Врвна резолуција при зум од 100 мм до 400 мм

Опсегот на зумирање од 100-400 мм е идеален за доловување диви животни, птици, спортови, фоторепортерство и многу повеќе. Изборниот телеконвертор може да ја прошири фокусната должина до 800 мм, за да добиете уште поголем дострел. Елементот ED XA (екстремно асферичен со исклучително мала дисперзија) и елементите XA, Super ED и ED ги минимизираат хроматската и сферичната аберација, за да добиете висока резолуција низ целиот опсег на зумот.

Дознајте повеќе за леќата XA (екстремно асферична)

Минимални одблесоци и прекрасни слики одблиску

Оригиналниот антирефлективен нано слој II од Sony ги намалува одблесоците и отсјајот, за да добиете неверојатна острина и контраст дури и во услови со лошо осветлување. Лебдечкиот фокус овозможува задржување на максималната резолуција низ целата површина на сликата, дури и при снимање слики одблиску со зголемување од 0,25x и минимално фокусно растојание.

Дознајте повеќе за aнти-рефлективниот нано слој II

Фиксна максимална решетка F4,5

Максималната решетка има фиксна вредност од F4,5 низ целиот опсег на зумот. Не е потребно да ги менувате брзината на блендата или чувствителноста за да ја задржите оптималната експозиција кога зумирате, па затоа може целосно да се концентрирате на кадарот и фотографирањето.

Извонреден ефект на дефокусирање од класата на G Master™

Кружната решетка со 11 сечила и двата елементи XA, вклучувајќи и еден елемент ED XA (екстремно асферичен со исклучително мала дисперзија), придонесуваат за извонреден ефект на дефокусирање од класата на G Master. XA-елементите ефикасно го намалуваат непријатниот ефект на прстенестото дефокусирање. Квалитетот на ефектот на дефокусирање се подобрува уште повеќе со внимателното приспособување на секоја леќа, а елементите од ED-стакло и Super ED-стакло (исклучително мала дисперзија) го минимизираат разлевањето на боите.

Дознајте повеќе за кружната решетка

Брз и прецизен AF со следење

Напредните алгоритми и четирите линеарни XD-мотори на Sony ги движат групите елементи на лебдечкиот фокус за да овозможат 3x побрз AF. Перформансите за следење се подобрени до 50%. Со куќиштето на α9 III добивате сигурно следење со AF при секвенцијално фотографирање до 120 fps.

Дознајте повеќе за линеарниот XD-мотор

Одличен избор за видеоснимки

Најсовремената технологија за објективи овозможува ефикасно намалување на промените во фокусната должина и поместувањата на фокусот и оската при зумирањето, за јасен и професионален изглед на проследувањата и видеозаписите. Исто така, системот за погон со линеарен XD-мотор е извонредно тивок, што значи дека звукот во видеозаписите нема да се уништи поради шумот или вибрациите на моторот.

Мала тежина за безгрижно снимање

Деловите од магнезиумска легура и внимателно обмислениот дизајн придонесуваат за извонредно мала вкупна тежина од само 1.840 г за објектив со извонреден телефото зум од 100-400 мм. Внатрешниот зум ги минимизира промените во центарот на гравитацијата при зумирањето, што дополнително го подобрува ракувањето и го минимизира оптоварувањето на корисникот. Дури и вртежниот момент на зумот е оптимизиран, за да овозможи непречено ракување.

Оптичка стабилизација со високи перформанси

Напредната оптичка стабилизација работи заедно со вградената стабилизација на α, за да постигне неверојатни резултати. Изборните режими MODE 2 и MODE 3 нудат оптимална стабилизација за фотографирање при поместување и за подвижни субјекти. Исто така, системот ја поддржува стабилизацијата со активен режим на куќиштето α, обезбедувајќи врвна стабилизација и за видеоснимки и за фотографии.

Дознајте повеќе за оптичкиот SteadyShot

Приспособување кон сите стилови на фотографирање

Четирите копчиња за задржување на фокусот овозможуваат лесен пристап. Прстенот за функции може да се постави да го контролира однапред поставениот фокус за брза регистрација и повикување на одредена фокусна точка, да избира помеѓу APS-C/целосна слика, за брзо избирање зум кој е еквивалентен на зум од 1,5x, или да го контролира моторизираниот фокус. Исто така, достапни се преклопник за рамномерност на зумот и сигурносен отвор.

Дознајте повеќе за копчето за задржување на фокусот

Сигурност во лоши услови

Освен дизајнот кој е отпорен на прав и влага, надворешната површина на предниот елемент има слој од флуор кој спречува појава на отпечатоци од прсти, прав, вода, масло и други нечистотии. Исто така, слојот овозможува лесно чистење на површината на објективот.

Дознајте повеќе за дизајнот што е отпорен на прав и влага

Рециклирани материјали во нашите објективи

Како дел од нашата иницијатива Road to Zero, повеќе од 22% од вкупната пластична тежина на овој производ содржи рециклирана пластика. На ниво на компоненти, соодносот на рециклирани материјали ги отсликува потребите за перформанси: повеќе од 11% од пластиката во цилиндарот на објективот содржи рециклирана пластика, повеќе од 41% во сенилото на објективот и повеќе од 78% во капачињата на објективот.

Материјали за пакување што можат да се рециклираат и не содржат пластика

Како дел од нашата иницијатива Road to Zero, преминуваме на користење материјали за пакување без пластика. За торбите за производи се користат растителни и неплетени материјали.