Филмски слики со прекрасни ефекти на дефокусирање

Снимајте прекрасни филмски слики со извонредна резолуција - квалитет што е препознатлив за објективите G од Sony. Фиксната голема решетка T3,1 (F2,8), од широк агол до телефото, нуди неверојатни ефекти на дефокусирање и длабочина на заднината.

Рачна контрола со брз одзив 

Прилагодувајте го фокусот, зумот и ирисот со рамномерна и доследна прецизност. Оптиката за континуиран фокус и прстените за прецизна контрола нудат разновидни опции при снимањето со камери од голем формат како VENICE, PXW-FX9 и фотоапаратите без огледало Alpha.

Обемна контрола

Отстранливиот серво мотор ви нуди пристап и до најновите алатки за снимање видео што се ексклузивни за системот со E-приклучок од Sony. Користете го брзиот и прецизен AF за брзо фотографирање, моќен серво зум, фокусирање со следење и контрола на ирисот - директно преку вашата камера, далечински или преку паметен телефон, за да ја зголемите креативноста и ефикасноста.

Нови и повисоки нивоа на резолуција и дефокусирање

Овој објектив се одликува со два XA (екстремно асферични) елементи од Sony со површинска прецизност од 0,01 микрони. Изобличувањето што се појавува кај широкоаголните објективи со зум се контролира беспрекорно, исто како и астигматизмот и искривувањето на полето. Непривлечните прстенести ефекти на дефокусирање се елиминираат ефикасно со XA (екстремно асферични) елементи за добивање рамномерно и прекрасно дефокусирање во површините што не се во фокус.

Дознајте повеќе

Острина и контраст при секакво осветлување

Оригиналниот анти-рефлективен нано слој од Sony ги намалува неправилните рефлектирања што можат да предизвикаат одблесоци и отсјај во сцени со задно или недоволно осветлување, за да добиете доследно висок контраст и острина. Отсуството на одблесоци под многубројни агли на паѓање на светлината овозможува поголема флексибилност при обликување на кадарот, особено при широкоаголни фокусни должини. (1. Анти-рефлективен нано слој / 2. Стакло / 3. Пропуштената светлина)

Дознајте повеќе

11-те ливчиња создаваат поубави ефекти на дефокусирање

Оригиналната кружна решетка со 11 ливчиња од Sony овозможува уште поквалитетни ефекти на дефокусирање. Дизајнот и материјалите се ревидирани за да имаат кружна форма, а се применуваат и строги стандарди за заобленост за да добиете максимална убавина од ефектите на дефокусирање што ги создава објективот.

Дознајте повеќе

Прецизен и брз рачен фокус

MF со линеарен одзив нуди рамномерен рачен фокус без доцнење, овозможувајќи им на снимателите и операторите за снимање прецизно и интуитивно прилагодување на фокусот. Прстенот за фокусирање нуди голем агол на ротација од 140 степени за попрецизна контрола и ознаки за оддалечувањето за доследно ресетирање на фокусот измеѓу снимањата.

Повеќе опции за креатори на содржини

SELC1635G има дијаметар од 114 мм и запчаник со стандардно индустриско растојание од 0,8 мм помеѓу запците за да биде компатибилен со многубројна галантерија почнувајќи од сенила па сè до системи за фокус со следење. Исто така, прстенот за зумирање може да ротира во спротивна насока за да ги задоволи потребите на креаторите што користат одредени системи на објективи за фотографирање.

Отстранлив серво мотор за зум

Вклучениот серво мотор нуди удобна и лесно достапна контрола за рамномерно и постепено зумирање што е потребно за драми со бавни движења или промотивни видеосодржини. Контролите за серво и рачен фокус може да се изберат со копче на самиот објектив, а кога е избрана опцијата серво, зумот може да го контролирате преку рачката или држачот за зумирање на камерата. Исто така, серво моторот може да го отстраните доколку сакате.

Брз и прецизен AF и AE

SELC1635G нуди целосна поддршка за напреден и хибриден автоматски фокус (AF) со откривање фаза/контраст и автоматска експозиција (AE) со камерата FX9 за целосна слика. Оваа револуционерна технологија ви овозможува да се фокусирате на обликување на кадарот, а камерата и објективот ќе ги задржат субјектите во фокус со мала длабочина на полето.

Брз и прецизен автоматски фокус

Лебдечкиот систем за фокусирање го придвижуваат два пиезоелектрични механизми DD-SSM (суперсоничен мотор со директен погон). Уникатниот дизајн од Sony ги придвижува двете независни групи на елементи за фокусирање за да овозможи голема брзина и прецизност, како и тивко движење. Поради тоа, освен за фотографирање, тој е идеален и за автоматско фокусирање при снимање видео.

Дознајте повеќе

Голема сигурност во лоши услови

Дизајнот на овој објектив е отпорен на прав и влага за дополнителна заштита и сигурно ракување во опкружувања со лоши услови. Снимајте сигурно во услови кога роси или дува ветер.

Дознајте повеќе