Подобрете го вашиот фото апарат за да уживате во полесно снимање.
RX0 нуди неограничени можности сместени во цврсто и мало куќиште, најсовремени перформанси за обработка на слика и цврст дизајн за секакви услови и разновидни опкружувања, независно дали се користи самостојно или во системи со повеќе уреди и галантерија. Благодарение на големата креативна слобода за фотографирање, ќе имате неограничена моќ за реализирање на вашата замисла.
Висококвалитетна обработка на слика од серијата RX е вградена во неверојатно цврсто, издржливо и компактно куќиште. Заедно со сензорот Exmor RS™ CMOS и процесорот за слика BIONZ X™, квалитетот на овој фотоапарат и неговиот дискретен дизајн што може да се носи насекаде ќе ви обезбедат поголема креативна слобода за секоја прилика за фотографирање.
Иновациите на сензорот за слика овозможуваат различни начини на изразување што досега биле можни само со професионална опрема.
Меморискиот чип DRAM [1] со подредена структура овозможува брзо читање, а тоа придонесува за врвни перформанси во многу аспекти, вклучувајќи и снимање забавени движења.
Неговото цврсто куќиште од дуралуминиум и извонредно компактните димензии овозможуваат полесно снимање на одлични слики. Тој може да издржи голема тежина, удари и вода и функционира сигурно при фотографирање во лоши услови.
Водоотпорност на длабочина до 10 м/33 ft без подводно куќиште.
Отпорност на удари при паѓање на земја од висина до 2,0 м/6,5 ft.
Неверојатно сигурниот и цврст RX0 е отпорен на кршење со тежина до 200 kgf/440 lbf/2000 N.
Одликувајќи се со професионални функции за снимање прекрасни слики, силниот и компактен RX0 ви нуди простор и слобода за да добиете поголема инспирација.
Снимајте висококвалитетни видеоснимки со забавени движења и висока стапка на слики до 960 fps/1000 fps (40x повеќе од нормалната стапка на слики).
Неверојатно брзата бленда го намалува изобличувањето во сликите од објектите што се движат брзо.
[1] Стандардна бленда со вртење [2] RX0 со бленда што спречува изобличувања
Снимајте слики со брзина до 16 fps за да доловувате подвижни објекти со јасни детали.
Поставките за профил на слики и S-Log2 гама придонесуваат за видеоснимки со професионален стил.
Снимајте некомпресирани и висококвалитетни 4K податоци на надворешен снимач.
Минијатурните димензии и разновидните опции ви нудат максимална слобода да го носите и користите RX0 насекаде на креативни начини - дури и со други RX0 фотоапарати поставени наоколу за снимање од различни перспективи. Самостојно или како дел од цел систем со повеќе фотоапарати, RX0 може да ве инспирира и да ви отвори нови извонредни можности за снимање.
Фотографирање од повеќе агли на едноставен начин
Оптичките оски на фотоапаратите RX0 што се користат заедно може да се прилагодуваат за да добиете флексибилни системи, благодарение на минималистичкиот и симетричен дизајн на фотоапаратите.
Жична контрола за повеќе фотоапарати со кутијата за контрола CCB-WD1
Добијте поголема флексибилност и прецизност кога фотографирате со повеќе фотоапарати со жична LAN-врска. Таа овозможува рамномерна далечинска контрола на фотоапаратите, прецизна синхронизација на повеќе фотоапарати и лесно префрлување на датотеки.
Послободно и безжично поставување на фотоапаратите
Паметен телефон или таблет-уред со Imaging Edge Mobile може да контролира повеќе фотоапарати RX0.
RX0 има минимални физички димензии и дизајн, но нуди неверојатно интелигентни и разновидни можности. Колку повеќе галантерија и други фотоапарати користите со него, толку повеќе ќе осознаете колку внимателно е обмислен секој аспект на системите со повеќе фотоапарати за да ги задоволите вашите потреби за фотографирање и креативни амбиции.
Подобрете ги фотографиите со Imaging Edge. Користете „Remote“ за контрола и следење на фотографирањето преку компјутер; „Viewer“ за брзо прегледување, оценување и избирање фотографии; и „Edit“ за претворање RAW-податоци во висококвалитетни фотографии. Извлечете максимум од RAW-датотеките на Sony и управувајте со снимените материјали поефикасно.
Capture One Express (за Sony) е бесплатен софтвер што нуди обработка на RAW, лесно управување и алатки за уредување. Capture One Pro (за Sony) може да го купите за да добиете уште повеќе алатки за уредување и опција за фотографирање преку компјутер.
Imaging Edge Webcam овозможува користење на фотоапарат од Sony како висококвалитетна веб камера со широка компатибилност, за одлични проследувања во живо и конференции.
