Зголемувањето поголемо од 1:1 и минималното фокусно растојание од 0,26 м (0,86 ft) го прават овој објектив идеален за макро фотографирање. Перформансите за фотографирање одблиску со големо зголемување овозможува да се доловат речиси невидливи детали од нови перспективи. Поддршката за телеконвертори овозможува зголемување до 2,8x, кое може да открие нови нивоа на детали и текстури, а притоа нуди доволна оддалеченост при работењето за голем опсег на субјекти.

Напредниот оптички дизајн го оптимизира распоредот на елементите, а притоа лебдечкиот механизам за фокусирање ги минимизира различните аберации, кои се честа појава кај макро објективите, за да обезбеди висока резолуција дури и кај сликите снимени на екстремно мало растојание. Анти-рефлективниот нано слој II ги зголемува контрастот и острината преку спречување на одблесоците и отсјајот. Решетката F2,8, двата елементи XA (екстремно асферични), двата елементи ED (исклучително мала дисперзија) и решетката со 11 сечила создаваат прекрасен ефект на дефокусирање со G Master.

Овој извонреден објектив има оптичка стабилизација на слика која е внимателно приспособена за макро фотографирање, во случаи кога острината е најважна, а има и нов систем за контрола кој нуди подобра контрола на аголот, поместувањето и длабочината, за прецизна и сигурна стабилизација при рачно макро фотографирање. Исто така, компатибилните куќишта α овозможуваат комуникација помеѓу објективот и куќиштето која ја подобрува стабилизацијата и кај фотографиите и кај видеоснимките (активен режим).
[1] Странично вртење [2] Вртење нагоре

Четирите линеарни XD-мотори (екстремно динамички) ја движат групата елементи на лебдечкиот фокус, овозможувајќи до 1,9x побрз AF за широк опсег на вредности во режимот AF-S. И следењето е одлично, што придонесува за полесно фотографирање макро субјекти кои се движат брзо, како што се пчелите на цветовите. Овој систем лесно одржува чекор со максималната брзина од 120 fps на α9 III. Исто така, погонот за фокусирање е тивок, што значи дека шумот при фокусирањето нема да пречи на звукот кога снимате видео.

Силиконските заптивки околу сите копчиња и преклопници, гумената прстенеста заптивка на приклучокот за објективи и другите подобрувања придонесуваат за дизајн со ефикасна отпорност на прав и влага, кој нуди максимална сигурност во лоши надворешни услови. Предниот елемент на објективот има слој со флуор кој нуди заштита од нечистотии и нивно лесно бришење во случај да се акумулираат на површината на објективот.