/број на сцена итн. во произволни броеви со осум цифри и е практична за уредување видеоснимки од две или повеќе камери. 

Извонреден квалитет на слика

Благодарение на XAVC S форматот, кој е развиен од XAVC форматот за професионална употреба, снимањето со високи бит-стапки во 4K со 100 Mbps и Full HD со 50 Mbps резултира со неверојатно квалитетни слики. Сепак, податоците во форматот XAVC S се компресирани за да бидат попрегледни за обичните корисници.

Извонредно ноќно снимање

Оваа функција користи инфрацрвена светлина за да снима слики дури и во потполна темнина. Со функцијата за ноќно снимање, родителите лесно ќе можат да ги снимат слатките лица на своите заспани деца.

Функција за откривање на лице и бленда за насмевки

Користете ја функцијата за откривање лица за да го оптимизирате фокусот, експозицијата и бојата на најважните луѓе во фотографијата. Можете да изберете приоритет за лицето на објектот, допирајќи ја таа точка на LCD екранот. Со помош на блендата со функција за насмевки, камерата може автоматски да снима и фотографии од одлични (но кратки) насмевки, дури и при снимање видеоснимки.

AF со заклучување

Нуди подобро следење на подвижните објекти со користење на оптималната AF точка во секое време и ја прилагодува големината на кадарот за да одговара на карактеристиките на вашиот објект. Треба само да го допрете објектот на LCD екранот за да го заклучите фокусот прецизно врз целта што се движи брзо и да ја снимите. 

Голф снимка

Анализирајте го вашиот замав без потреба од скапа опрема. Режимот за голф удар ви овозможува да снимате видеоснимки и фотографии од секој чекор од вашиот замав.

Микрофон со 5.1-кан. опкружувачки звук

Снимајте чист звук што прецизно ја доловува атмосферата на сцената и уживајте во репродукцијата со опкружувачки звук на вашиот систем за домашно кино. Мерачите на ниво на LCD панелот нудат визуелно следење на јачината на звукот на секој канал.

Поништување на мојот глас

Намалете го интензитетот на гласот на корисникот што снима и стои зад камерата, без разлика дали корисникот зборува со субјектите или навива гласно.

Функција за снимање движења

Оваа корисна функција овозможува репродукција на низа фотографии поставени една врз друга за да го следите секој миг од случувањата и претставува моќна алатка за анализирање на спортските движења на екранот. За време на репродукцијата можете да го прилагодувате интервалот меѓу сликите или да паузирате за да снимате фотографии што ќе ги споделите со пријателите.

Highlight Movie Maker

Повеќенаменската функција за ефикасно уредување видеоснимки Highlight Movie Maker нуди неколку функции кои заштедуваат време. Додајте точки за нагласување на клучните моменти при снимањето и видеокамерата автоматски ќе ги синхронизира транзициите на видеоснимките со музиката. 

Двојно снимање на видео

Снимајте две видеоснимки истовремено - една со максимален квалитет во XAVC S или AVCHD формат, а друга во MP4 формат. Така ќе имате мал фајл подготвен за моментно споделување, како и професионален фајл за понатамошно уредување.

Проследување во живо преку Ustream (во моментот IBM Cloud Video)

Од изведби до спортски настани, некои работи е најдобро да се гледаат во живо. Споделувајте ги сцените во реално време, со висококвалитетна слика и звук. 

Контрола на повеќе камери

Повеќе снимки значат повеќе можности за уредување. Лесно снимајте видеоснимки од различни агли, без разлика дали користите камери поставени директно на Handycam® камера или камери со безжично активирање. Контролата на повеќе камери го олеснува синхронизирањето на поставките за снимање кај компатибилните уреди поврзани преку Wi-Fi®.

Далечински управувач со еден допир и споделување со еден допир

Далечинскиот управувач со еден допир ви овозможува да го користите паметниот телефон или таблет-уредот како визир и далечински управувач за дигитални фотоапарати, а споделувањето со еден допир ви овозможува да префрлувате фотографии и видеоснимки од вашиот фотоапарат. Без разлика за што ќе се одлучите, со инсталирање на апликацијата Imaging Edge Mobile во вашиот паметен телефон или таблет-уред со Android што поддржува NFC, ќе ги избегнете сложените поставки и ќе воспоставувате безжична врска со допирање на вашиот уред до фотоапаратот. Сега можете да го контролирате фотоапаратот преку паметниот телефон и да фотографирате од места кои претходно не ви биле достапни, или да бидете присутни во сопствената групна снимка, како и да префрлувате содржини во паметниот телефон за да ги споделите на SNS. Немате NFC? Нема проблем. Уредите можете да ги впарите и рачно.

Дознајте повеќе

Xtra Fine LCD екран со WhiteMagic™ технологија

Xtra Fine LCD екранот со висока прецизност се одликува со приказ со WhiteMagic технологија која користи бели точки како дополнение на RGB точките за да ја зголеми светлината на екранот, овозможувајќи им на корисниците да ги гледаат ситните детали и тонови на екранот во секакви опкружувања за снимање, дури и во надворешни услови при силна сончева светлина.

Се користи со iMovie и Final Cut Pro X

Овој производ е компатибилен со Final Cut Pro X и iMovie.