Слушалките WH-CH520 се удобни за носење цел ден и ќе ве забавуваат во домот и во движење. Прочитајте како брзо и лесно да ги поставите, дознајте за главните функции и оптимизирајте го звукот за да добиете уникатно доживување.
При првото вклучување на слушалките, режимот за впарување се активира автоматски. Има три начини за впарување на WH-CH520 со вашиот уред.
Ставете ги слушалките во режим на впарување во близина на вашиот телефон со Android и Fast Pair ќе ги поврзе со еден допир.
Кога ќе го изберете режимот за впарување, на уредите со Windows 11 или Windows 10 во близина ќе се прикажат инструкции за впарување.
Притиснете го и задржете го копчето за вклучување 5 секунди. Индикаторот ќе почне да трепка по двапати и ќе ја слушнете пораката „впарување“.
Преземете Sony | Headphones Connect за да ги прилагодите поставките, како поврзување со повеќе уреди, поставките за звук и многу повеќе. Некои од поставките спомнати на оваа страница може да се прилагодат по ваша желба преку апликацијата.
За да пристапите до сите достапни функции во апликацијата мора да се најавите или да направите сметка.
Поврзете ги вашите слушалки со два уреди со Bluetooth® истовремено, за да можете да чекате дојдовни повици на едниот уред и да слушате музика од другиот уред.
Прилагодете ги поставките на еквалајзерот и поставките за проследување и зголемување на квалитетот за да уживате во подобро доживување при слушањето.
Пронајдете звук што е совршен за вас и содржините што ги слушате со помош на еквалајзерот, поставките за висококвалитетен Bluetooth® и подобрување на звукот со DSEE. Во апликацијата „Sony | Headphones Connect“, одете во [Sound] (Звук) за да пристапите до овие функции и да ги прилагодите.
Управувајте лесно со повиците преку слушалките WH-CH520 со помош на копчињата на слушалките - нема потреба ниту да го вадите телефонот од џеб.
Вградениот микрофон е поставен блиску до вашата уста за да го доловува јасно вашиот глас.
Намалувањето на шумот го намалува амбиенталниот звук за време на повиците - идеално за во бучни домови или телефонски разговори во кафе-барови.
Дознајте како да уживате во ново аудиодоживување со револуционерниот 360 Reality Audio.
360 Reality Audio нуди прекрасно музичко доживување со кое вашите слушалки WH-CH520 создаваат сферично звучно поле од 360 степени - за да уживате во музика од сите страни. Отворете ја апликацијата Sony | Headphones Connect за да започнете.
Почнете да слушате 360 Reality Audio и дознајте како да проследувате песни со 360 Reality Audio од телефонот.
Дознајте како работат функциите за гласовен помошник и брзо полнење.
Дознајте како да користите гласовен помошник со вашите слушалки WH-CH520. Треба само да кажете „Hey Google, what is the weather today?“ за да одлучите дали да го понесете палтото пред да излезете.
Кликнете двапати врз средното копче за да го активирате Google Assistant (Android) или Siri (iPhone) и да добиете помош без прекини во вашата работа.
Енергија за цел ден и брзо полнење.
Ако се брзате, брзото полнење ќе ви помогне многу. Со брзо полнење од 3 минути ќе добиете до 1,5 часа за репродукција.
Дознајте како да ги чистите вашите слушалки WH-CH520 правилно, без да ги оштетите.
Ако слушалките се валкани, избришете ги со мека и сува крпа. Ако слушалките се многу валкани, натопете крпа со растворен неутрален детергент и исцедете ја добро пред да ги исчистите слушалките. Не користете разредувач, бензен или алкохол бидејќи можат да ја оштетат површината на слушалките или да предизвикаат други штети.
Ажурирајте ги вашите слушалки со најновите верзии на фирмверот.
Ако ја користите апликацијата Sony | Headphones Connect, таа ќе ве извести кога ќе има ново ажурирање за преземање.
Ажурирајте го фирмверот на слушалките со најновата верзија за да ги добиете сите подобрувања и корекции на грешки.
Ако сè уште не сте ја преземале апликацијата Headphones Connect, тогаш преземете ја преку линковите или QR-кодовите подолу.
Имате прашање што сакате да го одговориме? Прво погледнете тука и дознајте повеќе за најчесто поставуваните прашања од други корисници на слушалките WH-CH520.
Електронското коло за поништување шум го открива надворешниот шум користејќи вградени микрофони и испраќа еднаков, но спротивен сигнал за поништување во слушалките. Со создавање на спротивниот сигнал, слушалките блокираат голем дел од надворешните извори на звук. Сепак, важно е да не заборавите на следното:
За повеќе информации, прочитајте ја следната статија.
Звукот може да патува само ако има медиум што ќе го транспортира, како воздух, вода, стакло или метал. Ако застанете во празна соба со звучник што репродуцира музика, тогаш ќе можете да ја слушнете музиката. Меѓутоа, ако воздухот од таа соба се отстрани, звучникот ќе продолжи да функционира, но нема да можете да слушнете никакви звуци бидејќи ќе нема медиум за транспортирање на звучните бранови.
Кога користите поништување на шум може да слушате надворешни звуци поради:
Прочитајте ја статијата за да дознаете како да го подобрите поништувањето на шумот.
Проверете ги спецификациите на вашиот уред на страницата за поддршка за модели, за да утврдите дали вашиот телевизор и слушалките, звучниците и звучникот во вид на лента со Bluetooth® поддржуваат A2DP (Advanced Audio Distribution Profile).
Ставете го поврзаниот уред каде што го користите со слушалките и репродуцирајте музика или звук најмалку 2 минути. Потоа, веднаш допрете "Help" во апликацијата "Sony | Headphones Connect" и изберете "Проверка на јачината на Bluetooth-сигналот" за да ги прикажете резултатите.
Дознајте сè што треба да знаете за WH-CH520.
Добивајте информации за најновите ажурирања на фирмверот, вести и известувања.
